एफिसि 3:17 - याम्फु

¹⁷ हे़निङ्‌मि बिस्‍वासबाङ खिरिस्‍ट हे़निङ्‌बेॽ पेङ्‌रो, मोबा निवाहाङ्‌मि नम्‍नमबेॽ हे़निङ नुरोॽ साम एम्‍बॽआनुङ बोलियो लिसानिङे।

एफिसि 3:17 Iomraidhean Croise

मत्‍ति 13:6

तर नम निमासोरोॽ माहा रिङ वारामघडा, सामडे़ॽ बेॽलो आक्‍खामा मे़न्‍चुप्‍पॽआसे़ॽ हेघडा।

लुका 6:48

खो इक्‍को खिम आङ्‌घुबाडोक्‍नोॽ ले़ये, खोसे़ॽ खिममि जग गहिरो टोनुङ आक्‍खामाहोङ्‌बेॽए रुङ्‌गोॽवासोक्‍पेॽ खिममि जग एन्‍डु। मोबा वाडुम लेस्‍सा तर मो नुरोॽ टोङ्‌बॽआसे़ॽ वारिनुङ वाडुमडे़ॽसो मो खिम मे़योहेसु।

युहन्‍ना 14:17

खो होङ्‌निवा ले़ये, खोसे़ॽ चाइबमा राम्‍बेॽ राम्‍मा राप्‍मिये। मक्‍खाम्‍डेमबेॽहा याॽमिजिडे़ॽ खोबेॽ बिस्‍वास ले़ःॽहेसुजिने, इन्‍ढोङ्‌होङ मक्‍खाम्‍डेमडे़ॽ ना खो खाङ्‌डोक्‍इन्‍डुजे ना लेन्‍डुजे। तर खो हे़निङे़ॽ लेन्‍डानुमे, इन्‍ढोङ्‌होङ खो हे़निङ्‌नुङ्‌नोॽ टुये, खो हे़निङ होङ्‌सिॽयु पेङ्‌इये।

युहन्‍ना 14:23

येसुडे़ॽ खो लुसु, “असे़ॽ का नम्‍नम ले़ये, मोसे़ॽ काङ्‌मि बचन पालना ले़न्‍डुए मोबा काङ्‌मि पाबाडे़ॽसो खो नम्‍नम ले़न्‍डुएनुङ कानिङ खोबेॽ लेन्‍नुङ खोनुङ पेङ्‌इन्‍डिङ्‌मे।

युहन्‍ना 17:23

का माहाजिबेॽ मोबा हे़न काबेॽ टुङे, मोडोक्‍नोॽ माहाजिसो चोप इक्‍को लिहेमिरो। इगो खाबाङ्‌नोॽ हे़ने़ॽ का इगो मक्‍खाम्‍डेमबेॽ पाङ्‌इटे़नुङ हे़ने़ॽ का नम्‍नम ले़ःॽटिडोक्‍नोॽ खोजिसो नम्‍नम ले़न्‍डुए लुनुङ मक्‍खाम्‍डेमबेॽहा याॽमिजिडे़ॽ लेसुजिरो।

युहन्‍ना 6:56

काङ्‌मि हिङा चाघुबानुङ काङ्‌मि हरि उङ्‌घुबा काबेॽ टुयेनुङ का खोबेॽ टुङे।

रोमि 5:5

मोबा कानिङे़ॽ चुप्‍पॽआ मो आसाडे़ॽ निरास टोङ्‌निबा, इन्‍ढोङ्‌होङ निवाहाङ्‌डे़ॽ कानिङ पिबॽआ पबित्‍रा होङ्‌निवाबाङ खोमि नम्‍नम कानिङ्‌मि निवा इॽठुप युङ्‌बेटे़।

१ कोरिन्‍थि 3:6

के़ॽ चरि रिडुङ, अपोल्‍लोसडे़ॽ योङा एन्‍डु, तर वाबुक्‍खुबा निवाहाङ्‌नोॽ ले़ये।

१ कोरिन्‍थि 8:1

हागो के़ॽ मुरतिबेॽ चेॽटिबॽआ चामे थोकमि टुम्‍बेॽ इःनुङे। कानिङे़ॽ लेन्‍डुङ्‌मा, “कानिङ चोबे़ॽ लेमे निवा चुप्‍मिटुङ्‌मे”। तर लेमे निवाडे़ॽ काङायोङ्‌बा टोङ्‌इये, तर नम्‍नमडे़ॽ हाइखाजिमि लागि छना बेॽलो नुबा ले़न्‍डुए।

२ कोरिन्‍थि 13:5

हे़निङ्‌मि बिस्‍वास चाइबमा ले़येन्‍डे ले़ःॽनिबा लुनुङ याक्‍लो हे़निङ टाङ्‌बे़ॽ टाङ्‌बा जाँच ले़ःॽखाक्‍सानुमे। चइबानोॽ हे़निङ्‌मि रुम्‍बेॽ खिरिस्‍ट टुये लुमे खा लेसानुमे, हे़निङ्‌मि रुम्‍बेॽ खिरिस्‍ट मे़न्‍चुप्‍टानुमहोङ हे़निङ्‌मि बिस्‍वास बोलियो ले़ःॽनिबा।

२ कोरिन्‍थि 6:16

निवाहाङ्‌मि मन्‍दिरनुङ मुरतिमि रुम्‍बेॽ इमाङ टोङ्‌इहा ? कानिङ हिङ्‌रिक निवाहाङ्‌मि मन्‍दिर ले़न्‍डिङ्‌मा, निवाहाङ खोमटाङ्‌बे़ॽ लुटे़, “का माहाजिबेॽ पेङ्‌इङे मोबा माहाजिमि रुम्‍बेॽ राम्‍डुङे, का माहाजिमि निवाहाङ लिङे, मोबा माहाजि चाहिँ के़हा याॽमिजि लिम्‍मे।”

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

गलाति 5:6

खिरिस्‍ट येसुमि पोम्‍बेॽ खतना ले़ःॽपॽआ याॽमिनुङ खतना मे़ले़ःॽपॽआ इक्‍कोनोॽ लिन्‍जे। तर पाप्‍मिये खा चाहिँ नम्‍नमनुङ योम्‍बोक ले़ःॽखुबा बिस्‍वास ले़ये।

कलस्‍सि 1:23

चइबानोॽ हे़निङ टाङ्‌बामि बिस्‍वासबेॽ दिगोनुङ बोलियो लिसानिङे। हे़निङे़ॽ खेम्‍बॽआ सुसमाचारमि आसाबेॽ सानिङ पेनानिङे। इगो सुसमाचारनोॽ सिरिस्‍टिबेॽहा चोप याॽमिजि खेम्‍मेॽपॽआ ले़ये। इगो सुसमाचार खेम्‍मेॽमामि लागिनोॽ का पावल सेवाक लिटिङे।

कलस्‍सि 1:27

इगो लेमा छॽइये खा हाइखा जातिजिबेॽ बेॽलो महान ले़ये। मो खा टाङ्‌बामि याॽमिजि खाङ्‌मुमामि निवाहाङ्‌डे़ॽ से़ङ्‌इटे़। इगो लेमा छॽइये खा चाहिँ खिरिस्‍ट हे़निङ्‌बेॽ टुये लुमे खा ले़ये, खो महिमामि आसा ले़ये।

कलस्‍सि 2:7

सिङ्‌बु डाङ्‌डे़ॽ आक्‍खामाबेॽ साम ए़न्‍डिडोॽ खोबेॽ हे़निङ्‌मि बिस्‍वासमिसो साम ए़म्‍बॽआ लिनुङ हे़निङ नुरोॽ हिक्‍सानिङे। मोबा हे़निङ इःॽपॽआ सिक्‍छेडे़ॽ लुडिडोॽ बिस्‍वासबेॽ बोलियो लिनुङ सानिङ ओहाक पिघुबाजि लिसानिङे।

१ युहन्‍ना 4:16

इडोॽ निवाहाङ्‌डे़ॽ नम्‍नम ले़ःॽपॽआ खा कानिङे़ॽ लेन्‍डुङ्‌मानुङ मोबाङ्‌नोॽ बिस्‍वास ले़न्‍डुङ्‌मा। निवाहाङ नम्‍नम ले़ये, मोडोगे़ॽ असाबेॽ नम्‍नम सानिङ टुये मो याॽमिबेॽ निवाहाङ टुये।

१ युहन्‍ना 4:4

के़हा नानिजि, हे़निङ चाहिँ निवाहाङ्‌मि याॽमिजि ले़न्‍डानिङे, हे़निङे़ॽ माहा मे़ॽनोक्‍हा खा इःघुबा अगमबक्‍ताजि हेजाटानुमे, इन्‍ढोङ्‌होङ, हे़निङ्‌बेॽ टुघुबा चाहिँ, इगो मक्‍खाम्‍डेमबेॽ टुघुबाबाङ्‌सो एप्‍पा ले़ये।

परकास 3:20

खेप्‍सानुमे, का राम्‍डेमबेॽ येःप्‍नुङ ढकढक रोःइनुङे। सेम्‍ला खेम्‍नुङ राम्‍डेम हेनानुमहोङ का होङ्‌सिॽयु लेङ्‌इङे़, हे़निङ्‌नुङ सोरि पेन्‍नुङ चामा चाङे, मोबा हे़निङ्‌सो कानुङ सोरि पेन्‍नुङ चान्‍डानुमे।