एफिसि 1:8 - याम्फु

⁸ मो महान अनुग्‍रहा निवाहाङ्‌डे़ॽ कानिङ बेॽलो बेॽलो पिटे़।

एफिसि 1:8 Iomraidhean Croise

मत्‍ति 11:19

मोबा याॽमिमि पसा चाहिँ चामानुङ, उङ्‌मानुङ लेस्‍सा, माहाजिडे़ॽ लुसुजि ‘खाक्‍सानुमे, आक्‍को रोप्‍कि, ठोम्‍घुबा, मे़क्‍चेन लाघुबाजिनुङ पापिजिमि लङ्‌गाम’ लुनुङ आप्‍टिक टिमे़ॽनिङ्‌सिन्‍डुजे। निवाहाङ्‌मि निवा नुबा ले़ये लुमे खामि परमान खोमि राम्‍बेॽ राम्‍घुजिमि योम्‍बोकबाङ्‌नोॽ खाङ्‌मुये।”

रोमि 11:33

चइबानोॽ निवाहाङ्‌मि निवानुङ सक्‍ति इन्‍डोक बेॽलो! मोबा खोमि निवानुङ सक्‍ति लेमानोॽ छॽइये! खोमि न्‍याय इन्‍डोक महान ले़ये खोमि राम लेमा छॽइये।

रोमि 5:15

निवाहाङ्‌बाङ मोडोक्‍नोॽ चुप्‍पॽआ बरदाननुङ आदममि पाप इक्‍कोनोॽ ले़ःॽनिबा। इन्‍ढोङ्‌होङ इक्‍को याॽमिमि पापडे़ॽ ले़ःॽमे़ॽ बेॽलो याॽमिजि सिसामि, तर मोबाङ्‌सो बेॽलो निवाहाङ्‌मि अनुग्‍रहाडे़ॽ येसु खिरिस्‍टबाङ मोडोक्‍नोॽ चुप्‍पॽआ बरदानडे़ॽ बेॽलो याॽमिजि हिक्‍सामि।

१ कोरिन्‍थि 2:7

बोरु निवाहाङ्‌मि असे़ॽसो मे़लेबॽआ निवादाङ्‌बा खा कानिङे़ॽ परचार लेन्‍डुङ्‌मा। इगो खा याॽमिजिबाङ चुम्‍बॽआ ले़टे़। निवाहाङ्‌डे़ॽ मो खा मक्‍खाम्‍डेम टोङ्‌मा याक्‍लोबाङ कानिङ्‌मि आदरमि लागि पोरोक्‍पेॽटा।

एफिसि 1:11

इन्‍ढोङ्‌होङ चोप योम्‍बोक निवाहाङ्‌डे़ॽ ले़ःॽमा मिॽपॽआडोक्‍नोॽ लिटाहा। निवाहाङ खोमटाङ्‌बे़ॽ कानिङ से़ना। इगो खा चाहिँ याक्‍लोएम्‍बाङ ले़ःॽमा मिॽपॽआ ले़टे़।

एफिसि 1:7

खिरिस्‍ट सिसा मोडोगे़ॽ खोमि हरिडे़ॽ कानिङे़ॽ पापबाङ आम्‍लाङ चुप्‍मिटुङ्‌मे़। खोसे़ॽ कानिङ्‌मि पापमि मोल फोङ्‌नुङ कानिङ छुट्‌कारा पिसा। चइबानोॽ निवाहाङ्‌मि अनुग्‍रहा महान ले़ये।

एफिसि 1:9

मोडोक्‍नोॽ निवाहाङ्‌डे़ॽ खिरिस्‍टबाङ पुरा ले़ःॽमा योक्‍पॽआ टाङ्‌बामि गहिरो खा लेमेॽटा।

एफिसि 3:10

इडोॽ पबित्‍रा मन्‍डलिबाङ पाबा निवाहाङ्‌मि खाल खालहा निवामि खा थाङ्‌सिरिबेॽहा सासकजिनुङ अधिकारदाङ्‌बाजिडे़ॽ लेजोसुजिरो लुनुङ माहा लेमा छॽइहा खा खाङ्‌मुसु।

कलस्‍सि 2:3

खिरिस्‍टबेॽनोॽ निवाहाङ्‌मि टुम्‍बेॽहा खा लेमे चोप निवा टुहा।

यहुदा 1:25

खोनोॽ इक्‍कोमा निवाहाङ, कानिङ्‌मि मुक्‍तिदाङ्‌बा येसु खिरिस्‍ट कानिङ्‌मि परभु ले़ये। खोबेॽ आदर, महिमा, सक्‍ति, अधिकार याक्‍लोएबाङ आयुठोकनुङ सानिङ टुडुङ्‌घे़ॽरो। आमेन।

परकास 5:12

माहाजिडे़ॽ बेॽए सेम्‍लाडे़ॽ इडोॽ सेम इःसुजि, “बलि लिबॽआ थुमा महिमा, आदर ले़ःॽमारोमा ले़ये, खोनुङ चोप अधिकार टुहा, खो चोप थोकमि याङ्‌सरावादाङ्‌बा ले़ये, खो सक्‍तिदाङ्‌बा ले़येनुङ खो निवादाङ्‌बा ले़ये। मोबा खोमिन्‍नोॽ ओहाङ ले़ःॽमा।”