एफिसि 5:20 - याम्फु

²⁰ सानिङ्‌नोॽ चोप खामि लागि कानिङ्‌मि परभु येसुमि निङ्‌बेॽ निवाहाङ पाबा ओहाक पिसानुमे।

एफिसि 5:20 Iomraidhean Croise

युहन्‍ना 15:16

हे़निङे़ॽ का से़म्‍बॽआ ने़ॽनि, तर के़ॽ हे़निङ से़नुङ। इन्‍ढोङ्‌होङ हागो सानिङ टुडुङ्‌घे़हा चा किङ्‌मेॽटानुमे लुनुङ के़ॽ हे़निङ पाङ्‌मे़ॽनिङ्‌सिनिम्‍ने़। मोबा काङ्‌मि निङ्‌बेॽ पाबानुङ इमाङ ङागानुमहोङ्‌सो खोसे़ॽ हे़निङ पिये।

एप्‍पा चोङ्‌सा 5:41

मोबा एप्‍पा चोङ्‌साजि न्‍यायधिसजिमि सभाबाङ ओम्‍फिॽयु खडामि। मोबा खोजि इडोॽ कासामि, “येसुमि निङ्‌बेॽ खेः आङ्‌मारोमा लिटिङ्‌मे़ कासाङ” बेॽलो साप्‍थाक्‍सामि।

रोमि 1:8

चोप्‍पाङ याक्‍लो के़ॽ येसु खिरिस्‍टबाङ हे़निङ चोपमि लागि निवाहाङ पाबा ओहाक पिनुङे़, इन्‍ढोङ्‌होङ हे़निङ्‌मि बिस्‍वासमि टुम्‍बेॽहा खा चोप मक्‍खाम्‍डेमबेॽ परचार लिटाहा।

१ कोरिन्‍थि 1:4

खिरिस्‍ट येसुबेॽ निवाहाङ्‌डे़ॽ हे़निङ पिबॽआ अनुग्‍रहामि लागि सानिङ के़ॽ निवाहाङ ओहाक पिनुङे़।

१ कोरिन्‍थि 15:24

मोबा ए़क्‍साङ चोप रुक्‍खे़हा। मोडोक्‍पेॽ खिरिस्‍टडे़ॽ हाइखा चोप सासन, चोप अधिकारनुङ सक्‍ति नास ले़ःॽनुङ निवाहाङ पाबामि हुकपेॽ राज्‍य पिन्‍डुए।

एफिसि 5:4

ङेसिमा टे़क्‍टे़क्‍हा खा, उम्‍बरिङ्‌नुङ मङे़हा खा हे़निङे़ॽ यामुमा खे़न्‍जानिबा। बोरु इगोमि साटो हे़निङे़ॽ सानिङ निवाहाङ ओहाक पिमा खे़ये।

फिलिप्‍पि 1:3

हे़निङ मिॽमाबेॽ सानिङ काङ्‌मि निवाहाङ ओहाक पिनुङे़।

फिलिप्‍पि 4:6

हे़निङ इमाङ खामि लागिसो सुरता ए़ले़टानिङे, तर हे़निङ पाप्‍मिहा खा निवाहाङ्‌नुङ पारथनाबेॽ ङागानुमे, मोबा ओहाक पिसाङ खोनुङ बिन्‍ति ले़टानुमे।

कलस्‍सि 3:17

हे़निङे़ॽ इमाङ ले़न्‍डानुमे, इमाङ इःन्‍डानुमे माहा चोप परभु येसुमि निङ्‌बेॽनोॽ ले़टानुमे, मोबा खोबाङ्‌नोॽ निवाहाङ पाबा ओहाङ पिसानुमे।

१ थेस्‍लोनिकि 3:9

हे़निङे़ॽ ले़ःॽमे़ॽ कानिङ निवाहाङ्‌मि पोम्‍बेॽ साप्‍थाङ्‌इन्‍डिङ्‌मा। इगो खामि लागिगो कानिङे़ॽ निवाहाङ इन्‍डोक ओहाङ पिमाबेॽसो चुक्‍खे़ये।

१ थेस्‍लोनिकि 5:18

दुःख सुख इन्‍डोक्‍पेॽहोङ्‌सो निवाहाङ ओहाङ पिसानुमे, इन्‍ढोङ्‌होङ येसु खिरिस्‍टबेॽ बिस्‍वास ले़ःॽखुबा चोबे़ॽ इडोक्‍नोॽ ले़ःॽपॽआ निवाहाङ्‌डे़ॽ नेन्‍जोन्‍डुए।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

२ थेस्‍लोनिकि 2:13

परभुडे़ॽ नम्‍नम ले़ःॽपॽआ वावानिसानुङ नानुसाजि, हे़निङ्‌मि लागि कानिङे़ॽ सानिङ्‌नोॽ निवाहाङ ओहाक पिमानोॽ खे़ये, इन्‍ढोङ्‌होङ याक्‍लोएम्‍बाङ्‌नोॽ पबित्‍रा होङ्‌निवे़ॽ चोखो टोङ्‌बॽआ योम्‍बोकबाङ मोबा चाइबमा खामि बिस्‍वासबाङ हिङ्‌मामि लागि निवाहाङ्‌डे़ॽ हे़निङ से़ङ्‌इटे़।

हिब्‍रु 13:15

मोडोगे़ॽ कानिङे़ॽ येसुमि निङ्‌बेॽ सानिङ्‌मु निवाहाङ ओहाङ्‌मि बलि चेॽटिमा। इगो ओहाङ चाहिँ खोमि निङ लाघुबाजिडे़ॽ चेॽटिबॽआ याबुकमि भेटि ले़ये।

१ पत्‍रुस 2:5

हे़निङ्‌सो हिङ्‌रिक रुङ्‌गोॽवाडोॽ लिनुङ खडानिङे मोबा निवाहाङ्‌मि मन्‍दिर लिमामि लागि टाङ्‌बा चेॽटिबेसानुमे। मोबेॽ हे़निङे़ॽ येसु खिरिस्‍टमि राम्‍बाङ निवाहाङ्‌डे़ॽ नेन्‍जामारोमा आत्‍मिक बलि चेॽटिखुबा पबित्‍रा याडाङ्‌बामि योम्‍बोक ले़न्‍डानुमे।

१ पत्‍रुस 4:11

यामुमे बरदान चुप्‍खुबे़ॽ निवाहाङ्‌मि बचन यामुसुजिरो, सेवा ले़ःॽखुबे़ॽ निवाहाङ्‌मि सक्‍तिबाङ सेवा ले़टुरो। मोडोक्‍नोॽ येसु खिरिस्‍टबेॽ चोप खाबाङ निवाहाङ्‌मिन्‍नोॽ महिमा लिरो। सानिङ खोमिन्‍नोॽ चोप्‍पाङबेॽए आदरनुङ माहिमा लिरो। आमेन।