एफिसि 4:15 - याम्फु

¹⁵ कानिङ नम्‍नमनुङ्‌मा चाइबमा खा यामुमानुङ खिरिस्‍टडोॽ लिघे़ॽमा। खिरिस्‍ट चाहिँ कानिङ्‌मि निन्‍डवाँ ले़ये।

एफिसि 4:15 Iomraidhean Croise

युहन्‍ना 1:47

येसुडे़ॽ नथानेल खोबेॽ आप्‍मे़ॽनिङ्‌सिबॽआ खाङ्‌नुङ खोमि टुम्‍बेॽ लुसु, “खाक्‍से, इक्‍को चाइबमा इस्‍राएलि, खोसे़ॽ रेम्‍डेडुनि खोमि निवा कप्‍टि ले़ःॽनिबा।”

रोमि 12:9

हे़निङे़ॽ नम्‍नम ले़ःॽमाबेॽ याॽमिजि खाङ्‌मुमामि लागिरेॽनोॽ ने़ॽनि, तर निवा होङ्‌सिॽयुरा चाइबमा नम्‍नम ले़टानुमे। हाम्‍बे खा मङे़हा ले़ये मो लेॽपेनुङ नुबा खाबेॽ सानिङ निवा टिसानुमे।

१ कोरिन्‍थि 11:3

तर हे़निङे़ॽ इगो खा नुरोॽ लेसानुमे लुनुङ के़ॽ मिॽइनिम्‍ने़, खिरिस्‍ट चाहिँ चोप वडाङ्‌पसाजिमि निन्‍डवाँ ले़ये। मोबा बनिबा चाहिँ बनिमामि निन्‍डवाँ ले़ये, खिरिस्‍टमि निन्‍डवाँ चाहिँ निवाहाङ ले़ये।

२ कोरिन्‍थि 4:2

कानिङे़ॽ याॽमिजिबाङ कुम्‍नुङ ङेसिमारोहा योम्‍बोक ले़ःॽनोॽ ले़ःॽटुङ्‌मानि। कानिङे़ॽ रेम्‍सिङ योम्‍बोक ले़टुङ्‌मानि, मोबा निवाहाङ्‌मि बचन फेनुङ्‌मानि, कानिङे़ॽको निवाहाङ्‌मि सानिङ आदर ले़ःॽसाङ चाइबमा खारेॽ इःन्‍डुङ्‌मे मोबा चोप याॽमिजिडे़ॽ नेन्‍जामारो बानि बेहोरानुङ्‌मा लिन्‍डिङ्‌मे़।

२ कोरिन्‍थि 8:8

के़ॽ इगो खा आग्‍या ले़ःॽपॽआ ने़ॽनि, तर हाइखाजिमि जोसनुङ सोरि योम्‍नुङ हे़निङे़ॽ हाइखाजि ले़ःॽपॽआ नम्‍नम चाइबमा ले़येन्‍डे ले़ःॽनिबा लुनुङ लेडोक्‍मामि लागि इडोॽ ले़ःॽपॽआ ले़ये।

एफिसि 1:22

निवाहाङ्‌डे़ॽ चोप खा खिरिस्‍टमि सराङ्‌बेॽ युङ्‌बेॽटु, मोबा खो चोप मन्‍डलिमि निन्‍डवाँ लिसा।

एफिसि 1:4

निवाहाङ्‌डे़ॽ खोमि पोम्‍बेॽ पबित्‍रानुङ आप्‍टिक मे़ॽनिङ्‌हा लिमिरो लुनुङ मक्‍खाम्‍डेम सिरिस्‍टि लिमा याक्‍लोनोॽ खिरिस्‍टराम्‍बाङ कानिङ से़ङ्‌इटे़।

एफिसि 2:21

खोसे़ॽनोॽ चोप खिम योम्‍नुङ टोङ्‌इन्‍डुए, मोबा खोसे़ॽनोॽ इगो वाबुक्‍मेॽसाङ निवाहाङ पेन्‍ढाम पबित्‍रा मन्‍दिर टोङ्‌इन्‍डुए।

एफिसि 4:25

मोडोगे़ॽ हागो रेम्‍डेॽमा खा चोबे़ॽ लेॽपेसानुमेनुङ हे़निङ इक्‍कोसे़ॽ हाइकोनुङ चाइबमा खा यामुसानुमे, इन्‍ढोङ्‌होङ कानिङ चोप खिरिस्‍टबेॽ इक्‍को हिङामि अङ्‌ग ले़न्‍डिङ्‌मा।

एफिसि 5:23

इन्‍ढोङ्‌होङ खिरिस्‍ट मन्‍डलिमि निन्‍डवाँ ले़टिडोक्‍नोॽ बनिबासो खोमि बनिमामि निन्‍डवाँ ले़ये। मन्‍डलि चाहिँ खिरिस्‍टमि हिङा ले़ये, मो मुक्‍ति पिघुबा चाहिँ खोनोॽ ले़ये।

१ पत्‍रुस 1:22

हागो हे़निङे़ॽ चाइबमा खा पालना ले़ःॽनुङ टाङ्‌बामि निवा चोखो टोङ्‌इटानुमे, मोबा हे़निङ्‌मि बिस्‍वासि वावानिसानुङ नानुसाजि चइबानोॽ नम्‍नम ले़ःॽखुबा लिटानिङे। हे़निङ टाङ्‌बा इक्‍कोसे़ॽ हाइको निवाबाङ्‌नोॽ नम्‍नम ले़ःॽमे़।

१ पत्‍रुस 2:2

हागोनोॽ टोक्‍पॽआ ओङे़कडे़ॽ डुडु उङ्‌मा मिॽटिडोॽ, हे़निङ चाहिँ निवाहाङ्‌मि चाइबमा बचनमि सगे़ॽ सिसानिङे मोसे़ॽ हे़निङ मुक्‍तिबेॽ पक्‍का लिन्‍डानिङे।

२ पत्‍रुस 3:18

तर कानिङ्‌मि परभुनुङ मुक्‍तिदाङ्‌बा येसु खिरिस्‍टमि अनुग्‍रहानुङ निवाबेॽ छना बेॽलो लिघडानिङे। खोमि हागोनुङ सानिङ महिमा लिरो। आमेन।

१ युहन्‍ना 3:18

के़हा नानिजि, कानिङ्‌मि नम्‍नम चाहिँ याबुकबाङ्‌रेॽनोॽ खाङ्‌मुनुङ के़ॽनिबा, तर कानिङे़ॽ चाइबमा नम्‍नम ले़ःॽमा खे़येनुङ योम्‍बोकबाङ खाङ्‌मुमा खे़ये।