एफिसि 2:5 - याम्फु

⁵ मोडोगे़ॽ कानिङे़ॽ पाप ले़ःॽनुङ सिबॽआहोङ्‌सो निवाहाङ्‌डे़ॽ कानिङ खिरिस्‍टनुङ्‌नोॽ हिङ्‌रिक टोक्‍सा। हे़निङ हिङ्‌रिक लिबॽआसो निवाहाङ्‌मि अनुग्‍रहाडे़ॽनोॽ ले़ये।

एफिसि 2:5 Iomraidhean Croise

लुका 15:24

इगो के़ए़ पसा सिघे़ॽपॽआ ले़टे़ हिङ्‌जाटे़, खो मे़ःखे़ॽपॽआ ले़टे़ आयु चुप्‍मिटुङे’। मोबा साप्‍थाङ्‌मानुङ भत्‍तेर तरिगुजि।

युहन्‍ना 5:21

इन्‍ढोङ्‌होङ निवाहाङ पाबाडे़ॽ सिगुयाकजि हिङ्‌बोक्‍नुङ खोजि हिङ्‌मवा पिन्‍डुजे, मोडोक्‍नोॽ पसाडे़ॽसो असा असा हिङ्‌मवा पिमा मिॽइन्‍डुजे माहाजि हिङ्‌मवा पिन्‍डुजे।

युहन्‍ना 6:63

हिङ्‌मवा पिघुबा चाहिँ निवाहाङ्‌मि होङ्‌निवानोॽ ले़ये। इगो योम्‍बोक याॽमिमि हिङ्‌मवाबाङ इमाङ्‌सो ले़ःॽहे़निबा। के़ॽ हे़निङ लुबॽआ खा चाहिँ होङ्‌निवानुङ हिङ्‌मवा ले़ये।

एप्‍पा चोङ्‌सा 15:11

आक्‍टोॽ ए़ले़ःॽमा, कानिङे़ॽ परभु येसुबेॽ बिस्‍वास ले़ःॽनुङ खोमि अनुग्‍रहाडे़ॽ मुक्‍ति चुप्‍मिटुङ्‌मे। मोडोक्‍नोॽ खोजिडे़ॽसो मुक्‍ति चुप्‍मिटुजे।”

रोमि 16:20

सान्‍तिदाङ्‌बा निवाहाङ्‌डे़ॽ चान्‍डोनोॽ सैतान हेजोन्‍डुएनुङ मो हे़निङ्‌मि सराङ्‌होङ्‌बेॽ युङ्‌इन्‍डुए। कानिङ्‌मि परभु येसु खिरिस्‍टमि अनुग्‍रहा हे़निङ्‌नुङ सनिङ टुरो।

रोमि 3:24

तर निवाहाङ्‌मि अनुग्‍रहाबाङ खिरिस्‍ट येसुडे़ॽ चोप याॽमिजिमि पापमि साटो दन्‍डा आङ्‌नुङ छुट्‌कारा ले़टुजि, मोबा याॽमिजि मोडोक्‍नोॽ धरमि टोक्‍सुजि।

रोमि 4:16

इडोॽ इगो हेन्‍ज्‍रुङ चाहिँ बिस्‍वासबाङ लेङ्‌इये, मोबा इगो कानिङे़ॽ इमाङ मे़ले़ःॽलेॽ मोडोक्‍नोॽ निवाहाङ्‌मि अनुग्‍रहाबाङ चुप्‍मिटुङ्‌मे। इगो हेन्‍ज्‍रुङ अब्‍राहाममि चोप पसाजिमि लागि पक्‍का ले़ए़टुए। इगो हेन्‍ज्‍रुङ चाहिँ धारमिक नियम पालना ले़ःॽखुबाजिमि लागिरेॽनोॽ ने़ॽनि, तर अब्‍राहाममिडोक्‍नोॽ बिस्‍वास ले़ॽखुबा चोपजिमि लागि हेन्‍ज्‍रुङ हे़म्‍बॽआ ले़ये, इन्‍ढोङ्‌होङ अब्‍राहाम चाहिँ बिस्‍वास ले़ःॽखुबा चोपमि टुबा ले़ये।

रोमि 5:10

इन्‍ढोङ्‌होङ कानिङ निवाहाङ्‌मि सतुर ले़ःॽमाबेॽनोॽ खोमि पसा खिरिस्‍टमि बलिबाङ निवाहाङ्‌नुङ कानिङ चुप्‍मिटिङ्‌मे़, चइबानोॽ हागोगो कानिङ खोमि याॽमि लिबॽआसे़ॽ खोसे़ॽ कानिङ रच्‍छे ले़ये।

रोमि 5:6

कानिङ याॽमिजि पापबाङ मुक्‍ति चुप्‍मामि कानिङ टाङ्‌बे़ॽ इमाङ्‌सो मे़ले़ःॽहेमाबेॽनोॽ पापि याॽमिजिमि लागि खिरिस्‍ट ठिक बेलाबेॽ सिबेॽटा।

रोमि 5:8

तर निवाहाङ्‌डे़ॽ खोमि नम्‍नम कानिङ्‌मि लागि इडोॽ खाङ्‌मुसु, कानिङ पापि टुमाबेॽनोॽ खिरिस्‍ट कानिङ्‌मि लागि सिबेॽटा।

रोमि 8:2

धारमिक नियमडे़ॽ कानिङ्‌मि पाप खाङ्‌मुनुङ आप्‍टिकनुङ्‌मा टोक्‍सा। तर येसु खिरिस्‍टबेॽ टुबॽआ चोङ हिङ्‌मवा पिघुबा पबित्‍रा होङ्‌निवामि सक्‍तिडे़ॽ कानिङ पापनुङ सिमवामि नियममि सक्‍तिबाङ छुट्‌कारा पिटे़।

२ कोरिन्‍थि 13:14

परभु येसु खिरिस्‍टडे़ॽ हे़निङ अनुग्‍रहा ले़ःॽरो, निवाहाङ्‌मि नम्‍नमनुङ पबित्‍रा होङ्‌निवा हे़निङ्‌नुङ सानिङ टुडुङ्‌घे़ॽरो।

एफिसि 2:1

हे़निङे़ॽ पापि योम्‍बोक ले़ःॽपॽआसे़ॽनुङ निवाहाङ्‌मि टेडिघरिक ले़ःॽपॽआसे़ॽ हे़निङ्‌मि होङ्‌निवा सिबॽआ ले़टानिङे, मो बेलाबेॽ निवाहाङ्‌डे़ॽ हे़निङ हिङ्‌बोगा।

एफिसि 2:8

हे़निङे़ॽ बिस्‍वास ले़ःॽनुङ खोमि अनुग्‍रहाबाङ उद्‌धार चुप्‍मिटानुमे। इगो उद्‌धार चाहिँ हे़निङ्‌टाङ्‌बे़ॽ योम्‍बोक ले़ःॽनुङ चुप्‍पॽआ ने़ॽनि, इगोगो निवाहाङ्‌डे़ॽ पिबॽआ बरदान ले़ये।

एफिसि 5:14

धारमिक नेॽचिराबेॽ इडोॽ साप्‍पॽआ ले़ये, “होउ इम्‍डिघे़ॽपॽआजि पुकाडानिङे, सिघे़ॽपॽआजि हिङ्‌बोगानिङे, मोबा खिरिस्‍टमि जोति हे़निङ्‌बेॽ पोॽइये।”

कलस्‍सि 2:13

याक्‍लो हे़निङ टाङ्‌बामि अपराधनुङ हे़निङ्‌मि हिङाबेॽ खतना मे़ले़ःॽपॽआसे़ॽ सिबॽआ ले़टानिङ। तर निवाहाङ्‌डे़ॽ कानिङ्‌मि चोप अपराध आम्‍लाङ पिनुङ खोनुङ्‌नोॽ हिङ्‌बोॽइटे़।

तितस 2:11

इन्‍ढोङ्‌होङ चोप याॽमिजिडे़ॽ मुक्‍ति चुप्‍टुजिरो लुनुङ्‌नोॽ निवाहाङ्‌मि अनुग्‍रहा खाङ्‌मुटे़।

तितस 3:5

मोबा खोसे़ॽ कानिङ हिङ्‌माराप्‍टा। कानिङ टाङ्‌बे़ॽ नुबा योम्‍बोक ले़ःॽपॽआसे़ॽको इडोॽ लिबॽआ ने़ॽनि। तर खोमिन्‍नोॽ नम्‍नावाबाङ चुप्‍पॽआ चोङ हिङ्‌मवाबेॽ फेङ्‌घुबा पबित्‍रा होङ्‌निवामि सक्‍तिबाङ कानिङ हिङ्‌इटिङ्‌मे।

परकास 22:21

परभु येसुमि अनुग्‍रहा चोपनुङ सानिङ्‌मु टुडुङ्‌घे़ॽरो। आमेन।