एफिसि 2:17 - याम्फु

¹⁷ खिरिस्‍ट लेन्‍नुङ निवाहाङ्‌बाङ ओः लिबॽआ हे़निङ अयहुदिजिनुङ निवाहाङ्‌मि के़क्‍पेॽ टुघुबा यहुदिजिमि रुम्‍बेॽ टोङ्‌जामे सुसमाचार खेम्‍मेॽटा।

एफिसि 2:17 Iomraidhean Croise

मत्‍ति 10:13

मो खिमबेॽहा याॽमिजिडे़ॽ हे़निङे़ॽ सेवा मुमाबेॽ नुरोॽ टेसुजिहोङ मो खिमबेॽ सान्‍ति लेङ्‌रो। तर मो खिमबेॽहाजिडे़ॽ नुरोॽ मे़ले़ःॽमिहोङ हे़निङ्‌मि सान्‍ति हे़निङ्‌बेॽनोॽ टेआप्‍रो।

लुका 15:8

फेरि येसुडे़ॽ हाइको खानवा लुसु, “इक्‍को मेॽनामिॽनुङ इक्‍पोङ सिसे़ङ्‌मि मुन्‍डा टुसा। खोमि इक्‍को मुन्‍डा मे़ःखडा, हागो खोसे़ॽ इमाङ ले़न्‍डु होला ? कुप्‍पि उःप्‍नुङ, कुच्‍चोडे़ॽ फिःक्‍नुङ मो मे़ःखे़ॽपॽआ मुन्‍डा मे़न्‍चुप्‍रो निवा टिनुङ नुरोॽ योगुनेन्‍डे ?

लुका 2:14

“चोप्‍पाङ मिन्‍डु थाङ्‌सिरिबेॽ पेङ्‌घुबा निवाहाङ्‌मि ओहाङ मोबा मक्‍खाम्‍डेमबेॽ हाम्‍भा याॽमिजिनुङ निवाहाङ साप्‍थाङ्‌इये खोजिडे़ॽ सान्‍ति चुप्‍टुजिरो।”

एप्‍पा चोङ्‌सा 10:36

हागो हे़निङे़ॽ लेन्‍डानुमे मुक्‍ति पिघुबा हाङ्‌बा खिरिस्‍ट येसु चोपमि परभु ले़ये। खोबाङ्‌नोॽ निवाहाङ्‌डे़ॽ सान्‍तिनुङ्‌मा सुसमाचार चोप इस्‍राएलिजिबेॽ पाङ्‌इटुए।

एप्‍पा चोङ्‌सा 2:39

इन्‍ढोङ्‌होङ इगो पबित्‍रा होङ्‌निवामि हेन्‍ज्‍रुङ हे़म्‍बॽआगो हे़निङ्‌नुङ हे़निङ्‌मि पसाजि, मोबा ओः टुघुबाजिमि लागिसो ले़ये।”

रोमि 10:14

तर निवाहाङ्‌बेॽ बिस्‍वास मे़ले़ःॽलेॽ खोमि पुकारा इन्‍डोक्‍टे ले़ःॽमे ? असामि टुम्‍बेॽ इमाङ्‌सो मे़ङ्‌खेम्‍डिॽहोङ खोबेॽ इन्‍डोक्‍टे बिस्‍वास ले़ःॽमे ? खोमि टुम्‍बेॽ असे़ॽसो परचार मे़ले़ःॽलेॽ इन्‍डोक्‍टे खेम्‍मे ?

रोमि 5:1

मोडोगे़ॽ बिस्‍वास ले़ःॽनुङ निवाहाङ्‌मि पोम्‍बेॽ धरमि ठरबा लिटिङ्‌मे़ मोबा कानिङ्‌मि परभु येसु खिरिस्‍टमि लामबाङ निवाहाङ्‌नुङ चुप्‍मिटिङ्‌मे।

२ कोरिन्‍थि 5:20

मोडोगे़ॽ कानिङ खिरिस्‍टराम्‍बाङ बिन्‍ति लेन्‍डुङ्‌मे़, मोबा निवाहाङ्‌डे़ॽ कानिङ्‌बाङ्‌नोॽ याॽमिजि बिन्‍ति ले़ःॽमे़ॽनिङ्‌सिये। हे़निङ निवाहाङ्‌बेॽ आबानिङे लुनुङ खिरिस्‍टराम्‍बाङ हे़निङ बिन्‍ति ले़न्‍डुङ्‌मे।

एफिसि 4:21

चइबानोॽ हे़निङे़ॽ खोमि सिक्‍छे खेम्‍नुङ खोमि चोङ्‌सा लिबॽआसे़ॽ येसुमि चाइबमा खा चिङ्‌इटानुमे मिॽइटुङे।