एफिसि 4:16 - याम्फु

¹⁶ खोबाङ्‌नोॽ हिङाबेॽहा चोप अङ्‌ग चोप जोरनिडे़ॽ चोक्‍नुङ ठिक ठिक योम्‍बोक ले़न्‍डुएनुङ बोलियो लिये, मोबा खिरिस्‍टमि नम्‍नमबेॽ वाबुक्‍साङ खे़ये।

एफिसि 4:16 Iomraidhean Croise

युहन्‍ना 15:5

“अङ्‌गुरमि डाङ कानोॽ ले़ङे, हे़निङ चाहिँ के़हा हक्‍काम्‍बा ले़न्‍डानिङे। मोडोगे़ॽ हक्‍काम्‍बा कानुङ्‌नोॽ टुहोङ मोबा कासो खोबेॽ टुङाहोङ्‌रेॽ मो हक्‍काम्‍बाबेॽ बेॽलो चा किङ्‌इहा, तर का मे़ॽनिङ हे़निङे़ॽ इमाङ्‌सो ले़ःॽहेसानुम्‍नि।

रोमि 12:4

कानिङ्‌मि हिङाबेॽ बेॽलो अङ्‌ग टुहा, मोबा माहा चोप अङ्‌गमि योम्‍बोक इक्‍कोनोॽ ले़ःॽनिबा।

१ कोरिन्‍थि 10:17

चरेपा इक्‍कोनोॽ टुये, मो इक्‍को चरेपा कानिङ चोबे़ॽ चाटुङ्‌मे। मोडोगे़ॽ कानिङ बेॽलो टुन्‍डिङ्‌मारोसो खिरिस्‍टबेॽ इक्‍कोनोॽ हिङा ले़न्‍डिङ्‌मा।

१ कोरिन्‍थि 13:13

हागो बिस्‍वास, आसानुङ नम्‍नम सानिङ टुडुङ्‌घे़ये। तर इघा सुम्‍जि खाबेॽ चोप्‍पाङ महान चाहिँ नम्‍नमनोॽ ले़ये।

१ कोरिन्‍थि 8:1

हागो के़ॽ मुरतिबेॽ चेॽटिबॽआ चामे थोकमि टुम्‍बेॽ इःनुङे। कानिङे़ॽ लेन्‍डुङ्‌मा, “कानिङ चोबे़ॽ लेमे निवा चुप्‍मिटुङ्‌मे”। तर लेमे निवाडे़ॽ काङायोङ्‌बा टोङ्‌इये, तर नम्‍नमडे़ॽ हाइखाजिमि लागि छना बेॽलो नुबा ले़न्‍डुए।

गलाति 5:22

पबित्‍रा होङ्‌निवामि चा लुबॽआ चाहिँ इघा ले़हा-नम्‍नम ले़ःॽमा, हाङ्‌हाङ लिमा, याॽमिजिनुङ टोङ्‌जामा, निवा अधिनबेॽ युङ्‌मा, नम्‍नावा ले़ःॽमा, भलाइमि योम्‍बोक ले़ःॽमा, भरोसानुङ्‌मा लिमा,

गलाति 5:6

खिरिस्‍ट येसुमि पोम्‍बेॽ खतना ले़ःॽपॽआ याॽमिनुङ खतना मे़ले़ःॽपॽआ इक्‍कोनोॽ लिन्‍जे। तर पाप्‍मिये खा चाहिँ नम्‍नमनुङ योम्‍बोक ले़ःॽखुबा बिस्‍वास ले़ये।

एफिसि 1:4

निवाहाङ्‌डे़ॽ खोमि पोम्‍बेॽ पबित्‍रानुङ आप्‍टिक मे़ॽनिङ्‌हा लिमिरो लुनुङ मक्‍खाम्‍डेम सिरिस्‍टि लिमा याक्‍लोनोॽ खिरिस्‍टराम्‍बाङ कानिङ से़ङ्‌इटे़।

एफिसि 3:17

हे़निङ्‌मि बिस्‍वासबाङ खिरिस्‍ट हे़निङ्‌बेॽ पेङ्‌रो, मोबा निवाहाङ्‌मि नम्‍नमबेॽ हे़निङ नुरोॽ साम एम्‍बॽआनुङ बोलियो लिसानिङे।

एफिसि 3:7

निवाहाङ पाबामि महान अनुग्‍रहामि बरदानबाङ्‌नोॽ का सुसमाचार खेम्‍मेॽखुबा लिसिङ, इगो बरदान खोमिन्‍नोॽ सक्‍तिमि योम्‍बोकबाङ का पिसिङा।

एफिसि 4:12

खिरिस्‍टमि इघा पबित्‍रा याॽमिजि खोमि योम्‍बोक ले़ःॽखुबा टोङ्‌मामि लागि, मोबा खोमि हिङा मन्‍डलि बोलियो टोङ्‌मामि इडोॽ ले़टु।

एफिसि 4:15

कानिङ नम्‍नमनुङ्‌मा चाइबमा खा यामुमानुङ खिरिस्‍टडोॽ लिघे़ॽमा। खिरिस्‍ट चाहिँ कानिङ्‌मि निन्‍डवाँ ले़ये।

फिलिप्‍पि 1:9

हे़निङ्‌मि रुम्‍बेॽ बुद्‌धि, निवानुङ मोबाङ्‌सो बेॽलो इक्‍कोसे़ॽ हाइको नम्‍नम ले़ःॽखुसे़ॽचुसानिङे लुनुङ के़ॽ पारथना ले़नुङे।

कलस्‍सि 2:19

इडोक्‍हा याॽमिजि खिरिस्‍टमि अधिनबेॽ पेम्‍मिने। इन्‍ढोङ्‌होङ निन्‍डवाँमि अधिनबेॽ पेन्‍नुङ्‌रेॽ हिङामि चोप अङ्‌ग बोलियो लिडिडोॽ खिरिस्‍ट निन्‍डवाँ ले़ये, खोमि अधिनबेॽ पेन्‍नुङ्‌रेॽ माहाजि निवाहाङ्‌डे़ॽ मिॽपॽआडोक्‍नोॽ खिरिस्‍टबेॽ बेॽलो बेॽलो लिम्‍मे।

कलस्‍सि 2:2

खोजिडे़ॽ साहस चुप्‍नुङ मोबा खोजिटाङ्‌बामि रुम्‍बेॽ नम्‍नम ले़चामिरो लुनुङ्‌नोॽ के़ॽ इडोॽ ले़ए़टुङे। मोडोगे़ॽ खोजि नुबानुङ मङे़ॽमा निवाबेॽ पक्‍का लिनुङ निवाहाङ्‌मि लेमा छॽइये खा लेमे निवा अथबा खिरिस्‍ट नुरोॽ लेहेखुबाजि लिहेम्‍मे।

१ थेस्‍लोनिकि 1:3

हे़निङ्‌मि बिस्‍वासडे़ॽ ले़ःॽपॽआ योम्‍बोकनुङ नम्‍नमडे़ॽ ले़ःॽपॽआ मेहेनेत मोबा कानिङ्‌मि परभु येसु खिरिस्‍ट फेरि लेङ्‌इये खाबेॽ युङ्‌बॽआ आसाबेॽ हे़निङ हुङ्‌जाहेघुबा लिबॽआ कानिङे़ॽ निवाहाङ पाबामि पोम्‍बेॽ सानिङ मिॽइन्‍डुङ्‌मे़।

१ थेस्‍लोनिकि 2:13

कानिङे़ॽ निवाहाङ्‌मि बचन इःॽमाबेॽ हे़निङे़ॽ मो खा याॽमिबाङ्‌ए ने़ॽनि निवाहाङ्‌मिनोॽ मिॽनुङ खेप्‍सानुम। चइबानोॽ इगो खा निवाहाङ्‌बाङ्‌एनोॽ ले़टे़। मो सिक्‍छेडे़ॽ आयुसो हे़निङ बिस्‍वासिजिमि हिङ्‌मवाबेॽ योम्‍बोक ले़ःॽमे़ॽनिङ्‌सिन्‍डुए। मो खामि लागि कानिङे़ॽ निवाहाङ सानिङ्‌नोॽ ओहाक पिन्‍डुङ्‌मे।

१ थेस्‍लोनिकि 3:12

कानिङे़ॽ हे़निङ नम्‍नम ले़ःॽपॽआडोक्‍नोॽ परभुडे़ॽसो हे़निङ्‌टाङ्‌बा नम्‍नम ले़ःॽखुसे़ॽचुघुबा लिसानिङे, मोबा खोसे़ॽ याॽमिजि नम्‍नम ले़ःॽखुबा टोक्‍सुरो।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

१ तिमोथि 1:5

कानिङे़ॽ पिबॽआ सिक्‍छेडे़ॽ नम्‍नम ले़ःॽखुसे़ॽचुमे खा इःये। इगो चाहिँ चोखो निवा, नुबानुङ मङे़ॽमा लेमे निवा चाइबानोक्‍मा बिस्‍वासबाङ लेङ्‌इये।

१ पत्‍रुस 1:22

हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।

१ युहन्‍ना 4:16

इडोॽ निवाहाङ्‌डे़ॽ नम्‍नम ले़ःॽपॽआ खा कानिङे़ॽ लेन्‍डुङ्‌मानुङ मोबाङ्‌नोॽ बिस्‍वास ले़न्‍डुङ्‌मा। निवाहाङ नम्‍नम ले़ये, मोडोगे़ॽ असाबेॽ नम्‍नम सानिङ टुये मो याॽमिबेॽ निवाहाङ टुये।