याकुब 4:4 - याम्फु

⁴ होउ बेभिचार ले़ःॽखुबा याॽमिजि, मक्‍खाम्‍डेमबेॽहा थोकनुङ लङ्‌गाम ले़ःॽमा लुबॽआ चाहिँ, निवाहाङ्‌नुङ सतुर लिबॽआ लुमे खा हे़निङे़ॽ लेसानुम्‍ने ? मोडोगे़ॽ असे़ॽ मक्‍खाम्‍डेमबेॽहा मङे़हा योम्‍बोकनुङ लङ्‌गाम ले़न्‍डुए, मोसे़ॽ खोमटाङ्‌बा निवाहाङ्‌मि सतुर लिये।

याकुब 4:4 Iomraidhean Croise

मत्‍ति 12:39

येसुडे़ॽ माहाजि लुसुजि, “दुस्‍टानुङ निवाहाङ्‌बेॽ भरोसा मे़ॽनिङ्‌हा पुस्‍ताडे़ॽ चिङ्‌गा योॽइन्‍डुजे। तर इगो पुस्‍ताबेॽहा याॽमिजिडे़ॽ योना अगमबक्‍तामि चिङ्‌गाबाङ हाइखा चिङ्‌गा खाङ्‌डोक्‍टुजिने।

मत्‍ति 16:4

आयुहा दुस्‍टनुङ निवाहाङ्‌बेॽ भरोसा मे़ॽनिङ्‌हा पुस्‍ताजिडे़ॽ खरिहा चिङ्‌गा खाङ्‌मा योॽइन्‍डुजे, तर योनामि हिङ्‌मवाबेॽ लिबॽआ खरिमा चिङ्‌गाबाङ हाइखा चिङ्‌गा खाङ्‌डोक्‍टुजिनिबा।” मोबा मोबेॽ माहाजि याःॽयानुङ येसु खे़प्‍पेसा।

मत्‍ति 6:24

“असे़ॽसो निच्‍चि मायोङ्‌बामि सेवा ले़ःॽहेसुनि। इन्‍डोक्‍नोॽ ले़ःॽमायोक्‍माबेॽसो इक्‍को सिॽचोन्‍डुए, हाइको चाहिँ नेन्‍जोन्‍डुए। इक्‍को आदर ले़न्‍डुए हाइको हेला ले़न्‍डुए। मोडोगे़ॽ हे़निङे़ॽसो निवाहाङ्‌नुङ याङ्‌सरावामि सेवा इक्‍खेप्‍पेॽ ले़ःॽहेसानुम्‍नि।

लुका 19:27

“‘हागो असाजिडे़ॽ का हाङ्‌बा लिबॽआ नेन्‍जामिने माहा सतुरजि चोप चिॽआप्‍नुङ के़ए़ पोम्‍बेॽनोॽ सेॽनेसानुमे’।”

युहन्‍ना 15:19

हे़निङ इगो मक्‍खाम्‍डेमबेॽहाजि ले़टानिङ्‌होङ खोजिडे़ॽ टाङ्‌बाङ मिॽनुङ हेनिङ नम्‍नम ले़टामि होला। तर हे़निङ इगो मक्‍खाम्‍डेमबेॽहाजि ले़टानिङ्‌नि, इन्‍ढोङ्‌होङ के़ॽ हे़निङ इगो मक्‍खाम्‍डेमबाङ से़म्‍बॽआसे़ॽ मक्‍खाम्‍डेमबेॽहाजिडे़ॽ हे़निङ सिॽचाम्‍मे।

युहन्‍ना 17:14

के़ॽ हे़ने़हा बचन खोजि पिटुङ्‌हाजि, तर खोजिसो काडोक्‍नोॽ मक्‍खाम्‍डेमबेॽहा याॽमिजि ने़ॽनिहाजि मोडोगे़ॽ मक्‍खाम्‍डेमबेॽहा याॽमिजिडे़ॽ खोजिसो सिॽचोन्‍डुजे।

युहन्‍ना 7:7

मक्‍खाम्‍डेमबेॽहा याॽमिजिडे़ॽ हे़निङ सिच्‍चामिने, तर कागो सिच्‍चाम्‍मे, इन्‍ढोङ्‌होङ मक्‍खाम्‍डेमबेॽहा याॽमिजिमि चाल चलन मङे़हा ले़हा लुनुङ के़ॽ लुनुङ्‌हा।

रोमि 5:10

इन्‍ढोङ्‌होङ कानिङ निवाहाङ्‌मि सतुर ले़ःॽमाबेॽनोॽ खोमि पसा खिरिस्‍टमि बलिबाङ निवाहाङ्‌नुङ कानिङ चुप्‍मिटिङ्‌मे़, चइबानोॽ हागोगो कानिङ खोमि याॽमि लिबॽआसे़ॽ खोसे़ॽ कानिङ रच्‍छे ले़ये।

रोमि 8:7

इन्‍ढोङ्‌होङ पापि निवा खिनुङ राम्‍खुबा चाहिँ निवाहाङ्‌मि लागि सतुर लिये। मो याॽमिडे़ॽ निवाहाङ्‌मि धारमिक नियम पालना ले़टुनिबा, मोसे़ॽ मो खा ले़ःॽनोॽ ले़ःॽहेसुनिबा।

१ कोरिन्‍थि 1:20

खोइ निवादाङ्‌बा हाम्‍बेॽटे टुये ? यहुदि नियम इःॽखुबा हाम्‍बेॽटे टुये ? खोइ इगो युगमि निवादाङ्‌बा काघुबा हाम्‍बेॽटे टुये ? इमा निवाहाङ्‌डे़ॽ याॽमिजिमि निवा योम्‍बोक मे़ॽनिङ्‌मा मे़न्‍टोक्‍सुए ?

१ कोरिन्‍थि 1:21

याॽमिजिमि टाङ्‌बामिनोॽ निवाडे़ॽ निवाहाङ लेहेसुजिने लुमे़ खा निवाहाङ्‌डे़ॽ लेबॽआसे़ॽ खोमिनोॽ निवामि सक्‍तिबाङ सुसमाचार खेम्‍मेॽमाबेॽ याॽमिजिडे़ॽ उम्‍बरिङ मिॽटुजे, मो सुसमाचारनोॽ खेम्‍नुङ बिस्‍वास ले़ःॽखुबा याॽमिजि निवाहाङ्‌डे़ॽ हिङ्‌मेॽमा मिॽटु।

गलाति 1:10

इडोॽ लुनुङ के़ॽ याॽमिजि साप्‍थाङ्‌मेॽमामि लागि लुबॽआ ने़ॽनि, के़ॽ निवाहाङ साप्‍थाङ्‌मेॽमा मिॽइनुङे, का याॽमिजिमि नेन्‍जामारोमा लिमामि लागि ने़ॽनि, इडोॽ ले़टुङ्‌होङ्‌गो का खिरिस्‍टमि सेउते ले़ःॽङानि।

याकुब 1:27

निवाहाङ पाबाडे़ॽ नेन्‍जाबॽआ चाइबमा धरमि लुबॽआ चाहिँ दुःखबेॽ सिॽपॽआ राङ्‌मिॽमाजिनुङ टाङ्‌बाङ मे़ॽनिङ्‌हा नानिजि खाङ्‌मा, मोबा मक्‍खाम्‍डेमबेॽहा मङे़हा खाबाङ ओः पेम्‍मानोॽ नुबा लिये।