एफिसि 2:14 - याम्फु

¹⁴ खिरिस्‍टबाङ्‌नोॽ कानिङे़ॽ सान्‍ति चुम्‍मिटुङ्‌मे। खो काप्‍सिङ्‌बेॽ बलि लिनुङ यहुदिनुङ अयहुदि याॽमिजि इक्‍को टोङ्‌इटे़, मोबा यहुदिनुङ अयहुदि इक्‍को ए़लिमेॽनुङ सतुर टोङ्‌घुबा परखाल योबेटुए।

एफिसि 2:14 Iomraidhean Croise

लुका 1:79

मोबा सेन्‍जुगुपबेॽ पेङ्‌घुबाजिनुङ सिसिॽपोरोक्‍पॽआ याॽमिजि हिङ्‌मवामि उज्‍यालो पिन्‍डुजे। मोबा मो उज्‍यालोडे़ॽनोॽ कानिङ सान्‍तिमि रामबेॽ राम्‍मराप्‍मिये।”

लुका 2:14

“चोप्‍पाङ मिन्‍डु थाङ्‌सिरिबेॽ पेङ्‌घुबा निवाहाङ्‌मि ओहाङ मोबा मक्‍खाम्‍डेमबेॽ हाम्‍भा याॽमिजिनुङ निवाहाङ साप्‍थाङ्‌इये खोजिडे़ॽ सान्‍ति चुप्‍टुजिरो।”

युहन्‍ना 10:16

के़हा हाइखासो सामुजि टुम्‍मे, माहाजि इगो गोठाबेॽहाजि ने़ॽनिहाजि। माहाजिसो के़ॽ लाःआप्‍मा खे़म्‍मे, माहाजिडे़ॽ काङ्‌मि सेम्‍ला खेम्‍इन्‍डुजे मोबा चोप इक्‍कोनोॽ बगाल लिम्‍मेनुङ माहाजिमि गोठ्‌ला इक्‍कोनोॽ लिये।

युहन्‍ना 11:52

मो देसबेॽहा याॽमिजिमि लागिरेॽ ने़ॽनि, तर हाम्‍बेॽको हाम्‍बेॽ टुप्‍खे़ॽपॽआ निवाहाङ्‌मि याॽमिजि इक्‍को ठाउँबेॽ सुम्‍मामि लागि इडोॽ लुबॽआ ले़टा।

युहन्‍ना 16:33

“हे़निङ कानुङ टुमाबेॽ सान्‍ति चुप्‍हेसानुमे लुनुङ के़ॽ हे़निङ इघा चोप खा लुबॽआ। मक्‍खाम्‍डेमबेॽ हे़निङे़ॽ खेः आङ्‌मा खे़ये, तर ए़क्‍किसिसानिङे इन्‍ढोङ्‌होङ के़ॽ मक्‍खाम्‍डेम हेजाबेटुङे।”

एप्‍पा चोङ्‌सा 10:28

मोबा पत्‍रुसडे़ॽ माहाजि लुसुजि, “कानिङ यहुदि जातिजि अयहुदि जातिहा याॽमिजिनुङ सोरि पेम्‍मा, मोबा खोजिमि खिमबेॽ खे़ॽमा, कानिङ्‌मि धरमबेॽ फे़न्‍निबा लुमे हे़निङे़ॽ नुरोॽ लेन्‍डानुमे। तर निवाहाङ्‌डे़ॽ असासो असुद्‌ध मिॽमा फे़म्‍मिनि लुनुङ का लुबेटिङे।

एप्‍पा चोङ्‌सा 10:36

हागो हे़निङे़ॽ लेन्‍डानुमे मुक्‍ति पिघुबा हाङ्‌बा खिरिस्‍ट येसु चोपमि परभु ले़ये। खोबाङ्‌नोॽ निवाहाङ्‌डे़ॽ सान्‍तिनुङ्‌मा सुसमाचार चोप इस्‍राएलिजिबेॽ पाङ्‌इटुए।

रोमि 5:1

मोडोगे़ॽ बिस्‍वास ले़ःॽनुङ निवाहाङ्‌मि पोम्‍बेॽ धरमि ठरबा लिटिङ्‌मे़ मोबा कानिङ्‌मि परभु येसु खिरिस्‍टमि लामबाङ निवाहाङ्‌नुङ चुप्‍मिटिङ्‌मे।

गलाति 3:28

मोडोगे़ॽ येसु खिरिस्‍टबेॽ बिस्‍वास ले़ःॽखुबाजिमि रुम्‍बेॽ यहुदिनुङ गिरिक, सेउतेनुङ फुक्‍का मोबा वडाङ्‌पसानुङ मेॽनामिॽ चोप खिरिस्‍टबेॽ इक्‍कोनोॽ ले़न्‍डिङ्‌मा।

एफिसि 2:15

मोबा खोसे़ॽ यहुदिनुङ अयहुदि निच्‍चि जातिमि रुम्‍बेॽ सान्‍ति लाप्‍नुङ टाङ्‌बामि इक्‍को चोङ जाति टोङ्‌मामि खो बलि लिसा। मोबा यहुदि धारमिक नियमनुङ रितिथिति योम्‍बोक मे़ॽनिङ्‌मा टोक्‍सु।

एफिसि 2:17

खिरिस्‍ट लेन्‍नुङ निवाहाङ्‌बाङ ओः लिबॽआ हे़निङ अयहुदिजिनुङ निवाहाङ्‌मि के़क्‍पेॽ टुघुबा यहुदिजिमि रुम्‍बेॽ टोङ्‌जामे सुसमाचार खेम्‍मेॽटा।

एफिसि 3:15

मोबा खोनोॽ थाङ्‌सिरिनुङ मक्‍खाम्‍डेमबेॽहा चोप बिस्‍वासिजिमि पाबा ले़ये।

एफिसि 4:16

खोबाङ्‌नोॽ हिङाबेॽहा चोप अङ्‌ग चोप जोरनिडे़ॽ चोक्‍नुङ ठिक ठिक योम्‍बोक ले़न्‍डुएनुङ बोलियो लिये, मोबा खिरिस्‍टमि नम्‍नमबेॽ वाबुक्‍साङ खे़ये।

कलस्‍सि 1:20

मोबा निवाहाङ्‌डे़ॽ खोमि पसा येसु खिरिस्‍टडे़ॽ काप्‍सिङ्‌बेॽ पिबॽआ बलिदानबाङ खोमि चोप सिरिस्‍टि टाङ्‌बामि टोक्‍सु। मोबा खोमि पसामि हरिडे़ॽ थाङ्‌सिरिनुङ मक्‍खाम्‍डेमबेॽहा चोप निवाहाङ्‌नुङ चुप्‍मेॽटु।

कलस्‍सि 2:20

हे़निङे़ॽको खिरिस्‍टनुङ सोरि सिनुङ इगो मक्‍खाम्‍डेमबेॽहा पापि निवाबाङ फुक्‍का चुप्‍मिटानुमे, इन्‍ढोङ हे़निङ इगो मक्‍खाम्‍डेमबेॽहा याॽमिजिडोक्‍नोॽ हिङ्‌इन्‍डानिङे ? इन्‍ढोङ हे़निङे़ॽ “इगो के़क्‍मा फे़न्‍निबा, इगो सेप्‍मा फे़न्‍निबा, इगो राःप्‍मा फे़न्‍निबा” लुमे नियम पालना ले़न्‍डानुमे ? मोबा हे़निङ छुट्‌कारा चुप्‍नुङ्‌सो इन्‍ढोङ “सुःप्‍मा फे़न्‍नि, सेप्‍मा फे़न्‍नि, राःप्‍मा फे़न्‍नि लुमे नियम पालना ले़न्‍डानुमे ?”

कलस्‍सि 3:11

मोडोगे़ॽ येसुमि पोम्‍बेॽ इस्‍राएलिनुङ गिरिकजि, खतना ले़ःॽखुबाजिनुङ मे़ले़ःॽखुबाजि, ओरे़कचि, मे़नेॽपॽआजि, सेउतेजि, फुक्‍का लिबॽआजि चोप याॽमि इक्‍कोनोॽ लिम्‍मे, मोबा चोपजिबेॽ खिरिस्‍टरेॽनोॽ टुये।

कलस्‍सि 3:15

खिरिस्‍टबेॽ टुये सान्‍तिडे़ॽ हे़निङ्‌मि निवाबेॽ राज्‍य ले़टुरो। चइबानोॽ इगो सान्‍तिमि लागिनोॽ हे़निङ इक्‍को हिङाबेॽ के़ए़टानिङे। इगो खामि लागि हे़निङे़ॽ ओहाक पिसानुमे।

हिब्‍रु 13:20

हागो सामुजिमि महान गोठ्‌लानुङ टाङ्‌बामि हरिडे़ॽ सानिङ टुडुङ्‌घे़ये हेन्‍ज्‍रुङ पुरा ले़ःॽखुबा कानिङ्‌मि परभु येसु सिबॽआबाङ सान्‍तिदाङ्‌बा निवाहाङ्‌डे़ॽ,

हिब्‍रु 7:2

मोबा अब्‍राहामडे़ॽ हाङ्‌बाजि हेजानुङ लाजे़ॽपॽआ चोप याङ्‌सरावामि इक्‍पोङ्‌मि इक्‍भागा मल्‍किसेदेक पिसु। मल्‍किसेदेक लुबॽआ चाहिँ “धारमिक खामि हाङ्‌बा” ले़येनुङ खो सालेममि हाङ्‌बा ले़ःॽपॽआसे़ॽ खोमि निङ “सान्‍तिमि हाङ्‌बा” लुनुङ्‌सो ले़ये।