गलाति 1:4 - याम्फु

⁴ इगो पापि युगबाङ कानिङ हिङ्‌मेॽसिॽ निवाहाङ पाबामि खा खेम्‍नुङ कानिङ्‌मि पापमि साटो येसु खिरिस्‍ट बलि लिसा।

गलाति 1:4 Iomraidhean Croise

मत्‍ति 13:22

चिजिङ खाबेॽ सिॽपॽआ चरि चाहिँ याॽमिजिडे़ॽ निवाहाङ्‌मि बचनगो खेम्‍इडुजे, तर इगो मक्‍खाम्‍डेमबेॽहा बेॽलो खालहा सुरतानुङ याङ्‌सरावामि नम्‍नमडे़ॽ बचन टोप्‍सिघे़ये मोबा मो चरिबाङ इक्‍को चासो किङ्‌निहा।

मत्‍ति 20:28

इडोक्‍नोॽ याॽमिमि पसासो हाइखाजिबाङ सेवा चुप्‍मामि लागि ने़ॽनि, हाइखाजि सेवा पिसिॽनुङ बेॽलो याॽमिजि छुट्‌कारा ले़ःॽमामि लागि टाङ्‌बामि सोःक्‍मा पिसिॽ लेस्‍सा।”

मत्‍ति 26:28

इन्‍ढोङ्‌होङ इगो चोङ करारमि के़ए़ हरि ले़ये, इगो बेॽलो याॽमिजिमि पाप वासोक्‍मामि लागि पिनुङे।

मत्‍ति 26:42

हाइके खेॽसो खो खे़ॽनुङ पारथना ले़टु, “के़ए़ पाबा, के़ॽ इगो दुःखमि कुक्‍लिक उङ्‌मानोॽ खे़येहोङ, हे़ने़ॽ मिप्‍पॽआ खानोॽ पुरा लिरो।”

मत्‍ति 6:9

हे़निङ चाहिँ इडोॽ पारथना ले़टानिङे, ‘हे थाङ्‌सिरिबेॽटु पेङ्‌खुबा कानिङ्‌मि निवाहाङ पाबा, हे़ने़ए़ निङ पबित्‍रा लिरो।

मरकुस 10:45

इन्‍ढोङ्‌होङ याॽमिमि पसा हाइखाजिबाङ सेवा चुप्‍सिॽ ने़ॽनि, तर हाइखाजि सेवा ले़ःॽसिॽनुङ टाङ्‌बामि सोःक्‍मा पिनुङ बेॽलो याॽमिजि पापबाङ छुट्‌कारा पिमामि लागि लेङ्‌इटे़।”

लुका 22:19

मोबा ए़क्‍साङ येसुडे़ॽ हुकपेॽ चरेपा याङ्‌नुङ निवाहाङ ओहाक पिसाङ चरेपा एॽनुङ खोम चोङ्‌साजि पिसाङ लुसुजि, “हे़निङ्‌मि लागि पिबॽआ इगो के़ए़ हिङा ले़ये। हागोएम्‍बाङ का मिॽमामि लागि सानिङ इडोक्‍नोॽ ले़टानुमे।”

लुका 22:42

खोसे़ॽ लुसु, “हे पाबा, हे़ने़ॽ निवे़ॽ मिॽइन्‍डुहोङ इगो खेः आङ्‌मे खा काबाङ सेम्‍बेॽमा। तर के़ए़ निवे़ॽ मिॽटिडोॽको ने़ॽनि हे़ने़ए़ निवे़ॽ मिॽपॽआडोॽ लिरो।”

युहन्‍ना 10:11

“नुबा गोठ्‌ला कानोॽ ले़ङे। चाइबानोक्‍मा नुबा गोठ्‌लाडे़ॽ खोमि सामुजिमि लागि सिमासो पोरोक्‍इये।

युहन्‍ना 12:31

हागो मक्‍खाम्‍डेममि न्‍याय लिमे याक लेम्‍बेटे़। हागो मक्‍खाम्‍डेमबेॽए दुस्‍टामि हाङ्‌बा पाखे़ॽयु राप्‍खे़ये।

युहन्‍ना 5:30

“का काङ्‌ताङ्‌बे़ॽ इमाङ्‌सो ले़ःॽहेसुङ्‌नि। न्‍याय ले़ःॽमाबेॽ के़ॽ निवाहाङ पाबामि आग्‍या हुङ्‌इनुङे। इडोॽ खोसे़ॽ लुबॽआ खेम्‍नुङ न्‍याय ले़नुङे। मोडोगे़ॽ के़ॽ ले़ःॽपॽआ न्‍याय ठिक लिये, इन्‍ढोङ्‌होङ काङ्‌दाङ्‌बे़ॽ मिॽटिडोॽ ने़ॽनि, तर का पाङ्‌घुबाडे़ॽ लुडिडोॽ ले़नुङे।

युहन्‍ना 6:38

इन्‍ढोङ्‌होङ के़ॽ मिॽपॽआ खा पुरा ले़ःॽसिॽ का थाङ्‌सिरिबाङ उङ्‌बॽआ ने़ॽनि, तर का पङ्‌घुबाडे़ॽ मिॽपॽआ खा पुरा ले़ःॽसिॽ लेङ्‌इटिङे।

रोमि 1:7

रोमबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे। निवाहाङ्‌डे़ॽ हे़निङ नम्‍नम ले़ःॽनुङ खोमि याॽमिजि लिमामि के़ःॽपॽआजि, कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ अनुग्‍रहानुङ सान्‍ति पिरो।

रोमि 12:2

हे़निङ मक्‍खाम्‍डेमबेॽहा याॽमिजि खाङ्‌नुङ खोजिडोॽ ए़लिसानिङे, तर टाङ्‌बामि निवा होङ्‌सिॽयुरा चोङ लिनुङ याक्‍लोहा आनिबानि लेडानुमे। मोडोॽ ले़टानुमहोङ निवाहाङ्‌डे़ॽ हे़निङ्‌बेॽ ले़ःॽमा नेन्‍जाबॽआनुङ पक्‍का योम्‍बोक इमाङ ले़ये लुनुङ लेहेन्‍डानुमे।

रोमि 4:25

येसु कानिङ्‌मि पापमि लागि सिमा खडा, मोबा कानिङ धरमि ठरबा ले़ःॽमामि लागि खो निवाहाङ्‌डे़ॽ हिङ्‌बोगु।

रोमि 8:27

मोबा याॽमिजिमि निवाहोङ्‌सिॽयु टुहा चोप खा लेघुबा निवाहाङ्‌डे़ॽ पबित्‍रा होङ्‌निवामि बिचार लेन्‍डुए, इन्‍ढोङ्‌होङ पबित्‍रा होङ्‌निवाडे़ॽ बिस्‍वासिजिमि लागि निवाहाङ्‌डे़ॽ मिॽपॽआडोक्‍नोॽ खोनुङ बिन्‍ति ले़ःॽपेये।

रोमि 8:3

याॽमिमि पापि बानि बेहोराडे़ॽ कमजोर लिबॽआसे़ॽ धारमिक नियमडे़ॽसो मे़ले़ःॽहेबॽआ योम्‍बोक निवाहाङ्‌डे़ॽ ले़टु, अथबा निवाहाङ्‌मि पसा पापमि लागि बलि लिमामि पापि याॽमिडोॽ हिङाबेॽ इगो मक्‍खाम्‍डेमबेॽ पाक्‍सु। खो याॽमि लिनुङ माहाजिडे़ॽ ले़ःॽपॽआ पापमि साटो हिङाबेॽ सिनुङ पापमि सक्‍ति नासि ले़टु।

रोमि 8:32

निवाहाङ्‌डे़ॽ खोमि इक्‍कोमा पसानोक्‍सो मे़युङ्‌रेॽ कानिङ्‌मि लागि खो पिबेसा, इमा खोसे़ॽ कानिङ्‌मि लागि येसुनुङ सोरि चोप थोकसो पिनिबाडे ?

१ कोरिन्‍थि 15:3

के़ॽ चुप्‍पॽआ इगो चोप्‍पाङ बेॽए खानोॽ हे़निङ पिबेनिम्‍ने़। मो खा लुबॽआ धारमिक नेॽचिराडे़ॽ लुडिडोॽ खिरिस्‍ट कानिङ्‌हा पापमि लागि सिसा।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

गलाति 6:14

तर काङ्‌मि लागि चाहिँ कानिङ्‌मि परभु येसुमि काप्‍सिङ्‌बाङ हाइखा खासोक्‍पेॽ बेॽहा खा इःसुङ्‌नि। खोमि काप्‍सिङ्‌डे़ॽ ले़ःॽमे़ॽ का मक्‍खाम्‍डेममि लागि मोबा मक्‍खाम्‍डेम चाहिँ के़ए़ लागि सिघे़टे़।

एफिसि 1:11

इन्‍ढोङ्‌होङ चोप योम्‍बोक निवाहाङ्‌डे़ॽ ले़ःॽमा मिॽपॽआडोक्‍नोॽ लिटाहा। निवाहाङ खोमटाङ्‌बे़ॽ कानिङ से़ना। इगो खा चाहिँ याक्‍लोएम्‍बाङ ले़ःॽमा मिॽपॽआ ले़टे़।

एफिसि 2:2

मोडोक्‍पेॽ हे़निङ मक्‍खाम्‍डेमबेॽहा पापि रितिथिति ले़ःॽसाङ मङे़हा सक्‍तिमि मायोङ्‌बा सैतानडे़ॽ लुबॽआ खा खेप्‍सानुम। मोसे़ॽ याॽमिजिमि होङ्‌निवाबेॽ निवाहाङ्‌मि टेडिघरिक योम्‍बोक ले़ःॽमे़ॽनिङ्‌सिन्‍डुए।

एफिसि 5:16

इघा याकनुङ बेला मङे़ॽमा ले़ये, मोडोगे़ॽ हे़निङे़ॽ चुप्‍पॽआ चोप नुबा याकनुङ बेला नुबा योम्‍बोकपेॽ टिसानुमे।

एफिसि 5:2

खिरिस्‍टडे़ॽ कानिङ नम्‍नम ले़टानुङ नाम्‍जानुये धुपा लिनुङ कानिङ्‌मि पापमि लागि खोमि हिङानोॽ निवाहाङ्‌बेॽ चेॽटिसु। मोडोक्‍नोॽ हे़निङ्‌सो नम्‍नम ले़ःॽखुबाजि लिसानिङे।

एफिसि 6:12

इन्‍ढोङ्‌होङ कानिङ्‌मि ङे याॽमिजिनुङ ने़ॽनि, तर से़न्‍जुगुपबेॽहा सासकजि, अधिकारि, नान्‍दरुङ्‌बेॽहा मङे़हा चापजिनुङ सक्‍तिमि बिरोधबेॽ ले़ये।

फिलिप्‍पि 4:20

हागो कानिङ्‌मि निवाहाङ पाबामि सानिङ महिमा लिडुङ्‌घे़ॽरो। आमेन।

१ थेस्‍लोनिकि 1:3

हे़निङ्‌मि बिस्‍वासडे़ॽ ले़ःॽपॽआ योम्‍बोकनुङ नम्‍नमडे़ॽ ले़ःॽपॽआ मेहेनेत मोबा कानिङ्‌मि परभु येसु खिरिस्‍ट फेरि लेङ्‌इये खाबेॽ युङ्‌बॽआ आसाबेॽ हे़निङ हुङ्‌जाहेघुबा लिबॽआ कानिङे़ॽ निवाहाङ पाबामि पोम्‍बेॽ सानिङ मिॽइन्‍डुङ्‌मे़।

१ थेस्‍लोनिकि 3:11

हागो कानिङ्‌मि निवाहाङ पाबा खोम टाङ्‌बे़ॽनुङ परभु येसुडे़ॽनोॽ हे़निङ्‌नुङ चुप्‍मामि लागि राम हेम्‍बेॽलो लुमे आसाबेॽ पेङ्‌इटिङ्‌मे़।

१ थेस्‍लोनिकि 3:13

निवाहाङ्‌डे़ॽ इगो नम्‍नम पिनुङ कानिङ्‌मि परभु येसु खोमि पबित्‍रा याॽमिजिनुङ लेम्‍माबेॽ कानिङ्‌मि निवाहाङ पाबामि पोम्‍बेॽ हे़निङ चोखोनुङ आप्‍टिक मे़ॽनिङ्‌हा लिमामि लागि हे़निङ्‌मि निवा बोलियो टोङ्‌बेॽलो।

२ थेस्‍लोनिकि 2:16

कानिङ्‌मि परभु येसु खिरिस्‍टडे़ॽनुङ पाबा निवाहाङ्‌डे़ॽ कानिङ नम्‍नम ले़टा मोबा खोमि अनुग्‍रहाबाङ इन्‍डोक्‍पेॽसो रुक्‍खे़ॽनिहा आसानुङ हौसला पिसा।

१ तिमोथि 2:6

चोप याॽमिजिमि पापमि सिङि खोमि हरिडे़ॽ फोङ्‌नुङ छुटाबा ले़ःॽमामि खोम्‍दाङ्‌बा काप्‍सिङ्‌बेॽ सिसा। निवाहाङ्‌डे़ॽ चोप याॽमि हिङ्‌बॽआ नेन्‍जोन्‍डुए लुमे खामि परमान इगोनोॽ ले़ये।

तितस 2:14

कानिङ चोप खालहा पापबाङ फाक्‍मामि लागिनोॽ फाक्‍खुबा हाङ्‌बा खिरिस्‍टडे़ॽ खोमि हिङ्‌मवा पिटे़। मोबा कानिङ खोमि याॽमि टोङ्‌मामि लागि चोखो टोक्‍सानुङ नुबा योम्‍बोक निवा टिनुङ ले़ःॽमे़ॽमामि इडोॽ ले़टु।

हिब्‍रु 2:5

कानिङे़ॽ लुबॽआ मो लेन्‍सिॽपोरोक्‍पॽआ मक्‍खाम्‍डेम निवाहाङ्‌डे़ॽ थाङ्‌सिरि दुतजिमि अधिनबेॽ मे़युक्‍सु।

हिब्‍रु 6:5

निवाहाङ्‌मि सिक्‍छेमि चनुहा खा सेप्‍खुबाजि, लेङ्‌इये युगमि लागि निवाहाङ्‌मि सक्‍तिसालि योम्‍बोक खाङ्‌खुबाजिडे़ॽ,

हिब्‍रु 9:14

खिरिस्‍टमि हरिडे़ॽको छना इन्‍डोक बेॽलो हे़निङ्‌मि पापडे़ॽ सिबॽआ निवानुङ, असुद्‌ध योम्‍बोकबाङ चोखो टोङ्‌इन्‍डुहा। इडोॽ लिमाबेॽ हे़निङे़ॽ हिङ्‌रिक निवाहाङ्‌मि ओहाङ ले़ःॽहेसानुमे लुनुङ खिरिस्‍टडे़ॽ खोम्‍दाङ्‌बा चोखो बलि लिनुङ निवाहाङ्‌मि हुकपेॽ चेॽटिसु।

याकुब 4:4

होउ बेभिचार ले़ःॽखुबा याॽमिजि, मक्‍खाम्‍डेमबेॽहा थोकनुङ लङ्‌गाम ले़ःॽमा लुबॽआ चाहिँ, निवाहाङ्‌नुङ सतुर लिबॽआ लुमे खा हे़निङे़ॽ लेसानुम्‍ने ? मोडोगे़ॽ असे़ॽ मक्‍खाम्‍डेमबेॽहा मङे़हा योम्‍बोकनुङ लङ्‌गाम ले़न्‍डुए, मोसे़ॽ खोमटाङ्‌बा निवाहाङ्‌मि सतुर लिये।

१ पत्‍रुस 2:24

खिरिस्‍टडे़ॽ कानिङ्‌मि पाप खोमि हिङाबेॽ खिमानुङ काप्‍सिङ्‌बेॽ सिसा। मोडोक्‍नोॽ कानिङ्‌सो पापमि लागि सिसिङ्‌मा। मोबा निवाहाङ्‌मि नेन्‍जामारोमा योम्‍बोकमि लागि हिक्‍सिङ्‌मा। माहा येसुमि चोटबाङ्‌नोॽ हे़निङ नुबोइटानिङे।

१ पत्‍रुस 3:18

इन्‍ढोङ्‌होङ कानिङ निवाहाङ्‌बेॽ लाजे़ॽमामि खिरिस्‍ट धरमि ले़टारोसो कानिङ्‌मि पापमि भारा फोङ्‌मामि सानिङ्‌मि लागि इक्‍खेॽपेॽ सिसा। खो हिङाबेॽ सिसा, तर होङ्‌निवामि सक्‍तिबाङ हिङ्‌बोगा।

१ युहन्‍ना 2:2

खो कानिङ्‌मि पापबाङ फाक्‍मामि लागि बलि लिसा। कानिङ्‌मि लागिरेॽनोॽ ने़ॽनि तर मक्‍खाम्‍डेमबेॽहा चोप याॽमिजिमि लागि बलि लिसा।

१ युहन्‍ना 3:16

खिरिस्‍टडे़ॽ कानिङ्‌मि पापमि लागि खोमि हिङ्‌मवा काप्‍सिङ्‌बेॽ चेॽटिसु। इगो खाबाङ्‌नोॽ कानिङे़ॽ नम्‍नम लुबॽआ इमाङ्‌डे लुनुङ नुरोॽ लेबेटुङ्‌मे़। मोडोगे़ॽ कानिङे़ॽ बिस्‍वासि वावानिसाजिमि लागि हिङ्‌मवा पिमा खे़ये।

परकास 1:5

बिस्‍वासनुङ्‌मा साक्‍छि मोबा सिघे़ॽनुङ हिङ्‌बुक्‍पॽआजिबेॽ याक्‍लोमा लिघुबा मक्‍खाम्‍डेमबेॽहा हाङ्‌बाजिमि हाङ्‌बा येसु खिरिस्‍टबाङ्‌सो हे़निङ अनुग्‍रहानुङ सान्‍ति लिरो। खोसे़ॽ कानिङ नम्‍नम ले़ये, मोबा खोमि हरिमि बलिडे़ॽ कानिङ पापबाङ छुट्‌कारा पिसा।

परकास 5:9

माहाजिडे़ॽ इडोॽ लुसाङ इक्‍को चोङ सेम सेम्‍लुसुजि, “इगो साउकमि पत्‍रामि मुट्‌ठा लामारोमा, मोमि मोहोर पोक्‍मारोमा हे़नरेॽनोॽ टुये, याॽमिजिडे़ॽ हे़न सेॽनेसामिनुङ आम्‍मि हरिडे़ॽ निवाहाङ्‌मि लागि चोप कुल, खाप्‍ला, देसनुङ जातिजिबाङ याॽमिजि छुट्‌कारा पिसुजि।

परकास 7:9

मोबा ए़क्‍साङ याॽमिजिडे़ॽ नेॽनोॽ नेॽहेनिहा बेॽलो याॽमिजि सुम्‍बॽआ के़ॽ खाङ्‌डोक्‍टुङ। माहाजि चाहिँ चोप बङ्‌सबाङ, जातिबाङ, देसबाङ्‌नुङ खाल खालहा खाप्‍ला यामुखुबाजिबाङ लेम्‍बॽआ ले़टामि। माहाजि उथ्‍रिॽहा चेॽ चाङ्‌मानुङ हुकपेॽ खजुर लुमे सिङ्‌बु डाङ्‌मि हक्‍काम्‍बा याङ्‌मानुङ हाङ्‌पेन्‍ढामनुङ थुमामि पोम्‍बेॽ येःप्‍टिङ्‌बॽआ के़ॽ खाङ्‌डोक्‍टुङ।