एफिसि 4:24 - याम्फु

²⁴ मोबा निवाहाङ्‌डे़ॽ मिॽपॽआडोॽ चाइबमा धारमिकनुङ पबित्‍रा लिबॽआ चोङ आनि बानिनुङ्‌हा हिङ्‌मवा हिक्‍सानिङे।

एफिसि 4:24 Iomraidhean Croise

लुका 1:75

मोबा कानिङ मे़ङ्‌किस्‍सिरेॽ खोमि पोम्‍बेॽ हिङ्‌मवा इॽठुप पबित्‍रानुङ धारमिक लिनुङ खोमि पोम्‍बेॽ सेवा ले़ःॽहेन्‍डुङ्‌मे।

युहन्‍ना 17:17

हे़ने़ए़ बचन चाइबमा ले़ये, मोडोगे़ॽ चाइबमा बचनबेॽ खोजि पबित्‍रा टोक्‍साजे।

रोमि 12:2

हे़निङ मक्‍खाम्‍डेमबेॽहा याॽमिजि खाङ्‌नुङ खोजिडोॽ ए़लिसानिङे, तर टाङ्‌बामि निवा होङ्‌सिॽयुरा चोङ लिनुङ याक्‍लोहा आनिबानि लेडानुमे। मोडोॽ ले़टानुमहोङ निवाहाङ्‌डे़ॽ हे़निङ्‌बेॽ ले़ःॽमा नेन्‍जाबॽआनुङ पक्‍का योम्‍बोक इमाङ ले़ये लुनुङ लेहेन्‍डानुमे।

रोमि 13:12

हागो सेन्‍जुगुप रुक्‍खे़ॽसिॽ पोरोइटे़, नम टे़ॽसिॽपोरोइटे़। मोडोगे़ॽ माहा सेन्‍जुगुप्‍पेॽ ले़ःॽमे योम्‍बोक लेप्‍पेनुङ जोतिमि तिरिङ्‌गाजिडोॽ पोरोक्‍मा खे़ये।

रोमि 13:14

तर हागोएम्‍बाङ परभु येसु खिरिस्‍टमि बानि बेहोरानुङ्‌मा हिङ्‌मवा हिङ्‌मा। मोबा कानिङ्‌मि पापि निवे़ॽ मिॽपॽआ बानिबेहोरा लेॽपेमा।

रोमि 6:4

मोडोगे़ॽ बप्‍तिस्‍मा लामाबेॽ कानिङ्‌सो खोनुङ्‌नोॽ सिनुङ हुम्‍सिघे़टिङ्‌मा, मोबा निवाहाङ पाबामि महिमामि सक्‍तिडे़ॽ खिरिस्‍ट सिबॽआबाङ हिङ्‌बोगु, मोडोक्‍नोॽ कानिङ्‌सो याक्‍लोमा पापि हिङ्‌मवा सिनुङ हागो चोङ हिङ्‌मवाबेॽ खिरिस्‍टडोक्‍नोॽ हिङ्‌इन्‍डिङ्‌मे।

रोमि 7:6

हागो कानिङ अधिनबेॽ युङ्‌खुबा धारमिक नियममि लागि सिघे़टिङ्‌मे़नुङ धारमिक नियममि अधिनबाङ फुक्‍का लिटिङ्‌मे़। इन्‍ढोङ्‌होङ कानिङ खिरिस्‍टनुङ सिघे़ॽपॽआसे़ॽ पुरानो धारमिक नियमडोॽ ने़ॽनि, तर पबित्‍रा होङ्‌निवामि चोङ हिङ्‌मवाडोॽ सेवा ले़न्‍डुङ्‌मा।

रोमि 8:29

माहाजिबेॽ येसु खिरिस्‍ट चाहिँ चोप्‍पाङ टुम्‍मि लिरो लुनुङ असा असाजि निवाहाङ्‌डे़ॽ याक्‍लोएबाङ्‌नोॽ लेबॽआजि ले़म्‍मे, खोसे़ॽ माहाजि टाङ्‌बामि पसाडोक्‍नोॽ लिमामि लागि से़नुजि।

१ कोरिन्‍थि 15:53

इन्‍ढोङ्‌होङ नास लिये हिङा नास मे़लिघुबा लिमा खे़ये, सिघे़ॽपॽआजि ए़ॽसिमे हिङाबेॽ फेम्‍मा खे़ये।

२ कोरिन्‍थि 3:18

कानिङ चोबे़ॽ नजिक टे़क्‍ठाम ओप्‍ताङ राप्‍पेबॽआ नजिकपेॽ परभुमि महिमा खाङ्‌मुन्‍डुङ्‌मे। परभु होङ्‌निवा ले़येनुङ खोबाङ लेङ्‌इये मो महिमाडे़ॽनोॽ कानिङ खोडोक्‍नोॽ टोङ्‌साङ हागोसो महिमित लिघे़न्‍डिङ्‌मा।

२ कोरिन्‍थि 4:16

मोडोगे़ॽ कानिङ हरेस चासिङ्‌मानि। कानिङ्‌मि हिङा नासि लिघे़ॽहोङ्‌सो कानिङ्‌मि होङ्‌निवा चाहिँ सानिङ चोङ चोङ लिमे़ॽनिङ्‌सिये।

२ कोरिन्‍थि 5:17

मोडोगे़ॽ असा खिरिस्‍टबेॽ टुये खो चोङ सिरिस्‍टि लिटे़, याक्‍लोहा हिङ्‌मवा माॽआहा, खाक्‍सानुमे हागो चोङ हिङ्‌मवा लिटे़।

गलाति 3:27

खिरिस्‍टमि निङ्‌बेॽ बप्‍तिस्‍मा लाबॽआ चोप याॽमिजि खिरिस्‍टडोॽ लिनुङ खोनुङ हिङ्‌इम्‍मे।

गलाति 6:15

खतना लिमा, अथबा ए़लिमा इमाङ्‌सो ने़ॽनि, तर निवाहाङ्‌मि बचनबेॽ बिस्‍वास ले़ःॽनुङ चोङ सिरिस्‍टि लिमा चाहिँ बेॽए खा ले़ये।

एफिसि 2:10

कानिङ खोसे़ॽ टोङ्‌बॽआ खोमि सिरिस्‍टि ले़न्‍डिङ्‌मा। कानिङ्‌मि हिङ्‌मवाबाङ नुबा योम्‍बोक लिरो लुनुङ्‌नोॽ खिरिस्‍ट येसुबाङ निवाहाङ्‌डे़ॽ कानिङ टोक्‍सा। कानिङ्‌बाङ माहा नुबा योम्‍बोक ले़ःॽमामि लागि याक्‍लोनोॽ खोसे़ॽ पोरोइटे़।

एफिसि 2:15

मोबा खोसे़ॽ यहुदिनुङ अयहुदि निच्‍चि जातिमि रुम्‍बेॽ सान्‍ति लाप्‍नुङ टाङ्‌बामि इक्‍को चोङ जाति टोङ्‌मामि खो बलि लिसा। मोबा यहुदि धारमिक नियमनुङ रितिथिति योम्‍बोक मे़ॽनिङ्‌मा टोक्‍सु।

एफिसि 6:11

दियाबलसमि चेन्‍दुबा योम्‍बोकमि बिरोधबेॽ येःप्‍मामि निवाहाङ्‌डे़ॽ पिबॽआ चोप हतियार सिप्‍नुङ ङे ले़ःॽमाबेॽ चाङ्‌मे चेॽ चक्‍सानुमे।

तितस 2:14

कानिङ चोप खालहा पापबाङ फाक्‍मामि लागिनोॽ फाक्‍खुबा हाङ्‌बा खिरिस्‍टडे़ॽ खोमि हिङ्‌मवा पिटे़। मोबा कानिङ खोमि याॽमि टोङ्‌मामि लागि चोखो टोक्‍सानुङ नुबा योम्‍बोक निवा टिनुङ ले़ःॽमे़ॽमामि इडोॽ ले़टु।

हिब्‍रु 1:8

तर पसामि टुम्‍बेॽ चाहिँ निवाहाङ्‌डे़ॽ इडोॽ लुटुए, “हे निवाहाङ, हे़ने़ए़ राज्‍य सानिङ्‌मि लागि टुडुङ्‌घे़ये। हे़ने़ॽ न्‍यायनुङ्‌मा राज्‍य ले़न्‍डुए।

हिब्‍रु 12:14

चोप याॽमिजिनुङ सान्‍तिबेॽ पेनानिङेनुङ पबित्‍रा लिनुङ हिङ्‌मामि बोल ले़टानिङे। पबित्‍रा मे़लिरेॽ असे़ॽसो परमपरभु खाङ्‌डोक्‍टुनिबा।

१ पत्‍रुस 2:2

हागोनोॽ टोक्‍पॽआ ओङे़कडे़ॽ डुडु उङ्‌मा मिॽटिडोॽ, हे़निङ चाहिँ निवाहाङ्‌मि चाइबमा बचनमि सगे़ॽ सिसानिङे मोसे़ॽ हे़निङ मुक्‍तिबेॽ पक्‍का लिन्‍डानिङे।

२ पत्‍रुस 1:4

इगो महिमानुङ भलोबाङ हे़निङ बेॽलो मोलनुङ्‌मानुङ बेॽहा बेॽहा हेन्‍ज्‍रुङ पिटे़। हे़निङ इगो मक्‍खाम्‍डेमबेॽ टुये नासि ले़ःॽखुबा मङे़ॽमा खाबाङ जोगाबा ले़ःॽनुङ निवाहाङ्‌मि बानि बेहोराबेॽ पेनानिङे लुनुङ खोसे़ॽ हेन्‍ज्‍रुङ हे़म्‍बॽआ ले़ये।