एफिसि 6:12 - याम्फु

¹² इन्‍ढोङ्‌होङ कानिङ्‌मि ङे याॽमिजिनुङ ने़ॽनि, तर से़न्‍जुगुपबेॽहा सासकजि, अधिकारि, नान्‍दरुङ्‌बेॽहा मङे़हा चापजिनुङ सक्‍तिमि बिरोधबेॽ ले़ये।

एफिसि 6:12 Iomraidhean Croise

मत्‍ति 16:17

येसुडे़ॽ खो लुसु, “योनामि पसा सिमोन, हे़ने़ॽ आसिस चुप्‍मिन्‍टुए! इन्‍ढोङ्‌होङ इगो खा याॽमिबाङ ने़ॽनि, थाङ्‌सिरिबेॽ टुघुबा के़ए़ निवाहाङ पाबाडे़ॽ हे़न लेमेटे़।

मरकुस 4:19

मोबा माहाजिडे़ॽ निवाहाङ्‌मि सिक्‍छे खेम्‍गो खेम्‍इन्‍डुजे तर इगो मक्‍खाम्‍डेमबेॽहा सुरता, याङ्‌सरावामि नम्‍नमडे़ॽ मो बचन मिन्‍डेन्‍डुजे मोबा इक्‍कोसो चा किङ्‌निबा।

लुका 13:24

येसुडे़ॽ लुसु, “सागुरोमा राम्‍बडेमबाङ निवाहाङ्‌मि राज्‍यहोङ्‌सिॽयु पे़खे़ॽमामि बोल लिसानिङे। के़ॽ हे़निङ लुनिम्‍ने़, बेॽलो याॽमिजि निवाहाङ्‌मि राज्‍यहोङ्‌सिॽयु पे़खे़ॽमा योॽइम्‍मे तर पे़खे़ॽहेमिने।

लुका 22:53

का सानिङ हे़निङ्‌नुङ्‌नोॽ सोरि मन्‍दिरबेॽ टुसिङ, मोडोक्‍पेॽ हे़निङे़ॽ का मे़राःप्‍हेसानिङ! तर हागो हे़निङ्‌मि पालो लेङ्‌इटे़ सैतानमि सक्‍तिमि राज्‍य इगोनोॽ ले़ये।”

युहन्‍ना 12:31

हागो मक्‍खाम्‍डेममि न्‍याय लिमे याक लेम्‍बेटे़। हागो मक्‍खाम्‍डेमबेॽए दुस्‍टामि हाङ्‌बा पाखे़ॽयु राप्‍खे़ये।

युहन्‍ना 14:30

का हे़निङ्‌नुङ हागो बेॽलो खा यामुङानि, इन्‍ढोङ्‌होङ इगो मक्‍खाम्‍डेममि हाङ्‌बा लेम्‍मे़ॽनिङ्‌सिये। तर खोसे़ॽ का इमाङ्‌सो ले़ःॽहेङानिबा।

युहन्‍ना 16:11

खोसे़ॽ निवाहाङ्‌मि न्‍याय लुबॽआ इमाङ्‌डे लुमे खा खाङ्‌मेये, इन्‍ढोङ्‌होङ मक्‍खाम्‍डेमबेॽए हाङ्‌बा (सैतान) मि न्‍याय सिॽपेटे़।”

एप्‍पा चोङ्‌सा 26:18

“‘हे़ने़ॽ माहाजिमि मिक हेम्‍बेॽनुङ सेन्‍जुगुप्‍बाङ उज्‍यालोबेॽ लाप्‍मा खे़ये। मोबा सैतानमि हुकबाङ निवाहाङ्‌लाम टेआप्‍मा खे़म्‍मे। माहाजिडे़ॽ काबेॽ बिस्‍वास ले़न्‍डुजेनुङ माहाजिमि पाप वासोक्‍खे़हा मोबा माहाजिडे़ॽ निवाहाङ्‌डे़ॽ से़म्‍बॽआ याॽमिजिनुङ सोरि सेवा ले़टोक्‍इन्‍डुजे’।

रोमि 8:38

इन्‍ढोङ्‌होङ के़ॽ नुरोॽ लेनुङे़, सिमवाडे़ॽ अथबा हिङ्‌मवाडे़ॽ, थाङ्‌सिरिदुतडे़ॽ अथबा मक्‍खाम्‍डेमबेॽहा मङे़हा चापजिडे़ॽ, अथबा आयुहा खाडे़ॽ अथबा ए़क्‍साङ्‌हा खाडे़ॽ अथबा सक्‍तिडे़ॽ,

१ कोरिन्‍थि 15:50

वावानिसानुङ नानुसाजि के़ॽ हे़निङ लुमायोक्‍पॽआ चाहिँ इगो ले़ये, सानुङ हरिमि हिङा थाङ्‌सिरिमि राज्‍यमि हकदार लिहेनिबा। नासि लिये हिङाडे़ॽ नासि मे़लिघुबा हक चुप्‍हेसुनिबा।

२ कोरिन्‍थि 11:14

इगो इमाङ्‌सो खरिमा खा ने़ॽनि, इन्‍ढोङ्‌होङ सैतानसो जोतिनुङ्‌मा थाङ्‌सिरिदुतडोॽ लिनुङ खाङ्‌मुमा योॽइये।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

गलाति 1:16

निवाहाङ्‌डे़ॽनोॽ काबाङ यहुदिजिमि रुम्‍बेॽ सुसमाचार परचार लिरो मिॽनुङ खोमि पसामि जोति खाङ्‌मुसु, मोडोक्‍पेॽ के़ॽ याॽमिजिनुङ सल्‍लहा मे़लासुङ।

एफिसि 1:21

खिरिस्‍टडे़ॽ नान्‍रुङ्‌माबेॽहा चोप चापसोक्‍पेॽ, चोप सासकजि सोक्‍पेॽ, चोप सक्‍तिसोक्‍पेॽ सासन ले़न्‍डुए, खो चोप परभुजिमिसो परभु ले़ये। इगो युगबेॽरेॽनोॽ ने़ॽनि ए़क्‍साङ लेङ्‌इये युगबेॽसो खोसे़ॽनोॽ सासन ले़न्‍डुए।

एफिसि 1:3

कानिङ्‌मि परभु येसु खिरिस्‍टमि पाबा निवाहाङ्‌मि महिमा लिरो। खोसे़ॽ येसु खिरिस्‍टराम्‍बाङ थाङ्‌सिरिबाङ्‌हा चोप आत्‍मिक आसिस कानिङ पिटे़।

एफिसि 2:2

मोडोक्‍पेॽ हे़निङ मक्‍खाम्‍डेमबेॽहा पापि रितिथिति ले़ःॽसाङ मङे़हा सक्‍तिमि मायोङ्‌बा सैतानडे़ॽ लुबॽआ खा खेप्‍सानुम। मोसे़ॽ याॽमिजिमि होङ्‌निवाबेॽ निवाहाङ्‌मि टेडिघरिक योम्‍बोक ले़ःॽमे़ॽनिङ्‌सिन्‍डुए।

एफिसि 3:10

इडोॽ पबित्‍रा मन्‍डलिबाङ पाबा निवाहाङ्‌मि खाल खालहा निवामि खा थाङ्‌सिरिबेॽहा सासकजिनुङ अधिकारदाङ्‌बाजिडे़ॽ लेजोसुजिरो लुनुङ माहा लेमा छॽइहा खा खाङ्‌मुसु।

कलस्‍सि 1:13

खोसे़ॽनोॽ कानिङ सेन्‍जुगुप राज्‍यबाङ छुट्‌कारा ले़टानुङ खोमि नम्‍नम ले़ःॽपॽआ पसामि राज्‍यबेॽ सेङ्‌घे़ॽटा।

कलस्‍सि 2:15

मोबा मो काप्‍सिङ्‌बेॽनोॽ खिरिस्‍टडे़ॽ परधानतानुङ मङे़हा सक्‍तिजि हेजोसुजि। मोबा माहाजि चोपमि पोम्‍बेॽ तमसा टोङ्‌नुङ ङेसिमारो टोक्‍सुजि।

२ तिमोथि 2:5

खेल मुमाबेॽ खेलमि नियमडे़ॽ लुडिडोॽ मुमाहोङ्‌रेॽ इनाम चुप्‍मिये।

हिब्‍रु 12:1

खिम्‍मिॽवाडे़ॽ टे़क्‍डिडोॽ कानिङ्‌मि खिरिरि बेॽलो साक्‍छिजि टुम्‍मे। मोडोगे़ॽ कानिङ्‌मि राम्‍बेॽ लेङ्‌इहा खाल खालहा रिहानुङ हाप्‍सेॽखुबा पाप कोसेॽनुङ निवाहाङ्‌डे़ॽ कानिङ पिबॽआ योम्‍बोक नुरोॽ पुरा ले़ःॽमा खे़ये।

हिब्‍रु 12:4

हे़निङे़ॽ पापमि बिरोधबेॽ ङे ले़ःॽमाबेॽ सिमानोॽको मे़न्‍सिॽटि।

१ पत्‍रुस 3:22

खो हिङ्‌बोक्‍नुङ ए़क्‍साङ थाङ्‌सिरिॽटु खे़ॽनुङ निवाहाङ्‌मि चुप्‍थिङ्‌लाम पेङ्‌इटे़, मोबा चोप थाङ्‌सिरि दुतजिनुङ थाङ्‌सिरिबेॽहा अधिकारनुङ सक्‍ति खोमि अधिनबेॽ टुहा।