एफिसि 4:11 - याम्फु

¹¹ खोसे़ॽ इन्‍डोक जना याॽमिजि खोमि एप्‍पा चोङ्‌साजि, अगमबक्‍ताजि, सुसमाचार खेम्‍मेॽखुबाजि, मन्‍डलि खाङ्‌खुबा अगुवाजि मोबा सिक्‍छे इःॽखुबाजि इडोॽ खाल खालहा बरदान पिसुजि।

एफिसि 4:11 Iomraidhean Croise

मत्‍ति 28:20

के़ॽ हे़निङ पिबॽआ चोप आग्‍या पालना ले़टानुमे लुनुङ माहाजि इःडानुमे। खेप्‍सानुमे, का मक्‍खाम्‍डेममि चोप्‍पाङ ए़क्‍साङ्‌ए याकठोक सानिङ हे़निङ्‌नुङ सोरि टुङे।”

एप्‍पा चोङ्‌सा 13:1

एन्‍टिओखिया सहरमि मन्‍डलिबेॽ अगमबक्‍ताजिनुङ खा इःॽखुबा बेॽलो याॽमिजि टुसामे। माहाजि बारनाबास, काला लुमे सिमियोन, कुरेनिया ठाउँबेॽए लुकियस, हाङ्‌बा हेरोदएन्‍टिपासनुङ सोरि वाबोक्‍पॽआ मनेननुङ सावल टुसामि।

एप्‍पा चोङ्‌सा 20:28

मोडोगे़ॽ हागो हे़निङ टाङ्‌बानुङ मन्‍डलिबेॽहा याॽमिजिमि लागिसो होसियार ले़टानिङे। पबित्‍रा होङ्‌निवाडे़ॽ हे़निङ खाङ्‌घुबा टोङ्‌बॽआसे़ॽ निवाहाङ्‌मि पसामि हरिडे़ॽ इम्‍बॽआ मन्‍डलि नुरोॽ खाक्‍सानुमे।

एप्‍पा चोङ्‌सा 21:8

मोबाङ बिदा लिघे़ॽनुङ वागियाराम कानिङ कैसरिया सहरबेॽ रुक्‍टुङ्‌मा। मोबेॽ कानिङ सुसमाचारमि खा परचार ले़ःॽखुबा फिलिपमि खिमबेॽ पेनिङ्‌मा। फिलिप चाहिँ यरुसलेमबेॽ निवाहाङ्‌मि योम्‍बोक ले़ःॽमामि से़म्‍बॽआ एच्‍चि जनाबेॽ खोसो इक्‍को ले़टे़।

रोमि 12:7

याॽमिजि सहायोग ले़ःॽमे बरदान चुप्‍खुबे़ॽ सहायोगमि योम्‍बोक नुरोॽ ले़टुरो, सिक्‍छे पिमे बरदान चुप्‍खुबे़ॽ नुरोॽ सिक्‍छे पिमे योम्‍बोक ले़टुरो।

१ कोरिन्‍थि 12:4

पबित्‍रा होङ्‌निवामि बरदान बेॽलो खालहा टुहा। तर बरदान पिघुबा पबित्‍रा होङ्‌निवा इक्‍कोरेॽनोॽ टुये।

एफिसि 2:20

हे़निङ खिमडोॽ ले़न्‍डानिङ्‌नुङ मो खिममि जग चाहिँ एप्‍पा चोङ्‌साजिनुङ अगमबक्‍ताजिनोॽ ले़म्‍मे। येसु खिरिस्‍ट चाहिँ मो खिममि जगबेॽ युङ्‌ढाम सुर रुङ्‌गोॽवा ले़ये।

एफिसि 3:5

याक्‍लो इगो खा असासो मे़लुबॽआ ले़टा, तर हागो इगो लेमा छॽइये खा निवाहाङ पाबे़ॽ खोमि पबित्‍रा एप्‍पा चोङ्‌साजि मोबा अगमबक्‍ताजि पबित्‍रा होङ्‌निवामि सक्‍तिबाङ लेमाराप्‍मिटुजे।

एफिसि 4:8

धारमिक नेॽचिराबेॽ इडोॽ साप्‍पॽआ ले़ये, “खो मिॽटु साङ्‌माबेॽ तिरिङ्‌गा खिमबेॽ से़क्‍सिघे़ॽपॽआजि राःप्‍नुङ खोनुङ सोरि चिॽखे़ॽटुजि मोबा टाङ्‌बामि याॽमिजि बरदान पिसुजि।”

२ तिमोथि 4:5

तर आम्‍मि निवा अधिनबेॽ युक्‍से। खेः आक्‍से, परचारमि योम्‍बोक ले़टे, मोबा हे़ने़ए़ सेवामि योम्‍बोक नुरोॽ पुरा ले़टे।

हिब्‍रु 5:12

आयुरोगो हे़निङ हाइखा याॽमिजि इःॽखुबाजि लिसेॽमा खडानिङे, तर आयुरोसो हे़निङ निवाहाङ्‌मि सिक्‍छे पिच्‍छाजि इःॽपॽआडोॽ इःॽमा खे़न्‍डानिङ। हागोसो हे़निङ चामा ने़ॽनि डुडु उङ्‌घुबा ओङे़कडोॽ ले़न्‍डानिङे।

यहुदा 1:17

तर के़ॽ नम्‍नम ले़ःॽपॽआ लङ्‌गामजि, हे़निङे़ॽ चाहिँ कानिङ्‌मि परभु येसु खिरिस्‍टमि एप्‍पा चोङ्‌साजिडे़ॽ याक्‍लोएम्‍बाङ इःॽपॽआ खा मिडानुमे।

परकास 18:20

हे थाङ्‌सिरिबेॽ टुघुबाजि साप्‍थक्‍सानिङे। होउ निवाहाङ्‌मि याॽमिजि, एप्‍पा चोङ्‌साजि, अगमबक्‍ताजि हे़निङ चोप साप्‍थक्‍सानिङे, इन्‍ढोङ्‌होङ मोसे़ॽ हे़निङ चुङ्‌जासा मोमि साटो निवाहाङ्‌डे़ॽ खो दन्‍डा पिटुए।”

परकास 21:14

मो सहरमि परखालमि इक्‍पोङ निच्‍चि जग टुसा। माहासोक्‍पेॽ थुमामि बारो जना एप्‍पा चोङ्‌साजिमि निङ साप्‍पॽआ ले़टा।