हिब्‍रु 2:3 - याम्फु

³ इडोक बेॽए छुट्‌कारामि खानोॽ ले़ख्‍खो मे़ले़ःॽटुङ्‌माहोङ्‌गो इन्‍डोक्‍टे न्‍यायबाङ ले़ःॽखे़ॽहेन्‍डिङ्‌मा ? इगो छुट्‌कारा याक्‍लो परभुडे़ॽनोॽ परचार ले़टु। खोमि परचार खेम्‍घुबाजिडे़ॽ इगो चाइबमा ले़ये लुनुङ कानिङ परमान पिसामि।

हिब्‍रु 2:3 Iomraidhean Croise

मत्‍ति 23:33

“होउ पुसे़ॽचि, सिक्‍चानुङ्‌मा पुसेॽमि पसाजि, हे़निङ खेःलोकमि दन्‍डाबाङ इन्‍डोॽ लेक्‍खे़न्‍डानिङे ?

मत्‍ति 4:17

मोडोॽ बेलाबाङ्‌नोॽ परचार ले़ःॽसाङ येसुडे़ॽ लुबोगु, “पापबाङ टेसानिङे, इन्‍ढोङ्‌होङ निवाहाङ्‌मि राज्‍य के़क्‍पेॽनोॽ लेम्‍बेटे़।”

मरकुस 1:14

ए़क्‍साङ युहन्‍ना तिरिङ्‌गा खिमबेॽ राःप्‍खे़ॽनुङ ए़क्‍साङ येसुडे़ॽ निवाहाङ्‌मि सुसमाचार याॽमिजि परचार ले़ःॽसाङ गालिलबेॽ लेस्‍सा।

लुका 1:2

माहा चोप लिबोक्‍पॽआबाङ खोजिमिन्‍नोॽ मिगे़ॽ खाङ्‌खुबाजिनुङ इगोमि टुम्‍बेॽए सुसमाचारमि खा खेम्‍मेॽखुबाजिडे़ॽ लुटुजे।

लुका 1:69

खोसे़ॽ टाङ्‌बामि सेउते दाउदमि बङ्‌सबाङ छुट्‌कारा पिघुबा सक्‍तिदाङ्‌बा मुक्‍तिदाङ्‌बा टोङ्‌इटुए।

लुका 24:19

येसुडे़ॽ मोजि सिप्‍सुजि, “इन्‍डोक्‍मा खाडे ?” मोजिडे़ॽ लुसाजु, “नासरत पेङ्‌घुबा येसुमि टुम्‍बेॽए खाडि। खो इक्‍को अगमबक्‍ता ले़टे़, खोसे़ॽ निवाहाङ्‌नुङ चोप याॽमिजिमि रुम्‍बेॽ सक्‍तिदाङ्‌बा योम्‍बोक ले़टुए।

युहन्‍ना 15:27

हे़निङ याक्‍लोएबाङ्‌नोॽ कानुङ टुबॽआसे़ॽ हे़निङ्‌सो काङ्‌मि साक्‍छि ले़न्‍डानिङे।”

एप्‍पा चोङ्‌सा 1:22

खो युहन्‍नामि हुकबाङ येसुडे़ॽ लाबॽआ बप्‍तिस्‍मा मोबा कानिङ्‌मि रुम्‍बाङ परभु येसु थाङ्‌सिरिॽटु ठेॽखे़ॽपॽआठोक लिबॽआ खा खाङ्‌घुबा, लेघुबा याॽमि पाप्‍मिये। परभु येसु हिङ्‌बोक्‍पॽआ खा कानिङे़ॽ लेबॽआडोक्‍नोॽ खोसे़ॽ लेमा खे़ये।”

एप्‍पा चोङ्‌सा 2:22

“होउ इस्‍राएलिजि, इगो खा हे़निङे़ॽ खेप्‍सानुमे। येसुबाङ निवाहाङ्‌डे़ॽ खरिहानुङ सक्‍तिनुङ्‌हा योम्‍बोक हे़निङ्‌मि रुम्‍बेॽ ले़ःॽपॽआगो, हे़निङे़ॽ लेन्‍डानुमे। माहा चिङ्‌गाबाङ निवाहाङ्‌डे़ॽनोॽ येसु पाङ्‌इटुए लुनुङ पक्‍का ले़ःॽपेटुए।

एप्‍पा चोङ्‌सा 4:12

“येसुबेॽरेॽनोॽ पापमि छुट्‌कारा टुये। मोडोगे़ॽ याॽमिजि पापबाङ छुट्‌कारा लिमामि लागि मक्‍खाम्‍डेमबेॽ हाइको निङ माॽआये।”

रोमि 11:14

इडोक्‍मा सुसमाचारमि योम्‍बोकडे़ॽ ले़ःॽमेॽ, के़हा यहुदि जातिजि चेजेवा पुःक्‍मेॽनुङ माहाजिबाङ कोहि कोहिजिडे़ॽ निवाहाङ्‌बेॽ बिस्‍वास ले़न्‍डुजेन्‍डे ?

रोमि 2:3

मोडोगे़ॽ होउ याॽमिजि, हे़निङे़ॽ इडोक्‍हा योम्‍बोक ले़ःॽखुबाजि आप्‍टिक टिन्‍डानुमे, तर टाङ्‌बासो मोडोक्‍हानोॽ योम्‍बोक ले़न्‍डानुमहोङ, इमा निवाहाङ्‌डे़ॽ हे़निङ दन्‍डा पिनिबा मिङ्‌इन्‍डानिङे ?

१ कोरिन्‍थि 1:21

याॽमिजिमि टाङ्‌बामिनोॽ निवाडे़ॽ निवाहाङ लेहेसुजिने लुमे़ खा निवाहाङ्‌डे़ॽ लेबॽआसे़ॽ खोमिनोॽ निवामि सक्‍तिबाङ सुसमाचार खेम्‍मेॽमाबेॽ याॽमिजिडे़ॽ उम्‍बरिङ मिॽटुजे, मो सुसमाचारनोॽ खेम्‍नुङ बिस्‍वास ले़ःॽखुबा याॽमिजि निवाहाङ्‌डे़ॽ हिङ्‌मेॽमा मिॽटु।

१ थेस्‍लोनिकि 5:3

याॽमिजि “सान्‍ति, रच्‍छे ले़ये” लुनुङ ढुक्‍का लिमानुङ पेन्‍डिङ्‌माबेॽनोॽ उक्‍खाइसुम्‍मा बेथा साःबोक्‍टिडोॽ हजोक्‍टोॽ आपद बिपत याक लेङ्‌इये, मोबा माहाजि असासो लेक्‍खे़ॽटोक्‍मिने।

१ तिमोथि 1:15

“येसु खिरिस्‍ट पापिजि पापबाङ हिङ्‌मे़ॽसिॽ इगो मक्‍खाम्‍डेमबेॽ लेम्‍बॽआ” खा बिस्‍वासि चोबे़ॽ लेन्‍डुजे। इगो खा चाइबानोक्‍मा ले़येनुङ चोबे़ॽ पुरा बिस्‍वास ले़ःॽमा खे़ये।

तितस 2:11

इन्‍ढोङ्‌होङ चोप याॽमिजिडे़ॽ मुक्‍ति चुप्‍टुजिरो लुनुङ्‌नोॽ निवाहाङ्‌मि अनुग्‍रहा खाङ्‌मुटे़।

हिब्‍रु 1:1

याक्‍लो याक्‍लो कानिङ्‌मि टुबालाबाजिनुङ अगमबक्‍ताजिमिलामबाङ बेॽलोखेॽ खाल खालहा पाराडे़ॽ निवाहाङ यामुसा।

हिब्‍रु 1:14

तर माहा थाङ्‌सिरिदुतजिगो निवाहाङ्‌डे़ॽ मुक्‍ति पिबॽआ याॽमिजिमि सेवा ले़ःॽसिॽ पाङ्‌बॽआ होङ्‌निवाजिरेॽ ले़म्‍मे।

हिब्‍रु 1:2

तर इघा ए़क्‍साङ्‌ए याकपेॽ खो टाङ्‌बामि पसामिलामबाङ कानिङ्‌नुङ यामुटे़। निवाहाङ्‌डे़ॽ खिरिस्‍टबाङ्‌नोॽ चोप खा टोक्‍सु मोबा खोसे़ॽ टोङ्‌बॽआ चोप थोकमि अधिकार खिरिस्‍टनोॽ पिसु।

हिब्‍रु 12:25

होसियार पेनानिङे, असा यामुमे़ॽनिङ्‌सिये, खो हेला ए़ले़टानुमे। इन्‍ढोङ्‌होङ मक्‍खाम्‍डेमबेॽ चेतावनि खा पिघुबाजि हेला ले़ःॽखुबाजि लेॽखे़ॽहेमिनेहोङ थाङ्‌सिरिबाङ होसियार ले़टानिङे लुबॽआ खा हेला ले़टुङ्‌माहोङ कानिङ इन्‍डोक्‍टे लेक्‍खे़ॽहेन्‍डिङ्‌मा ?

हिब्‍रु 4:1

मोडोगे़ॽ निवाहाङ्‌डे़ॽ नाजामे ठाउँबेॽ पे़खे़ॽमेॽनिम्‍ने़ लुबॽआ हेन्‍ज्‍रुङ हागोरोसो टुये। होसियार ले़ःॽमा खे़ये, मो ठाउँबेॽ हे़निङ चोपनोॽ पे़खे़ॽटोक्‍खुबा लिसानिङे।

हिब्‍रु 4:11

मोडोगे़ॽ कानिङ मो नाजामे ठाउँबेॽ पे़खे़ॽमामि बोल ले़ःॽमा, मोबा निवाहाङ्‌मि खा मे़ङ्‌खेम्‍खुबा इस्‍राएलिजि नास लिडिडोॽ कानिङ असासो नासि ए़ॽलिमा।

हिब्‍रु 5:9

मोबा खो पुरा पक्‍का लिनुङ खोबेॽ भरोसा ले़ःॽखुबाजि चोपमि लागि खो ए़स्‍सिमे मुक्‍तिमि मुल लिसा।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

१ युहन्‍ना 1:1

याक्‍लोएबाङ्‌नोॽ टुबॽआ, कानिङे़ॽ खेम्‍बॽआ, मोबा कानिङ्‌मि मिगे़ॽ खाङ्‌बॽआ, मोबा नुरोॽ वाःप्‍पॽआनुङ कानिङ्‌मि हुगे़ॽ के़क्‍पॽआ हिङ्‌मवामि बचनमि टुम्‍बेॽ कानिङे़ॽ साप्‍मिटुङ्‌मे।

यहुदा 1:17

तर के़ॽ नम्‍नम ले़ःॽपॽआ लङ्‌गामजि, हे़निङे़ॽ चाहिँ कानिङ्‌मि परभु येसु खिरिस्‍टमि एप्‍पा चोङ्‌साजिडे़ॽ याक्‍लोएम्‍बाङ इःॽपॽआ खा मिडानुमे।

परकास 7:10

माहाजि बेॽए सेम्‍लाडे़ॽ इडोॽ कासामि, “हाङ्‌पेन्‍ढामबेॽ पेङ्‌घुबा कानिङ्‌मि निवाहाङ्‌नुङ थुमाडे़ॽ कानिङ्‌मि उद्‌धार ले़ये।”