30 इन्ढोङ्होङ कानिङ खोमिनोॽ हिङामि अङ्ग ले़न्डिङ्मा।
मोडोक्नोॽ कानिङ्सो बेॽलो टुन्डिङ्मा, तरसो खिरिस्टबेॽ इक्को हिङा ले़न्डिङ्मे, कानिङ इक्कोमि अङ्ग हाइकोमिसो अङ्ग ले़न्डिङ्मा।
हे़निङ्मि हिङा खिरिस्टमि अङ्ग ले़ये लुमे खा हे़निङे़ॽ लेसानुम्ने ? मोडोक्होङ इमा के़ॽ खिरिस्टमि अङ्ग याङ्घे़ॽनुङ बेस्यामि अङ्गनुङ ठुमे ? इडोॽ इन्डोक्पेॽसो ले़ःॽमानोॽ फे़न्निबा।
मो मन्डलि खोमि हिङा ले़ये, खोबेॽ टुहा चोप खा बिस्वास ले़ःॽखुबाजिनुङ टुहा, खोसे़ॽ चोप थोक, चोपराजि खोमटाङ्बे़ॽ अधिन ले़न्डुए।
असे़ॽसो टाङ्बामि हिङा सिॽचोसुनिबा, तर टाङ्बामि हिङा नम्नम ले़ःॽनुङ दुःख ले़न्डुए। मोडोक्नोॽ खिरिस्टडे़ॽसो खोमि मन्डलिमि लागि दुःख ले़न्डुए।
इडोक्हा याॽमिजि खिरिस्टमि अधिनबेॽ पेम्मिने। इन्ढोङ्होङ निन्डवाँमि अधिनबेॽ पेन्नुङ्रेॽ हिङामि चोप अङ्ग बोलियो लिडिडोॽ खिरिस्ट निन्डवाँ ले़ये, खोमि अधिनबेॽ पेन्नुङ्रेॽ माहाजि निवाहाङ्डे़ॽ मिॽपॽआडोक्नोॽ खिरिस्टबेॽ बेॽलो बेॽलो लिम्मे।
