युहन्‍ना 14:3 - याम्फु

³ का खे़ॽनुङ हे़निङ्‌मि लागि ठाउँ पोरोक्‍इनुङे, मोबा फेरि टेजानुङ हे़निङ्‌सो का पेन्‍ढामबेॽ चिक्‍खे़ॽनिम्‍ने़। मोडोक्‍नोॽ मोबेॽ हे़निङ कानुङ सोरि पेङ्‌इन्‍डानिङे।

युहन्‍ना 14:3 Iomraidhean Croise

युहन्‍ना 12:26

काङ्‌मि योम्‍बोक ले़ःॽमा मिॽखुबा कानुङ राम्‍मा खे़ये। का हाम्‍बेॽ हाम्‍बेॽ खे़ॽए़ङे, काङ्‌मि योम्‍बोक ले़ःॽमा मिॽखुबासो मोबेॽनोॽ खे़ॽमा खे़ये। काङ्‌मि पाबाडे़ॽ खो खाङ्‌इन्‍डुए।”

युहन्‍ना 14:28

‘का इगोबाङ खे़ॽमे़ॽनिङ्‌सिङे, मोबा फेरि हे़निङ्‌बेॽ लेङ्‌इङे़’ के़ॽ हे़निङ लुबॽआ खागो खेम्‍बेटानुम। हे़निङे़ॽ का नम्‍नम ले़न्‍डानुमहोङ्‌गो का पाबाबेॽ खे़ॽमे़ॽनिङ्‌सिङे लुबॽआ खा खेम्‍नुङ साप्‍थाक्‍सानिङे, इन्‍ढोङ्‌होङ पाबागो काबाङ महान ले़ये।

युहन्‍ना 14:4

का खे़ॽमे़ॽनिङ्‌सिङे ठाउँमि राम हे़निङे़ॽसो लेन्‍डानुमे।”

युहन्‍ना 17:24

“पाबा, के़ॽ मिॽइनुङे, हे़ने़ॽ का पिबॽआजि कानुङ्‌नोॽ सोरि टुमिरो, मोबा हे़ने़ॽ का पिबॽआ के़ए़ महिमा खोजिडे़ॽ खाङ्‌डोक्‍टुजिरो। मो महिमा चाहिँ मक्‍खाम्‍डेम सिरिस्‍टि लिमा याक्‍लोएबाङ्‌नोॽ हे़ने़ॽ का नम्‍नम ले़ःॽपॽआसे़ॽ पिबॽआ ले़टे़।

एप्‍पा चोङ्‌सा 1:11

“होउ गालिलबेॽहा याॽमिजि, इन्‍ढोङ नान्‍द्‌रुङ्‌माबेॽ खाङ्‌मे़ॽनिङ्‌सिडानुमे ? हे़निङे़ॽ येसु थाङ्‌सिरिॽटु ठेॽपोक्‍खे़ॽपॽआ खाङ्‌इटानुमे मोडोक्‍नोॽ खो इक्‍याक फेरि लेङ्‌इये।”

रोमि 8:17

इडोॽ कानिङ निवाहाङ्‌मि पसाजि ले़न्‍डिङ्‌माहोङ्‌गो हकदारसो ले़न्‍डिङ्‌मा, मोबा खिरिस्‍टनुङ्‌नोॽ सोरि हकदार लिसिङ्‌मा। खोनुङ खेः आङ्‌इन्‍डुङ्‌माहोङ्‌गो कानिङ खोनुङ महिमितसो लिन्‍डिङ्‌मा।

फिलिप्‍पि 1:23

कागो इमा ले़ःॽमे ले़ःॽमे लिटिङे। इगो मक्‍खाम्‍डेम याःॽयानुङ खिरिस्‍टनुङ सोरि पेम्‍मासो का सारो मिङ्‌इङे। खोनुङ पेम्‍मा चोप्‍पाङ नुबा ले़ये।

२ थेस्‍लोनिकि 1:12

मोडोॽ लिहोङ कानिङ्‌मि परभु येसुमि ओहाङ लिये। मोबा खोबाङ्‌सो हे़निङ्‌मि ओहाङ लिये, इन्‍ढोङ्‌होङ हे़निङे़ॽ निवाहाङ पाबानुङ परभु येसु खिरिस्‍टबाङ अनुग्‍रहा चुप्‍मिटानुमे।

२ तिमोथि 2:12

कानिङे़ॽ खोसे़ॽडोक्‍नोॽ दुःख आक्‍सुङ्‌माहोङ, खोमि राज्‍य लेम्‍मे याकपेॽ खोनुङ्‌नोॽ राज्‍यसो ले़टोक्‍इन्‍डुङ्‌मा। कानिङे़ॽ खो इन्‍कार ले़ःॽटुङ्‌माहोङ, खोसे़ॽसो कानिङ इन्‍कार ले़ये।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

परकास 3:21

के़ॽ हेजानुङ पाबानुङ खोमि पेन्‍ढामबेॽ सोरि पेन्‍डोक्‍टिडोॽ, हेजाघुबा का पेन्‍ढामबेॽ सोरि पेम्‍मे अधिकार पिनुङे़।