गलाति 4:3 - याम्फु

³ कानिङ्‌सो याक्‍लो मो ओङे़कडोक्‍नोॽ ले़टिङ्‌मा, मोबा मक्‍खाम्‍डेमबेॽहा मे़ॽनोक्‍हा सिक्‍छेमि अधिनबेॽ टुसिङ्‌मा।

गलाति 4:3 Iomraidhean Croise

मत्‍ति 11:28

“होउ याःक्‍चाघे़ॽपॽआनुङ खाल खालहा कोगे़ॽ टिप्‍पॽआ याॽमिजि, काबेॽ आबानिङे, के़ॽ हे़निङ नाजाढाम ठाउँ पिनिम्‍ने़।

युहन्‍ना 8:31

येसुडे़ॽ खोबेॽ बिस्‍वास ले़ःॽखुबा यहुदिजि लुसुजि, “हे़निङ के़ए़ बचनडे़ॽ लुबॽआडोॽ ले़टानुमहोङ, हे़निङ चइबानोॽ के़ए़ चोङ्‌सा ले़न्‍डानिङे।

एप्‍पा चोङ्‌सा 15:10

हागो ले़ःॽमा छॽइये यहुदि चलन अयहुदि जातिहा याॽमिजि ले़ःॽमेॽनुङ कानिङे़ॽ इन्‍ढोङ निवाहाङ सुरके़ॽमेॽमे़ ? इगो चलनगो कानिङ्‌मि टुबा लाबाजिडे़ॽसो मे़ले़ःॽहेसुजि मोबा कानिङे़ॽसो मे़ले़ःॽहेसुङ्‌मा।

रोमि 7:14

धारमिक नियम निवाहाङ्‌मि होङ्‌निवाबाङ पिबॽआ खा ले़ये, इगो खा कानिङे़ॽ लेन्‍डुङ्‌मे़। तर का हिङाबेॽ टुङे पापडे़ॽ इम्‍बॽआ पापमि सेउतेडोॽ ले़ङे।

रोमि 8:15

इन्‍ढोङ्‌होङ हे़निङे़ॽ फेरि किस्‍सिमानुङ हिङ्‌घुबा सेउतेमि होङ्‌निवा मे़न्‍चुप्‍टिॽ, तर हे़निङे़ॽको पसाजि लिमे होङ्‌निवा चुप्‍मिटानुमे। मोडोगे़ॽ हागो कानिङे़ॽ निवाहाङ “अब्‍बा, पाबा” लुनुङ के़न्‍डुङ्‌मा।

२ कोरिन्‍थि 11:20

इन्‍ढोङ्‌होङ याॽमिजिडे़ॽ हे़निङ सेउतेनोॽ टोक्‍सामिहोङ्‌सो, हे़निङ्‌मि चोप थोक लाघे़ॽटुजिहोङ्‌सो, हे़निङ रेम्‍जामिहोङ्‌सो, हे़निङ पोम्‍बेॽ बेॽए रे़ङ्‌मिहोङ्‌सो मोबा हे़निङ फे़ःक्‍मिहोङ्‌सो माहा चोप हे़निङे़ॽ योङ आङ्‌इन्‍डानुमे।

गलाति 2:4

तरसो इन्‍डोक जना रेम्‍सिङ वावानिसाजि मन्‍डलिबेॽ खुस्‍रिङ्‌मु लेन्‍नुङ कानिङ खिरिस्‍टबाङ छुट्‌कारा चुप्‍पेबॽआजिसो यहुदि धारमिक नियम पालना ले़ःॽमेॽनुङ खोजिमि अधिनबेॽ युङ्‌मा योगामि।

गलाति 3:19

मोडोक्‍होङ यहुदि धारमिक नियम इन्‍ढोङ पिबॽआ ले़टे़ ? मो चाहिँ हेन्‍ज्‍रुङ हे़म्‍बॽआ अब्‍राहाममि पसा मे़लेन्‍लो याॽमिजि पाप लेमेॽमामि लागि पिबॽआ ले़टे़। निवाहाङ्‌डे़ॽ खोमि यहुदि धारमिक नियम थाङ्‌सिरिदुतबाङ निवाहाङ्‌नुङ याॽमिजिमि रुम्‍बेॽ यामुखुबा मोसा पिसु।

गलाति 4:2

खोमि उमेर मे़युरेॽलो टाङ्‌बामि पाबाडे़ॽ खो खाङ्‌मामि युङ्‌बॽआ याॽमिमि अधिनबेॽनोॽ पेङ्‌इये।

गलाति 4:24

इगो खानवाबाङ कानिङे़ॽ लेहेये, इगो निप्‍पाङ मेॽनामिॽचिमि टुम्‍बेॽहा खाबाङ निवाहाङ्‌मि निच्‍चि करार लुनुङ लेन्‍डुङ्‌मे़। सेउतेनि हागार लुबॽआ सिनै सुम्‍लाखा ले़ये। मोबेॽ निवाहाङ पाबाडे़ॽ याॽमिजि यहुदि धारमिक नियम पिसुजि, मोबा मो नियमडे़ॽ याॽमिजि सेउते टोक्‍सुजि।

गलाति 4:25

सेउतेनि हागार लुबॽआ अराब देसमि सिनै सुम्‍लाखाडोॽ ले़ये। यहुदि धारमिक नियम पालना ले़ःॽखुबा हागोए यरुसलेमडोॽ ले़ये। मो नियमलाम खे़ॽखुबाजि सेउतेनिमि पसाजिडोक्‍नोॽ ले़म्‍मे।

गलाति 4:31

मोडोगे़ॽ के़हा वावानिसानुङ नानुसाजि, कानिङ सेउतेनिमि पसाजि ने़ॽनि, तर पाबामि टाङ्‌बामिनोॽ बनिमाबाङ्‌ए पसाजि ले़न्‍डिङ्‌मा।

गलाति 4:8

हे़निङे़ॽ निवाहाङ लेमा याक्‍लो मक्‍खाम्‍डेमबेॽहा चापजिमि सेउते ले़टानिङ, चइबानोॽ लुमाबेॽ माहाजि निवाहाङ्‌नोॽ ने़ॽनिहाजि।

गलाति 4:9

तर हागोगो हे़निङे़ॽ निवाहाङ लेबेटानुम अथबा निवाहाङ्‌डे़ॽ हे़निङ लेन्‍डानिङ, फेरि हे़निङ इन्‍ढोङ माहा याक्‍लोहा निवाहाङ्‌नोॽ ने़ॽनिहाजिबेॽ टेघे़ॽमा मिङ्‌इन्‍डानिङे ? हे़निङ फेरि इन्‍ढोङ माहाजिमि सेउते लिमा मिङ्‌इन्‍डानिङे ?

कलस्‍सि 2:20

हे़निङे़ॽको खिरिस्‍टनुङ सोरि सिनुङ इगो मक्‍खाम्‍डेमबेॽहा पापि निवाबाङ फुक्‍का चुप्‍मिटानुमे, इन्‍ढोङ हे़निङ इगो मक्‍खाम्‍डेमबेॽहा याॽमिजिडोक्‍नोॽ हिङ्‌इन्‍डानिङे ? इन्‍ढोङ हे़निङे़ॽ “इगो के़क्‍मा फे़न्‍निबा, इगो सेप्‍मा फे़न्‍निबा, इगो राःप्‍मा फे़न्‍निबा” लुमे नियम पालना ले़न्‍डानुमे ? मोबा हे़निङ छुट्‌कारा चुप्‍नुङ्‌सो इन्‍ढोङ “सुःप्‍मा फे़न्‍नि, सेप्‍मा फे़न्‍नि, राःप्‍मा फे़न्‍नि लुमे नियम पालना ले़न्‍डानुमे ?”

कलस्‍सि 2:8

हे़निङ चङ्‌खो लिनुङ पेनानिङे, मे़म्‍पेनानिङ्‌होङ याॽमिजिमि निवामि योम्‍बोक मे़ॽनिङ्‌हा रेम्‍सिङ्‌जिमि खाडे़ॽ हे़निङ रेम्‍इम्‍मे। इडोक्‍हा खा खिरिस्‍टबाङ लेम्‍बॽआ ने़ॽनिहा तर याॽमिजिमिन्‍नोॽ चाल चलननुङ मक्‍खाम्‍डेमबेॽहा सिक्‍छेबाङ लेम्‍बॽआ खा ले़हा।

हिब्‍रु 5:12

आयुरोगो हे़निङ हाइखा याॽमिजि इःॽखुबाजि लिसेॽमा खडानिङे, तर आयुरोसो हे़निङ निवाहाङ्‌मि सिक्‍छे पिच्‍छाजि इःॽपॽआडोॽ इःॽमा खे़न्‍डानिङ। हागोसो हे़निङ चामा ने़ॽनि डुडु उङ्‌घुबा ओङे़कडोॽ ले़न्‍डानिङे।

हिब्‍रु 7:16

खो लेबि टुबाजिडे़ॽ पिबॽआ आग्‍यानुङ नियमबाङ याडाङ्‌बा लिबॽआ ने़ॽनि, तर इन्‍डोक्‍पेॽसो नास लिनिबा हिङ्‌मवामि सक्‍तिबाङ लिबॽआ याडाङ्‌बा ले़ये।