याकुब 2:5 - याम्फु

⁵ के़हा वावानिसानुङ नानुसाजि खेप्‍सानुमे, निवाहाङ्‌डे़ॽ इगो मक्‍खाम्‍डेमबेॽहा गरिबजि बिस्‍वासबेॽ टाङायोङ्‌बा टोङ्‌मामि, मो राज्‍यमि उत्‍तराधिकारि लिमामि सेङ्‌इटुजे ने़ॽने ? खोसे़ॽ इगो राज्‍यनोॽ खो नम्‍नम ले़ःॽखुबाजि पिनुङ्‌हाजि लुनुङ चुप्‍लाङ हे़म्‍बॽआ ने़ॽनेन्‍डे ?

याकुब 2:5 Iomraidhean Croise

मत्‍ति 11:5

मिक मे़ए़ॽखुबाजि मिक ए़ॽपोगामि, सोक्‍लोङ्‌गे़याजि राम्‍बोक्‍इटामि, सुक्‍टुबाङेॽ सुक्‍पॽआजि चोखो लिनुङ नुबोगामि, ने़ए़क मे़ङ्‌खेम्‍खुबाजि खेम्‍बोगामि, सिघे़ॽपॽआजि हिङ्‌बोगामि, दुःखि गरिबजिडे़ॽ सुसमाचार खेम्‍डोक्‍इटुजि।

मत्‍ति 25:34

मोबा हाङ्‌बाडे़ॽ टाङ्‌बामि चुप्‍थिङ्‌लामबेॽहाजि लुन्‍डुजे, ‘आबानिङे, के़ए़ पाबाबाङ आसिस चुप्‍खुबाजि! मक्‍खाम्‍डेम सिरिस्‍टि लिबॽआबाङ हे़निङ्‌मि लागि पोरोक्‍नुङ युङ्‌बॽआ राज्‍यबेॽ अधिकार ले़टानुमे।

मत्‍ति 5:3

“निवाहाङ्‌मि पोम्‍बेॽ टाङ्‌बा इमाङ्‌सो ने़ॽनिबा मिॽखुबाजिडे़ॽ आसिस चुप्‍मिन्‍डुजे, इन्‍ढोङ्‌होङ निवाहाङ्‌मि राज्‍य खोजिमिन्‍नोॽ ले़ये।

मरकुस 7:14

येसुडे़ॽ फेरि चोप याॽमिजि के़ःॽनुङ लुसुजि, “लो चोबे़ॽ के़हा खा नुरोॽ निवा टिनुङ खेप्‍सानुमे, लेयागानुमे।

लुका 12:21

मोबा येसुडे़ॽ मो खानवा इडोक्‍पेॽनोॽ येॽसाङ लुसु, “टाङ्‌बामि लागि याङ्‌सरावा सुम्‌युङ्‌घुबा, तर निवाहाङ्‌मि लागि याङ्‌सरावा मे़सुम्‍खुबा याॽमिजिमि दसा इडोक्‍नोॽ लिये।”

लुका 12:32

येसुडे़ॽ फेरिसो लुसु, “होउ के़हा चोङ्‌साजि, हे़निङ ए़डे़म्‍मा बगालडोॽ ले़न्‍डानिङे, हे़निङ ए़ॽकिसिसानिङे! इन्‍ढोङ्‌होङ निवाहाङ्‌डे़ॽ खोमि राज्‍य हे़निङ पिमा मिॽइटुए।

लुका 16:22

“इक्‍याक मो गरिब लाजरस सिघडा। मोबा इक्‍को निप्‍पाङ थाङ्‌सिरिदुतजिडे़ॽ खो योङ्‌घे़ॽनुङ अब्‍राहाममि के़क्‍पेॽ हुप्सुजि। मोबा इक्‍याक नियाक ए़क्‍साङ मो टाङायोङ्‌बासो सिघडा।

लुका 16:25

तर अब्‍राहामडे़ॽ मो याॽमि लुसु, ‘पसा इक्‍खेॽ मिॽखाक्‍से, हे़न मक्‍खाम्‍डेमबेॽ टुमाबेॽ हे़ने़ॽ सुखनुङ सान्‍ति चुप्‍टु, तर लाजरसडे़ॽ खेःरेॽ आक्‍सु। आयु लाजरसडे़ॽ सुखनुङ सान्‍ति चुप्‍मिटुए, हे़ने़ॽ खेःलोकपेॽ खेःआङ्‌मे़ॽनिङ्‌सिन्‍डुए।

लुका 22:29

के़ए़ पाबे़ॽ का राज्‍य ले़ःॽमे अधिकार पिटिङे मोडोक्‍नोॽ के़ॽ हे़निङ्‌सो अधिकार पिनिम्‍ने़।

लुका 6:20

मोबा ए़क्‍साङ येसुडे़ॽ टाङ्‌बामि चोङ्‌साजि खाङ्‌नुङ लुसुजि, “इमाङ्‌सो मे़ङ्‌काप्‍खुबाजि हे़निङे़ॽ निवाहाङ्‌बाङ आसिस चुप्‍मिन्‍डानुमे! इन्‍ढोङ्‌होङ निवाहाङ्‌मि राज्‍य हे़निङ्‌मिनोॽ ले़ये।

युहन्‍ना 7:48

इमा कानिङ्‌मि डायोङ्‌बाजिनुङ यहुदि धारमिक नियम इःॽखुबाजिबेॽ असे़ॽटे खो बिस्‍वास ले़ए़टुए ?

एप्‍पा चोङ्‌सा 7:2

मोबा स्‍तिफनसडे़ॽ माहाजि लुसुजि, “होउ, वावानिसानुङ पाबाजि के़हा खा खेप्‍सानुमे। कानिङ्‌मि टुबा अब्‍राहाम हारान लुमे ठाउँबेॽ खे़ॽमा, याक्‍लो खो मेसोपोटामियाबेॽ पेम्‍माबेॽ चोप्‍पाङ बेॽए निवाहाङ्‌डे़ॽ सेन्‍जिसेम्‍माङ पिसु।

रोमि 8:17

इडोॽ कानिङ निवाहाङ्‌मि पसाजि ले़न्‍डिङ्‌माहोङ्‌गो हकदारसो ले़न्‍डिङ्‌मा, मोबा खिरिस्‍टनुङ्‌नोॽ सोरि हकदार लिसिङ्‌मा। खोनुङ खेः आङ्‌इन्‍डुङ्‌माहोङ्‌गो कानिङ खोनुङ महिमितसो लिन्‍डिङ्‌मा।

१ कोरिन्‍थि 2:9

तर धारमिक नेॽचिराबेॽ इडोॽ साप्‍पॽआ ले़ये, “याॽमिजिमि मिगे़ॽ मे़ङ्‌खाङ्‌बॽआ, ने़ए़कडे़ॽ मे़ङ्‌खेम्‍बॽआ, मोबा निवाबेॽ मे़मिॽपॽआ खानोॽ निवाहाङ्‌डे़ॽ खो नम्‍नम ले़ःॽखुबा याॽमिजिमि लागि पोरोक्‌युङ्‌इटुहा।”

२ कोरिन्‍थि 4:15

इघा चोप खा हे़निङ्‌मि लागिनोॽ लिबॽआ ले़ये, इन्‍ढोङ्‌होङ इन्‍डोक बेॽलो याॽमिजिडे़ॽ निवाहाङ्‌मि अनुग्‍रहा चुप्‍मिन्‍डुजे, मोडोक्‍नोॽ बेॽलो खोजिडे़ॽ निवाहाङ्‌मि महिमामि लागि ओहाक पिन्‍डुजे।

२ कोरिन्‍थि 6:10

कानिङ बिलापबेॽ टुन्‍डिङ्‌मारोसो सानिङ हाङ्‌हाङ ले़न्‍डिङ्‌मा। कानिङ इमाङ मे़ॽनिङ्‌हा ले़न्‍डिङ्‌मासो बेॽलो याॽमिजि याङ्‌सरावानुङ्‌हा टोङ्‌इटुङ्‌मे। कानिङ इमाङ मे़ॽनिङ्‌हाजिडोॽ ले़टिहोङ्‌सो कानिङ्‌नुङ चोप थोक टुहा।

२ कोरिन्‍थि 8:9

कानिङ्‌मि परभु येसु खिरिस्‍टडे़ॽ ले़ःॽपॽआ अनुग्‍रहा हे़निङे़ॽ नुरोॽ लेन्‍डानुम। खो चोप थोकमि मायोङ्‌बा ले़टारोसो हे़निङ्‌मि लागि इमाङ मे़ॽनिङ्‌मा लिसा। खो इमाङ मे़ॽनिङ्‌मा लिनुङ हे़निङ टाङायोङ्‌बा टोङ्‌मामि लागि इडोॽ ले़टु।

एफिसि 1:18

के़ॽ इडोॽ लुनुङ्‌सो इगो पारथना ले़नुङे, हे़निङ्‌मि निवामि जोति उरो, हे़निङ हाम्‍बे आसामि लागि के़ए़टे़नुङ, पबित्‍रा याॽमिजिबेॽ खोमि महिमानुङ्‌मा हक अधिकारमि याङ्‌सरावा इमाङ ले़ये, मो हे़निङे़ॽ लेहेसानुमे।

एफिसि 3:8

खिरिस्‍टमि पबित्‍रा याॽमिजिबेॽ का इमा योम्‍बोक मे़ॽनिङ्‌मा ले़टिङ्‌रोसो सिःक्‍माबेॽ सिःक्‍हेनिबा खोमि याङ्‌सरावा सुसमाचार अयहुदि याॽमिजि खेम्‍मेॽमामि लागि का इगो अनुग्‍रहा पिसा।

१ थेस्‍लोनिकि 2:12

हे़निङ चोपनोॽ अरति पिसाङ्‌नुङ हाङ्‌हाङ पिसाङ निवाहाङ्‌डे़ॽ नेन्‍जामारोमा रामबेॽ राप्‍सानिङे लुनुङ आट पिसुङ्‌मा। इन्‍ढोङ्‌होङ खोमि राज्‍यनुङ महिमाबेॽ खोसे़ॽ के़ये।

२ थेस्‍लोनिकि 1:5

इघा चोप खा निवाहाङ्‌मि राज्‍यमि लागि हे़निङ योग्‍य टोङ्‌घुबा मोबा ठिक न्‍याय ले़ःॽखुबा ले़ये लुमे खामि टुम्‍बेॽ लेघुबा खोनोॽ ले़ये। मोमि लागिनोॽ हे़निङे़ॽ खेःसो आङ्‌मे़ॽनिङ्‌सिन्‍डानुमे।

१ तिमोथि 6:18

नुबा योम्‍बोक ले़ःॽखुबाजि, बेॽलो नुबा योम्‍बोकमि टाङायोङ्‌बाजि, निवादाङ्‌बाजिनुङ हाइखाजिनुङ हाःजाखुबाजि लिमे लुनुङ आग्‍या पिसाजे।

२ तिमोथि 4:18

परभुडे़ॽ का चोप मङे़हा खाबाङ जोगा ले़टिङ। इडोॽ खोसे़ॽनोॽ का खोमि थाङ्‌सिरिमि राज्‍यबेॽ लाघे़ङे। खोमि सानिङ्‌नोॽ महिमा लिरो। आमेन।

२ तिमोथि 4:8

हागोगो के़ॽ निवाहाङ्‌मि पोम्‍बेॽ ले़ःॽपॽआ नुबा योम्‍बोकमि धारमिक मुकुट चुप्‍मे बेला लेङ्‌इटे़। मो मुकुट न्‍याय ले़ःॽखुबा परभुडे़ॽ नुबा बेलाबेॽ का पिये, इगो मुकुट कारेॽनोॽ ने़ॽनि, खोमि रामबेॽ नुरोॽ राम्‍साङ खोमि राम खाङ्‌खुबा धरमि याॽमिजि चोपनोॽ खोसे़ॽ पिन्‍डुजे।

हिब्‍रु 11:26

मिस्‍रा देसबेॽहा याङ्‌सरावाबाङ नुबा खा चाहिँ खिरिस्‍टमि लागि सिॽचामा खेः आङ्‌मानोॽ नुबा मिॽटु। इन्‍ढोङ्‌होङ मोसाडे़ॽ खोमि निवा ए़क्‍साङ चुप्‍मे इनामबेॽ टिबॽआ ले़टे़।

याकुब 1:12

आपद बिपद आङ्‌हेघुबा याॽमिडे़ॽनोॽ आसिस चुप्‍मिन्‍डुए। दुःख आङ्‌हेखुबाडे़ॽनोॽ निवाहाङडे़ॽ पिमामि हे़न्‍ज्‍रुङ हे़म्‍बॽआ हिङ्‌मवामि मुकुट चुप्‍मिन्‍डुए।

याकुब 1:16

के़ॽ नम्‍नम ले़ःॽपॽआ के़हा वावानिसानुङ नानुसाजि, हे़निङे़ॽ आम्‍निटाङ्‌बा धोका ए़ॽपिमे़।

याकुब 1:19

के़हा वावानिसानुङ नानुसाजि, इघा खा हे़निङ्‌मि निवाबेॽ नुरोॽ युक्‍सानुमे। हे़निङ खेम्‍माबेॽ चङ्‌खो, नुरोॽ मिॽनुङ यामुमा खे़ये मोबा टाःम सुरके़ॽमा खे़ये।

याकुब 1:9

इमाङ मे़ॽनिङ्‌हा निसाजि हे़निङ बेॽलो साप्‍थाक्‍सानिङे। इन्‍ढोङ्‌होङ निवाहाङ्‌डे़ॽ हे़निङ मान पिये।

१ पत्‍रुस 1:4

निवाहाङ पाबाडे़ॽ इन्‍डोक्‍पेॽसो नासि लिनिबा, मे़खे़ॽनिबा, चोखो अङ्‌स हे़निङ्‌मि लागि थाङ्‌सिरिबेॽ युङ्‌बेटे़।

२ पत्‍रुस 1:11

इडोक्‍नोॽ कानिङ्‌मि परभुनुङ मुक्‍तिदाङ्‌बा येसु खिरिस्‍टमि सानिङ टुडुङ्‌घे़ये राज्‍यबेॽ निवाहाङ्‌डे़ॽ हे़निङ बेॽए स्‍वागत ले़ये।

परकास 2:9

के़ॽ हे़निङे़ॽ खेः आङ्‌मे़ॽनिङ्‌सिन्‍डानुमे लुमे खानुङ इमाङ मे़ङ्‌काप्‍खुबा गरिब ले़न्‍डानिङे लुमे खासो लेनुङ्‌हा। तर चइबानोॽ लुमाबेॽ निवाहाङ्‌मि पोम्‍बेॽ हे़निङ काप्‍चाघुबाजि ले़न्‍डानिङे। टाङ्‌बा यहुदि कामानिघुबाजिडे़ॽ हे़निङ्‌मि बिरोधबेॽ मङे़हा खा इःबॽआसो के़ॽ लेनुङ्‌हा। माहाजि खोजि टाङ्‌बा यहुदि कामानिम्‍मे तर माहाजि यहुदि ने़ॽनिहाजि, अक्‍खाजिगो सैतानमि याॽमिजि ले़म्‍मे।

परकास 21:7

असा असे़ॽ दुस्‍टा योम्‍बोक हेजोन्‍डुजे, माहाजिडे़ॽ काबाङ इघा आसिस चुप्‍मिन्‍डुजे, का माहाजिमि निवाहाङ लिङेनुङ खोजि काङ्‌मि पसाजि लिम्‍मे।

परकास 3:18

मोडोगे़ॽ हे़निङ याङ्‌सरावादाङ्‌बा ले़न्‍डानिङ्‌होङ सुना से़ङ्‌से़ङ, उक्‍चुङ्‌रेक टे़क्‍मामि उथ्‍रिॽमा चेॽ, मोबा मिक ए़ःॽमामि लागि सिडा काबाङ इनानुमे लुनुङ सल्‍लहा पिनिन्‍ने़।