एफिसि 1:7 - याम्फु

⁷ खिरिस्‍ट सिसा मोडोगे़ॽ खोमि हरिडे़ॽ कानिङे़ॽ पापबाङ आम्‍लाङ चुप्‍मिटुङ्‌मे़। खोसे़ॽ कानिङ्‌मि पापमि मोल फोङ्‌नुङ कानिङ छुट्‌कारा पिसा। चइबानोॽ निवाहाङ्‌मि अनुग्‍रहा महान ले़ये।

एफिसि 1:7 Iomraidhean Croise

मत्‍ति 20:28

इडोक्‍नोॽ याॽमिमि पसासो हाइखाजिबाङ सेवा चुप्‍मामि लागि ने़ॽनि, हाइखाजि सेवा पिसिॽनुङ बेॽलो याॽमिजि छुट्‌कारा ले़ःॽमामि लागि टाङ्‌बामि सोःक्‍मा पिसिॽ लेस्‍सा।”

मत्‍ति 26:28

इन्‍ढोङ्‌होङ इगो चोङ करारमि के़ए़ हरि ले़ये, इगो बेॽलो याॽमिजिमि पाप वासोक्‍मामि लागि पिनुङे।

मत्‍ति 6:12

कानिङे़ॽ कानिङ्‌मि सतुरजि आम्‍लाङ पिडिडोॽ कानिङ्‌सो आम्‍लाङ पिमायो।

मरकुस 14:24

मोबा येसुडे़ॽ फेरि लुसुजि, “इगो चोङ करारमि के़ए़ हरि ले़ये, इगो बेॽलो याॽमिजिमि लागि ले़ये।

लुका 1:77

मोबा ‘पापबाङ आम्‍लाङ चुप्‍नुङ मुक्‍ति चुप्‍मिन्‍डानुमे’ लुमे खा हे़ने़ॽ परभुमि याॽमिजि इःन्‍डुजे।

लुका 24:47

पाप ले़ःॽमा लेडानुमहोङ निवाहाङ्‌बाङ आम्‍लाङ चुप्‍मिन्‍डानुमे लुमे सुसमाचार खिरिस्‍टमि निङ्‌बेॽ यरुसलेमबाङ तरिक्‍नुङ चोप जातिहा याॽमिजि परचार ले़ःॽमा खे़ये।

युहन्‍ना 20:23

हे़निङे़ॽ असामि पाप आम्‍लाङ पिन्‍डानुमे, माहाजिमि पाप आम्‍लाङ लिहा, हे़निङे़ॽ असामि पाप आम्‍लाङ पिसानुम्‍ने मोसे़ॽ आम्‍लाङ चुप्‍टुनिबा।”

एप्‍पा चोङ्‌सा 10:43

अगमबक्‍ताजि चोबे़ॽनोॽ खोमि टुम्‍बेॽ लुबॽआ ले़टे़। येसुबेॽ बिस्‍वास ले़ःॽखुबाजि चोबे़ॽ पापबाङ आम्‍लाङ चुप्‍मिन्‍डुजे लुमे खा खोजिडे़ॽ याक्‍लोनोॽ इःबॽआ ले़टा।”

एप्‍पा चोङ्‌सा 2:38

मोबा पत्‍रुसडे़ॽ लुसुजि, “हे़निङ्‌मि पापबाङ आम्‍लाङ टोक्‍मामि लागि पाप ले़ःॽमा लेडानुमे, मोबा येसु खिरिस्‍टमि निङ्‌बेॽ बप्‍तिस्‍मा लासानुमे! मोबा हे़निङे़ॽ निवाहाङ्‌बाङ पबित्‍रा होङ्‌निवामि बरदान चुप्‍मिन्‍डानुमे।

एप्‍पा चोङ्‌सा 20:28

मोडोगे़ॽ हागो हे़निङ टाङ्‌बानुङ मन्‍डलिबेॽहा याॽमिजिमि लागिसो होसियार ले़टानिङे। पबित्‍रा होङ्‌निवाडे़ॽ हे़निङ खाङ्‌घुबा टोङ्‌बॽआसे़ॽ निवाहाङ्‌मि पसामि हरिडे़ॽ इम्‍बॽआ मन्‍डलि नुरोॽ खाक्‍सानुमे।

एप्‍पा चोङ्‌सा 3:19

मोडोगे़ॽ हागोनोॽ हे़निङ टाङ्‌बा टाङ्‌बामि पाप लेॽपेनुङ निवाहाङ्‌बेॽ टेसानिङे। खोसे़ॽ हे़निङ्‌मि चोप पापमि आम्‍लाङ पिये मोबा हे़निङे़ॽ निवाहाङ्‌बाङ होङ्‌निवामि सान्‍ति चुप्‍मिन्‍डानुमे।

रोमि 2:4

अथबा निवाहाङ्‌मि किरपाडे़ॽ हे़निङ पाप योम्‍बोक लेॽनुङ निवाहाङ्‌बेॽ टेआप्‍मिये लुमे खा मे़लेरेॽ इमाङ हे़निङ खोमि नम्‍नावा, आङ्‌डुङ्‌घे़ॽखुबानुङ चान्‍डोनोॽ सुरके़ॽनिबा लुमे खा ए़डेम्‍मा मिॽइन्‍डानुमे ?

रोमि 3:24

तर निवाहाङ्‌मि अनुग्‍रहाबाङ खिरिस्‍ट येसुडे़ॽ चोप याॽमिजिमि पापमि साटो दन्‍डा आङ्‌नुङ छुट्‌कारा ले़टुजि, मोबा याॽमिजि मोडोक्‍नोॽ धरमि टोक्‍सुजि।

रोमि 3:25

निवाहाङ्‌डे़ॽ खोनुङ सोरि इक्‍को लिमामि लागि खिरिस्‍ट येसु बलिदान लिसिॽ पाक्‍सु, मो बिस्‍वास ले़ःॽखुबा याॽमिजिमि पापमि आम्‍लाङ पिये। इगो योम्‍बोक निवाहाङ्‌डे़ॽ टाङ्‌बामि धारमिक खा खाङ्‌मुमामि ले़टु। निवाहाङ्‌डे़ॽ खिरिस्‍ट लेम्‍मा याक्‍लो खोमि सुरिक चुम्‍नुङ युङ्‌बॽआ ले़टे़नुङ याॽमिजिडे़ॽ ले़ःॽपॽआ पापमि दन्‍डा मे़म्‍पिसुजि।

रोमि 9:23

मोबा निवाहाङ्‌डे़ॽ कानिङ बेॽए सक्‍तिनुङ महिमामि याङ्‌सरावा खाङ्‌मुमा मिॽटु। कानिङ खोमि नम्‍नावा चुप्‍खुबा सुॽउ लिसिङ्‌मा। खोसे़ॽ कानिङ खोमि नम्‍नावा चुप्‍खुबाजि टाङ्‌बामि बेॽए आदरमि लागि पोरोगा।

१ कोरिन्‍थि 1:30

निवाहाङ्‌डे़ॽ हे़निङ येसु खिरिस्‍टबेॽ लाप्‍मिटे़। निवाहाङ्‌डे़ॽ खिरिस्‍ट येसु कानिङ्‌मि लागि निवामि मुहान टोङ्‌बेॽनुङ खिरिस्‍टडे़ॽ कानिङ निवाहाङ्‌मि पोम्‍बेॽ आप्‍टिक मे़ॽनिङ्‌हाजिनुङ पबित्‍रा टोङ्‌इये। मोबा कानिङ्‌मि पापबाङ छुट्‌कारा पिये।

२ कोरिन्‍थि 8:9

कानिङ्‌मि परभु येसु खिरिस्‍टडे़ॽ ले़ःॽपॽआ अनुग्‍रहा हे़निङे़ॽ नुरोॽ लेन्‍डानुम। खो चोप थोकमि मायोङ्‌बा ले़टारोसो हे़निङ्‌मि लागि इमाङ मे़ॽनिङ्‌मा लिसा। खो इमाङ मे़ॽनिङ्‌मा लिनुङ हे़निङ टाङायोङ्‌बा टोङ्‌मामि लागि इडोॽ ले़टु।

एफिसि 1:14

निवाहाङ्‌डे़ॽ कानिङ पिनिम्‍ने़ लुनुङ हेन्‍ज्‍रुङ हे़म्‍बॽआ हक कानिङे़ॽ मे़न्‍चुप्‍लो पबित्‍रा होङ्‌निवा चाहिँ बैनाडोॽ कानिङ पिटे़। इगो खामि लागि खो महिमानुङ ओहाङ पिमायो।

एफिसि 1:18

के़ॽ इडोॽ लुनुङ्‌सो इगो पारथना ले़नुङे, हे़निङ्‌मि निवामि जोति उरो, हे़निङ हाम्‍बे आसामि लागि के़ए़टे़नुङ, पबित्‍रा याॽमिजिबेॽ खोमि महिमानुङ्‌मा हक अधिकारमि याङ्‌सरावा इमाङ ले़ये, मो हे़निङे़ॽ लेहेसानुमे।

एफिसि 1:6

मोडोगे़ॽ इडोॽ बेॽलो अनुग्‍रहामि लागि निवाहाङ ओहाक पिमायो, इन्‍ढोङ्‌होङ खोसे़ॽ कानिङ खोमि नम्‍नम मिॽपॽआ पसा कानिङ्‌मि लागि मोडोक्‍नोॽ (सित्‍तैबेॽ) पिसा।

एफिसि 1:8

मो महान अनुग्‍रहा निवाहाङ्‌डे़ॽ कानिङ बेॽलो बेॽलो पिटे़।

एफिसि 2:4

तर निवाहाङ सारोनोॽ नम्‍नावादाङ्‌बा ले़येन्‍से़ॽ कानिङ बेॽलोनोॽ नम्‍नम ले़टा।

एफिसि 2:7

इगो चाहिँ सिःक्‍माबेॽ सिःक्‍हेनिबा खोमि अनुग्‍रहा लेङ्‌इहा चोप युगबेॽहा याॽमिजि खाङ्‌मुमामि लागि इडोॽ ले़टु। इगो अनुग्‍रहा निवाहाङ्‌डे़ॽ कानिङ येसु खिरिस्‍टबाङ खाङ्‌मुसु।

एफिसि 3:16

खोमि इन्‍डोक्‍पेॽसो रुक्‍खे़ॽनिये आसिसनुङ खोमिन्‍नोॽ होङ्‌निवाबाङ हे़निङे़ॽ सक्‍ति चुप्‍टानुमे, मोबा मो सक्‍तिडे़ॽ हे़निङ निवाहोङ्‌सिॽयुबाङ्‌नोॽ बोलियो लिसानिङे लुनुङ के़ॽ हे़निङ्‌मि लागि पारथना ले़नुङे।

एफिसि 3:8

खिरिस्‍टमि पबित्‍रा याॽमिजिबेॽ का इमा योम्‍बोक मे़ॽनिङ्‌मा ले़टिङ्‌रोसो सिःक्‍माबेॽ सिःक्‍हेनिबा खोमि याङ्‌सरावा सुसमाचार अयहुदि याॽमिजि खेम्‍मेॽमामि लागि का इगो अनुग्‍रहा पिसा।

फिलिप्‍पि 4:19

के़ए़ निवाहाङ्‌डे़ॽ हे़निङ्‌मि चोप खाँचो पुरा ले़न्‍डुए। खिरिस्‍ट येसुबेॽ टुये खोमि महिमानुङ्‌मा याङ्‌सरावाबाङ्‌नोॽ हे़निङ पाप्‍मिहा खा चोप पिये।

कलस्‍सि 1:14

खोबेॽ कानिङ्‌मि उद्‌धार अथबा पापबाङ आम्‍लाङ टुये।

कलस्‍सि 1:27

इगो लेमा छॽइये खा हाइखा जातिजिबेॽ बेॽलो महान ले़ये। मो खा टाङ्‌बामि याॽमिजि खाङ्‌मुमामि निवाहाङ्‌डे़ॽ से़ङ्‌इटे़। इगो लेमा छॽइये खा चाहिँ खिरिस्‍ट हे़निङ्‌बेॽ टुये लुमे खा ले़ये, खो महिमामि आसा ले़ये।

कलस्‍सि 2:13

याक्‍लो हे़निङ टाङ्‌बामि अपराधनुङ हे़निङ्‌मि हिङाबेॽ खतना मे़ले़ःॽपॽआसे़ॽ सिबॽआ ले़टानिङ। तर निवाहाङ्‌डे़ॽ कानिङ्‌मि चोप अपराध आम्‍लाङ पिनुङ खोनुङ्‌नोॽ हिङ्‌बोॽइटे़।

कलस्‍सि 2:2

खोजिडे़ॽ साहस चुप्‍नुङ मोबा खोजिटाङ्‌बामि रुम्‍बेॽ नम्‍नम ले़चामिरो लुनुङ्‌नोॽ के़ॽ इडोॽ ले़ए़टुङे। मोडोगे़ॽ खोजि नुबानुङ मङे़ॽमा निवाबेॽ पक्‍का लिनुङ निवाहाङ्‌मि लेमा छॽइये खा लेमे निवा अथबा खिरिस्‍ट नुरोॽ लेहेखुबाजि लिहेम्‍मे।

१ तिमोथि 2:6

चोप याॽमिजिमि पापमि सिङि खोमि हरिडे़ॽ फोङ्‌नुङ छुटाबा ले़ःॽमामि खोम्‍दाङ्‌बा काप्‍सिङ्‌बेॽ सिसा। निवाहाङ्‌डे़ॽ चोप याॽमि हिङ्‌बॽआ नेन्‍जोन्‍डुए लुमे खामि परमान इगोनोॽ ले़ये।

तितस 2:14

कानिङ चोप खालहा पापबाङ फाक्‍मामि लागिनोॽ फाक्‍खुबा हाङ्‌बा खिरिस्‍टडे़ॽ खोमि हिङ्‌मवा पिटे़। मोबा कानिङ खोमि याॽमि टोङ्‌मामि लागि चोखो टोक्‍सानुङ नुबा योम्‍बोक निवा टिनुङ ले़ःॽमे़ॽमामि इडोॽ ले़टु।

तितस 3:6

निवाहाङ्‌डे़ॽ चेघे़ॽलो पबित्‍रा होङ्‌निवा कानिङ मुक्‍ति पिघुबा हाङ्‌बा खिरिस्‍ट येसुबाङ कानिङ्‌बेॽ युङ्‌बेॽटा।

हिब्‍रु 9:22

चइबानोॽ धारमिक नेॽचिराडे़ॽ लुडिडोॽ बलि पिबॽआ हरिडे़ॽ चोप थोक चोखो टोङ्‌इन्‍डुहा, बलिमि हरि मे़ॽनिङ पापबाङ आम्‍लाङ लिहेनिबा।

१ पत्‍रुस 2:24

खिरिस्‍टडे़ॽ कानिङ्‌मि पाप खोमि हिङाबेॽ खिमानुङ काप्‍सिङ्‌बेॽ सिसा। मोडोक्‍नोॽ कानिङ्‌सो पापमि लागि सिसिङ्‌मा। मोबा निवाहाङ्‌मि नेन्‍जामारोमा योम्‍बोकमि लागि हिक्‍सिङ्‌मा। माहा येसुमि चोटबाङ्‌नोॽ हे़निङ नुबोइटानिङे।

१ पत्‍रुस 3:18

इन्‍ढोङ्‌होङ कानिङ निवाहाङ्‌बेॽ लाजे़ॽमामि खिरिस्‍ट धरमि ले़टारोसो कानिङ्‌मि पापमि भारा फोङ्‌मामि सानिङ्‌मि लागि इक्‍खेॽपेॽ सिसा। खो हिङाबेॽ सिसा, तर होङ्‌निवामि सक्‍तिबाङ हिङ्‌बोगा।

१ युहन्‍ना 2:12

के़हा नानिजि, के़ॽ हे़निङ साप्‍मे़ॽनिङ्‌सिनुङे, इन्‍ढोङ्‌होङ येसु खिरिस्‍टडे़ॽ ले़ःॽमे़ॽ हे़निङ्‌मि पाप आम्‍लाङ लिटाहा।

१ युहन्‍ना 2:2

खो कानिङ्‌मि पापबाङ फाक्‍मामि लागि बलि लिसा। कानिङ्‌मि लागिरेॽनोॽ ने़ॽनि तर मक्‍खाम्‍डेमबेॽहा चोप याॽमिजिमि लागि बलि लिसा।

१ युहन्‍ना 4:10

निवाहाङ्‌मि नम्‍नम इगोनोॽ ले़ये कानिङे़ॽ निवाहाङ नम्‍नम ले़ःॽपॽआ ने़ॽनि, तर खोसे़ॽ चाहिँ याक्‍लो कानिङ नम्‍नम ले़टा, मोबा खोमि पसा कानिङ्‌मि पापमि साटोबेॽ काप्‍सिङ्‌बेॽ सिसिॽ पाक्‍सु।

परकास 14:4

माहा याॽमिजि असानुङ्‌सो लसपस मे़लिबॽआ चोखो ले़टामि। थुमामि ए़ङ्‌गुवा ए़ङ्‌गुवा राम्‍घुबाजि चाहिँ इघाजिरेॽनोॽ टुसामि। माहाजि निवाहाङ्‌नुङ थुमामि लागि चेॽटिबॽआ याक्‍लोमा चाडोॽ ले़टामि। इघाजि मक्‍खाम्‍डेमबेॽहाजिबाङ छुट्‌कारा ले़ःॽपॽआजि ले़टामि।

परकास 5:9

माहाजिडे़ॽ इडोॽ लुसाङ इक्‍को चोङ सेम सेम्‍लुसुजि, “इगो साउकमि पत्‍रामि मुट्‌ठा लामारोमा, मोमि मोहोर पोक्‍मारोमा हे़नरेॽनोॽ टुये, याॽमिजिडे़ॽ हे़न सेॽनेसामिनुङ आम्‍मि हरिडे़ॽ निवाहाङ्‌मि लागि चोप कुल, खाप्‍ला, देसनुङ जातिजिबाङ याॽमिजि छुट्‌कारा पिसुजि।