हिब्‍रु 1:3 - याम्फु

³ खोबाङ्‌नोॽ निवाहाङ्‌मि महिमानुङ्‌मा उज्‍यालो पोॽइये। खो निवाहाङ्‌मि चाइबमा नरिङ ले़ये। खोमि सक्‍तिनुङ्‌मा बचनडे़ॽनोॽ नान्‍द्‌रुङ्‌मानुङ मक्‍खाम्‍डेमबेॽहा चोप थोक टुन्‍डुङ्‌घे़हा। याॽमिजि पापबाङ छुट्‌कारा ले़ःॽसेॽनुङ खो चोप्‍पाङ मिन्‍डुनुङ निवाहाङ्‌मि चुप्‍थिङ्‌लाम पेङ्‌इटे़।

हिब्‍रु 1:3 Iomraidhean Croise

मत्‍ति 22:24

“गुरु, मोसाडे़ॽ लुबॽआ ले़ये, इक्‍को याॽमि पसा मे़लिरेॽ सिघे़ॽहोङ खोमि निसाडे़ॽ मो किॽना फुङ्‌सया ले़ःॽनुङ वावामि लागि पसा टोङ्‌बेॽमा खे़ये।

मरकुस 16:19

इडोॽ खोमि चोङ्‌साजिनुङ खा इःसे़ॽनुङ परभु येसु थाङ्‌सिरिॽटु ठेॽपोॽखे़ॽनुङ निवाहाङ्‌मि चुप्‍थिङ्‌लाम पेना।

युहन्‍ना 1:14

बचन चाहिँ हिङा लिसा मोबा सत्यातानुङ अनुग्‍रहाडे़ॽ पुरा लिनुङ कानिङ याॽमिजिनुङ सोरि हिक्‍सा। कानिङे़ॽ खोमि महिमा खाङ्‌डोक्‍टुङ्‌मा, मो महिमा पाबाबाङ लेम्‍बॽआ इक्‍कोमा पसामिडोक्‍मा ले़टा।

युहन्‍ना 1:29

वागियाराम युहन्‍नाडे़ॽ येसु खोबेॽ आप्‍मे़ॽनिङ्‌सिबॽआ खाङ्‌डोक्‍नुङ लुसु, “खाक्‍सानुमे, मक्‍खाम्‍डेमबेॽहा याॽमिजिमि पाप खिघे़ॽखुबा निवाहाङ्‌मि थुमा!

युहन्‍ना 1:4

खोबेॽ हिङ्‌मवा टुसा, मो हिङ्‌मवाडे़ॽनोॽ याॽमिजि उज्‍यालो पिसुजे।

एप्‍पा चोङ्‌सा 2:33

निवाहाङ्‌डे़ॽ येसु बेॽएम्‍मा टोङ्‌नुङ खोमि चुप्‍थिङ्‌लाम युङ्‌इटुए। मोबा खोसे़ॽ हे़न्‍ज्‍रुङ हे़म्‍बॽआडोक्‍नोॽ पबित्‍रा होङ्‌निवा पिसु। मोबा माहा होङ्‌निवानोॽ परभु येसुडे़ॽ कानिङ हाङ्‌बिटे़नुङ ‘इडोॽ लिमे़ॽनिङ्‌सिहा’ माहा खानोॽ हे़निङे़ॽ खाङ्‌मे़ॽनिङ्‌सिन्‍डानुमे मोबा खेम्‍मे़ॽनिङ्‌सिन्‍डानुमे।

एप्‍पा चोङ्‌सा 7:56

मोबा खोसे़ॽ इडोॽ लुसु, “खाक्‍सानुमे, के़ॽ थाङ्‌सिरि हेम्‍बुक्‍पॽआनुङ याॽमिमि पसा येसु निवाहाङ्‌मि चुप्‍थिङ्‌लाम येःप्‍पॽआ खाङ्‌मे़ॽनिङ्‌सिनुङे।”

रोमि 1:16

याॽमिजि सुसमाचार खेम्‍मेॽमा का ङेसिङानि, इन्‍ढोङ्‌होङ बिस्‍वास ले़ःॽखुबा चोप याॽमिजिबेॽ याक्‍लो यहुदिजिमि लागि, मोबा अयहुदिजिमि लागिसो इगो सुसमाचार निवाहाङ्‌मि सक्‍ति ले़ये।

रोमि 8:34

मोडोगे़ॽ हे़निङ दन्‍डामि आग्‍या पिघुबा असाडे ? हे़निङ्‌मि लागि सिघुबा येसु खिरिस्‍ट खो सिबॽआबाङ निवाहाङ्‌डे़ॽ हिङ्‌बोगु आयु निवाहाङ्‌मि चुप्‍थिङ्‌लाम टुये, मोबा खोसे़ॽ कानिङ्‌मि लागि निवाहाङ्‌नुङ बिन्‍ति ले़ःॽमे़निङ्‌सिन्‍डुए।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

कलस्‍सि 3:1

हे़निङ खिरिस्‍टनुङ सोरि हिङ्‌बोक्‍पॽआसे़ॽ थाङ्‌सिरिॽटुहा खा योगानुमे, मोबेॽ खिरिस्‍ट टुयेनुङ खो निवाहाङ्‌मि चुप्‍थिङ्‌लाम पेङ्‌इटे़।

तितस 2:14

कानिङ चोप खालहा पापबाङ फाक्‍मामि लागिनोॽ फाक्‍खुबा हाङ्‌बा खिरिस्‍टडे़ॽ खोमि हिङ्‌मवा पिटे़। मोबा कानिङ खोमि याॽमि टोङ्‌मामि लागि चोखो टोक्‍सानुङ नुबा योम्‍बोक निवा टिनुङ ले़ःॽमे़ॽमामि इडोॽ ले़टु।

हिब्‍रु 1:13

निवाहाङ्‌डे़ॽ हाम्‍बे थाङ्‌सिरिदुत, “के़ॽ हे़ने़हा सतुरजि हे़ने़ए़ सराङ्‌फे़क्‍माहोङ्‌बेॽ मे़युङ्‌रो हे़न के़ए़ चुप्‍थिङ्‌लाम पेने।” लुनुङ इन्‍डोक्‍पेॽ लुसुए ?

हिब्‍रु 10:12

तर खिरिस्‍टडे़ॽको पाप वासोक्‍मामि इकखेॽपेॽ सानिङ्‌मि लागि बलि चेॽटिसु, मोबा खो निवाहाङ्‌मि चुप्‍थिङ्‌लाम पेङ्‌इटे़।

हिब्‍रु 12:2

कानिङ्‌मि बिस्‍वास तरिक्‍खुबानुङ मो पुरा ले़ःॽखुबा येसुलाम खाङ्‌मा। खोसे़ॽ खोमि पोम्‍बेॽ युङ्‌बेॽपॽआ काप्‍सिङ्‌मि खेः खाङ्‌नुङ ए़ङ्‌गुवालाम मे़न्‍सेना। मोमि साटो खेः आङ्‌नुङ ए़क्‍साङ चुप्‍मिये हाङ्‌हाङ्‌मि लागि काप्‍सिङ्‌बेॽ बेजेत आङ्‌सिॽ पोरोगा। आइ खो निवाहाङ्‌मि पेन्‍ढाममि चुप्‍थिङ्‌लाम पेङ्‌इटे़।

हिब्‍रु 4:14

थाङ्‌सिरि खे़ॽपॽआ निवाहाङ्‌मि पसा येसुनोॽ कानिङ्‌मि चोप्‍पाङ महान एप्‍पा याडाङ्‌बा लिसा। मोडोगे़ॽ कानिङे़ॽ ले़ःॽपॽआ बिस्‍वास नुरोॽ जोगा ले़ःॽयुङ्‌मा।

हिब्‍रु 7:27

हाइखा चोप्‍पाङ एप्‍पा याडाङ्‌बाजिडे़ॽ याक्‍लो टाङ्‌बामि लागि मोबा ए़क्‍साङ हाइखा याॽमिजिमि पापमि साटो बलि चेॽटिन्‍डुजे। तर येसुडे़ॽ माहाजिडे़ॽ चेॽटिबॽआडोॽ सानिङ बलि चेॽटिमा पाप्‍निबा। इन्‍ढोङ्‌होङ खोसे़ॽ याॽमिजिमि पाप सानिङ्‌मि लागि आम्‍लाङ लिरो लुनुङ खो इक्‍खेॽपेॽ बलि लिसा।

हिब्‍रु 8:1

हागो कानिङे़ॽ लुमायोक्‍पॽआ खा चाहिँ इगो ले़ये, कानिङ्‌मि इडोक्‍मा चोप्‍पाङ एप्‍पा याडाङ्‌बा टुये, खो थाङ्‌सिरिबेॽ महान निवाहाङ पेन्‍ढाममि चुप्‍थिङ्‌लाम पेङ्‌इटे़।

हिब्‍रु 9:16

इन्‍ढोङ्‌होङ कोहि याॽमिडे़ॽ खोमि इच्‍छा पत्‍रामि नियम खाङ्‌माहोङ मो इच्‍छा पत्‍रा पक्‍का ले़ःॽमामि मो साप्‍खुबा याॽमि सिघे़ॽपेटे़ लुनुङ याक्‍लो खाङ्‌मुमा खे़ये।

हिब्‍रु 9:26

इडोॽ सानिङ खे़ॽमाहोङ्‌गो मक्‍खाम्‍डेम सिरिस्‍टि लिबॽआबाङ आयुरो हागोसो हागोसो खोसे़ॽ खेः आङ्‌मा खडे़, तर इगो रुक्‍खे़ॽमे याकपेॽ खिरिस्‍ट सानिङ्‌मि लागि इक्‍खेॽपेॽ लेस्‍सा मोबा याॽमिजि पापबाङ छुट्‌कारा ले़ःॽमामि टाङ्‌बा बलि लिसा।

१ पत्‍रुस 1:21

खोबाङ हे़निङे़ॽ निवाहाङ्‌बेॽ बिस्‍वास ले़टानुम। निवाहाङ्‌डे़ॽ खिरिस्‍ट सिबॽआबाङ हिङ्‌बोक्‍नुङ महिमानुङ्‌मा टोक्‍सु, मोडोगे़ॽ हे़निङ्‌मि बिस्‍वासनुङ आसा निवाहाङ्‌बेॽ युङ्‌इन्‍डानुमे।

१ पत्‍रुस 3:22

खो हिङ्‌बोक्‍नुङ ए़क्‍साङ थाङ्‌सिरिॽटु खे़ॽनुङ निवाहाङ्‌मि चुप्‍थिङ्‌लाम पेङ्‌इटे़, मोबा चोप थाङ्‌सिरि दुतजिनुङ थाङ्‌सिरिबेॽहा अधिकारनुङ सक्‍ति खोमि अधिनबेॽ टुहा।

२ पत्‍रुस 1:16

कानिङ्‌मि परभु येसु खिरिस्‍ट महिमानुङ सक्‍तिबेॽ फेरिसो लेङ्‌इये लुनुङ हे़निङ पारलेनरेॽ इःबेॽपॽआ ने़ॽनिबा, कानिङ टाङ्‌बामिनोॽ मिगे़ॽ खोमि बेॽएम्‍मा महिमा खाङ्‌इटुङ्‌मे।

२ पत्‍रुस 1:17

निवाहाङ पाबाडे़ॽ येसुमि आदरनुङ सम्‍मान ले़ःॽमाबेॽ मोबा “इगो के़ॽ नम्‍नम ले़ःॽपॽआ पसा ले़ये, इगोनुङ का सारो साप्‍थाङ्‌इटिङे” लुनुङ इक्‍को परम महिमाबाङ इडोॽ लुमाबेॽ कानिङ मोबेॽनोॽ टुसिङ्‌मा।

१ युहन्‍ना 1:7

तर खो जोतिबेॽ टुबॽआडोक्‍नोॽ कानिङ्‌सो जोतिबेॽ राप्‍सिङ्‌माहोङ, कानिङ इक्‍कोमि हाइकोनुङ सङ्‌गति लिये। मोबा निवाहाङ्‌मि पसा येसुमि हरिडे़ॽ कानिङ चोप पापबाङ चोखो टोङ्‌इये।

१ युहन्‍ना 3:5

हे़निङे़ॽ लेन्‍डानुमे, याॽमिजिमि पाप वासोक्‍मामि लागिनोॽ खिरिस्‍ट लेस्‍सा खोबेॽ पापनोॽ माॽआये।

यहुदा 1:25

खोनोॽ इक्‍कोमा निवाहाङ, कानिङ्‌मि मुक्‍तिदाङ्‌बा येसु खिरिस्‍ट कानिङ्‌मि परभु ले़ये। खोबेॽ आदर, महिमा, सक्‍ति, अधिकार याक्‍लोएबाङ आयुठोकनुङ सानिङ टुडुङ्‌घे़ॽरो। आमेन।

परकास 3:21

के़ॽ हेजानुङ पाबानुङ खोमि पेन्‍ढामबेॽ सोरि पेन्‍डोक्‍टिडोॽ, हेजाघुबा का पेन्‍ढामबेॽ सोरि पेम्‍मे अधिकार पिनुङे़।

परकास 4:11

“हे कानिङ्‌मि परभु निवाहाङ, हे़न महिमा, आदर मोबा सक्‍तिमि योम्‍बोक ले़ःॽमारोमा ले़ये, इन्‍ढोङ्‌होङ चोप थोक हे़ने़ॽनोॽ सिरिस्‍टि ले़ःॽपॽआ ले़हा, हे़ने़ए़ निवाडे़ॽ मिॽपॽआडोक्‍नोॽ माहा चोप सिरिस्‍टि लिसा, मोबा माहाजि हिङ्‌मवा पिटुजे।”