एफिसि 3:19 - याम्फु

¹⁹ मोबा याॽमिमि निवाडे़ॽ लेहेनिबा खिरिस्‍टमि नम्‍नम लेहेसानुमे, मोबा हे़निङ्‌मि चोप बेबहार निवाहाङ्‌डे़ॽ नेन्‍जामारोमा लिरो लुनुङ पारथना ले़नुङे।

एफिसि 3:19 Iomraidhean Croise

मत्‍ति 5:6

धारमिक योम्‍बोक ले़ःॽमा मिॽखुबानुङ मोमि वाइॽमे़ॽ सिघुबाजि आसिसित ले़म्‍मे, इन्‍ढोङ्‌होङ खोजिडे़ॽ उक्‍खारो चोडोक्‍इन्‍डुजे।

युहन्‍ना 1:16

खोमि महान अनुग्‍रहाबाङ कानिङे़ॽ बेॽलो आसिस सोक्‍पेॽ आसिस चुप्‍मिटुङ्‌मा।

युहन्‍ना 17:3

ए़ॽसिमे हिङ्‌मवा लुबॽआ चाहिँ हे़न इक्‍कोरेॽ चाइबमा निवाहाङ लुनुङ लेमा, मोबा हे़ने़ॽ पाङ्‌बॽआ येसु खिरिस्‍ट लेमानोॽ ले़ये।

रोमि 8:35

असे़ॽटे कानिङ निवाहाङ्‌बाङ फक्‍खे़ॽहेये ? इमा खेःडे़ॽ ? दुःखडे़ॽ ? चुङ्‌जामा खेःडे़ॽ ? साकआङ्‌साडे़ॽ ? इमाङ उक्‍चुङ्‌रे़क्‍टे़ॽ ? अथबा किस्‍सिमवाडे़ॽ, साङ्‌लाङ्‌डे़ॽ ?

रोमि 8:39

मिॽटुहा सक्‍तिडे़ॽ अथबा मिॽमुहा सक्‍तिडे़ॽ चोप सिरिस्‍टिबेॽ टुहा इमाङ खाडे़ॽसो अथबा असे़ॽसो कानिङ बेॽलो नम्‍नम ले़ःॽखुबा परभु खिरिस्‍ट येसुमि पाबा निवाहाङ्‌मि नम्‍नमबाङ फाक्‍खे़ॽहेमिने।

२ कोरिन्‍थि 5:14

कानिङ्‌गो खिरिस्‍टमि नम्‍नममि अधिनबेॽ टुन्‍डिङ्‌मे, इन्‍ढोङ्‌होङ कानिङे़ॽ इगो खा लेन्‍डुङ्‌मे़, चोप याॽमिजिमि लागि इक्‍को सिघे़ॽपॽआसे़ॽ चोप सिसामि।

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

एफिसि 1:23

मो मन्‍डलि खोमि हिङा ले़ये, खोबेॽ टुहा चोप खा बिस्‍वास ले़ःॽखुबाजिनुङ टुहा, खोसे़ॽ चोप थोक, चोपराजि खोमटाङ्‌बे़ॽ अधिन ले़न्‍डुए।

एफिसि 3:18

इडोॽ ले़टानुमहोङ हे़निङे़ॽसो खिरिस्‍टमि पबित्‍रा याॽमिजिडे़ॽ चुप्‍टिडोक्‍नोॽ खिरिस्‍टमि नम्‍नम इन्‍डोक किएम्‍मा ले़ये, इन्‍डोक फेभेमा ले़ये, इन्‍डोक होङ्‌डुम्‍बा ले़ये, मोबा इन्‍डोक ए़ङ्‌इये लुनुङ नुरोॽ लेहेन्‍डानुमे।

एफिसि 5:2

खिरिस्‍टडे़ॽ कानिङ नम्‍नम ले़टानुङ नाम्‍जानुये धुपा लिनुङ कानिङ्‌मि पापमि लागि खोमि हिङानोॽ निवाहाङ्‌बेॽ चेॽटिसु। मोडोक्‍नोॽ हे़निङ्‌सो नम्‍नम ले़ःॽखुबाजि लिसानिङे।

एफिसि 5:25

बनिबाजिओ, खिरिस्‍टडे़ॽ मन्‍डलि नम्‍नम ले़ःॽमाबेॽ खोमि हिङा पिडिडोक्‍नोॽ टाङ्‌बामि बनिमाजि नम्‍नम ले़ःॽटानुमे।

फिलिप्‍पि 1:7

हे़निङ चोपमि टुम्‍बेॽ मोडोॽ मिॽमा के़ॽ नुबा मिॽटुङ, इन्‍ढोङ्‌होङ हे़निङ काङ्‌मि निवाहोङ्‌सिॽयु युङ्‌इटुङे। आयु का तिरिङ्‌गा खिमबेॽ से़क्‍सिघे़ॽमाबेॽसो, याक्‍लो सुसमाचार पक्‍का ले़ःॽमाबेॽसो इगो निच्‍चि बेलानोॽ निवाहाङ्‌मि अनुग्‍रहाबेॽ हे़निङ कानुङ सोरि येःबानिङे।

फिलिप्‍पि 4:7

मोबा कानिङ याॽमिजिमि निवाडे़ॽ लेहेनिबा निवाहाङ्‌मि सान्‍तिडे़ॽ हे़निङ्‌मि निवानुङ सोःक्‍मा खिरिस्‍ट येसुबेॽ रच्‍छे ले़न्‍डुए।

कलस्‍सि 1:10

मोडोॽ ले़ःॽमाहोङ निवाहाङ्‌डे़ॽ नेन्‍जामारोमा योम्‍बोक ले़ःॽनुङ खो साप्‍थाङ्‌मेन्‍डुङ्‌मे। चोप नुबा योम्‍बोकपेॽ हे़निङ आसिसित लिन्‍डानिङे, मोबा हे़निङ निवाहाङ्‌मि निवाबेॽ वाबोक्‍इन्‍डानिङे।

१ पत्‍रुस 1:8

हे़निङे़ॽ खो मे़ङ्‌खाङ्‌डोक्‍नुङ्‌सो नम्‍नम ले़न्‍डानुम, खो आइरो मे़खाङ्‌डोक्‍टिॽरोसो खोबेॽ बिस्‍वास ले़न्‍डानुमेनुङ लुनोॽ लुहेनिबा बेॽएम्‍मा महिमा, हाङ्‌हाङ्‌डे़ॽ हे़निङ साप्‍थाङ्‌इन्‍डानिङ।

२ पत्‍रुस 3:18

तर कानिङ्‌मि परभुनुङ मुक्‍तिदाङ्‌बा येसु खिरिस्‍टमि अनुग्‍रहानुङ निवाबेॽ छना बेॽलो लिघडानिङे। खोमि हागोनुङ सानिङ महिमा लिरो। आमेन।