एफिसि 3:4 - याम्फु

⁴ इन्‍डोक्‍पेॽ हे़निङे़ॽ के़ॽ साप्‍पॽआ खा नेॽएन्‍डानुमे मोबा लेमा छॽइये खिरिस्‍टमि होङ्‌सिॽयुए खामि टुम्‍बेॽ के़ॽ इन्‍डोक लेटुङेले़ लुनुङ हे़निङे़ॽसो लेहेन्‍डानुमे।

एफिसि 3:4 Iomraidhean Croise

मत्‍ति 13:11

येसुडे़ॽ खोजि लुसुजि, “खाक्‍सानुमे, निवाहाङ्‌मि राज्‍यमि होङ्‌सिॽयुहा खा लेहेमे निवा हे़निङे़ॽ चुप्‍मिटानुमे। तर खोजि चाहिँ माहा खा लेहेमे निवा मे़म्‍पिडिॽ।

लुका 8:10

येसुडे़ॽ माहाजि लुसुजि, “हे़निङ चाहिँ निवाहाङ्‌मि राज्‍यहोङ्‌सिॽयुहा खा लेहेमे निवा पिबॽआ ले़ये। तर हाइखाजि चाहिँ खानवाबाङ लुमा खे़म्‍मे। मोडोगे़ॽ माहाजिडे़ॽ खाङ्‌मागो खाङ्‌इन्‍डुजे तर खाङ्‌डोक्‍टुजिने, खेम्‍मागो खेम्‍इन्‍डुजे तर लेहेसुजिने।

रोमि 11:25

वावानिसानुङ नानुसाजि, हे़निङ टाङ्‌बा काङायोङ्‌बा ए़लिसानिङे लुनुङ इगो इक्‍को लेमा छॽइये खा लेसानुमे लुमा मिॽइनुङे। मो लेसानुमहोङ हे़निङ टाङ्‌बामि खाबेॽ काङायोङ्‌बा ले़टानुम्‍नि। मो लेमा छॽइये खा लुबॽआ चाहिँ बिस्‍वासबेॽ इन्‍डोक लेम्‍मा खे़म्‍मे अयहुदिजि मे़लेम्‍मिरोठोक बेॽलो यहुदिजिमि निवा छाक्‍मेन्‍डुजे।

रोमि 16:25

हागो कानिङ चोबे़ॽ निवाहाङ्‌मि आदरनुङ ओहाङ ले़ःॽमा। के़ॽ खिरिस्‍टमि टुम्‍बेॽ परचार ले़ःॽपॽआ खानुङ सुसमाचारबाङ खोसे़ॽ हे़निङ बिस्‍वासबेॽ बोलियो टोङ्‌हेये। इगो सुसमाचार निवाहाङ्‌डे़ॽ बेॽलो निङ याक्‍लोएबाङ चुम्‍नुङ युङ्‌बॽआ ले़टा।

१ कोरिन्‍थि 13:2

काबेॽ निवाहाङ्‌मि अगमबानि इःमे बरदान टुये, लेमानोॽ छॽइहा खा लेहेमे निवा टुये, चोप खालहा खा लेमे निवासो टुये मोबा सुम्‍लाखा सेङ्‌हेमे बिस्‍वास कानुङ टुये, तर काबेॽ नम्‍नम चाहिँ माॽआहोङ का इमाङ्‌सो ने़ॽनि।

१ कोरिन्‍थि 4:1

मोबा हे़निङे़ॽ कानिङ खिरिस्‍टमि सेवाकनुङ निवाहाङ्‌मि लेमा छॽइये खा लुहेखुबा योम्‍बोकमि जिम्‍मा चुप्‍पॽआ याॽमि मिॽमा खे़ये।

२ कोरिन्‍थि 11:6

के़ॽ खोजिडे़ॽ लुडिडोॽ मे़इःलेसुङ्‌होङ्‌सो माहाजिबाङ चुक्‍लो निवा काबेॽ माॽआये। इघा चोप खा कानिङे़ॽ हे़निङ नुरोॽ लुबेटुङ्‌मे।

एफिसि 1:9

मोडोक्‍नोॽ निवाहाङ्‌डे़ॽ खिरिस्‍टबाङ पुरा ले़ःॽमा योक्‍पॽआ टाङ्‌बामि गहिरो खा लेमेॽटा।

एफिसि 3:3

लेमा छॽइये निवाहाङ्‌मि खा खोसे़ॽ का परकासबाङ खाङ्‌मुसा। इगोमि टुम्‍बेॽ के़ॽ याक्‍लोसो हे़निङ अदरे़ॽवागो साप्‍पेटुङे।

एफिसि 3:9

मोबा चोप खा टोङ्‌खुबा निवाहाङ पाबाडे़ॽ याक्‍लोबाङ्‌नोॽ चुम्‍नुङ युङ्‌बॽआ लेमा छॽइये योजना इमाङ्‌डे ले़ये, माहा खा चोप याॽमिजि छे़ङ्‌गै टोङ्‌मे योम्‍बोक का पिसा।

एफिसि 5:32

इगो लेमा छाॽये खा ले़ये। इगो नातानोॽ खिरिस्‍टनुङ मन्‍डलिमि नातानुङ्‌सो टोङ्‌इये।

एफिसि 6:19

काङ्‌मि लागि पारथना ले़ःॽपेॽमाजे, मोबा के़ॽ सुसमाचार परचार ले़ःॽमाबेॽ निवाहाङ्‌मि बचन काङ्‌मि निवाबेॽ लेङ्‌रो, मोबा के़ॽ यामुमाबेॽ मे़ङकिस्‍सिरेॽ असे़ॽसो मे़लेबॽआ सुसमाचार हाइखाजि लुहेसुङ्‌रो।

कलस्‍सि 1:26

इगो सिक्‍छे याक्‍लो युग युगबाङ, पुस्‍ता पुस्‍ताबाङ असे़ॽसो मे़लेहेबॽआ चुम्‌युङ्‌बॽआ खा ले़टे़। हागो खोसे़ॽ खिरिस्‍टमि पबित्‍रा याॽमिजि इगोमि खा छे़ङ्‌गै टोङ्‌बेटे़।

कलस्‍सि 2:2

खोजिडे़ॽ साहस चुप्‍नुङ मोबा खोजिटाङ्‌बामि रुम्‍बेॽ नम्‍नम ले़चामिरो लुनुङ्‌नोॽ के़ॽ इडोॽ ले़ए़टुङे। मोडोगे़ॽ खोजि नुबानुङ मङे़ॽमा निवाबेॽ पक्‍का लिनुङ निवाहाङ्‌मि लेमा छॽइये खा लेमे निवा अथबा खिरिस्‍ट नुरोॽ लेहेखुबाजि लिहेम्‍मे।

कलस्‍सि 4:3

के़ॽ सुसमाचार परचार ले़ःॽपॽआसे़ॽ का तिरिङ्‌गा खिमबेॽ से़क्‍सिघे़टिङे। हागो खिरिस्‍टमि टुम्‍बेॽए लेमा छॽइये खा याॽमिजि परचार ले़ःॽमामि निवाहाङ्‌डे़ॽ कानिङ राम हेम्‍बेॽलो लुनुङ कानिङ्‌मि लागि पारथना ले़टानुमे।

१ तिमोथि 3:16

निवाहाङ्‌डे़ॽ कानिङ खाङ्‌मुबॽआ चाइबमा खा चइबानोॽ महान ले़ये, मो खा लुबॽआ चाहिँ खिरिस्‍ट चाहिँ याॽमि लिनुङ मक्‍खाम्‍डेमबेॽ लेस्‍सा, पबित्‍रा होङ्‌निवाबाङ धरमि ठहरबा लिसा, खो थाङ्‌सिरिदुतबाङ खाङ्‌मुसा, जाति जातिजिमि रुम्‍बेॽ खोमि परचार लिसा, मक्‍खाम्‍डेमबेॽहा याॽमिजिडे़ॽ बिस्‍वास ले़टुजिनुङ निवाहाङ्‌डे़ॽ खो महिमानुङ थाङ्‌सिरिॽटु लाघे़ॽटु।

१ तिमोथि 3:9

खोजिमि बिस्‍वासमि गहिरो चाइबमा खा सानिङ्‌मु निवाबेॽ नुरोॽ युङ्‌मा खे़ये।