एफिसि 6:6 - याम्फु

⁶ हे़निङे़ॽ योम्‍बोक ले़ःॽमाबेॽ हे़निङ्‌मि मायोङ्‌बामि पोम्‍बेॽ खाङ्‌मुमामि लागिरेॽ योम्‍बोक ए़ले़टानुमे, तर खिरिस्‍टमि सेउतेडोॽ लिनुङ निवा होङ्‌सिॽयुबाङ निवाहाङ्‌डे़ॽ नेन्‍जबॽआ योम्‍बोक ले़टानुमे।

एफिसि 6:6 Iomraidhean Croise

मत्‍ति 12:50

इन्‍ढोङ्‌होङ असा असाजिडे़ॽ थाङ्‌सिरिॽटुए पाबामि खा खेम्‍नुङ खोमि आग्‍या पालना ले़न्‍डुजे, माहाजिनोॽ काङ्‌मि मामा, निसानुङ नानाजि ले़म्‍मे।”

मत्‍ति 7:21

“का ‘परभु परभु’ लुघुबाजि चोप याॽमिजि थाङ्‌सिरिमि राज्‍यबेॽ पे़खे़ॽहेमिनि। थाङ्‌सिरिॽटु पेङ्‌खुबा के़ए़ पाबाडे़ॽ मिॽपॽआडोॽ योम्‍बोक ले़ःॽखुबाजिरेॽ निवाहाङ्‌मि राज्‍यबेॽ पे़खे़ॽहेम्‍मे।

मरकुस 3:35

इन्‍ढोङ्‌होङ निवाहाङ्‌डे़ॽ लुबॽआडोॽ ले़ःॽखुबाजिनोॽ के़हा मामानुङ निसाजि ले़म्‍मे।”

रोमि 6:17

याक्‍लो इक्‍खेॽ हे़निङ पापमि सेउते ले़टानिङे, तर हागोगो हे़निङे़ॽ निवाहाङ्‌मि खा खेम्‍बॽआसे़ॽ निवाबाङ्‌नोॽ पालना ले़टानुमे। इगो खामि लागि निवाहाङ ओहाक पिनुङे़।

१ कोरिन्‍थि 7:22

इन्‍ढोङ्‌होङ सेउते चाहिँ परभुमि फुक्‍का याॽमि लिमामि लागि के़ए़टे़, मोडोक्‍नोॽ फुक्‍का याॽमि चाहिँ खिरिस्‍टमि सेउते लिमामि लागि से़न्‍इटे़।

गलाति 1:10

इडोॽ लुनुङ के़ॽ याॽमिजि साप्‍थाङ्‌मेॽमामि लागि लुबॽआ ने़ॽनि, के़ॽ निवाहाङ साप्‍थाङ्‌मेॽमा मिॽइनुङे, का याॽमिजिमि नेन्‍जामारोमा लिमामि लागि ने़ॽनि, इडोॽ ले़टुङ्‌होङ्‌गो का खिरिस्‍टमि सेउते ले़ःॽङानि।

एफिसि 5:17

मोडोगे़ॽ उम्‍बरिङ ए़ॽलिसानिङे, तर परभुडे़ॽ हे़निङे़ॽ इमा ले़ःॽपॽआ नेन्‍जोन्‍डुए मो खा नुरोॽ लेसानुमे।

फिलिप्‍पि 2:12

मोडोगे़ॽ के़ॽ नम्‍नम ले़ःॽपॽआ वावानिसानुङ नानुसाजि, का हे़निङ्‌नुङ टुमाबेॽ के़ॽ लुबॽआ खा हे़निङे़ॽ ले़टानुम, तर हागो का ओः लिमाबेॽसो हे़निङे़ॽ छना बेॽलो निवाहाङ्‌मि किस्‍सिमवे़ॽ योङ्‌मानुङ हे़निङे़ॽ चुप्‍पॽआ मुक्‍ति खेन्‍जानुये बेबहारनुङ्‌मा योम्‍बोक ले़टानुमे।

कलस्‍सि 1:9

मोडोगे़ॽ कानिङे़ॽ मो खा खेम्‍बॽआ याकबाङ हे़निङ्‌मि लागि कानिङे़ॽ पारथना ले़ःॽमे़ॽनिङ्‌सिन्‍डुमे़। पबित्‍रा होङ्‌निवाडे़ॽ पिबॽआ निवानुङ निवाहाङ्‌डे़ॽ मिॽपॽआ नुबानुङ मङे़हा खा हे़निङे़ॽ चोप लेसानुमे लुनुङ कानिङ हे़निङ्‌मि लागि सानिङ पारथना ले़ःॽमे़ॽनिङ्‌सिन्‍डिङ्‌मे़।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

१ थेस्‍लोनिकि 2:4

निवाहाङ्‌डे़ॽ कानिङ बिस्‍वास ले़ःॽनुङ सुसमाचार खेम्‍मेॽमे योम्‍बोक पिसा। मोडोगे़ॽ कानिङे़ॽ याॽमिजि ने़ॽनि कानिङ्‌मि निवा नुरोॽ लेघुबा निवाहाङ साप्‍थाङ्‌मेॽमामि लागि यामुसिङ्‌मा।

१ थेस्‍लोनिकि 4:3

हे़निङ पबित्‍रा लिसानिङे लुनुङ निवाहाङ्‌डे़ॽ मिॽइटे़, मोडोगे़ॽ चोप खालहा बेभिचारि योम्‍बोकबाङ ओः पेनानिङे।

हिब्‍रु 10:36

निवाहाङ्‌डे़ॽ नेन्‍जाबॽआ योम्‍बोक ले़ःॽमानुङ खोसे़ॽ हेन्‍ज्‍रुङ हे़म्‍बॽआ खा चुप्‍मामि लागि हे़निङ पक्‍का लिसानिङे।

हिब्‍रु 13:21

हे़निङ चोप खालहा नुबा खाबेॽ पक्‍का लिमामि सहायात ले़ःॽरो, मोबा निवाहाङ्‌डे़ॽ नेन्‍जोन्‍डुए खा येसु खिरिस्‍टबाङ खोसे़ॽ हे़निङ्‌बेॽ पुरा लिरो। खोमि महिमा युग युगठोक लिरो। आमेन।

१ पत्‍रुस 2:15

इन्‍ढोङ्‌होङ हे़निङे़ॽ ले़ःॽपॽआ नुबा योम्‍बोकडे़ॽ उम्‍बरिङ याॽमिजिमि याबुक योङ उक्‍मेॽपॽआ निवाहाङ्‌डे़ॽ नेन्‍जोन्‍डुए।

१ पत्‍रुस 4:2

हागोएम्‍बाङ हे़निङ हिङ्‌रो याॽमिडे़ॽ मिॽटिडोॽ ने़ॽनि, तर निवाहाङ्‌डे़ॽ मिॽपॽआडोॽ हे़निङ्‌मि हिङ्‌मवाबेॽ ले़टानिङे।

१ युहन्‍ना 2:17

मक्‍खाम्‍डेमनुङ मोबेॽहा चोप थोकमि नोङ्‌सिमा नासि लिघे़हा, तर निवाहाङ्‌डे़ॽ मिॽपॽआ खा पुरा ले़ःॽखुबा चाहिँ सानिङ्‌मि लागि हिङ्‌इये।