युहन्‍ना 11:57 - याम्फु

⁵⁷ एप्‍पा याडाङ्‌बानुङ फरिसिजिडे़ॽ चाहिँ येसु राःप्‍मामि “खो हाम्‍बेॽ टुये लेडोक्‍नुङ कानिङ लम्‍बवाँ पिमा” लुनुङ लुबॽआ ले़टामे।

युहन्‍ना 11:57 Iomraidhean Croise

युहन्‍ना 10:39

इडोक्‍मा खा खेम्‍नुङ फेरि येसु राःप्‍मा योगुजि, तर खो माहाजिमि हुकबाङ लेक्‍खडा।

युहन्‍ना 9:22

मोमि खोम्‍बा खोम्‍मा माहा यहुदिजिनुङ किस्‍सिबॽआसे़ॽ मोडोॽ लुसुजि। इन्‍ढोङ्‌होङ असे़ॽ येसु मुक्‍ति पिघुबा हाङ्‌बा खिरिस्‍ट लुनुङ बिस्‍वास ले़न्‍डुजे मो याॽमि यहुदिजि सुम्‍ढाम खिमबाङ यिक्‍पेमा खे़ये लुनुङ यहुदिजिडे़ॽ याक्‍लोनोॽ मोत्‍ता ले़ःॽपेबॽआ ले़टे़।

युहन्‍ना 8:59

मोबा माहाजिडे़ॽ येसु रुङ्‌गोॽवाडे़ॽ फे़ङ्‌नेमा योगुजि, तर येसु खुस्‍रिङ्‌मु मन्‍दिरबाङ खे़ॽपेसा।

युहन्‍ना 11:46

तर माहाजिबेॽ इन्‍डोक जनाडे़ॽ चाहिँ फरिसिजिबेॽ खे़ॽनुङ, येसुडे़ॽ ले़ःॽपॽआ योम्‍बोकमि टुम्‍बेॽ इःबेॽटुजि।

युहन्‍ना 11:47

मोबा एप्‍पा याडाङ्‌बाजिनुङ फरिसिजिडे़ॽ यहुदिजिमि बेॽए सभाबेॽहा याॽमिजि के़ःॽनुङ लुसुजि, “हागो कानिङे़ॽ इमाङ ले़ःॽमे ? इन्‍ढोङ्‌होङ इगो याॽमिडे़ॽको बेॽलो खरिहा योम्‍बोक ले़ःॽमे़ॽनिङ्‌सिन्‍डु।