एफिसि 1:4 - याम्फु

⁴ निवाहाङ्‌डे़ॽ खोमि पोम्‍बेॽ पबित्‍रानुङ आप्‍टिक मे़ॽनिङ्‌हा लिमिरो लुनुङ मक्‍खाम्‍डेम सिरिस्‍टि लिमा याक्‍लोनोॽ खिरिस्‍टराम्‍बाङ कानिङ से़ङ्‌इटे़।

एफिसि 1:4 Iomraidhean Croise

मत्‍ति 24:22

माहा खेः आङ्‌मे याक चुक्‍लो मे़न्‍टोङ्‌बॽआहोङ असासो मे़हिक्‍सामि, तर से़म्‍बॽआजिमि लागि माहा याक चुक्‍लो टोङ्‌बेये।

मत्‍ति 24:24

इन्‍ढोङ्‌होङ मे़ॽनोक्‍हा खिरिस्‍टजि मोबा रेम्‍सिङ अगमबक्‍ताजि लेङ्‌इम्‍मे, माहाजिडे़ॽ बेॽहा बेॽहा चिङ्‌गानुङ खरिहा योम्‍बोक खाङ्‌मुनुङ निवाहाङ्‌डे़ॽ से़म्‍बॽआ बिस्‍वासिजिसो रेम्‍इन्‍डुजे।

मत्‍ति 24:31

खोसे़ॽ खोमि थाङ्‌सिरिदुतजि तुराहिमि सेम्‍लानुङ सोरि पाङ्‌इन्‍डुजे। मोबा माहाजिडे़ॽ मक्‍खाम्‍डेमनुङ नान्‍द्‌रुङ्‌मामि चोप ठाउँबाङ खोसे़ॽ से़म्‍बॽआजि सुम्‍इन्‍डुजे।

मत्‍ति 25:34

मोबा हाङ्‌बाडे़ॽ टाङ्‌बामि चुप्‍थिङ्‌लामबेॽहाजि लुन्‍डुजे, ‘आबानिङे, के़ए़ पाबाबाङ आसिस चुप्‍खुबाजि! मक्‍खाम्‍डेम सिरिस्‍टि लिबॽआबाङ हे़निङ्‌मि लागि पोरोक्‍नुङ युङ्‌बॽआ राज्‍यबेॽ अधिकार ले़टानुमे।

युहन्‍ना 10:16

के़हा हाइखासो सामुजि टुम्‍मे, माहाजि इगो गोठाबेॽहाजि ने़ॽनिहाजि। माहाजिसो के़ॽ लाःआप्‍मा खे़म्‍मे, माहाजिडे़ॽ काङ्‌मि सेम्‍ला खेम्‍इन्‍डुजे मोबा चोप इक्‍कोनोॽ बगाल लिम्‍मेनुङ माहाजिमि गोठ्‌ला इक्‍कोनोॽ लिये।

युहन्‍ना 15:16

हे़निङे़ॽ का से़म्‍बॽआ ने़ॽनि, तर के़ॽ हे़निङ से़नुङ। इन्‍ढोङ्‌होङ हागो सानिङ टुडुङ्‌घे़हा चा किङ्‌मेॽटानुमे लुनुङ के़ॽ हे़निङ पाङ्‌मे़ॽनिङ्‌सिनिम्‍ने़। मोबा काङ्‌मि निङ्‌बेॽ पाबानुङ इमाङ ङागानुमहोङ्‌सो खोसे़ॽ हे़निङ पिये।

युहन्‍ना 17:24

“पाबा, के़ॽ मिॽइनुङे, हे़ने़ॽ का पिबॽआजि कानुङ्‌नोॽ सोरि टुमिरो, मोबा हे़ने़ॽ का पिबॽआ के़ए़ महिमा खोजिडे़ॽ खाङ्‌डोक्‍टुजिरो। मो महिमा चाहिँ मक्‍खाम्‍डेम सिरिस्‍टि लिमा याक्‍लोएबाङ्‌नोॽ हे़ने़ॽ का नम्‍नम ले़ःॽपॽआसे़ॽ पिबॽआ ले़टे़।

एप्‍पा चोङ्‌सा 13:48

इगो खा अयहुदि जातिजिडे़ॽ खेम्‍नुङ बेॽलो साप्‍थाक्‍साङ निवाहाङ्‌मि बचनमि ओहाङ ले़टुजि। मोबा इन्‍डोक्‍पेॽसो ए़ॽसिघे़ॽमे हिङ्‌मवामि लागि याक्‍लोनोॽ निवाहाङ्‌डे़ॽ से़म्‍बॽआजिडे़ॽ परभुबेॽ बिस्‍वास ले़टुजि।

एप्‍पा चोङ्‌सा 15:18

लुनुङ परभु निवाहाङ्‌डे़ॽ लुये। खोसे़ॽ बेॽलो याक्‍लो इगो खा इःबॽआ ले़टे़।

एप्‍पा चोङ्‌सा 18:10

इन्‍ढोङ्‌होङ का हे़न्‍नुङ्‌नोॽ टुङेनुङ असे़ॽसो हे़न इमाङ्‌सो ले़ःॽहेमिनिबा, इन्‍ढोङ्‌होङ इगो सहरबेॽ के़हा याॽमिजि बेॽलो टुम्‍मे।”

रोमि 8:33

निवाहाङ्‌डे़ॽ से़म्‍बॽआ याॽमिजि असे़ॽटे आप्‍टिक टिहेन्‍डुजे ? असे़ॽसो आप्‍टिक टिहेसुजिने! इन्‍ढोङ्‌होङ निवाहाङ्‌डे़ॽनोॽ खोजि आप्‍टिक मे़ॽनिङ्‌हाजि टोङ्‌इन्‍डुजे।

१ कोरिन्‍थि 1:8

कानिङ्‌मि परभु येसु खिरिस्‍ट लेङ्‌इये याकपेॽ हे़निङ आप्‍टिक मे़ॽनिङ युङ्‌मामि खोसे़ॽ ए़क्‍साङ्‌रो बिस्‍वासबेॽ बोलियो टोङ्‌इये।

गलाति 5:13

वावानिसानुङ नानुसाजि, हे़निङ्‌गो फुक्‍का लिसिॽ के़ःॽपॽआ याॽमिजि ले़न्‍डानिङे। तर इगो फुक्‍का चाहिँ हिङाडे़ॽ ले़ःॽमा मिॽपॽआ पापि खानुङ योम्‍बोक ले़ःॽमामि लागि पिबॽआ ने़ॽनिबा। इक्‍कोसे़ॽ हाइको नम्‍नम ले़ःॽनुङ भलाइमि योम्‍बोक ले़टानुमे।

गलाति 5:22

पबित्‍रा होङ्‌निवामि चा लुबॽआ चाहिँ इघा ले़हा-नम्‍नम ले़ःॽमा, हाङ्‌हाङ लिमा, याॽमिजिनुङ टोङ्‌जामा, निवा अधिनबेॽ युङ्‌मा, नम्‍नावा ले़ःॽमा, भलाइमि योम्‍बोक ले़ःॽमा, भरोसानुङ्‌मा लिमा,

गलाति 5:6

खिरिस्‍ट येसुमि पोम्‍बेॽ खतना ले़ःॽपॽआ याॽमिनुङ खतना मे़ले़ःॽपॽआ इक्‍कोनोॽ लिन्‍जे। तर पाप्‍मिये खा चाहिँ नम्‍नमनुङ योम्‍बोक ले़ःॽखुबा बिस्‍वास ले़ये।

एफिसि 2:10

कानिङ खोसे़ॽ टोङ्‌बॽआ खोमि सिरिस्‍टि ले़न्‍डिङ्‌मा। कानिङ्‌मि हिङ्‌मवाबाङ नुबा योम्‍बोक लिरो लुनुङ्‌नोॽ खिरिस्‍ट येसुबाङ निवाहाङ्‌डे़ॽ कानिङ टोक्‍सा। कानिङ्‌बाङ माहा नुबा योम्‍बोक ले़ःॽमामि लागि याक्‍लोनोॽ खोसे़ॽ पोरोइटे़।

एफिसि 3:17

हे़निङ्‌मि बिस्‍वासबाङ खिरिस्‍ट हे़निङ्‌बेॽ पेङ्‌रो, मोबा निवाहाङ्‌मि नम्‍नमबेॽ हे़निङ नुरोॽ साम एम्‍बॽआनुङ बोलियो लिसानिङे।

एफिसि 4:2

सानिङ्‌नोॽ ए़डेॽमा लिसानिङे, सुधोनुङ सहनसिल लिसानिङे। मोबा हे़निङ टाङ्‌बा इक्‍कोसे़ॽ हाइको नम्‍नम ले़ःॽसाङ सहबा ले़टानुमे।

एफिसि 5:2

खिरिस्‍टडे़ॽ कानिङ नम्‍नम ले़टानुङ नाम्‍जानुये धुपा लिनुङ कानिङ्‌मि पापमि लागि खोमि हिङानोॽ निवाहाङ्‌बेॽ चेॽटिसु। मोडोक्‍नोॽ हे़निङ्‌सो नम्‍नम ले़ःॽखुबाजि लिसानिङे।

एफिसि 5:27

मोबा कानिङ बिस्‍वासिजि पबित्‍रा, आप्‍टिक मे़ॽनिङ्‌मा, खोट मे़ॽनिङ्‌मानुङ चोप खाबेॽ नुबा लिबॽआ खिरिस्‍टमि मन्‍डलि टोङ्‌मामि लागि इडोॽ ले़टु।

फिलिप्‍पि 2:15

मोडोॽ ले़टानुमहोङ हे़निङ चाहिँ सुधोनुङ आप्‍टिक मे़ॽनिङ्‌हाजि लिनुङ पापिनुङ मङे़हा याॽमिजिमि रुम्‍बेॽ निवाहाङ्‌मि खोट मे़ॽनिङ्‌हानुङ चोखो पसाजि लिन्‍डानिङे। हे़निङे़ॽ साङ्‌गेडे़ॽ सेन्‍जुगुपेॽ उज्‍यालो टोङ्‌डिडोॽ माहाजिमि रुम्‍बेॽ उज्‍यालो टोङ्‌मा खे़ये।

कलस्‍सि 1:22

तर हागो खोमि पसामि हिङामि बलिदानडे़ॽ हे़निङ निवाहाङ्‌डे़ॽ टाङ्‌बामि याॽमिजि टोङ्‌इटे़। मोबा खोसे़ॽ हे़निङ खोमटाङ्‌बामि पोम्‍बेॽ पबित्‍रा, चोखोनुङ आप्‍टिक मे़ॽनिङ्‌हाजि टोङ्‌इटे़।

कलस्‍सि 2:2

खोजिडे़ॽ साहस चुप्‍नुङ मोबा खोजिटाङ्‌बामि रुम्‍बेॽ नम्‍नम ले़चामिरो लुनुङ्‌नोॽ के़ॽ इडोॽ ले़ए़टुङे। मोडोगे़ॽ खोजि नुबानुङ मङे़ॽमा निवाबेॽ पक्‍का लिनुङ निवाहाङ्‌मि लेमा छॽइये खा लेमे निवा अथबा खिरिस्‍ट नुरोॽ लेहेखुबाजि लिहेम्‍मे।

कलस्‍सि 3:12

हे़निङ्‌नोॽ निवाहाङ्‌डे़ॽ नम्‍नम ले़ःॽपॽआनुङ से़म्‍बॽआ पबित्‍रा याॽमिजि ले़न्‍डानिङ। मोडोगे़ॽ हे़निङ सानिङ नम्‍नम ले़ःॽखुबा, नम्‍नावा ले़ःॽखुबा, ए़डे़म्‍मा लिघुबानुङ सोझो सहनसिल लिसानिङे।

१ थेस्‍लोनिकि 3:12

कानिङे़ॽ हे़निङ नम्‍नम ले़ःॽपॽआडोक्‍नोॽ परभुडे़ॽसो हे़निङ्‌टाङ्‌बा नम्‍नम ले़ःॽखुसे़ॽचुघुबा लिसानिङे, मोबा खोसे़ॽ याॽमिजि नम्‍नम ले़ःॽखुबा टोक्‍सुरो।

१ थेस्‍लोनिकि 4:7

इन्‍ढोङ्‌होङ निवाहाङ्‌डे़ॽ कानिङ असुद्‌ध लिमामि ने़ॽनि, तर पबित्‍रा लिनुङ हिङ्‌मामि लागिनोॽ के़ए़टे़।

२ तिमोथि 1:9

निवाहाङ्‌डे़ॽनोॽ कानिङ पापबाङ छुट्‌कारा ले़ःॽनुङ खोमि पबित्‍रा याॽमि लिमामि से़न्‍इटे़। कानिङे़ॽ नुबा योम्‍बोक ले़ःॽपॽआसे़ॽको ने़ॽनि तर खोमटाङ्‌बामि योजनानुङ अनुग्‍रहाडे़ॽ कानिङ पापबाङ छुट्‌कारा ले़टा। इगो अनुग्‍रहा याक्‍लोनोॽ येसु खिरिस्‍टबेॽ कानिङ पिबॽआ ले़टे़।

२ तिमोथि 2:10

मोडोगे़ॽ निवाहाङ्‌डे़ॽ से़म्‍बॽआ याॽमिजिडे़ॽ खिरिस्‍ट येसुबेॽ टुये इन्‍डोक्‍पेॽसो रुक्‍खे़ॽनिबा महिमानुङ्‌मा मुक्‍ति चुप्‍टुजिरो लुनुङ के़ॽ इघा दुःखनुङ खेः आङ्‌मे़ॽनिङ्‌नुङे।

२ तिमोथि 2:19

तर निवाहाङ्‌मि सिक्‍छेमि चर हागोरोसो बोलियो ले़ःॽसिये। मोबेॽ इडोॽ साप्‍पॽआ ले़ये “परभुडे़ॽ खोमि याॽमिजि लेन्‍डुजे” मोबा “परभुबेॽ बिस्‍वास ले़ःॽखुबाजि चोप पापबाङ ओःनोॽ पेम्‍मा खे़ये।”

याकुब 2:5

के़हा वावानिसानुङ नानुसाजि खेप्‍सानुमे, निवाहाङ्‌डे़ॽ इगो मक्‍खाम्‍डेमबेॽहा गरिबजि बिस्‍वासबेॽ टाङायोङ्‌बा टोङ्‌मामि, मो राज्‍यमि उत्‍तराधिकारि लिमामि सेङ्‌इटुजे ने़ॽने ? खोसे़ॽ इगो राज्‍यनोॽ खो नम्‍नम ले़ःॽखुबाजि पिनुङ्‌हाजि लुनुङ चुप्‍लाङ हे़म्‍बॽआ ने़ॽनेन्‍डे ?

१ पत्‍रुस 1:2

याक्‍लोएम्‍बाङ्‌नोॽ निवाहाङ पाबाडे़ॽ हे़निङ खोमि याॽमिजि लिमामि से़ना, खोमि होङ्‌निवाडे़ॽ हे़निङ पबित्‍रा टोक्‍सा। मोडोगे़ॽ हे़निङे़ॽ येसु खिरिस्‍टमि खा खेम्‍इन्‍डानुमेनुङ खोमि हरिडे़ॽ हे़निङ चोखो लिटानिङे। निवाहाङ्‌डे़ॽ हे़निङ बेॽलो बेॽलो अनुग्‍रहानुङ सान्‍ति पिरो।

१ पत्‍रुस 1:20

खो मक्‍खाम्‍डेममि सिरिस्‍टि लिमा याक्‍लोनोॽ निवाहाङ्‌डे़ॽ से़म्‍बॽआ ले़टे़, तर हे़निङ्‌मि लागि इघा ए़क्‍साङ्‌हा याकपेॽ खाङ्‌मुसा।

१ पत्‍रुस 2:9

तर हे़निङ्‌गो निवाहाङ्‌डे़ॽ से़म्‍बॽआ बङ्‌सजि, हाङ्‌बामि बङ्‌समि याडाङ्‌बाजि, पबित्‍रा जाति, निवाहाङ्‌मिन्‍नोॽ जनता ले़न्‍डानिङे, खोसे़ॽ हे़निङ खोमि खरिहा योम्‍बोक परचार ले़ःॽमामि से़ङ्‌इटे़।

२ पत्‍रुस 3:14

मोडोगे़ॽ लङ्‌गामजि, हे़निङ इघा खा हुङ्‌घुबाजि ले़ःॽपॽआसे़ॽ, निवाहाङ्‌मि पोम्‍बेॽ हे़निङ आप्‍टिकनुङ पबित्‍रा लिनुङ, मोबा सान्‍तिबेॽ पेङ्‌घुबाजि लिमामि बोल ले़टानिङे।

१ युहन्‍ना 4:16

इडोॽ निवाहाङ्‌डे़ॽ नम्‍नम ले़ःॽपॽआ खा कानिङे़ॽ लेन्‍डुङ्‌मानुङ मोबाङ्‌नोॽ बिस्‍वास ले़न्‍डुङ्‌मा। निवाहाङ नम्‍नम ले़ये, मोडोगे़ॽ असाबेॽ नम्‍नम सानिङ टुये मो याॽमिबेॽ निवाहाङ टुये।

परकास 13:8

मोबा सेॽनेबॽआ थुमाडे़ॽ खोमि हिङ्‌मवामि नेॽचिराबेॽ मक्‍खाम्‍डेम सिरिस्‍टि लिबॽआबाङ्‌नोॽ माहाजिमि निङ मे़न्‍साप्‍टिॽ। माहाजि चोबे़ॽ मो जिवातमि पुजा ले़न्‍डुजे।

परकास 17:8

हे़ने़ॽ खाङ्‌बॽआ मो जिवात याक्‍लो इकखेॽ टुसे़, तर आयु माॽआये। मो सानिङ्‌मि लागि नासि लिमामि अतल कुन्‍डाबाङ मिॽटु के़ॽसिॽपोरोइटे़। मोबा मक्‍खाम्‍डेम सिरिस्‍टि लिबॽआबाङ हिङ्‌मवामि नेॽचिराबेॽ निङ मे़साप्‍पॽआजिडे़ॽ मो सिघे़ॽपॽआ जिवात फेरि हिङ्‌रिक लिबॽआ खाङ्‌नुङ खरि मिङ्‌इम्‍मे। इन्‍ढोङ्‌होङ मो याक्‍लो हिङ्‌रिक ले़टे़, तर आइ माॽआये सिघे़टे़, फेरि खाङ्‌मुये।