हिब्‍रु 1:2 - याम्फु

² तर इघा ए़क्‍साङ्‌ए याकपेॽ खो टाङ्‌बामि पसामिलामबाङ कानिङ्‌नुङ यामुटे़। निवाहाङ्‌डे़ॽ खिरिस्‍टबाङ्‌नोॽ चोप खा टोक्‍सु मोबा खोसे़ॽ टोङ्‌बॽआ चोप थोकमि अधिकार खिरिस्‍टनोॽ पिसु।

हिब्‍रु 1:2 Iomraidhean Croise

मत्‍ति 13:39

चाम रोपाबेॽ सामा ठुघुबा चाहिँ सैतान ले़ये। बालि हे़क्‍मा बेला चाहिँ न्‍यायमि याक ले़ये, खेत्‍लाजि चाहिँ थाङ्‌सिरिदुतजि ले़म्‍मे।

मत्‍ति 17:5

पत्‍रुस इडोॽ कामे़ॽनिङ्‌सिमाबेॽ उथ्‍रिॽमा खिम्‍मिॽवाडे़ॽ खोजि टे़गुजि, मोबाङ इक्‍को इडोॽ काबॽआ खेम्‍मुसा, “इगो के़ॽ नम्‍नम ले़ःॽपॽआ पसा ले़ये, इगोनुङ का सारोनोॽ साप्‍थाङ्‌इटिङे, इगोमि खा नुरोॽ खेप्‍सानुमे।”

मत्‍ति 21:38

तर माहा मोहिजिडे़ॽ मो सोङ्‌रादाङ्‌बामि पसा खाङ्‌डोक्‍नुङ कासामि, ‘इगोगो सोङ्‌रादाङ्‌बामि पसा ले़ये। आबानिङे, आक्‍को सेॽनेमा मोबा आक्‍कोमि हक कानिङ्‌मि लिये।’

मत्‍ति 26:63

तर येसु योङ उगा, चोप्‍पा एप्‍पा याडाङ्‌बाडे़ॽ येसु लुसु, “हिङ्‌रिक निवाहाङ्‌मि निङ्‌बेॽ किरिया हे़क्‍नुङ लुसे, इमा हे़न निवाहाङ्‌मि पसा खिरिस्‍टडे ?”

मत्‍ति 28:18

मोबा येसु खोजिमि के़क्‍पेॽ खे़ॽनुङ लुसुजि, “खेप्‍सानुमे, निवाहाङ्‌डे़ॽ का थाङ्‌सिरिनुङ मक्‍खाम्‍डेमसोक्‍पेॽ चोप अधिकार पिटे़।

मत्‍ति 3:17

मोबा थाङ्‌सिरिॽटुरा इडोॽ लुबॽआ सेम्‍ला खेम्‍मुसा, “इगो काङ्‌मि नम्‍नम ले़ःॽपॽआ पसा ले़ये, इगोनुङ का बेॽलो साप्‍थाङ्‌इटिङे।”

मरकुस 1:1

निवाहाङ्‌मि पसा येसु मुक्‍ति पिघुबा हाङ्‌बा खिरिस्‍टमि टुम्‍बेॽ सुसमाचार इडोॽ तरिक्‍पुॽइये।

मरकुस 12:6

“हागो चोप्‍पा ए़क्‍साङ मो सोङ्‌रादाङ्‌बामि नम्‍नम ले़ःॽपॽआ इक्‍कोमा पसा टुसे़, काङ्‌मि ‘पसागो मोहिजिडे़ॽ नुरोॽ ले़न्‍डुजि’ होला मिॽनुङ चोप्‍पाङ ए़क्‍साङ मोहिजिबेॽ पाक्‍सु।

मरकुस 12:7

“तर माहा मोहिजिडे़ॽ सोङ्‌रादाङ्‌बामि पसा लेम्‍बॽआ लेडोक्‍नुङ इडोॽ कासामि, ‘इगोगो सोङ्‌रादाङ्‌बामि पसा ले़ए। आबानिङे इगो सेॽनेमा मोबा इगो सोङ्‌रासो कानिङ्‌मिनोॽ लिये।’

युहन्‍ना 1:10

खो मक्‍खाम्‍डेमबेॽ टुसे़, खोबाङ्‌नोॽ इगो मक्‍खाम्‍डेम सिरिस्‍टि लिसा, मोडोक्‍सो मक्‍खाम्‍डेमबेॽहा याॽमिजिडे़ॽ खो मे़लेसुजि।

युहन्‍ना 1:14

बचन चाहिँ हिङा लिसा मोबा सत्यातानुङ अनुग्‍रहाडे़ॽ पुरा लिनुङ कानिङ याॽमिजिनुङ सोरि हिक्‍सा। कानिङे़ॽ खोमि महिमा खाङ्‌डोक्‍टुङ्‌मा, मो महिमा पाबाबाङ लेम्‍बॽआ इक्‍कोमा पसामिडोक्‍मा ले़टा।

युहन्‍ना 1:3

चोप थोक निवाहाङ्‌डे़ॽ बचनबाङ टोक्‍सु। इमाङ थोकसो खो मे़ॽनिङ मे़न्‍टोक्‍सा।

युहन्‍ना 13:3

पाबाडे़ॽ चोप अधिकार येसु पिटुए लुमे खा खोसे़ॽ लेसुए, मोबा का निवाहाङ्‌बाङ लेङ्‌इटिङेनुङ का निवाहाङ्‌बेॽनोॽ टेघे़ॽमे़ॽनिङ्‌सिङे लुमे खासो खोसे़ॽ लेसुए।

युहन्‍ना 13:32

याॽमिमि पसाबेॽ निवाहाङ महिमा लिसाहोङ निवाहाङ खोमटाङ्‌बे़ॽ याॽमिमि पसामि महिमा ले़न्‍डुए, खोसे़ॽ इगो योम्‍बोक चान्‍डोनोॽ ले़न्‍डुए।

युहन्‍ना 15:15

हागोएम्‍बाङ के़ॽ हे़निङ सेउतेजि लुनिम्‍नानि, इन्‍ढोङ्‌होङ मोमि मायोङ्‌बाडे़ॽ इमाङ ले़न्‍डुए मो सेउतेडे़ॽ लेसुनि, तर के़ॽ हे़निङ लङ्‌गाम लुनिम्‍ने़, इन्‍ढोङ्‌होङ काङ्‌मि पाबाबाङ खेम्‍बॽआ चोप खा हे़निङ्‌सो इःबेनिम्‍ने़।

युहन्‍ना 16:15

इमा इमा पाबानुङ टुहा, माहा काङ्‌मिन्‍नोॽ ले़हा। मोडोगे़ॽ के़ॽ लुनिम्‍ने़, इमाङ कानुङ टुहा माहा पबित्‍रा होङ्‌निवाडे़ॽ काबाङ लानुङ हे़निङ लुबेये।”

युहन्‍ना 17:2

इन्‍ढोङ्‌होङ हे़ने़ॽ खो पिबॽआ चोप याॽमिजि खोसे़ॽ ए़ॽसिमे हिङ्‌मवा पिहेसुजिरो लुनुङ चोप याॽमिजिसोक्‍पेॽ खो अधिकार पिटुए।

युहन्‍ना 3:16

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि इडोॽ बेॽलो नम्‍नम ले़ःॽपॽआसे़ॽ खोमि इक्‍कोमा पसासो खोजिमि लागि पाक्‍सु। मोडोगे़ॽ खोमि पसाबेॽ बिस्‍वास ले़ःॽखुबाजि असासो नासि मे़ल्‍लिमिरो, तर खोजि चोबे़ॽ ए़स्‍सिमे हिङ्‌मवा चुप्‍टुजिरो।

युहन्‍ना 3:25

मोडोक्‍पेॽ युहन्‍नामि चोङ्‌साजि इक्‍को यहुदि याॽमिनुङ वासोक्‍नुङ चोखो लिमे चलनमि टुम्‍बेॽ काबोक्‍खडामि।

युहन्‍ना 5:26

इन्‍ढोङ्‌होङ पाबा खोमदाङ्‌बाबेॽ हिङ्‌मवा टुये, मोडोक्‍नोॽ खोसे़ॽ खोम्‍पसासो हिङ्‌मवा पिहेमे अधिकार पिटुए।

युहन्‍ना 5:27

मोबा खो न्‍यायमि फैसला ले़ःॽमे अधिकार पाबे़ॽ पिटुए, इन्‍ढोङ्‌होङ खो याॽमिमि पसा ले़ये।

युहन्‍ना 9:29

कानिङे़ॽ लेन्‍डुङ्‌मे़, मोसानुङ निवाहाङ यामुबॽआ ले़टा, तर लेसुङ्‌मानि इगो याॽमि चाहिँ हाम्‍बाङ लेङ्‌इटे़।”

एप्‍पा चोङ्‌सा 10:36

हागो हे़निङे़ॽ लेन्‍डानुमे मुक्‍ति पिघुबा हाङ्‌बा खिरिस्‍ट येसु चोपमि परभु ले़ये। खोबाङ्‌नोॽ निवाहाङ्‌डे़ॽ सान्‍तिनुङ्‌मा सुसमाचार चोप इस्‍राएलिजिबेॽ पाङ्‌इटुए।

एप्‍पा चोङ्‌सा 2:17

‘निवाहाङ्‌डे़ॽ लुबॽआ ले़ये, ए़क्‍साङ्‌ए याकपेॽ के़ए़ होङ्‌निवा चोप जातिहा याॽमिजिसोक्‍पेॽ ओप्‍मिनुङे, मोबा हे़निङ्‌मि पसाजिडे़ॽ अगमबानि इःन्‍डुजिहा, मोबा हे़निङ्‌मि वेन्‍जा पसाजिडे़ॽ सेन्‍जिसेम्‍माङ माॽइन्‍डुजे, हे़निङ्‌मि, टुबाटुमाजिडे़ॽ सेम्‍माङ माॽइन्‍डुजे।

रोमि 1:4

पबित्‍रा होङ्‌निवामि सक्‍तिडे़ॽ खो निवाहाङ्‌मि पसा ले़ये लुनुङ खाङ्‌मुसा। इगो खा येसु सिघे़ॽनुङ्‌सो हिङ्‌बोक्‍पॽआ खाडे़ॽ खाङ्‌मुये। खोनोॽ कानिङ्‌मि परभु येसु खिरिस्‍ट ले़ये।

रोमि 8:17

इडोॽ कानिङ निवाहाङ्‌मि पसाजि ले़न्‍डिङ्‌माहोङ्‌गो हकदारसो ले़न्‍डिङ्‌मा, मोबा खिरिस्‍टनुङ्‌नोॽ सोरि हकदार लिसिङ्‌मा। खोनुङ खेः आङ्‌इन्‍डुङ्‌माहोङ्‌गो कानिङ खोनुङ महिमितसो लिन्‍डिङ्‌मा।

१ कोरिन्‍थि 2:7

बोरु निवाहाङ्‌मि असे़ॽसो मे़लेबॽआ निवादाङ्‌बा खा कानिङे़ॽ परचार लेन्‍डुङ्‌मा। इगो खा याॽमिजिबाङ चुम्‍बॽआ ले़टे़। निवाहाङ्‌डे़ॽ मो खा मक्‍खाम्‍डेम टोङ्‌मा याक्‍लोबाङ कानिङ्‌मि आदरमि लागि पोरोक्‍पेॽटा।

१ कोरिन्‍थि 8:6

तरसो कानिङ्‌मि लागि चाहिँ इक्‍कोरेॽनोॽ निवाहाङ पाबा टुये। खोसे़ॽनोॽ चोपमि सिरिस्‍टि ले़टु। खोमि लागिनोॽ कानिङ हिङ्‌इन्‍डिङ्‌मे कानिङ्‌मि लागि इक्‍कोरेॽनोॽ परभु, येसु खिरिस्‍ट टुये। खोबाङ्‌नोॽ चोप खा लिजसानुङ खोबाङ्‌नोॽ कानिङ हिङ्‌इन्‍डिङ्‌मे।

गलाति 4:4

तर बेला लिनुङ ए़क्‍साङ निवाहाङ्‌डे़ॽ खोमि पसा मक्‍खाम्‍डेमबेॽ पाक्‍सु। खो इक्‍को मेॽनामिॽबाङ यहुदि धारमिक नियममि अधिनबेॽ टोगा।

एफिसि 1:10

मो खा लुबॽआ चाहिँ थाङ्‌सिरिनुङ मक्‍खाम्‍डेमबेॽहा चोप सिरिस्‍टि खिरिस्‍टमि अधिनबेॽ लाप्‍मामि लागि ले़ये। मोबा निवाहाङ्‌डे़ॽ मो योम्‍बोक ठिक बेलाबेॽ पुरा ले़न्‍डुए।

एफिसि 3:9

मोबा चोप खा टोङ्‌खुबा निवाहाङ पाबाडे़ॽ याक्‍लोबाङ्‌नोॽ चुम्‍नुङ युङ्‌बॽआ लेमा छॽइये योजना इमाङ्‌डे ले़ये, माहा खा चोप याॽमिजि छे़ङ्‌गै टोङ्‌मे योम्‍बोक का पिसा।

हिब्‍रु 1:5

निवाहाङ्‌डे़ॽ इन्‍डोक्‍पेॽसो इक्‍को थाङ्‌सिरिदुत इडोॽ मे़लुसु, “हे़न काङ्‌मि पसा ले़ये, के़ॽनोॽ हे़न टोॽइटुङे” अथबा खोसे़ॽ इडोक्‍सो मे़लुडिॽ, “का खोमि पाबा लिङेनुङ खो के़ए़ पसा लिये।”

हिब्‍रु 1:8

तर पसामि टुम्‍बेॽ चाहिँ निवाहाङ्‌डे़ॽ इडोॽ लुटुए, “हे निवाहाङ, हे़ने़ए़ राज्‍य सानिङ्‌मि लागि टुडुङ्‌घे़ये। हे़ने़ॽ न्‍यायनुङ्‌मा राज्‍य ले़न्‍डुए।

हिब्‍रु 11:3

बिस्‍वासबाङ्‌नोॽ कानिङे़ॽ ले़ःॽहेन्‍डुङ्‌मे, निवाहाङ्‌मि बचनबाङ्‌नोॽ मक्‍खाम्‍डेम सिरिस्‍टि लिसा। कानिङे़ॽ खाङ्‌बॽआ खा चोप थोक खाङ्‌मुनिहा खाबाङ सिरिस्‍टि लिसा।

हिब्‍रु 2:3

इडोक बेॽए छुट्‌कारामि खानोॽ ले़ख्‍खो मे़ले़ःॽटुङ्‌माहोङ्‌गो इन्‍डोक्‍टे न्‍यायबाङ ले़ःॽखे़ॽहेन्‍डिङ्‌मा ? इगो छुट्‌कारा याक्‍लो परभुडे़ॽनोॽ परचार ले़टु। खोमि परचार खेम्‍घुबाजिडे़ॽ इगो चाइबमा ले़ये लुनुङ कानिङ परमान पिसामि।

हिब्‍रु 3:6

तर खिरिस्‍ट चाहिँ मन्‍दिरबेॽए भरोसानुङ्‌मा पसा ले़ये। मोडोक्‍नोॽ कानिङे़ॽसो टाङ्‌बामि आसामि खाबेॽ ए़क्‍साङ्‌ठोक भरोसानुङ बिस्‍वास ले़ःॽमाहोङ कानिङ्‌सो खोमि खिमबेॽहा याॽमिजि लिन्‍डिङ्‌मा।

हिब्‍रु 4:14

थाङ्‌सिरि खे़ॽपॽआ निवाहाङ्‌मि पसा येसुनोॽ कानिङ्‌मि चोप्‍पाङ महान एप्‍पा याडाङ्‌बा लिसा। मोडोगे़ॽ कानिङे़ॽ ले़ःॽपॽआ बिस्‍वास नुरोॽ जोगा ले़ःॽयुङ्‌मा।

हिब्‍रु 5:8

खो निवाहाङ्‌मि पसा ले़टारोसो दुःखनुङ खेः आङ्‌मानुङ आग्‍या पालना ले़ःॽमा चिनु।

हिब्‍रु 7:28

कमजोर याॽमि ले़ःॽनुङ्‌सो धारमिक नियमडे़ॽ मो से़न्‍नुङ चोप्‍पाङ एप्‍पा याडाङ्‌बा टोङ्‌इन्‍डुए, तर मोसाबाङ धारमिक नियम पिनुङ ए़क्‍साङ खोमि पसा येसु सानिङ्‌मु टुडुङ्‌घे़येनुङ चोप ले़ःॽहेघुबा महान याडाङ्‌बा से़म्‍मामि निवाहाङ्‌डे़ॽ हेन्‍ज्‍रुङ हे़नु।

हिब्‍रु 7:3

इगो मल्‍किसेदेकमि पाबा मामानुङ खोमि टुबा लाबामि टुम्‍बेॽ इमाङ्‌सो मे़लुडिॽ। खो इन्‍डोक्‍पेॽ टोगा इन्‍डोक्‍पेॽ सिसा मोसो मे़लुडिॽ, तर खो निवाहाङ्‌मि पसाडोक्‍नोॽ सानिङ्‌मि लागि याडाङ्‌बा लिसा।

हिब्‍रु 9:26

इडोॽ सानिङ खे़ॽमाहोङ्‌गो मक्‍खाम्‍डेम सिरिस्‍टि लिबॽआबाङ आयुरो हागोसो हागोसो खोसे़ॽ खेः आङ्‌मा खडे़, तर इगो रुक्‍खे़ॽमे याकपेॽ खिरिस्‍ट सानिङ्‌मि लागि इक्‍खेॽपेॽ लेस्‍सा मोबा याॽमिजि पापबाङ छुट्‌कारा ले़ःॽमामि टाङ्‌बा बलि लिसा।

१ पत्‍रुस 1:20

खो मक्‍खाम्‍डेममि सिरिस्‍टि लिमा याक्‍लोनोॽ निवाहाङ्‌डे़ॽ से़म्‍बॽआ ले़टे़, तर हे़निङ्‌मि लागि इघा ए़क्‍साङ्‌हा याकपेॽ खाङ्‌मुसा।

२ पत्‍रुस 3:3

चोप्‍पाङ याक्‍लो हे़निङे़ॽ लेयाक्‍मे खा इडोक्‍मा ले़ये, ए़क्‍साङ्‌हा याकपेॽ टाङ्‌बा खुसि ले़ःॽखुबा याॽमिजि लेङ्‌इम्‍मे। माहाजिडे़ॽ हे़निङ सिःक्‍चाम्‍मे,

यहुदा 1:18

माहाजिडे़ॽ इडोॽ लुटामे, “ए़क्‍साङ्‌ए बेलाबेॽ माहाजि निवाहाङ्‌मि खा सिःक्‍चाघुबा लिम्‍मे। माहाजिडे़ॽ टाङ्‌बामि पापि निवाडे़ॽ इमा-इमा मङे़हा योम्‍बोक ले़ःॽमा मिॽइन्‍डुजे माहानोॽ ले़न्‍डुजे।”