एफिसि 2:16 - याम्फु

¹⁶ कानिङ यहुदिनुङ अयहुदि निप्‍पाङ्‌मि रुम्‍बेॽ सतुर टोङ्‌घुबा नियम नासि ले़ःॽनुङ निवाहाङ्‌नुङ चुप्‍मेॽमामि खो काप्‍सिङ्‌बेॽ बलि लिसा।

एफिसि 2:16 Iomraidhean Croise

रोमि 5:10

इन्‍ढोङ्‌होङ कानिङ निवाहाङ्‌मि सतुर ले़ःॽमाबेॽनोॽ खोमि पसा खिरिस्‍टमि बलिबाङ निवाहाङ्‌नुङ कानिङ चुप्‍मिटिङ्‌मे़, चइबानोॽ हागोगो कानिङ खोमि याॽमि लिबॽआसे़ॽ खोसे़ॽ कानिङ रच्‍छे ले़ये।

रोमि 6:6

कानिङे़ॽ लेन्‍डुङ्‌मे़, कानिङ्‌मि याक्‍लोमा हिङ्‌मवा खिरिस्‍टनुङ सोरि काप्‍सिङ्‌बेॽ सिसा, इन्‍ढोङ्‌होङ कानिङ्‌मि पापि हिङ्‌मवा सिरो, मोबा हागोएम्‍बाङ मिॽयु मो पापमि अधिनबेॽ पेम्‍मा मे़न्‍सिॽलो।

रोमि 8:3

याॽमिमि पापि बानि बेहोराडे़ॽ कमजोर लिबॽआसे़ॽ धारमिक नियमडे़ॽसो मे़ले़ःॽहेबॽआ योम्‍बोक निवाहाङ्‌डे़ॽ ले़टु, अथबा निवाहाङ्‌मि पसा पापमि लागि बलि लिमामि पापि याॽमिडोॽ हिङाबेॽ इगो मक्‍खाम्‍डेमबेॽ पाक्‍सु। खो याॽमि लिनुङ माहाजिडे़ॽ ले़ःॽपॽआ पापमि साटो हिङाबेॽ सिनुङ पापमि सक्‍ति नासि ले़टु।

रोमि 8:7

इन्‍ढोङ्‌होङ पापि निवा खिनुङ राम्‍खुबा चाहिँ निवाहाङ्‌मि लागि सतुर लिये। मो याॽमिडे़ॽ निवाहाङ्‌मि धारमिक नियम पालना ले़टुनिबा, मोसे़ॽ मो खा ले़ःॽनोॽ ले़ःॽहेसुनिबा।

१ कोरिन्‍थि 10:17

चरेपा इक्‍कोनोॽ टुये, मो इक्‍को चरेपा कानिङ चोबे़ॽ चाटुङ्‌मे। मोडोगे़ॽ कानिङ बेॽलो टुन्‍डिङ्‌मारोसो खिरिस्‍टबेॽ इक्‍कोनोॽ हिङा ले़न्‍डिङ्‌मा।

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

एफिसि 2:15

मोबा खोसे़ॽ यहुदिनुङ अयहुदि निच्‍चि जातिमि रुम्‍बेॽ सान्‍ति लाप्‍नुङ टाङ्‌बामि इक्‍को चोङ जाति टोङ्‌मामि खो बलि लिसा। मोबा यहुदि धारमिक नियमनुङ रितिथिति योम्‍बोक मे़ॽनिङ्‌मा टोक्‍सु।

एफिसि 3:6

मो लेमा छॽइये खा लुबॽआ चाहिँ इगो ले़ये, सुसमाचारबाङ्‌नोॽ अयहुदि जातिजिडे़ॽसो यहुदिजिडे़ॽ चुप्‍पॽआ आसिसमि अधिकार चुप्‍मिन्‍डुजे, मोबा अयहुदि जातिहा याॽमिजिसो इक्‍को हिङामि अङ्‌ग लिम्‍मे, मोबा खिरिस्‍ट येसुबाङ निवाहाङ पाबाडे़ॽ हे़म्‍बॽआ हे़न्‍ज्‍रुङ्‌मि हकदारसो लिम्‍मे।

एफिसि 4:4

निवाहाङ्‌डे़ॽ हे़निङ इक्‍को खाबेॽ आसा पिडिडोॽ, बिस्‍वास ले़ःॽखुबाजि चोप खिरिस्‍टमि इक्‍को हिङा ले़ये। मोबा पबित्‍रा होङ्‌निवासो इक्‍कोनोॽ ले़ये।

कलस्‍सि 2:14

मोबा कानिङ्‌मि बिरोधबेॽ साप्‍पॽआ चोप आप्‍टिक पत्‍रानुङ मोबेॽ साप्‍पॽआ नियम येसुडे़ॽ खोनुङ्‌नोॽ काप्‍सिङ्‌बेॽ किला ठाक्‍नुङ नासि ले़पेटुहा।

कलस्‍सि 3:15

खिरिस्‍टबेॽ टुये सान्‍तिडे़ॽ हे़निङ्‌मि निवाबेॽ राज्‍य ले़टुरो। चइबानोॽ इगो सान्‍तिमि लागिनोॽ हे़निङ इक्‍को हिङाबेॽ के़ए़टानिङे। इगो खामि लागि हे़निङे़ॽ ओहाक पिसानुमे।