एफिसि 4:29 - याम्फु

²⁹ हे़निङ्‌मि याबुकबाङ मङे़हा खा यामुमा लेडानुमे बोरु नुबानुङ भलाइ लिये खारेॽ यामुसानिङे, मो खा खेम्‍खुबाजिडे़ॽ आसिस चुप्‍टुजिरो।

एफिसि 4:29 Iomraidhean Croise

मत्‍ति 5:16

इडोॽ हे़निङ्‌मि जोति चोपमि पोम्‍बेॽ खाङ्‌मुये मोबा हे़निङे़ॽ ले़ःॽपॽआ नुबा योम्‍बोक चोबे़ॽ खाङ्‌इन्‍डुजेनुङ थाङ्‌सिरिबेॽ पेङ्‌खुबा निवाहाङ्‌मि ओहाङ ले़न्‍डुजे।

लुका 4:22

चोप याॽमिजिडे़ॽ खोमि ओहाक ले़टुजि। खोमि अनुग्‍रहानुङ्‌हा खा खेम्‍नुङ माहाजिडे़ॽ खरि मिन्‍नुङ लुसुजि, “इगोगो योसेफमिनोॽ पसा ने़ॽनेन्‍डे ?”

युहन्‍ना 1:37

खोसे़ॽ लुबॽआ इगो खा खेम्‍नुङ मो निप्‍पाङ चोङ्‌साजि येसुमि ए़ङ्‌गुवा ए़ङ्‌गुवा खडाजि।

रोमि 14:19

मोडोगे़ॽ कानिङे़ॽ इक्‍कोसे़ॽ हाइको बिस्‍वासबेॽ वाबुक्‍माराप्‍मे खानुङ सान्‍ति पिमे खाबेॽरेॽ सानिङ निवा टिमा।

रोमि 15:2

कानिङ चोबे़ॽ माहा बिस्‍वासबेॽ थोःप्‍थोप याॽमिजि बोलियो लिमिरो लुनुङ खोजि साप्‍थाङ्‌मेॽमा खे़म्‍मे।

१ कोरिन्‍थि 14:19

तर मन्‍डलिबेॽ हाइके खाप्‍लाबेॽ बेॽलो खा इमाबाङ नुबा खा चाहिँ बोरु ए़डे़ॽवाहोङ्‌सो सिक्‍छे पिमामि चोबे़ॽ लेमे खाप्‍लाबेॽ यामुमानोॽ मिॽइनुङे।

एफिसि 4:12

खिरिस्‍टमि इघा पबित्‍रा याॽमिजि खोमि योम्‍बोक ले़ःॽखुबा टोङ्‌मामि लागि, मोबा खोमि हिङा मन्‍डलि बोलियो टोङ्‌मामि इडोॽ ले़टु।

एफिसि 4:16

खोबाङ्‌नोॽ हिङाबेॽहा चोप अङ्‌ग चोप जोरनिडे़ॽ चोक्‍नुङ ठिक ठिक योम्‍बोक ले़न्‍डुएनुङ बोलियो लिये, मोबा खिरिस्‍टमि नम्‍नमबेॽ वाबुक्‍साङ खे़ये।

कलस्‍सि 4:6

युमडे़ॽ चामा खेङ चानुये टोङ्‌डिडोॽ हे़निङे़ॽसो सानिङ नम्‍नावानुङ्‌हा बोलि बचन ले़ःॽमे। हे़निङ चोप याॽमिजिनुङ चनुहा यामुसानुमे।

१ थेस्‍लोनिकि 5:11

मोडोगे़ॽ आयु ले़टिडोक्‍नोॽ हे़निङ टाङ्‌बा हाङ्‌हाङ पिघुसे़ॽचुसानिङेनुङ बिस्‍वासबेॽ बोलियो टोङ्‌घुसे़ॽ चुसानिङे।

१ पत्‍रुस 2:12

अयहुदिजिमि रुम्‍बेॽ हे़निङ्‌मि चाल चलन नुबा लिरो। याॽमिजिडे़ॽ हे़निङ मङे़हाजि लुमिहोङ्‌सो हे़निङ्‌मि नुबा योम्‍बोक खाङ्‌डोगुजिरो, न्‍यायमि याकपेॽ माहाजिडे़ॽ निवाहाङ्‌मि ओहाङ ले़टुजिरो।

१ पत्‍रुस 3:1

बनिमाजि, हे़निङ्‌मि बनिबाजिमि अधिनबेॽ पेम्‍मा खे़ये। मोडोॽ ले़ःॽमाहोङ निवाहाङ्‌बेॽ बिस्‍वास मे़ले़ःॽखुबा बनिबाडे़ॽ हे़निङ्‌मि चाल चलन खाङ्‌नुङ्‌सो बिस्‍वास ले़न्‍डुए। हे़निङे़ॽ लुमा पाप्‍निबा खोजिटाङ्‌बे़ॽ खोजिमि निवा फेङ्‌इन्‍डुजे।

२ पत्‍रुस 2:18

माहाजिडे़ॽ काङायोङ्‌बानुङ उम्‍बरिङ खा इन्‍डुजे, मोबा हिङाडे़ॽ ले़ःॽमा मिॽपॽआ मङे़ॽमा योम्‍बोक ले़ःॽमेॽनुङ भरखरि बिस्‍वासबेॽ लेम्‍बॽआ याॽमिजि रेम्‍इन्‍डुजे।