एफिसि 2:1 - याम्फु

¹ हे़निङे़ॽ पापि योम्‍बोक ले़ःॽपॽआसे़ॽनुङ निवाहाङ्‌मि टेडिघरिक ले़ःॽपॽआसे़ॽ हे़निङ्‌मि होङ्‌निवा सिबॽआ ले़टानिङे, मो बेलाबेॽ निवाहाङ्‌डे़ॽ हे़निङ हिङ्‌बोगा।

एफिसि 2:1 Iomraidhean Croise

मत्‍ति 8:22

तर येसुडे़ॽ मो चोङ्‌सा लुसु, “हे़न चाहिँ कानुङ राप्‍से, सिगुयाकजिनोॽ मो सिगुयाक येःॽमाबेॽ युङ्‌मेॽटाजे।”

लुका 15:24

इगो के़ए़ पसा सिघे़ॽपॽआ ले़टे़ हिङ्‌जाटे़, खो मे़ःखे़ॽपॽआ ले़टे़ आयु चुप्‍मिटुङे’। मोबा साप्‍थाङ्‌मानुङ भत्‍तेर तरिगुजि।

लुका 15:32

कानिङे़ॽ आयु इगो भत्‍तेर टिनुङ साप्‍थाङ्‌मानोॽ खे़ये। इन्‍ढोङ्‌होङ हे़ने़ए़ निसा सिघे़ॽपॽआ ले़टे़, हिङ्‌जाटे़, आक्‍को मे़ःखे़ॽपॽआ ले़टे, आयु चुप्‍मिटुङ्‌मे़’!”

युहन्‍ना 10:10

खुसुबाङ्‌गो खुसिॽ, सेॽनेसिनुङ नास ले़ःॽसिरेॽ लेङ्‌इये। तर कागो माहाजिडे़ॽ हिङ्‌मवा चुप्‍टुजिरो, मोसो बेॽलोनोॽ चुप्‍टुजिरो लुनुङ लेस्‍सिङा।

युहन्‍ना 14:6

येसुडे़ॽ खो लुसु, “राम, चाइबमा मोबा हिङ्‌मवा कानोॽ ले़ङे। काबाङ हाइखा असाबाङ्‌सो निवाहाङ पाबामि खिमबेॽ रुक्‍हेमिने।

युहन्‍ना 5:21

इन्‍ढोङ्‌होङ निवाहाङ पाबाडे़ॽ सिगुयाकजि हिङ्‌बोक्‍नुङ खोजि हिङ्‌मवा पिन्‍डुजे, मोडोक्‍नोॽ पसाडे़ॽसो असा असा हिङ्‌मवा पिमा मिॽइन्‍डुजे माहाजि हिङ्‌मवा पिन्‍डुजे।

युहन्‍ना 5:25

चाइबानोक्‍मा खा के़ॽ हे़निङ लुनिम्‍ने, मो बेला लेम्‍मे़ॽनिङ्‌सियेनुङ लेम्‍बेटे़, इन्‍डोक्‍पेॽ सिघे़ॽपॽआजिडे़ॽ निवाहाङ्‌मि पसामि सेम्‍ला खेम्‍इन्‍डुजे मोबा खेम्‍खुबाजि चोप हिङ्‌इम्‍मे।

रोमि 8:2

धारमिक नियमडे़ॽ कानिङ्‌मि पाप खाङ्‌मुनुङ आप्‍टिकनुङ्‌मा टोक्‍सा। तर येसु खिरिस्‍टबेॽ टुबॽआ चोङ हिङ्‌मवा पिघुबा पबित्‍रा होङ्‌निवामि सक्‍तिडे़ॽ कानिङ पापनुङ सिमवामि नियममि सक्‍तिबाङ छुट्‌कारा पिटे़।

१ कोरिन्‍थि 15:45

मोडोगे़ॽ धारमिक नेॽचिराबेॽ इडोॽ साप्‍पॽआ ले़ये, “याक्‍लोमा याॽमि आदम हिङ्‌मवा चुप्‍खुबा याॽमि ले़टा।” तर ए़क्‍साङ्‌ए आदम अथबा खिरिस्‍ट चाहिँ हिङ्‌मवा पिघुबा होङ्‌निवा ले़ये।

२ कोरिन्‍थि 5:14

कानिङ्‌गो खिरिस्‍टमि नम्‍नममि अधिनबेॽ टुन्‍डिङ्‌मे, इन्‍ढोङ्‌होङ कानिङे़ॽ इगो खा लेन्‍डुङ्‌मे़, चोप याॽमिजिमि लागि इक्‍को सिघे़ॽपॽआसे़ॽ चोप सिसामि।

एफिसि 4:18

खोजिमि निवा रुङ्‌गोॽवाडोॽ छॽइयेन्‍से़ॽ खोजिडे़ॽ चाइबमा खामि टुम्‍बेॽ इमासो लेसुजिने, मोडोगे़ॽ निवाहाङ्‌बाङ चुप्‍मिये हिङ्‌मवाबाङ ओः लिटामे, खोजिबेॽ टुये नुबानुङ मङे़ॽमा लेमे निवा सेन्‍जुगुप्‍टे़ॽ टे़ॽइटुए।

एफिसि 5:14

धारमिक नेॽचिराबेॽ इडोॽ साप्‍पॽआ ले़ये, “होउ इम्‍डिघे़ॽपॽआजि पुकाडानिङे, सिघे़ॽपॽआजि हिङ्‌बोगानिङे, मोबा खिरिस्‍टमि जोति हे़निङ्‌बेॽ पोॽइये।”

कलस्‍सि 2:13

याक्‍लो हे़निङ टाङ्‌बामि अपराधनुङ हे़निङ्‌मि हिङाबेॽ खतना मे़ले़ःॽपॽआसे़ॽ सिबॽआ ले़टानिङ। तर निवाहाङ्‌डे़ॽ कानिङ्‌मि चोप अपराध आम्‍लाङ पिनुङ खोनुङ्‌नोॽ हिङ्‌बोॽइटे़।

१ तिमोथि 5:6

तर खो सानिङ्‌नोॽ निवे़ॽ ले़ःॽमा मिॽपॽआ चोप खा ले़ःॽखुबा राङ्‌मिॽमा ले़येहोङ खो हिङ्‌रिक टुहोङ्‌सो सिबॽआडोक्‍नोॽ ले़ये।

१ युहन्‍ना 3:14

कानिङे़ॽ लेमा खे़ये, कानिङ्‌गो सिघे़ये हिङाबाङ हिङ्‌रिक हिङ्‌मवाबेॽ सेम्‍बेटिङ्‌मा, इन्‍ढोङ्‌होङ कानिङे़ॽ बिस्‍वासि वावानिसानुङ नानुसाजि नम्‍नम ले़न्‍डुङ्‌मा। असे़ॽ बिस्‍वासि वावानिसानुङ नानुसाजि नम्‍नम ले़टुजिने माहाजि सिमवामि अधिनबेॽ सानिङ टुम्‍मे।

परकास 3:1

“सारडिसमि मन्‍डलि खाङ्‌खुबा अगुवाजिमि लागि इगो लम्‍बवाँ साबे इगो लम्‍बवाँ निवाहाङ्‌मि एच्‍चि होङ्‌निवानुङ एच्‍चि साङ्‌गे हुकपेॽ याङ्‌घुबाडे़ॽ इडोॽ लुये। हे़ने़ए़ योम्‍बोक के़ॽ लेनुङे़, हे़न हिङ्‌रिक ले़ये लुमे निङ्‌गो टुये, तर हे़निङ्‌गो सिघे़टानिङे़।