एफिसि 5:21 - याम्फु

²¹ हे़निङ खिरिस्‍टमि आदर ले़ःॽखुबा याॽमि ले़ःॽपॽआसे़ॽ सानिङ इक्‍कोसे़ॽ हाइकोमि अधिनबेॽ पेनानिङे।

एफिसि 5:21 Iomraidhean Croise

१ कोरिन्‍थि 16:16

के़हा वावानिसानुङ नानुसाजि, इडोक्‍हा याॽमिजिडे़ॽनुङ निवाहाङ्‌मि योम्‍बोक ले़ःॽखुबाजि चोबे़ॽ लुबॽआ खा खेप्‍सानुमे लुनुङ हे़निङ बिन्‍ति ले़निम्‍ने़।

२ कोरिन्‍थि 5:11

परभुनुङ इन्‍ढोङ किस्‍सिमा खे़ये लुमे खा लेन्‍डुङ्‌मे़ मोडोगे़ॽ हाइखा याॽमिजिसो मोडोक्‍नोॽ ले़ःॽमा खे़ये लुनुङ इःन्‍डुङ्‌मा। कानिङ इन्‍डोक्‍हाजि ले़न्‍डिङ्‌मा लुनुङ निवाहाङ्‌डे़ॽ नुरोॽ लेयेनुङ का इन्‍डोक्‍मा ले़ङे लुनुङ हे़निङे़ॽ नुरोक्‍नोॽ लेन्‍डानुम लुमे के़ॽ मिॽइटुङे।

२ कोरिन्‍थि 7:1

मोडोगे़ॽ के़हा लङ्‌गामजि, कानिङे़ॽ इघा हेन्‍ज्‍रुङ चुप्‍पॽआसे़ॽ हिङानुङ होङ्‌निवा असुद्‌ध टोङ्‌घुबा चोप खाबाङ ओः पेम्‍मा, मोबा निवाहाङ्‌मि आदर ले़ःॽसाङ सानिङ पबित्‍रा लिमानुङ हिक्‍सि।

गलाति 5:13

वावानिसानुङ नानुसाजि, हे़निङ्‌गो फुक्‍का लिसिॽ के़ःॽपॽआ याॽमिजि ले़न्‍डानिङे। तर इगो फुक्‍का चाहिँ हिङाडे़ॽ ले़ःॽमा मिॽपॽआ पापि खानुङ योम्‍बोक ले़ःॽमामि लागि पिबॽआ ने़ॽनिबा। इक्‍कोसे़ॽ हाइको नम्‍नम ले़ःॽनुङ भलाइमि योम्‍बोक ले़टानुमे।

एफिसि 5:22

बनिमाजि, निवाहाङ्‌मि अधिनबेॽ पेन्‍डिडोक्‍नोॽ टाङ्‌बामि बनिबामि अधिनबेॽ पेनानिङे।

एफिसि 5:24

मोडोगे़ॽ मन्‍डलि खिरिस्‍टमि अधिनबेॽ टुडिडोक्‍नोॽ बनिमाजिसो बनिबाजिमि अधिनबेॽ पेम्‍मिरो।

फिलिप्‍पि 2:3

टाङ्‌बारेॽनोॽ नुबा लिये खा ए़योगानुमेनुङ काङायोङ्‌बा ए़लिसानिङे, तर ए़डेम्‍मा लिनुङ इक्‍कोसे़ॽ हाइको टाङ्‌बाबाङ बेॽएम्‍मा मिडानुमे।

१ तिमोथि 2:11

मेॽनामिॽ पसाजि अधिनबेॽ योङ पेन्‍नुङ नुबा खा चिनुजिरो।

१ तिमोथि 3:4

खो टाङ्‌बामि खिम नुरोॽ ले़चाहेघुबा, मोबा खोम पसाजि नुरोॽ तह टिहेघुबा लिमा खे़ये।

हिब्‍रु 13:17

हे़निङ्‌मि अगुवाजिडे़ॽ लुबॽआ खा खेप्‍सानुमे, मोबा खोजिमि अधिनबेॽ पेनानिङे। माहाजिडे़ॽ हे़निङ्‌मि रेखदेख ले़न्‍डुजे। इन्‍ढोङ्‌होङ माहाजिडे़ॽ हे़निङ्‌मि रेखदेख ले़न्‍डुजेनुङ हे़निङे़ॽ ले़ःॽपॽआ योम्‍बोकमि लेखा माहाजिडे़ॽ निवाहाङ पिमा खे़ये। माहाजिडे़ॽ लुबॽआ खा खेप्‍सानुमहोङ माहाजिडे़ॽ साप्‍थाङ्‌मानुङ सेवा ले़न्‍डुजे, निवा टुक्‍मेॽटानुमहोङ्‌गो हे़निङ इमाङ्‌सो नुबा लिनिबा।

१ पत्‍रुस 2:13

परभु आदर ले़ःॽमामि लागि चोप सासकजिमि अधिनबेॽ पेनानिङे, मो बेॽए अधिकारनुङ्‌मा हाङ्‌बाहोङ्‌सो,

१ पत्‍रुस 2:17

चोप याॽमिजि आदर ले़टानुमे, बिस्‍वास ले़ःॽखुबा वावानिसानुङ नानुसाजि नम्‍नम ले़टानुमे। निवाहाङ्‌नुङ किस्‍सिसानिङे, हाङ्‌बा आदर ले़टानुमे।

१ पत्‍रुस 5:5

मोडोक्‍नोॽ वेन्‍जाजि, मन्‍डलिबेॽहा एल्‍डरजिमि खा खेप्‍सानुमेनुङ खोजिमि अधिनबेॽ पेनानिङे। हे़निङ इक्‍कोसे़ॽ हाइकोमि अधिनबेॽ ए़डे़म्‍मा लिनुङ पेनानिङे। इन्‍ढोङ्‌होङ धारमिक नेॽचिराडे़ॽ इडोॽ लुये, “निवाहाङ्‌डे़ॽ काङायोङ्‌बाजिमि बिरोध ले़न्‍डुजे, तर ए़डे़म्‍मा लिघुबाजि अनुग्‍रहा ले़न्‍डुजे।”