एफिसि 6:1 - याम्फु

¹ पसाजि, हे़निङ परभुमि याॽमि लिबॽआसे़ॽ आम्‍निमि पाबा मामामि आग्‍या पालना ले़टानुमे, इन्‍ढोङ्‌होङ इडोॽ ले़ःॽमा चाहिँ नुबा खा ले़ये।

एफिसि 6:1 Iomraidhean Croise

लुका 2:51

मोबा येसु पाबा मामाजिनुङ नासरतबेॽनोॽ टेघडा। खोजिडे़ॽ लुबॽआ चोप योम्‍बोक ले़ःॽसाङ पेना। खोम्‍मा मरियमडे़ॽ माहा चोप खा निवाबेॽनोॽ युक्‍सु।

रोमि 12:2

हे़निङ मक्‍खाम्‍डेमबेॽहा याॽमिजि खाङ्‌नुङ खोजिडोॽ ए़लिसानिङे, तर टाङ्‌बामि निवा होङ्‌सिॽयुरा चोङ लिनुङ याक्‍लोहा आनिबानि लेडानुमे। मोडोॽ ले़टानुमहोङ निवाहाङ्‌डे़ॽ हे़निङ्‌बेॽ ले़ःॽमा नेन्‍जाबॽआनुङ पक्‍का योम्‍बोक इमाङ ले़ये लुनुङ लेहेन्‍डानुमे।

रोमि 16:2

खोसे़ॽ बेॽलो याॽमिजि सहायता ले़ए़टुजे, मोबा कासो बेॽलो सहायता ले़टिङा। मोडोगे़ॽ हे़निङे़ॽसो खो खिरिस्‍टमि पबित्‍रा याॽमि ले़टिडोॽ स्‍वागत ले़टानुमे, खो खाँचो सिॽमाबेॽ हेरो सहायता ले़टानुमे।

रोमि 7:12

धारमिक नियमगो पबित्‍रा ले़ये, मोबा धारमिक आग्‍यासो पबित्‍रा ले़येनुङ नुबा योम्‍बोक ले़न्‍डुए।

१ कोरिन्‍थि 15:58

मोडोगे़ॽ के़हा वावानिसानुङ नानुसाजि, बिस्‍वासबेॽ पक्‍का लिसानिङे, खोबेॽ सानिङ हे़निङ्‌मि निवा टिसानुमे। सानिङ परभुमि योम्‍बोक ले़ःॽमा बोल ले़टानिङे, इन्‍ढोङ्‌होङ परभुमि योम्‍बोकपेॽ दुःख ले़ःॽपॽआ के़न्‍डिॽखे़ॽनिबा लुमे खा हे़निङे़ॽ लेन्‍डानुमे।

१ तिमोथि 5:4

तर राङ्‌मिॽमामिन्‍नोॽ पसा याङ्‌मेनजि टुमिहोङ, मो राङ्‌मिॽमामि पसा अथबा याङ्‌मेनजिडे़ॽ माहाजिमि खिमबेॽहाजि नुरोॽ खाङ्‌नुङ खोजिडे़ॽ निवाहाङ्‌बेॽ बिस्‍वास ले़ःॽपॽआ खाङ्‌मुमा खे़ये। याक्‍लो पाबा मामाडे़ॽ खोजि कुमाबेॽ ले़ःॽपॽआ दुःखमि साटो खोजिडे़ॽसो पाबा मामाजिमि लागि ले़टुजिरो। इन्‍ढोङ्‌होङ इगो खा निवाहाङ्‌डे़ॽ नेन्‍जोन्‍डुए।

१ पत्‍रुस 2:13

परभु आदर ले़ःॽमामि लागि चोप सासकजिमि अधिनबेॽ पेनानिङे, मो बेॽए अधिकारनुङ्‌मा हाङ्‌बाहोङ्‌सो,