एफिसि 1:3 - याम्फु

³ कानिङ्‌मि परभु येसु खिरिस्‍टमि पाबा निवाहाङ्‌मि महिमा लिरो। खोसे़ॽ येसु खिरिस्‍टराम्‍बाङ थाङ्‌सिरिबाङ्‌हा चोप आत्‍मिक आसिस कानिङ पिटे़।

एफिसि 1:3 Iomraidhean Croise

लुका 2:28

मोबा सिमियोनडे़ॽ ओङे़क हुकपेॽ ठेॽनुङ निवाहाङ ओहाक पिसाङ लुसु,

युहन्‍ना 14:20

मो याक ‘का पाबाबेॽ टुङे, मोबा हे़निङ काबेॽ टुन्‍डानिङे, का हे़निङ्‌बेॽ टुङे’ लुनुङ लेन्‍डानुमे।

युहन्‍ना 17:21

माहाजि चोप इक्‍को निवा लिमिरो लुनुङ बिन्‍ति ले़न्‍ने़। हे पाबा, का हे़नबेॽनुङ, हे़न काबेॽ टुनुङ कानिङ इक्‍को लिडिडोॽ, खोजिसो कानिङ्‌बेॽ टुनुङ इक्‍कोनोॽ लिमिरो। मोबा हे़ने़ॽनोॽ का इगो मक्‍खाम्‍डेमबेॽ पाङ्‌इटिङे लुनुङ मक्‍खाम्‍डेमबेॽहा याॽमिजिडे़ॽसो बिस्‍वास ले़टुजिरो।

युहन्‍ना 20:17

येसुडे़ॽ मरियम लुसु, “का ए़ॽसुःप्‍मायो, का हागोरोसो पाबामि खिमबेॽ मे़ङ्‌खे़ॽटिॽङा। तर के़हा निसाजिबेॽ खे़ॽनुङ इगो खा लुबेॽटाजे, ‘के़ए़ पाबानुङ हे़निङ्‌मि पाबा, के़ए़ निवाहाङ्‌नुङ हे़निङ्‌मि निवाहाङ्‌बेॽ का खे़ॽमे़ॽनिङ्‌सिङे’।”

रोमि 12:5

मोडोक्‍नोॽ कानिङ्‌सो बेॽलो टुन्‍डिङ्‌मा, तरसो खिरिस्‍टबेॽ इक्‍को हिङा ले़न्‍डिङ्‌मे, कानिङ इक्‍कोमि अङ्‌ग हाइकोमिसो अङ्‌ग ले़न्‍डिङ्‌मा।

रोमि 15:6

मोबा इक्‍कोनोॽ सेम्‍लाडे़ॽ कानिङ्‌मि परभु येसु खिरिस्‍टमि पाबा निवाहाङ्‌मि ओहाङ हे़निङे़ॽ ले़ःॽहेसानुमे लुनुङ के़ॽ येसु खिरिस्‍टमि निङ्‌बेॽ पारथना ले़नुङे।

१ कोरिन्‍थि 1:30

निवाहाङ्‌डे़ॽ हे़निङ येसु खिरिस्‍टबेॽ लाप्‍मिटे़। निवाहाङ्‌डे़ॽ खिरिस्‍ट येसु कानिङ्‌मि लागि निवामि मुहान टोङ्‌बेॽनुङ खिरिस्‍टडे़ॽ कानिङ निवाहाङ्‌मि पोम्‍बेॽ आप्‍टिक मे़ॽनिङ्‌हाजिनुङ पबित्‍रा टोङ्‌इये। मोबा कानिङ्‌मि पापबाङ छुट्‌कारा पिये।

१ कोरिन्‍थि 12:12

इन्‍ढोङ्‌होङ इन्‍डोॽ कानिङ्‌मि इक्‍को हिङाबेॽ खाल खालहा अङ्‌ग टुहा, मोडोक्‍नोॽ इघा खोरो खोरोहा अङ्‌गबाङ इक्‍को हिङा लिये। इगो खाडे़ॽ खिरिस्‍टसो इडोक्‍नोॽ ले़ये लुनुङ खाङ्‌मुये।

२ कोरिन्‍थि 1:3

कानिङ्‌मि परभु येसु खिरिस्‍टमि पाबा निवाहाङ्‌मि ओहाङ लिरो। खो नम्‍नावादाङ्‌बा पाबा ले़येनुङ खोसे़ॽ चोप याॽमिजि सान्‍त्‍वना पिन्‍डुजे।

२ कोरिन्‍थि 11:31

का रेम्‍डेॽङानि लुनुङ्‌गो परभु येसुमि पाबा निवाहाङ्‌डे़ॽनोॽ लेन्‍डुहा, सानिङ निवाहाङ ओहाङ लिरो।

२ कोरिन्‍थि 5:17

मोडोगे़ॽ असा खिरिस्‍टबेॽ टुये खो चोङ सिरिस्‍टि लिटे़, याक्‍लोहा हिङ्‌मवा माॽआहा, खाक्‍सानुमे हागो चोङ हिङ्‌मवा लिटे़।

२ कोरिन्‍थि 5:21

खिरिस्‍टबेॽ इक्‍कोसो पाप माडा, मोडोक्‍सो निवाहाङ्‌डे़ॽ कानिङ धरमि टोङ्‌मामि लागि खिरिस्‍टसोक्‍पेॽ कानिङ्‌मि पाप युङ्‌बेॽटु।

गलाति 3:9

अब्‍राहामडे़ॽ बिस्‍वास ले़ःॽनुङ आसिस चुप्‍टु, इडोक्‍नोॽ हाइखा याॽमिजिडे़ॽसो बिस्‍वास ले़ःॽनुङ अब्‍राहामनुङ सोरि आसिस चुप्‍मिन्‍डुजे।

एफिसि 1:10

मो खा लुबॽआ चाहिँ थाङ्‌सिरिनुङ मक्‍खाम्‍डेमबेॽहा चोप सिरिस्‍टि खिरिस्‍टमि अधिनबेॽ लाप्‍मामि लागि ले़ये। मोबा निवाहाङ्‌डे़ॽ मो योम्‍बोक ठिक बेलाबेॽ पुरा ले़न्‍डुए।

एफिसि 1:17

कानिङ्‌मि परभु येसुमि निवाहाङ, आदर महिमा ले़ःॽमारोमा पाबाडे़ॽ हे़निङ पबित्‍रा होङ्‌निवाबाङ निवानुङ बुद्‌धि पिरो लुनुङ हे़निङ्‌मि लागि पारथना ले़नुङे। मो निवानुङ बुद्‌धि चुप्‍नुङ हे़निङे़ॽ निवाहाङ छना बेॽलो लेहेन्‍डानुमे।

एफिसि 1:20

मो सक्‍तिबाङ्‌नोॽ निवाहाङ्‌डे़ॽ येसु सिबॽआबाङ हिङ्‌बोगु, मोबा थाङ्‌सिरिबेॽ खोमि चुप्‍थिङ्‌लाम येसु युक्‍सु।

एफिसि 2:6

कानिङे़ॽ येसु खिरिस्‍टबेॽ बिस्‍वास ले़ःॽपॽआसे़ॽ निवाहाङ्‌डे़ॽ कानिङ्‌सो येसुनुङ हिङ्‌रिक टोक्‍सा, मोबा खोनुङ्‌नोॽ थाङ्‌सिरिमि राज्‍यबेॽ अधिकार ले़ःॽमेॽटा।

एफिसि 3:10

इडोॽ पबित्‍रा मन्‍डलिबाङ पाबा निवाहाङ्‌मि खाल खालहा निवामि खा थाङ्‌सिरिबेॽहा सासकजिनुङ अधिकारदाङ्‌बाजिडे़ॽ लेजोसुजिरो लुनुङ माहा लेमा छॽइहा खा खाङ्‌मुसु।

एफिसि 6:12

इन्‍ढोङ्‌होङ कानिङ्‌मि ङे याॽमिजिनुङ ने़ॽनि, तर से़न्‍जुगुपबेॽहा सासकजि, अधिकारि, नान्‍दरुङ्‌बेॽहा मङे़हा चापजिनुङ सक्‍तिमि बिरोधबेॽ ले़ये।

फिलिप्‍पि 2:11

मोबा चोबे़ॽ निवाहाङ पाबानोॽ ओहाङ पिमामि लागि येसु खिरिस्‍टनोॽ परभु ले़ये लुनुङ स्‍विकार ले़ःॽमा खे़ये।

हिब्‍रु 8:5

माहा याडाङ्‌बाजिडे़ॽ सेवा ले़ःॽपॽआ ठाउँगो थाङ्‌सिरिबेॽए पबित्‍रा ठाउँमि नक्‍कलनुङ लावारेॽ ले़ये। इन्‍ढोङ्‌होङ मोसाडे़ॽ पबित्‍रा ठाउँ टोङ्‌मा पोरोक्‍माबेॽ निवाहाङ्‌डे़ॽ इडोॽ लुसु, “के़ॽ हे़न सुम्‍लाखाबेॽ खाङ्‌मुबॽआडोॽमा चोप थोक टोङ्‌मे।”

हिब्‍रु 9:23

थाङ्‌सिरिमि नक्‍कल ले़ःॽपॽआ चोप थोकमि लागिनोक्‍सो इडोॽ चोखो टोङ्‌मा खडे़। तर थाङ्‌सिरिबेॽहा चोप थोक चोखो टोङ्‌मामि लागि छना बेॽलो नुबा बलिमि खाँचो सिॽटे़।

१ पत्‍रुस 1:3

कानिङ्‌मि परभु येसु खिरिस्‍टमि पाबा निवाहाङ्‌मि ओहाङ लिरो। येसु खिरिस्‍ट सिबॽआबाङ हिङ्‌बोक्‍खुबा निवाहाङ्‌मि महान नम्‍नावाडे़ॽ कानिङ चोङ हिङ्‌मवा पिसा, मोडोगे़ॽ सिघे़ॽनिये आसा कानिङे़ॽ चुप्‍मिटुङ्‌मे़।