एफिसि 3:2 - याम्फु

² निवाहाङ्‌मि अनुग्‍रहा चुप्‍नुङ हे़निङ्‌मि लागि योम्‍बोक ले़ःॽमे़ जिम्‍मा के़ॽ चुप्‍मिटुङे लुमे़ खा हे़निङे़ॽ खे़म्‍इटानुमे।

एफिसि 3:2 Iomraidhean Croise

एप्‍पा चोङ्‌सा 13:2

इक्‍याक माहाजि मे़न्‍चारेॽ पेन्‍नुङ पारथना ले़ःॽसाङ परभुमि आराधना ले़ःॽमे़ॽनिङ्‌सिमाबेॽ पबित्‍रा होङ्‌निवाडे़ॽ माहाजि इडोॽ लुसुजि, “खेप्‍सानुमे, बारनाबासनुङ सावल के़ॽ इमाङ योम्‍बोकमि लागि से़न्‍इटुङ्‌हाजि, खोजि मो योम्‍बोकपेॽनोॽ टिसानुमे।”

एप्‍पा चोङ्‌सा 13:46

तर पावलनुङ बारनाबासडे़ॽ मे़ङ्‌किस्‍सिरेॽ इडोॽ लुसुजि, “निवाहाङ्‌मि बचनगो चोपबाङ याक्‍लो हे़निङ यहुदिजि खेम्‍मेॽमा खाडे़, तर हे़निङे़ॽनोॽ इगो खा मे़ङ्‌खेप्‍सानुम। हे़निङ टाङ्‌बे़ॽनोॽ मो इन्‍डोक्‍पेॽसो ए़ॽसिघे़ॽमे हिङ्‌मवा ओः टोक्‍सानुम। हागो कानिङ अयहुदि जातिजिबेॽ खाडिङ्‌मा।

एप्‍पा चोङ्‌सा 22:21

तर परभुडे़ॽ लुसिङ, ‘हे़न खडे, के़ॽ ओः ओःराजि अयहुदि जातिजिबेॽ हे़न पाङ्‌मे़ॽनिङ्‌सिन्‍ने़’।”

एप्‍पा चोङ्‌सा 9:15

तर परभुडे़ॽ हननिया लुसु, “हे़न खे़ॽमा खे़ये इन्‍ढोङ्‌होङ मो याॽमिडे़ॽनोॽ अयहुदि जातिजि, मोबा हाङ्‌बाजिनुङ, इस्‍राएलि याॽमिजिमि रुम्‍बेॽ के़ए़ टुम्‍बेॽ परचार ले़ःॽमामि के़ॽ आक्‍को से़न्‍इटुङे।

रोमि 1:5

खोबाङ निवाहाङ्‌डे़ॽ अनुग्‍रहा ले़ःॽनुङ का खोमि एप्‍पा चोङ्‌सा टोङ्‌इटे़। चोप जातिहा याॽमिजिडे़ॽ बिस्‍वास ले़ःॽनुङ खोसे़ॽ लुबॽआ खा खसिमिरो लुनुङ खोमि योम्‍बोकमि टुम्‍बेॽ परचार ले़ःॽमामि लागि का पाङ्‌इटिङे।

रोमि 11:13

हागो के़ॽ हे़निङ अयहुदि जातिजि लुनिम्‍ने़, का चाहिँ हे़निङ अयहुदिजिमि लागि से़न्‍बॽआ खिरिस्‍टमि एप्‍पा चोङ्‌सा ले़ङे। यहुदिजिमि पोम्‍बेॽ के़ॽ इगो योम्‍बोक छना बेॽए मिॽइनुङे।

रोमि 12:3

निवाहाङ्‌डे़ॽ का ले़ःॽपॽआ अनुग्‍रहाबाङ के़ॽ हे़निङ लुनिम्‍ने़, हे़निङे़ॽ टाङ्‌बा इन्‍डोक्‍मा मिॽमा खे़ये, मोबाङ बेॽए ए़ॽमिडानुमे, तर निवाहाङबेॽ बिस्‍वास ले़ःॽखुबाजि पिबॽआ बरदान इन्‍डोक बेॽलो टुये मोडोक्‍रेॽ मिडानुमे।

१ कोरिन्‍थि 4:1

मोबा हे़निङे़ॽ कानिङ खिरिस्‍टमि सेवाकनुङ निवाहाङ्‌मि लेमा छॽइये खा लुहेखुबा योम्‍बोकमि जिम्‍मा चुप्‍पॽआ याॽमि मिॽमा खे़ये।

गलाति 1:13

का याक्‍लो यहुदि धरमबेॽ टुमाबेॽ काङ्‌मि चाल चलनगो हे़निङे़ॽ नुरोॽ लेन्‍डानुमे, मोडोक्‍पेॽ का ए़डे़ॽवासो नम्‍नम मे़ॽनिङ्‌मा लिनुङ निवाहाङ्‌मि मन्‍डलिबेॽहा याॽमिजि चुङ्‌जासुङ्‌जि, मोबा माहाजि के़ॽ हेरो नासि ले़ःॽमा योगुङ।

एफिसि 1:10

मो खा लुबॽआ चाहिँ थाङ्‌सिरिनुङ मक्‍खाम्‍डेमबेॽहा चोप सिरिस्‍टि खिरिस्‍टमि अधिनबेॽ लाप्‍मामि लागि ले़ये। मोबा निवाहाङ्‌डे़ॽ मो योम्‍बोक ठिक बेलाबेॽ पुरा ले़न्‍डुए।

एफिसि 3:7

निवाहाङ पाबामि महान अनुग्‍रहामि बरदानबाङ्‌नोॽ का सुसमाचार खेम्‍मेॽखुबा लिसिङ, इगो बरदान खोमिन्‍नोॽ सक्‍तिमि योम्‍बोकबाङ का पिसिङा।

एफिसि 3:8

खिरिस्‍टमि पबित्‍रा याॽमिजिबेॽ का इमा योम्‍बोक मे़ॽनिङ्‌मा ले़टिङ्‌रोसो सिःक्‍माबेॽ सिःक्‍हेनिबा खोमि याङ्‌सरावा सुसमाचार अयहुदि याॽमिजि खेम्‍मेॽमामि लागि का इगो अनुग्‍रहा पिसा।

एफिसि 3:9

मोबा चोप खा टोङ्‌खुबा निवाहाङ पाबाडे़ॽ याक्‍लोबाङ्‌नोॽ चुम्‍नुङ युङ्‌बॽआ लेमा छॽइये योजना इमाङ्‌डे ले़ये, माहा खा चोप याॽमिजि छे़ङ्‌गै टोङ्‌मे योम्‍बोक का पिसा।

एफिसि 4:21

चइबानोॽ हे़निङे़ॽ खोमि सिक्‍छे खेम्‍नुङ खोमि चोङ्‌सा लिबॽआसे़ॽ येसुमि चाइबमा खा चिङ्‌इटानुमे मिॽइटुङे।

एफिसि 4:7

तर खिरिस्‍टडे़ॽ कानिङ खाल खालहा योम्‍बोक ले़ःॽमे बरदान खोमटाङ्‌बे़ॽ मिॽनुङ खोमि अनुग्‍रहाबाङ पिटे़।

कलस्‍सि 1:4

इन्‍ढोङ्‌होङ खिरिस्‍ट येसुबेॽ हे़निङ्‌मि बिस्‍वासनुङ चोप पबित्‍रा याॽमिजिबेॽ हे़निङे़ॽ ले़ःॽपॽआ नम्‍नममि टुम्‍बेॽ कानिङे़ॽ खेम्‍इटुङ्‌मे।

कलस्‍सि 1:6

इगो सुसमाचार हे़निङ्‌बेॽ लेङ्‌इटे़, मोबा चइबानोॽ इगो खा मक्‍खाम्‍डेमबेॽहा चोप याॽमिजिमि लागि बेॽलोनोॽ नुबा लिमे़ॽनिङ्‌सिये। मोडोक्‍नोॽ निवाहाङ्‌मि अनुग्‍रहामि टुम्‍बेॽ हे़निङे़ॽ चाइबमा खाबेॽ खेम्‍बॽआनुङ लेबॽआ याकबाङ सुसमाचारडे़ॽ हे़निङ्‌बेॽसो नुबा योम्‍बोक ले़ःॽमे़ॽनिङ्‌सिन्‍डुए।

१ तिमोथि 1:11

इगो सिक्‍छे चाहिँ कानिङ आसिस पिघुबा निवाहाङ्‌डे़ॽ काबेॽ भोर ले़ःॽनुङ परचार ले़ःॽमामि लागि पिबॽआ महिमित सुसमाचारबेॽ टुये।

१ तिमोथि 1:4

हे़ने़ॽ माहाजि पारलेननुङ टुबालाबाजिमि इन्‍डोक्‍पेॽसो रुक्‍खे़ॽनिहा खानवाबेॽ ए़फोप्‍सिघे़ॽमे लुसाजे। इघा खाडे़ॽ खिमाचुमारेॽ लाजे़न्‍डुएनुङ निवाहाङ्‌मि योम्‍बोक फोःप्‍सेन्‍डुहा इन्‍ढोङ्‌होङ निवाहाङ्‌मि योम्‍बोक बिस्‍वासडे़ॽरेॽ ले़ःॽहेये।

१ तिमोथि 2:7

मोडोगे़ॽ निवाहाङ्‌डे़ॽ का एप्‍पा चोङ्‌सा मोबा अयहुदि जातिहा याॽमिजि चाइबमा खा परचार ले़ःॽखुबा टोङ्‌इटे़। इगो खा के़ॽ चइबानोॽ लुबॽआयो, रेम्‍डेॽपॽआ ने़ॽनि।

२ तिमोथि 1:11

निवाहाङ्‌डे़ॽ का इगो सुसमाचार परचार ले़ःॽखुबा, इक्‍को एप्‍पा चोङ्‌सानुङ इगो खा इःॽखुबा टोङ्‌इटिङे।