एफिसि 4:2 - याम्फु

² सानिङ्‌नोॽ ए़डेॽमा लिसानिङे, सुधोनुङ सहनसिल लिसानिङे। मोबा हे़निङ टाङ्‌बा इक्‍कोसे़ॽ हाइको नम्‍नम ले़ःॽसाङ सहबा ले़टानुमे।

एफिसि 4:2 Iomraidhean Croise

मत्‍ति 11:29

के़ए़ जुवा खिसानुमेनुङ कानुङ चिनानुमे, इन्‍ढोङ्‌होङ का नम्‍रानुङ नम्‍नावादाङ्‌बा ले़ङे, मोबा हे़निङ्‌मि होङ्‌निवाडे़ॽ नाजाडोक्‍इन्‍डुए।

मरकुस 9:19

मोबा येसुडे़ॽ माहाजि वोबुजि, “होउ बिस्‍वास मे़ॽनिङ्‌हा याॽमिजि, का इन्‍डोक्‍लो हे़निङ्‌नुङ पेङ्‌इङे ? खोइ आक्‍को पिच्‍छा काबेॽ लाप्‍टानुमे।”

एप्‍पा चोङ्‌सा 20:19

यहुदिजिडे़ॽ घरि घरि चुङ्‌जामाबेॽसो के़ॽ ए़डेम्‍मा लिनुङ परभुमि योम्‍बोक हाःप्‍साङ ले़टुङ।

रोमि 15:1

कानिङ बिस्‍वासबेॽ बोलियो याॽमिजिडे़ॽ टाङ्‌बामि निवे़ॽ नुबा मिॽपॽआ खारेॽ ले़ःॽमा फे़न्‍निबा। बिस्‍वासबेॽ थोःप्‍थोपहा याॽमिजि सहायता ले़ःॽमा खे़ये।

१ कोरिन्‍थि 13:7

नम्‍नम ले़ःॽखुबा याॽमिडे़ॽ चोप खालहा खा आङ्‌हेन्‍डुए, चोप खाबेॽ बिस्‍वास लेन्‍डुए। चोप खाबेॽ नुबा आसा ले़न्‍डुए मोबा चोप खालहा दुःखबेॽ योङ पेङ्‌इये।

गलाति 6:2

इक्‍कोसे़ॽ हाइको सहायोग ले़ःॽखुसे़ॽचुसानिङे, इडोॽ हे़निङे़ॽ खिरिस्‍टमि नियम पुरा ले़ःॽहेन्‍डानुमे।

एफिसि 1:4

निवाहाङ्‌डे़ॽ खोमि पोम्‍बेॽ पबित्‍रानुङ आप्‍टिक मे़ॽनिङ्‌हा लिमिरो लुनुङ मक्‍खाम्‍डेम सिरिस्‍टि लिमा याक्‍लोनोॽ खिरिस्‍टराम्‍बाङ कानिङ से़ङ्‌इटे़।

कलस्‍सि 1:11

निवाहाङ्‌मि बेॽए सक्‍तिबाङ चुप्‍पॽआ सक्‍तिडे़ॽ हे़निङ बोलियो लिसानिङे लुनुङ कानिङे़ॽ पारथना ले़ए़टुङ्‌मे़। मोडोॽ ले़ःॽमाबेॽ हे़निङे़ॽ चोप खालहा खा आङ्‌हेन्‍डानुमे।

१ तिमोथि 6:11

तर तिमोथि हे़न निवाहाङ्‌मि याॽमि, इघा चोप खालहा मङे़हा खाबाङ ओ पेम्‍मे। मोबा निवाहाङ्‌मि पोम्‍बेॽ नुबा लिमे, निवाहाङ आदर पिमे, निवाहाङ्‌बेॽ बिस्‍वास ले़ःॽमे, नम्‍नम ले़ःॽमे, धैरिय ले़ःॽमे, ए़डे़म्‍मा लिनुङ पेम्‍मे इघा चोप खाबेॽ निवा टिसे।

२ तिमोथि 2:25

खो टाङ्‌बामि बिरोधि याॽमिजि चानुये खाडे़ॽ चोप्‍हेखुबा लिमा खे़ये। मोडोक्‍होङ्‌रेॽ निवाहाङ्‌डे़ॽ खोजि पापि मरामबाङ टेआप्‍नुङ चाइबमा खा लेहेमे निवा पिन्‍डुजेन्‍डे,

याकुब 1:21

मोडोगे़ॽ इडोक्‍हा चोप मङे़हा खाबाङ्‌नुङ दुस्‍ट निवा हे़निङे़ॽ लेॽपेसानुमे। ए़डे़म्‍मा लिनुङ हे़निङ्‌मि निवाबेॽ युङ्‌बॽआ निवाहाङ्‌मि बचनडे़ॽ लुडिडोॽ ले़टानुमे मोसे़ॽनोॽ हे़निङ हिङ्‌मवा पिये।

१ पत्‍रुस 3:15

तर टाङ्‌बामि निवाबाङ खिरिस्‍टमि आदर ले़टानुमे, खोनोॽ टाङ्‌बामि हिङ्‌मवामि मायोङ्‌बा मिडानुमे। हे़निङ्‌बेॽ टुये आसामि टुम्‍बेॽ हाइखाजिडे़ॽ सिम्‍मिहोङ मो याॽमि नुरोॽ इःबेॽमे।

१ पत्‍रुस 3:8

हागो आखिरिबेॽ हे़निङ लुनिम्‍ने़, हे़निङ चोप इक्‍को निवा लिनुङ पेनानिङे, इक्‍कोसे़ॽ हाइकोमि दुःखबेॽ निवा युङ्‌घुसे़ॽ चुसानिङे। चोपनोॽ टाङ्‌बामि वावा निसाजिडोॽ नम्‍नम ले़चासानिङे, मोबा इक्‍कोसे़ॽ हाइकोमि लागि नम्‍नावानुङ ए़डे़म्‍मा लिसानिङे।