एफिसि 4:21 - याम्फु

²¹ चइबानोॽ हे़निङे़ॽ खोमि सिक्‍छे खेम्‍नुङ खोमि चोङ्‌सा लिबॽआसे़ॽ येसुमि चाइबमा खा चिङ्‌इटानुमे मिॽइटुङे।

एफिसि 4:21 Iomraidhean Croise

मत्‍ति 17:5

पत्‍रुस इडोॽ कामे़ॽनिङ्‌सिमाबेॽ उथ्‍रिॽमा खिम्‍मिॽवाडे़ॽ खोजि टे़गुजि, मोबाङ इक्‍को इडोॽ काबॽआ खेम्‍मुसा, “इगो के़ॽ नम्‍नम ले़ःॽपॽआ पसा ले़ये, इगोनुङ का सारोनोॽ साप्‍थाङ्‌इटिङे, इगोमि खा नुरोॽ खेप्‍सानुमे।”

लुका 10:16

येसुडे़ॽ चोङ्‌साजि लुसुजि, “हे़निङ्‌हा खा खेम्‍खुबाजिडे़ॽ के़ए़न्‍नोॽ खा खेम्‍इन्‍डुजे। हे़निङ्‌मि खा मे़ङ्‌खेम्‍खुबाजिडे़ॽ के़ए़ खासो खेप्‍सुजिने मोबा के़हा खा मे़ङ्‌खेम्‍खुबाजिडे़ॽ का पाङ्‌घुबा निवाहाङ पाबामि खासो खेप्‍सुजिने।”

युहन्‍ना 1:17

इन्‍ढोङ्‌होङ कानिङे़ॽ मोसाबाङ यहुदि धारमिक नियम चुप्‍टुङ्‌मा मोबा अनुग्‍रहानुङ चाइबमा चाहिँ येसु खिरिस्‍टबाङ चुप्‍टुङ्‌मा।

युहन्‍ना 10:27

के़हा सामुजिडे़ॽ काङ्‌मि सेम्‍ला खेम्‍इन्‍डुजे, के़ॽ खोजि लेनुङ्‌हाजि। मोबा माहाजि कानुङ आप्‍मिम्‍मे।

युहन्‍ना 14:17

खो होङ्‌निवा ले़ये, खोसे़ॽ चाइबमा राम्‍बेॽ राम्‍मा राप्‍मिये। मक्‍खाम्‍डेमबेॽहा याॽमिजिडे़ॽ खोबेॽ बिस्‍वास ले़ःॽहेसुजिने, इन्‍ढोङ्‌होङ मक्‍खाम्‍डेमडे़ॽ ना खो खाङ्‌डोक्‍इन्‍डुजे ना लेन्‍डुजे। तर खो हे़निङे़ॽ लेन्‍डानुमे, इन्‍ढोङ्‌होङ खो हे़निङ्‌नुङ्‌नोॽ टुये, खो हे़निङ होङ्‌सिॽयु पेङ्‌इये।

युहन्‍ना 14:6

येसुडे़ॽ खो लुसु, “राम, चाइबमा मोबा हिङ्‌मवा कानोॽ ले़ङे। काबाङ हाइखा असाबाङ्‌सो निवाहाङ पाबामि खिमबेॽ रुक्‍हेमिने।

रोमि 10:14

तर निवाहाङ्‌बेॽ बिस्‍वास मे़ले़ःॽलेॽ खोमि पुकारा इन्‍डोक्‍टे ले़ःॽमे ? असामि टुम्‍बेॽ इमाङ्‌सो मे़ङ्‌खेम्‍डिॽहोङ खोबेॽ इन्‍डोक्‍टे बिस्‍वास ले़ःॽमे ? खोमि टुम्‍बेॽ असे़ॽसो परचार मे़ले़ःॽलेॽ इन्‍डोक्‍टे खेम्‍मे ?

२ कोरिन्‍थि 1:20

इन्‍ढोङ्‌होङ निवाहाङ्‌मि चोप हेन्‍ज्‍रुङ खिरिस्‍टबेॽ पुरा लिहा, मोडोगे़ॽ निवाहाङ्‌मि महिमामि लागि “आमेन” लुन्‍डुङ्‌मे।

२ कोरिन्‍थि 11:10

खिरिस्‍टमि चाइबमा खा काबेॽ टुडुङ्‌रो अखैया मुलुकबेॽहा याॽमि असे़ॽसो इगो के़ए़ गरबमि बोल हेजोहेसुजिनि।

एफिसि 1:13

मोडोक्‍नोॽ हे़निङे़ॽसो मुक्‍ति पिघुबा चाइबमा सुसमाचार खेम्‍नुङ खिरिस्‍टबेॽ बिस्‍वास ले़टानुम। निवाहाङ्‌डे़ॽ हेन्‍ज्‍रुङ हे़म्‍बॽआ पबित्‍रा होङ्‌निवामि छाप टिनुङ निवाहाङ्‌डे़ॽ हे़निङ खोमि याॽमिजि टोङ्‌बॽआ परमान पिसा।

एफिसि 2:17

खिरिस्‍ट लेन्‍नुङ निवाहाङ्‌बाङ ओः लिबॽआ हे़निङ अयहुदिजिनुङ निवाहाङ्‌मि के़क्‍पेॽ टुघुबा यहुदिजिमि रुम्‍बेॽ टोङ्‌जामे सुसमाचार खेम्‍मेॽटा।

कलस्‍सि 1:5

इगो चाहिँ हे़निङ्‌मि लागि थाङ्‌सिरिबेॽ युङ्‌बॽआ आसाडे़ॽ ले़ःॽमे़ॽ इडोक्‍मा बिस्‍वासनुङ नम्‍नम ले़ए़टानुमे। इगो आसामि टुम्‍बेॽ याक्‍लोबाङ्‌नोॽ हे़निङे़ॽ चाइबानोक्‍मा बचन, अथबा सुसमाचारबेॽ खेम्‍इटानुमे।

कलस्‍सि 1:6

इगो सुसमाचार हे़निङ्‌बेॽ लेङ्‌इटे़, मोबा चइबानोॽ इगो खा मक्‍खाम्‍डेमबेॽहा चोप याॽमिजिमि लागि बेॽलोनोॽ नुबा लिमे़ॽनिङ्‌सिये। मोडोक्‍नोॽ निवाहाङ्‌मि अनुग्‍रहामि टुम्‍बेॽ हे़निङे़ॽ चाइबमा खाबेॽ खेम्‍बॽआनुङ लेबॽआ याकबाङ सुसमाचारडे़ॽ हे़निङ्‌बेॽसो नुबा योम्‍बोक ले़ःॽमे़ॽनिङ्‌सिन्‍डुए।

कलस्‍सि 2:7

सिङ्‌बु डाङ्‌डे़ॽ आक्‍खामाबेॽ साम ए़न्‍डिडोॽ खोबेॽ हे़निङ्‌मि बिस्‍वासमिसो साम ए़म्‍बॽआ लिनुङ हे़निङ नुरोॽ हिक्‍सानिङे। मोबा हे़निङ इःॽपॽआ सिक्‍छेडे़ॽ लुडिडोॽ बिस्‍वासबेॽ बोलियो लिनुङ सानिङ ओहाक पिघुबाजि लिसानिङे।

१ युहन्‍ना 5:20

निवाहाङ्‌मि पसा लेस्‍सा, मोबा खोसे़ॽ कानिङ चाइबमा निवाहाङ लेमाराप्‍टा। इगो खा कानिङे़ॽ लेन्‍डुङ्‌मे़। हागो येसुडे़ॽ ले़ःॽमे़ॽ कानिङ ए़ॽसिमे हिङ्‌मवा पिघुबा चाइबमा निवाहाङ्‌मि याॽमिजि लिटिङ्‌मा।