एफिसि 4:3 - याम्फु

³ पबित्‍रा होङ्‌निवाडे़ॽनोॽ हे़निङ सान्‍तिबेॽ इक्‍को निवानुङ्‌हा टोङ्‌इटे़। हे़निङ सानिङ इक्‍को निवा लिनुङ पेम्‍मामि बोल ले़टानिङे।

एफिसि 4:3 Iomraidhean Croise

मरकुस 3:24

इक्‍को देसबेॽहा याॽमिजि खोजि टाङ्‌बानोॽ खिमिहोङ, ए़क्‍साङ मो देसनोॽ नासि लिये।

युहन्‍ना 13:34

हागो हे़निङ इक्‍को चोङ आग्‍या पिनिम्‍ने़, के़ॽ हे़निङ नम्‍नम ले़टिडोक्‍नोॽ हे़निङ्‌मि रुम्‍बेॽसो इक्‍कोसे़ॽ हाइको नम्‍नम ले़ःॽखुसे़ॽचुमे़।

१ कोरिन्‍थि 1:10

के़हा वावानिसानुङ नानुसाजि, कानिङ्‌मि परभु येसु खिरिस्‍टमि निङ्‌बेॽ हे़निङ बिन्‍ति ले़निम्‍ने़, हे़निङ चोप इक्‍को निवानुङ्‌हाजि लिसानिङे, मोबा हे़निङ्‌मि रुम्‍बेॽ फाटो मे़लिरो, तर हे़निङ सानिङ इक्‍को निवानुङ चोबे़ॽ इक्‍कोनोॽ खाबेॽ निवा टिसानुमे।

२ कोरिन्‍थि 13:11

के़हा वावानिसानुङ नानुसाजि हागो का बिदा लिङे, हाङ्‌हाङ्‌नुङ पेनानिङे। बिस्‍वासबेॽ पक्‍का लिमामि लागि सानिङ बोल लिसानिङे। हे़निङ बिन्‍ति ले़ःॽपॽआ खा खेप्‍सानुमे, इक्‍कोसे़ॽ लुबॽआ खा हाइकोसे़ॽ खेप्‍सानुमे, मे़ङ्‌खिरेॽ पेनानिङे। मोबा सान्‍तिनुङ नम्‍नम पिघुबा निवाहाङ हे़निङ्‌नुङ पेङ्‌इये।

एफिसि 4:13

कानिङ चोबे़ॽ खिरिस्‍टबेॽ ले़टिङ्‌बॽआ बिस्‍वासबेॽ इक्‍कोनोॽ लिमे, निवाहाङ्‌मि पसा चइबानोॽ लेमे, बिस्‍वासबेॽ बोलियो लिमेनुङ खिरिस्‍टडोक्‍नोॽ लिनुङ वाबुक्‍साङ खे़ॽए़न्‍डिङ्‌मा।

एफिसि 4:4

निवाहाङ्‌डे़ॽ हे़निङ इक्‍को खाबेॽ आसा पिडिडोॽ, बिस्‍वास ले़ःॽखुबाजि चोप खिरिस्‍टमि इक्‍को हिङा ले़ये। मोबा पबित्‍रा होङ्‌निवासो इक्‍कोनोॽ ले़ये।

१ थेस्‍लोनिकि 5:13

खोजिडे़ॽ ले़ःॽपॽआ योम्‍बोकमि लागि नम्‍नमनुङ खोजि बेॽए मान ले़टानुमे, मोबा आम्‍निटाङ्‌बा टोङ्‌जासानिङे।

हिब्‍रु 12:14

चोप याॽमिजिनुङ सान्‍तिबेॽ पेनानिङेनुङ पबित्‍रा लिनुङ हिङ्‌मामि बोल ले़टानिङे। पबित्‍रा मे़लिरेॽ असे़ॽसो परमपरभु खाङ्‌डोक्‍टुनिबा।