एफिसि 6:11 - याम्फु

¹¹ दियाबलसमि चेन्‍दुबा योम्‍बोकमि बिरोधबेॽ येःप्‍मामि निवाहाङ्‌डे़ॽ पिबॽआ चोप हतियार सिप्‍नुङ ङे ले़ःॽमाबेॽ चाङ्‌मे चेॽ चक्‍सानुमे।

एफिसि 6:11 Iomraidhean Croise

मरकुस 13:22

इन्‍ढोङ्‌होङ रेम्‍सिङ खिरिस्‍टजिनुङ रेम्‍सिङ अगमबक्‍ताजि लेङ्‌इम्‍मे। माहाजिडे़ॽ बेॽहा बेॽहा चिङ्‌गानुङ खरिहा योम्‍बोक ले़ःॽनुङ निवाहाङ्‌डे़ॽ से़म्‍बॽआ याॽमिजिसो रेम्‍इन्‍डुजे।

रोमि 13:12

हागो सेन्‍जुगुप रुक्‍खे़ॽसिॽ पोरोइटे़, नम टे़ॽसिॽपोरोइटे़। मोडोगे़ॽ माहा सेन्‍जुगुप्‍पेॽ ले़ःॽमे योम्‍बोक लेप्‍पेनुङ जोतिमि तिरिङ्‌गाजिडोॽ पोरोक्‍मा खे़ये।

रोमि 13:14

तर हागोएम्‍बाङ परभु येसु खिरिस्‍टमि बानि बेहोरानुङ्‌मा हिङ्‌मवा हिङ्‌मा। मोबा कानिङ्‌मि पापि निवे़ॽ मिॽपॽआ बानिबेहोरा लेॽपेमा।

१ कोरिन्‍थि 10:13

हे़निङ्‌बेॽ लेङ्‌इये जाँच चोप याॽमिजिबेॽ लेङ्‌इयेडोॽमानोॽ ले़ये। निवाहाङ बिस्‍वासनुङ्‌मा ले़ये, खोसे़ॽ हे़निङे़ॽ मे़आङ्‌हेरोमा जाँचबेॽ सिॽमेॽनिबा, तर खोसे़ॽ जाँचबाङ लेक्‍खे़ॽमे रामसो टोङ्‌बेॽये। इडोॽ हे़निङ जाँचबेॽ सिॽमाबेॽ मो आङ्‌हेन्‍डानुमे।

२ कोरिन्‍थि 10:4

ङे ले़ःॽमाबेॽ पाप्‍मिहा कानिङ्‌मि हतियार मक्‍खाम्‍डेमबेॽहा हतियारडोॽ ले़ःॽनिहा, कानिङ्‌मि हतियारगो किल्‍लाडोॽहा छॽइहा खा योबेहेघुबानुङ निवाहाङ्‌मि सक्‍तिनुङ्‌बा हतियार ले़हा।

२ कोरिन्‍थि 11:3

तर सैतानडे़ॽ पुसे़ॽ लिनुङ हब्‍बा रेम्‍बॽआडोॽ मोसे़ॽ हे़निङ्‌मि खिरिस्‍टबेॽ टिबॽआ सोझोनुङ चोखो भक्‍तिनुङ्‌मा निवासो नासि ले़न्‍डुएन्‍डे लुनुङ का किस्‍सिटिङे।

२ कोरिन्‍थि 2:11

इडोॽ सैतानमि यिम्‍माङ्‌बेॽ कानिङ असासो मे़सिॽरो, इन्‍ढोङ्‌होङ मोमि चोप रेम्‍सिङ योम्‍बोक कानिङे़ॽ लेन्‍डुङ्‌मे़।

२ कोरिन्‍थि 4:4

खोजिमि टुम्‍बेॽ लुमाहोङ बिस्‍वास मे़ले़ःॽखुबा याॽमिजिमि लेमे निवानोॽ मक्‍खाम्‍डेमबेॽए मङे़ॽमा चाप सैतानडे़ॽ मिक्‍सुरुम्‍बा टोङ्‌बेटे़। मोडोगे़ॽ खिरिस्‍ट लुबॽआ निवाहाङ्‌मि नरिङ ले़ये लुमे खा खोमि महिमानुङ्‌मा सुसमाचार माहाजिडे़ॽ लेहेसुजिने।

२ कोरिन्‍थि 6:7

चाइबमा खा यामुनुङ निवाहाङ्‌मि सक्‍तिडे़ॽ योम्‍बोक ले़ःॽपॽआ लुनुङ खाङ्‌मुसुङ्‌मा। याॽमिजिनुङ काक्‍मा सिॽहोङ्‌सो कानिङ्‌नुङ हतियार टुये, मो हतियार लुबॽआ चाहिँ निवाहाङ्‌डे़ॽ नेन्‍जामारोमा हिङ्‌मवा हिङ्‌मानोॽ ले़ये।

एफिसि 4:14

इडोॽ कानिङ पिच्‍छाजिडोॽ लिसिङ्‌मानि। मे़ॽनोक्‍हा सिक्‍छे इःॽखुबाजिमि सिक्‍छेमि हिॽवाबाडे़ॽ येप्‍खे़ॽहेनिबा। माहाजिमि रेम्‍सिङ सिक्‍छेडे़ॽ माङे़ॽमा रामलाम खे़ॽखुबा याॽमिडोॽ लिसिङ्‌मानि।

एफिसि 4:24

मोबा निवाहाङ्‌डे़ॽ मिॽपॽआडोॽ चाइबमा धारमिकनुङ पबित्‍रा लिबॽआ चोङ आनि बानिनुङ्‌हा हिङ्‌मवा हिक्‍सानिङे।

एफिसि 6:13

मोडोगे़ॽ निवाहाङ्‌डे़ॽ पिबॽआ चोप हतियार सिबानुमे इडोॽ सिबानुमहोङ मङे़ॽमा याक लेम्‍माबेॽ हे़निङे़ॽ मङे़ॽमा चाप नास ले़ःॽहेन्‍डानुम, मोबा ए़क्‍साङ्‌ठोक मोनुङ काक्‍सेॽनुङ हे़निङ हागोसो बोलियो लिनुङ येःप्‍हेडानिङे।

कलस्‍सि 3:10

हागोगो हे़निङ चोङ लिनुङ मोमिनोॽ नुबा आनिबानि ले़ःॽखुबा लिटानिङे। हे़निङ टाङ्‌बामि सिरिस्‍टिदाङ्‌बामि नरिङ्‌डोॽ खोमिन्‍नोॽ निवाबेॽ चोङ लिमे़ॽनिङ्‌सिन्‍डानिङ।

१ थेस्‍लोनिकि 5:8

तर कानिङ्‌गो लेन्‍डामि पसाजि ले़ःॽपॽआसे़ॽ टाङ्‌बा अधिनबेॽ युङ्‌मा खे़ये। कानिङे़ॽ बिस्‍वासनुङ नम्‍नममि हाङ्‌डाङ पाताडोॽ चाङ्‌मा, मोबा मुक्‍ति चाहिँ चे़क्‍चिमि टोपिडोॽ ओम्‍मा।

हिब्‍रु 7:25

मोडोगे़ॽ येसुबेॽ बिस्‍वास ले़ःॽनुङ निवाहाङ्‌बेॽ आप्‍खुबाजि खोसे़ॽ सानिङ्‌मि लागि हिङ्‌मेॽहेन्‍डुजे, इन्‍ढोङ्‌होङ याॽमिजिमि लागि निवाहाङ्‌नुङ पारथना ले़ःॽपेॽमामि खो सानिङ टुडुङ्‌घे़ये।

याकुब 4:7

मोडोगे़ॽ टाङ्‌बा निवाहाङ्‌मि अधिनबेॽ युक्‍सानुमे, सैतानमि बिरोध ले़टानुमे, मोबा मो हे़निङ्‌बाङ चिॽखे़ये।

१ पत्‍रुस 5:8

होसियार ले़ःॽनुङ चङ्‌खो पेनानिङे, हे़निङ्‌मि सतुर दियाबलसडे़ॽ असा चुप्‍नुङ चाबेमे लुनुङ किबाडोॽ वोसाङ किॽयु मिॽयु योक्‍मे़ॽसिन्‍डुए।

यहुदा 1:24

हागो असे़ॽ हे़निङ पापबेॽ सिॽमाबाङ जोगाबा ले़ःॽहेये, मोबा असे़ॽ हे़निङ आप्‍टिक मे़ॽनिङ्‌हा चोखोनुङ हाङ्‌हाङ टोङनुङ खोमिनोॽ महिमामि पोम्‍बेॽ चिॽखे़हेये।

परकास 12:9

मो उहिलेमा बेॽएम्‍मा पुसे़ॽनुङ मोमि दुतजि थाङ्‌सिरिबाङ मक्‍खाम्‍डेमबेॽ राप्‍खडामि। मो बेॽएम्‍मा पुसे़ॽ लुबॽआ चाहिँ मक्‍खाम्‍डेमबेॽहा चोप याॽमिजि चाइबमा निवाहाङ्‌बाङ फाङ्‌सेॽखुबा मङे़ॽमा चाप अथबा सैतान ले़ये।

परकास 19:20

मोबा मो जिवातनुङ मोमि पोम्‍बेॽ खरिहा योम्‍बोक ले़ःॽखुबा मे़ॽनोक्‍मा अगमबक्‍ता निप्‍पाङ्‌नोॽ कैदि लिसाजि। इघा खरिहा योम्‍बोकबाङ मो रेम्‍सिङ अगमबक्‍ताडे़ॽ मो जिवातमि छाप टिघुबाजिनुङ मोमि मुरतिमि पुजा ले़ःॽखुबाजि रेम्‍बॽआ ले़टामे। हाङ्‌मे़ॽनिङ्‌सिबॽआ गन्‍धकमि बेॽएम्‍मा थाउरुमबेॽ मोजि हिङ्‌रिकनोॽ राप्‍ए़न्‍डुजि।

परकास 2:24

तर मो मेॽनामिॽमि सिक्‍छे मे़ङ्‌खेम्‍खुबाजिनुङ सैतानमि लेमा छॽइये खा मे़चिङ्‌घुबा हे़निङ थिआटिरा मन्‍डलिबेॽहा कोहि याॽमिजि के़ॽ इमाङ्‌सो कोक खिमेॽनिम्‍नानि।