एफिसि 6:23 - याम्फु

²³ चोप बिस्‍वासि वावानिसानुङ नानुसाजिडे़ॽ निवाहाङ पाबानुङ परभु येसु खिरिस्‍टबाङ सान्‍तिनुङ बिस्‍वासनुङ्‌मा नम्‍नम चुप्‍टानुमे।

एफिसि 6:23 Iomraidhean Croise

युहन्‍ना 14:27

“के़ॽ हे़निङ्‌नुङ सान्‍ति याःॽयानुङे। के़ॽ काङ्‌मि सान्‍ति हे़निङ पिनिम्‍ने़। मो सान्‍ति इगो मक्‍खाम्‍डेमडे़ॽ पिबॽआडोॽमा ने़ॽनिबा। हे़निङ्‌मि निवा दुःखि मे़लिरो, मोबा मे़ङ्‌किस्‍सिरो।

रोमि 1:7

रोमबेॽ टुघुबा चोप पबित्‍रा याॽमिजिमि लागि इगो पत्‍रा साप्‍मे़ॽनिङ्‌सिनुङे। निवाहाङ्‌डे़ॽ हे़निङ नम्‍नम ले़ःॽनुङ खोमि याॽमिजि लिमामि के़ःॽपॽआजि, कानिङ्‌मि पाबा निवाहाङ्‌नुङ परभु येसु खिरिस्‍टडे़ॽ अनुग्‍रहानुङ सान्‍ति पिरो।

रोमि 15:33

सान्‍तिदाङ्‌बा निवाहाङ हे़निङ चोपनुङ सानिङ टुरो, आमेन।

१ कोरिन्‍थि 1:3

कानिङ्‌मि निवाहाङ पाबानुङ परभु येसु खिरिस्‍टडे़ॽ हे़निङ अनुग्‍रहानुङ सान्‍ति पिरो।

२ कोरिन्‍थि 13:11

के़हा वावानिसानुङ नानुसाजि हागो का बिदा लिङे, हाङ्‌हाङ्‌नुङ पेनानिङे। बिस्‍वासबेॽ पक्‍का लिमामि लागि सानिङ बोल लिसानिङे। हे़निङ बिन्‍ति ले़ःॽपॽआ खा खेप्‍सानुमे, इक्‍कोसे़ॽ लुबॽआ खा हाइकोसे़ॽ खेप्‍सानुमे, मे़ङ्‌खिरेॽ पेनानिङे। मोबा सान्‍तिनुङ नम्‍नम पिघुबा निवाहाङ हे़निङ्‌नुङ पेङ्‌इये।

गलाति 5:6

खिरिस्‍ट येसुमि पोम्‍बेॽ खतना ले़ःॽपॽआ याॽमिनुङ खतना मे़ले़ःॽपॽआ इक्‍कोनोॽ लिन्‍जे। तर पाप्‍मिये खा चाहिँ नम्‍नमनुङ योम्‍बोक ले़ःॽखुबा बिस्‍वास ले़ये।

गलाति 6:16

हागो इगो नियम पालना ले़ःॽखुबाजिनुङ निवाहाङ्‌मि चोप पसाजिबेॽ सान्‍तिनुङ नम्‍नावा टुडुङ्‌घे़ॽरो।

एफिसि 6:24

कानिङ्‌मि परभु येसु खिरिस्‍ट नम्‍नम ले़ःॽखुबाजि चोपबेॽ खोमि अनुग्‍रहा टुडुङ्‌घे़ॽरो।

१ थेस्‍लोनिकि 5:8

तर कानिङ्‌गो लेन्‍डामि पसाजि ले़ःॽपॽआसे़ॽ टाङ्‌बा अधिनबेॽ युङ्‌मा खे़ये। कानिङे़ॽ बिस्‍वासनुङ नम्‍नममि हाङ्‌डाङ पाताडोॽ चाङ्‌मा, मोबा मुक्‍ति चाहिँ चे़क्‍चिमि टोपिडोॽ ओम्‍मा।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

२ थेस्‍लोनिकि 3:16

कानिङ्‌मि सान्‍तिमि परभुडे़ॽ सानिङ्‌नोॽ हे़निङ सान्‍ति पिरो। हे़निङ चोपनुङ सोरि परभु टुरो।

१ तिमोथि 1:14

काबेॽ कानिङ्‌मि परभुमि अनुग्‍रहा के़ॽलो युङ्‌बेॽटा, मोबा खिरिस्‍टबेॽ टुये बिस्‍वासनुङ नम्‍नमसो खोसे़ॽनोॽ का पिसिङा।

१ तिमोथि 1:3

का माकेडोनियाबेॽ खे़ॽसिॽपोरोक्‍माबेॽ हे़न एफिससबेॽनोॽ पेने। मोबेॽ निवाहाङ्‌मि बचनमि मे़ॽनोक्‍हा सिक्‍छे इःॽखुबा याॽमिजि आक्‍टोॽ एले़ॽमे लुनुङ वोबाजे।

१ तिमोथि 5:8

आढाजिडे़ॽ टाङ्‌बाङ्‌जिबाङ्‌सो बेॽलो खिमबेॽहाजि नुरोॽ मे़ङ्‌खाक्‍सुजिहोङ, माहाजिगो चाइबमा बिस्‍वासिनोॽ ने़ॽनिहाजि ले़ःॽमिने। खोजि बिस्‍वास मे़ले़ःॽखुबाजिबाङ्‌सो मङे़हाजि ले़म्‍मे।

१ पत्‍रुस 5:14

इक्‍कोसे़ॽ हाइको नम्‍नमनुङ्‌मा सेवा मुसानिङे, खिरिस्‍टबेॽ बिस्‍वास ले़ःॽखुबाजि हे़निङ चोपबेॽ सान्‍ति लिरो।

३ युहन्‍ना 1:14

हे़न्‍नुङ चुप्‍मे बेॽलो आसा ले़ए़टुङे मोडोक्‍पेॽ सोरि पेन्‍नुङ इघा चोप खा इःजामा।

परकास 1:4

का युहन्‍नाडे़ॽ एसियाबेॽ टुहा एच्‍चि गोटा मन्‍डलिबेॽहा बिस्‍वासिजि सेवा मुनुङे़, निवाहाङ याक्‍लोएम्‍बाङ टुसा, आयुसो टुये मोबा ए़क्‍साङ्‌सो लेङ्‌इये, मोबा निवाहाङ पेन्‍ढाममि पोम्‍बेॽ टुहा एच्‍चि गोटा होङ्‌निवाबाङ हे़निङ अनुग्‍रहानुङ सान्‍ति लिरो।