गलाति 3:2 - याम्फु

² हे़निङ्‌बाङ इक्‍को खा खेम्‍मा मिॽनुङे, हे़निङे़ॽ पबित्‍रा होङ्‌निवा इन्‍डोॽ चुप्‍टानुमे ? यहुदि धारमिक नियम पालना ले़ःॽनुङ्‌डे, खेम्‍बॽआ सुसमाचारबेॽ बिस्‍वास ले़ःॽनुङ ?

गलाति 3:2 Iomraidhean Croise

एप्‍पा चोङ्‌सा 15:8

चोप याॽमिमि निवामि खा लेघुबा निवाहाङ्‌डे़ॽ अयहुदि जातिहा याॽमिजि पबित्‍रा होङ्‌निवा कानिङ पिडिडोक्‍नोॽ खोजिसो पिनुङ टाङ्‌बामि याॽमि टोङ्‌बॽआ खा खाङ्‌मुसु।

एप्‍पा चोङ्‌सा 2:38

मोबा पत्‍रुसडे़ॽ लुसुजि, “हे़निङ्‌मि पापबाङ आम्‍लाङ टोक्‍मामि लागि पाप ले़ःॽमा लेडानुमे, मोबा येसु खिरिस्‍टमि निङ्‌बेॽ बप्‍तिस्‍मा लासानुमे! मोबा हे़निङे़ॽ निवाहाङ्‌बाङ पबित्‍रा होङ्‌निवामि बरदान चुप्‍मिन्‍डानुमे।

एप्‍पा चोङ्‌सा 8:15

मोबा सामरियाबेॽ खोजि रुक्‍नुङ येसुबेॽ बिस्‍वास ले़ःॽखुबाजिडे़ॽ पबित्‍रा होङ्‌निवा चुप्‍टुजिरो लुनुङ पारथना ले़ःॽपेॽटुजि।

रोमि 1:17

इन्‍ढोङ्‌होङ सुसमाचारबाङ्‌नोॽ निवाहाङ्‌डे़ॽ खोमि पोम्‍बेॽ कानिङ इन्‍डोॽ धरमि टोङ्‌इये लुमे खा खाङ्‌मुये। मोबा इगो खा बिस्‍वासबाङ लेङ्‌येनुङ बिस्‍वासबाङ्‌नोॽ पुरा लिये। धारमिक नेॽचिराबेॽ इडोॽ साप्‍पॽआ ले़ये, “हाम्‍बे याॽमि निवाहाङ्‌मि बिस्‍वासबेॽ हिङ्‌इये, मो याॽमिडे़ॽ हिङ्‌मवा चुप्‍मिन्‍डुए।”

१ कोरिन्‍थि 9:21

नियम पालना मे़ले़ःॽखुबा अयहुदिजिमि रुम्‍बेॽ योम्‍बोक ले़ःॽमाबेॽ खोजिडे़ॽसो खिरिस्‍टबेॽ बिस्‍वास ले़टुजिरो लुनुङ यहुदि नियम मे़लेडिडोॽ ले़टुङ। तर निवाहाङ्‌मि नियम पालना मे़ले़ःॽपॽआगो ने़ॽनिबा, के़ॽको खिरिस्‍टमि नियम पालना ले़नुङे।

२ कोरिन्‍थि 11:4

इन्‍ढोङ्‌होङ हे़निङ्‌बेॽ याॽमिजि लेन्‍नुङ हाइको येसुमि टुम्‍बेॽ परचार ले़पेॽमिहोङ मोबा हे़निङे़ॽ चुप्‍पॽआ होङ्‌निवानुङ सुसमाचारबाङ हाइकोनोॽ होङ्‌निवानुङ सुसमाचार खेम्‍मेॽमिहोङ हे़निङे़ॽ चइबानोॽ मिॽइन्‍डानुमेले़, मोबा हे़निङे़ॽको ने़ःक्‍चइ बिस्‍वास ले़न्‍डानुमेले़ः।

गलाति 3:14

खिरिस्‍टडे़ॽ कानिङ्‌मि लागि मोल फोङ्‌नुङ कानिङ फक्‍पेसा। इन्‍ढोङ्‌होङ अब्‍राहाम पिबॽआ आसिस खिरिस्‍ट येसुबाङ अयहुदिजिडे़ॽसो चुप्‍टुजिरो लुनुङ मोबा निवाहाङ्‌डे़ॽ हेन्‍ज्‍रुङ हे़म्‍बॽआ पबित्‍रा होङ्‌निवा बिस्‍वासबाङ कानिङे़ॽ चुप्‍रो लुनुङ इडोॽ लिसा।

गलाति 3:3

हे़निङ इन्‍ढोङ इडोॽ उम्‍बरिङ लिटानिङे ? हे़निङ निवाहाङ्‌मि होङ्‌निवाबाङ हिङ्‌मा तरिक्‍पॽआजि, हागो टाङ्‌बामि हिङामि चाल चलनबेॽ रुक्‍खे़ॽमा मिङ्‌इन्‍डानिङे ?

गलाति 3:5

निवाहाङ्‌डे़ॽ हे़निङ पबित्‍रा होङ्‌निवा पियेनुङ मोमि बोलडे़ॽ हे़निङ्‌मि रुम्‍बेॽ खरिहा योम्‍बोक ले़न्‍डुहा, इमा इघा चोप खा हे़निङे़ॽ यहुदि धारमिक नियम पालना ले़ःॽपॽआसे़ॽ लिबॽआडे, सुसमाचार खेम्‍नुङ बिस्‍वास ले़ःॽपॽआसे़ॽ लिबॽआ ?

हिब्‍रु 2:4

निवाहाङ्‌डे़ॽसो बेॽलो चिङ्‌गा, खरिहा योम्‍बोकनुङ सक्‍तिनुङ्‌हा योम्‍बोक ले़ःॽनुङ खोमि निवाबाङ्‌नोॽ पबित्‍रा होङ्‌निवामि बरदान पिनुङ इगो छुट्‌कारा चाइबमा ले़ये लुनुङ साक्‍छि पिसु।

हिब्‍रु 4:2

इन्‍ढोङ्‌होङ टुबालाबाजि खेम्‍मेॽपॽआडोॽमा सुसमाचार कानिङ्‌सो खेम्‍मेॽपॽआ ले़ये। तर माहाजिडे़ॽ खेम्‍बॽआ मो सुसमाचार के़न्‍डिॽखडा, इन्‍ढोङ्‌होङ माहाजिडे़ॽ मो खाबेॽ बिस्‍वास मे़ले़टुजि।

हिब्‍रु 6:4

इक्‍खेॽ येसुमि उज्‍यालो जोति चुप्‍नुङ थाङ्‌सिरिमि बरदान लेबेटुजे, मोबा पबित्‍रा होङ्‌निवामि सक्‍तिबेॽ राम्‍इटामे,

१ पत्‍रुस 1:12

निवाहाङ्‌डे़ॽ माहा अगमबक्‍ताजि खोजिमि लागि खाङ्‌मुबॽआ ने़ॽनि, तर हे़निङ्‌मि लागि ले़टे़। इगो खा थाङ्‌सिरिबाङ पाङ्‌बॽआ पबित्‍रा होङ्‌निवाबाङ हे़निङ खेम्‍मेॽपॽआ सुसमाचार इःघुबाजिबाङ आयु हे़निङ लुटे़। थाङ्‌सिरि दुतजिडे़ॽसो इघा खा बेॽलो खाङ्‌मा मिॽटुजे।