एफिसि 2:19 - याम्फु

¹⁹ मोडोगे़ॽ हागो हे़निङ हाइको देसबेॽहा याॽमिनुङ अयहुदि ने़ॽनि, तर हे़निङ्‌गो निवाहाङ पाबामि पबित्‍रा याॽमिजिनुङ खोमि राज्‍यमि अधिकार चुप्‍मिटानुमेनुङ खोमि खिमबेॽहा याॽमिजि लिटानिङे।

एफिसि 2:19 Iomraidhean Croise

मत्‍ति 10:25

चोङ्‌सा खोमि गुरुडोॽनुङ सेउते खोमि मायोङ्‌बाडोॽ लिडोक्‍माबेॽ सन्‍तोक ले़ःॽमिरो। हागो खिमदाङ्‌बानोॽ मङे़ॽमा चापजिमि हाङ्‌बा लुहेघुबाजिडे़ॽ, मो खिमबेॽहा हाइखाजिगो छना इमाङ लुन्‍डुजे ?

गलाति 6:10

मोडोगे़ॽ भलाइमि योम्‍बोक ले़टोक्‍मा सोरोॽ कानिङे़ॽ चोप याॽमिजिमि लागि भलाइ ले़ःॽमा खे़ये, चोप्‍पाङ याक्‍लो चाहिँ खिरिस्‍टबेॽ बिस्‍वास ले़ःॽखुबा याॽमिजिमि भलाइ ले़ःॽमा खे़ये।

एफिसि 2:12

मोडोक्‍पेॽ हे़निङ खिरिस्‍टबाङ ओः ले़टानिङ, निवाहाङ्‌डे़ॽ से़न्‍बॽआ जाति इस्‍राएलि याॽमिजिडे़ॽ चुप्‍पॽआडोॽहा हक हे़निङ्‌नुङ माॽआड। निवाहाङ्‌डे़ॽ याॽमिजिनुङ हुॽपॽआ हेन्‍ज्‍रुङ मे़लेघुबा ले़टानिङ, मोबा आसा मे़ॽनिङ्‌हाजिनुङ इगो मक्‍खाम्‍डेमबेॽ निवाहाङ मे़ॽनिङ्‌हा याॽमिजि ले़टानिङ।

एफिसि 3:15

मोबा खोनोॽ थाङ्‌सिरिनुङ मक्‍खाम्‍डेमबेॽहा चोप बिस्‍वासिजिमि पाबा ले़ये।

एफिसि 3:6

मो लेमा छॽइये खा लुबॽआ चाहिँ इगो ले़ये, सुसमाचारबाङ्‌नोॽ अयहुदि जातिजिडे़ॽसो यहुदिजिडे़ॽ चुप्‍पॽआ आसिसमि अधिकार चुप्‍मिन्‍डुजे, मोबा अयहुदि जातिहा याॽमिजिसो इक्‍को हिङामि अङ्‌ग लिम्‍मे, मोबा खिरिस्‍ट येसुबाङ निवाहाङ पाबाडे़ॽ हे़म्‍बॽआ हे़न्‍ज्‍रुङ्‌मि हकदारसो लिम्‍मे।

फिलिप्‍पि 3:20

तर कानिङ्‌गो थाङ्‌सिरिबेॽहा याॽमिजि ले़न्‍डिङ्‌मा। थाङ्‌सिरिबाङ लेङ्‌घुबा मुक्‍तिदाङ्‌बा, परभु येसु खिरिस्‍टमि राम हुङ्‌मे़ॽनिङ्‌सिन्‍डुङ्‌मे।

हिब्‍रु 11:13

इघा चोप याॽमिजिगो निवाहाङ्‌डे़ॽ पिनुङे़ लुनुङ हेन्‍ज्‍रुङ हे़म्‍बॽआ खा मे़न्‍चुप्‍लेॽ बिस्‍वास ले़ःॽमारोनोॽ सिघडामि। तरसो खोजिडे़ॽ मो खा चुप्‍पॽआनोॽ मिॽनुङ बिस्‍वास ले़टुजि। खोजि टाङ्‌बा इगो मक्‍खाम्‍डेमबेॽ नियाकमि चाबाङ ले़टामे।

हिब्‍रु 13:14

इन्‍ढोङ्‌होङ इगो मक्‍खाम्‍डेमबेॽ कानिङ्‌मि सानिङ टुडुङ्‌घे़ये सहर माॽआये। कानिङ्‌गो ए़क्‍साङ लेङ्‌इये सहरमि आसाबेॽ पेङ्‌इटिङ्‌मे।

१ पत्‍रुस 2:11

के़हा लङ्‌गामजि, इगो मक्‍खाम्‍डेमबेॽ हे़निङ नियाकमि चाबाङ्‌जिडोॽ ले़न्‍डानिङे, बिन्‍ति ले़निम्‍ने़, होङ्‌निवामि बिरोधबेॽ राम्‍खुबा हिङामि मङे़हा योम्‍बोकबाङ ओःनोॽ पेनानिङे।

१ युहन्‍ना 3:1

खाक्‍सानुमे, पाबाडे़ॽ कानिङ इन्‍डोक बेॽलो नम्‍नम ले़ए़टे़, खोमि नम्‍नमडे़ॽ कानिङ निवाहाङ्‌मि पसाजि लुनुङ लेम्‍मे, चइबानोॽ खोमिन्‍नोॽ पसाजिनोॽ ले़न्‍डिङ्‌मा। मक्‍खाम्‍डेमबेॽहा याॽमिजिडे़ॽ निवाहाङ मे़लेसुजि मोडोगे़ॽ कानिङ्‌सो लेमिनेबा।