एफिसि 4:31 - याम्फु

³¹ चोप मङे़हा खा, खिमा काक्‍मा, सुरके़ॽमा लेडानुमे, सिॽचामे योम्‍बोक ए़ले़टानुमे, चोप खालहा चेजेवा निवा लेॽपेसानुमे।

एफिसि 4:31 Iomraidhean Croise

एप्‍पा चोङ्‌सा 21:30

इगो खा सहरबेॽहा चोप याॽमिजिडे़ॽ लेडोक्‍टुजि, मोबा चोप याॽमिजि मोबेॽ पिन्‍जासामि। माहाजिडे़ॽ पावल राःप्‍नुङ मन्‍दिरबाङ पाखे़ॽयु से़ॽआप्‍नुङ मन्‍दिरमि राम्‍डेम से़क्‍टिसुजि।

रोमि 3:14

“माहाजिडे़ॽ सानिङ चापहिन्‍डुजेनुङ निवा इॽठुप खिॽवाइङ खा काप्‍मिन्‍डुजे।”

१ कोरिन्‍थि 14:20

वावानिसानुङ नानुसाजि, मिॽमे खाबेॽ पिच्‍छाडोॽ ए़लिसानिङे। मङे़हा खामि टुम्‍बेॽ चाहिँ पिच्‍छाडोॽ इमाङ मे़लेघुबा लिसानिङे, तर मिॽमे खाबेॽ चाहिँ पाको याॽमिडोॽ लिसानिङे।

१ कोरिन्‍थि 5:8

मोडोगे़ॽ कानिङे़ॽ छुट्‌कारामि चाड चामाबेॽ खमिरबाङ टोङ्‌बॽआ चरेपा ए़ॽचामा लुबॽआ चाहिँ बिस्‍वासि हिङ्‌मवाबेॽ मङे़हानुङ दुस्‍ट निवा खिनुङ ने़ॽनि, चाइबमानुङ पबित्‍रा लिमानुङ हिङ्‌मे़ लुबॽआ ले़ये।

२ कोरिन्‍थि 12:20

का आक्‍कोबेॽ लेम्‍माबेॽ के़ॽ मिॽपॽआबाङ हे़निङ हाइकोनोॽ लिबॽआ, मोबा के़ॽ हे़निङे़ॽ मिॽपॽआबाङ हाइकोनोॽ बेबहार ले़ःॽमा खे़येन्‍डे मिॽनुङ किस्‍सिङे। हे़निङ्‌मि रुम्‍बेॽ खिमाचुमा, चेजेवा निवा, सुरिॽयाॽवा, टाङ्‌बामिरेॽ नुबा मिॽखुबा, हाइखाजि इःजाघुबा, इःजाघुसे़ॽचुबॽआ, बेॽए रे़ङ्‌बॽआनुङ गोलमाल लिटानिङेन्‍डे लुनुङ के़ॽ मिॽइनुङे।

गलाति 5:20

मुरति पुजा ले़ःॽमा, चटक ले़ःॽमा, सतुर लिमा, खिमाचुमा, चेजेवा के़ॽमा, सुरके़ॽमा, टाङ्‌बामि लागिरेॽ भलो खाङ्‌मा, खिमाराप्‍मा, मङे़हा खामि लागि मोत्‍त इमा,

एफिसि 4:22

याक्‍लोहा बानि बेबहारबेॽ हिङ्‌मा लेॽपेसानुमे। हे़निङ्‌मि मो याक्‍लोए रेम्‍सिङ लालचानुङ हिङ्‌मवामि मङे़हा बानिडे़ॽ ले़ःॽमे़ॽ हे़निङ नासि लिमे़ॽनिङ्‌सिडानिङ।

एफिसि 4:25

मोडोगे़ॽ हागो रेम्‍डेॽमा खा चोबे़ॽ लेॽपेसानुमेनुङ हे़निङ इक्‍कोसे़ॽ हाइकोनुङ चाइबमा खा यामुसानुमे, इन्‍ढोङ्‌होङ कानिङ चोप खिरिस्‍टबेॽ इक्‍को हिङामि अङ्‌ग ले़न्‍डिङ्‌मा।

एफिसि 4:26

हे़निङ सुरिक पुःक्‍होङ्‌सो पाप चाहिँ ए़ले़टानुमे। नम आघे़ॽमा याक्‍लोनोॽ हे़निङ्‌मि सुरिक सेॽनेबेसानुमे,

कलस्‍सि 3:19

बनिबाजिओ, टाङ्‌बामि बनिमाजि नम्‍नम ले़टानुमेनुङ खोजिनुङ नम्‍नम मे़ॽनिङ्‌हा बेभार ए़ले़टानुमे।

कलस्‍सि 3:8

तर हागोएम्‍बाङ इडोक्‍हा सुरिक, चेजेवा, सिःक्‍चामा, चिक्‍चिमिॽमारोमा खा इघा चोप खा हे़निङे़ॽ ले़ःॽमा लेडानुमे।

१ तिमोथि 3:11

माहाजिमि बनिमाजिसो मोडोक्‍नोॽ आदरनिया, हाइखा याॽमिजि मे़इःजाघुबा, तर टाङ्‌बामि निवा अधिनबेॽ युङ्‌हेघुबानुङ चोप खाबेॽ बिस्‍वासनुङ्‌मा लिमा खे़ये।

१ तिमोथि 3:3

इ, टोप्‍टे़ॽवा मे़उङ्‌खुबा याॽमिजिनुङ खिमाचुमा मे़योक्‍खुबा लिमा खे़ये। खोगो सहनसिल लिमा खे़ये, याङ्‌सरावामि लोभ ले़ःॽमा फे़न्‍निबा।

१ तिमोथि 5:13

मोबासो राङ्‌मिॽ राङ्‌मिॽमाजि पाङ्‌सुबुॽइम्‍मेनुङ हाइखाजिमि खिम खिम वाइसाङ खा खिडिखुबाजि लिम्‍मे। मोडोक्‍रेॽ ने़ॽनि याॽमिजि इःजाखुबा, हाइखाजिमि योम्‍बोक हाप्‍सेॽखुबानुङ इःमानोॽ फे़न्‍निहा खा इःघुबाजि लिम्‍मे।

२ तिमोथि 2:23

तर योम्‍बोक मे़ॽनिङ्‌हा उम्‍बरिङ खाबाङ ओः पेने। हे़ने़ॽ लेन्‍डुए इडोक्‍हा खाडे़ॽको खिमावारेॽ पुइये।

२ तिमोथि 3:3

असासो नम्‍नम मे़ले़ःॽखुबाजि, आम्‍लाङ मे़म्‍पिघुबाजि, याॽमिजिमि मङे़हा खा खिडिखुबाजि, मङे़हा चालनुङ्‌हाजि, दुस्‍टाजिनुङ नुबा खा मे़नेन्‍जाखुजि लिम्‍मे, टाङ्‌बा अधिनबेॽ मे़युङ्‌हेघुबा ले़म्‍मे।

तितस 1:7

मन्‍डलिबेॽहा अगुवाडे़ॽ निवाहाङ्‌मि योम्‍बोकमि जिम्‍मा लाबॽआसे़ॽ खो इमाङ आप्‍टिक मे़ॽनिङ्‌मा याॽमि लिमा खे़ये। खो टाङ्‌बा खुसि ले़ःॽखुबा, चान्‍डोनोॽ सुरके़ॽखुबा, इनुङ टोप्‍टे़ॽवा उङ्‌खुबा, याॽमिजिनुङ काक्‍खुबा, मोबा खिक्‍तुबाङ लिमा फे़न्‍निबा।

तितस 2:3

मोडोक्‍नोॽ ठाॽमा मेॽनामिॽचिडे़ॽ निवाहाङ ओहाङ ले़ःॽमे हिङ्‌मवा हिङ्‌मिरो। खोजिडे़ॽ याॽमिजिमि खा मे़इःजोसुजिरो। माहाजि इनुङ टोप्‍टे़ॽवाडे़ॽ ए़सेॽखे़ॽमिरो, मोबा माहा मेॽनामिॽचिडे़ॽ नुबा खारेॽनोॽ इःडुजिरो।

याकुब 1:19

के़हा वावानिसानुङ नानुसाजि, इघा खा हे़निङ्‌मि निवाबेॽ नुरोॽ युक्‍सानुमे। हे़निङ खेम्‍माबेॽ चङ्‌खो, नुरोॽ मिॽनुङ यामुमा खे़ये मोबा टाःम सुरके़ॽमा खे़ये।

याकुब 3:14

तर हे़निङ्‌मि निवाबेॽ चेजेवानुङ स्‍वारथा खिमानुङ टाङ्‌बामि निवामि काङायोङ्‌बा लिसाङ चाइबमा खा मे़ॽनोक्‍मा ए़ॽटोक्‍सानुमे।

याकुब 4:11

वावानिसाजि, हे़निङ असे़ॽसो इक्‍कोसे़ॽ हाइकोमि बिरोधबेॽ मङे़ॽमा खा ए़इःसानुमे। बिस्‍वासि निसामि बिरोधबेॽ मङे़ॽमा खा इःघुबे़ॽ अथबा बिस्‍वासि निसा आप्‍टिक टिघुबे़ॽ निवाहाङ्‌मि नियममि बिरोधबेॽ यामुयेनुङ मोसे़ॽ मो नियम आप्‍टिक टिन्‍डुए। हे़ने़ॽ नियममि बिरोध ले़टुहोङ हे़न नियममि पालना ले़ःॽखु ने़ॽनि तर नियममि न्‍याय ले़ःॽखु लिये।

१ पत्‍रुस 2:1

मोडोगे़ॽ चोप खालहा दुस्‍ट खाबाङ, चोप रेम्‍सिङ, कप्‍टि, चेजेवानुङ याॽमि सिःक्‍चामे खाबाङ ओः पेनानिङे।

१ युहन्‍ना 3:12

हे़निङ कयिनडोॽ ए़ॽलिसानिङे, खोगो सैतानमि याॽमि ले़टा। खोसे़ॽ खोम्‍निसा हाबिल सेॽनेसु। खो दुस्‍ट ले़टे़न्‍से़ॽ खोम्‍निसा सेॽनेसु, तर खोमि निसा चाहिँ धरमि याॽमि ले़टा।

१ युहन्‍ना 3:15

बिस्‍वासि वावानिसानुङ नानुसाजि सिॽचाघुबा चाहिँ याॽमि सेॽखुबा ले़ये, याॽमि सेॽखुबाडे़ॽ ए़ॽसिमे हिङ्‌मवा चुप्‍हेसुनिबा लुनुङ हे़निङे़ॽ लेन्‍डानुम।

परकास 12:10

मोबा थाङ्‌सिरिबेॽ इडोॽ लुबॽआ के़ॽ खेप्‍सुङ, “हागो कानिङ्‌मि निवाहाङ्‌डे़ॽ छुट्‌कारा ले़ये, खोसे़ॽ सक्‍तिनुङमा राज्‍य ले़न्‍डुएनुङ खिरिस्‍टमि अधिकार लेङ्‌इटे़। हागो कानिङ्‌मि वावानिसानुङ नानुसाजि लेन्‍डा सेन्‍डा निवाहाङ्‌मि पोम्‍बेॽ आप्‍टिक टिघुबा सैतान थाङ्‌सिरिबाङ राप्‍खे़टे़।