युहन्‍ना 12:2 - याम्फु

² येसु लेम्‍बॽआसे़ॽ साप्‍थाङ्‌मानुङ खोजिडे़ॽ युडामि चामा उङ्‌मा ङिसुजि। मारथाडे़ॽ चाबाङ्‌जि चामा पिमे़ॽनिङ्‌सिडुजे, लाजरस चाहिँ येसुनुङ हाइखा चाबाङ्‌जिनुङ चामा चासिॽ पेम्‍बॽआ ले़टे़।

युहन्‍ना 12:2 Iomraidhean Croise

मत्‍ति 26:6

येसु बेथानियाबेॽए सिमोनमि खिमबेॽ खडा, खो याक्‍लो सुक्‍टुबाङेॽ सुक्‍पॽआ ले़टे़।

मरकुस 14:3

येसु बेथानियाबेॽ याक्‍लो सुक्‍टुबाङेॽ राःप्‍पॽआ सिमोनमि खिमबेॽ चामा चासिॽ पेम्‍माबेॽ इक्‍को मेॽनमिॽ रुङ्‌गोॽवाबाङ टोङ्‌बॽआ बतलबेॽ जटामसि से़ङ्‌से़ङ केवा याङ्‌मानुङ मोबेॽ लेस्‍सा, मो बतलनुङ केवा बेॽलो माहागो सिॽटे़। मो नाम्‍जानुहा केवामि बतल पोक्‍नुङ येसुमि निन्‍डवाँबेॽ चोप ओप्‍एम्‍बेॽटु।

लुका 12:37

मायोङ्‌बा लेम्‍माबेॽ मे़इम्‍रेॽ पेङ्‌घुबा सेउतेजिडे़ॽनोॽ ओहाक चुप्‍मिन्‍डुजेनुङ माहाजि साप्‍थाङ्‌डोक्‍इम्‍मे। चइबानोॽ के़ॽ हे़निङ लुनिम्‍ने़, मो मायोङ्‌बाडे़ॽ खोम सेउतेजि चाबाङ्‌जिडोक्‍नोॽ ले़ःॽनुङ चामा खे़ङ चुङ्‌नुङ नुरोॽ हिङ्‌इन्‍डुजे।

लुका 14:12

येसुडे़ॽ खो चामा चासिॽ के़ःॽखुबा एप्‍पा लुसु, “हे़ने़ॽ भत्‍तेरबेॽ चासिॽ के़ःॽमाबेॽ हे़ने़हा टाङ्‌बाङ्‌जि, वावानिसा, पेन्‍लागामजि, टाङायोङ्‌बा लङ्‌गामजिरेॽनोॽ ए़ॽके़डाजे। माहाजिडे़ॽको हे़ने़ॽडोक्‍नोॽ चामा चासिॽ के़ःॽनुङ हे़ने़ॽ चामा हिङ्‌बॽआ साटो टेबेन्‍डुजे।

लुका 22:27

खेप्‍सानुमे, चामा चासिॽ पेङ्‌घुबा मायोङ्‌बानुङ चामा पिघुबा सेउतेबेॽ असा चाहिँ एप्‍पा ? मायोङ्‌बानोॽ एप्‍पा ने़ॽने़ ? तर कागो हे़निङ चामा पिघुबा सेउतेडोक्‍नोॽ लिटिङे।

लुका 5:29

मोबा ए़क्‍साङ मो लेबिडे़ॽ येसुमि लागि खोमि खिमबेॽ बेॽए भत्‍तेर ले़टु। मोबेॽ मे़क्‍चेन लाघुबाजिनुङ हाइखा बेॽलो याॽमिजिसो टुसामि।

परकास 3:20

खेप्‍सानुमे, का राम्‍डेमबेॽ येःप्‍नुङ ढकढक रोःइनुङे। सेम्‍ला खेम्‍नुङ राम्‍डेम हेनानुमहोङ का होङ्‌सिॽयु लेङ्‌इङे़, हे़निङ्‌नुङ सोरि पेन्‍नुङ चामा चाङे, मोबा हे़निङ्‌सो कानुङ सोरि पेन्‍नुङ चान्‍डानुमे।