एफिसि 1:19 - याम्फु

¹⁹ मोबा हे़निङ खिरिस्‍टबेॽ बिस्‍वास ले़ःॽखुबाजिडे़ॽ खोमि महान सक्‍ति इन्‍डोक बेॽए ले़ये लुमे खा लेहेसानुमे लुनुङ पारथना ले़नुङे।

एफिसि 1:19 Iomraidhean Croise

युहन्‍ना 3:6

हिङाबाङ टोक्‍पॽआ हिङा ले़ये, होङ्‌निवाबाङ टोक्‍पॽआ होङ्‌निवा ले़ये।

एप्‍पा चोङ्‌सा 26:18

“‘हे़ने़ॽ माहाजिमि मिक हेम्‍बेॽनुङ सेन्‍जुगुप्‍बाङ उज्‍यालोबेॽ लाप्‍मा खे़ये। मोबा सैतानमि हुकबाङ निवाहाङ्‌लाम टेआप्‍मा खे़म्‍मे। माहाजिडे़ॽ काबेॽ बिस्‍वास ले़न्‍डुजेनुङ माहाजिमि पाप वासोक्‍खे़हा मोबा माहाजिडे़ॽ निवाहाङ्‌डे़ॽ से़म्‍बॽआ याॽमिजिनुङ सोरि सेवा ले़टोक्‍इन्‍डुजे’।

रोमि 1:16

याॽमिजि सुसमाचार खेम्‍मेॽमा का ङेसिङानि, इन्‍ढोङ्‌होङ बिस्‍वास ले़ःॽखुबा चोप याॽमिजिबेॽ याक्‍लो यहुदिजिमि लागि, मोबा अयहुदिजिमि लागिसो इगो सुसमाचार निवाहाङ्‌मि सक्‍ति ले़ये।

२ कोरिन्‍थि 4:7

इडोक्‍मा जोति बेॽलो मोलनुङ्‌मा याङ्‌सरावा आक्‍खामामि सुॽउबेॽ युङ्‌डिडोॽ कानिङ याॽमिबेॽ युङ्‌बॽआ ले़ये। मोडोॽगे़ॽ कानिङ्‌बाङ ने़ॽनि, तर मो सक्‍ति चाहिँ निवाहाङ्‌मि हुकपेॽ टुये लुमे खा छे़ङ्‌गै लेडोक्‍इये।

२ कोरिन्‍थि 5:17

मोडोगे़ॽ असा खिरिस्‍टबेॽ टुये खो चोङ सिरिस्‍टि लिटे़, याक्‍लोहा हिङ्‌मवा माॽआहा, खाक्‍सानुमे हागो चोङ हिङ्‌मवा लिटे़।

एफिसि 2:10

कानिङ खोसे़ॽ टोङ्‌बॽआ खोमि सिरिस्‍टि ले़न्‍डिङ्‌मा। कानिङ्‌मि हिङ्‌मवाबाङ नुबा योम्‍बोक लिरो लुनुङ्‌नोॽ खिरिस्‍ट येसुबाङ निवाहाङ्‌डे़ॽ कानिङ टोक्‍सा। कानिङ्‌बाङ माहा नुबा योम्‍बोक ले़ःॽमामि लागि याक्‍लोनोॽ खोसे़ॽ पोरोइटे़।

एफिसि 3:20

कानिङ्‌होङ्‌सिॽयु योम्‍बोक ले़ःॽखुबा खोमि सक्‍तिडे़ॽ कानिङे़ॽ ङाःक्‍पॽआनुङ मिॽपॽआबाङ्‌सो बेॽलो पिहेखुबा,

एफिसि 3:7

निवाहाङ पाबामि महान अनुग्‍रहामि बरदानबाङ्‌नोॽ का सुसमाचार खेम्‍मेॽखुबा लिसिङ, इगो बरदान खोमिन्‍नोॽ सक्‍तिमि योम्‍बोकबाङ का पिसिङा।

एफिसि 6:10

हागो काङ्‌मि ए़क्‍साङ्‌ए खा लुनिम्‍ने़, खोमि बेॽए सक्‍तिडे़ॽ बोलियो लिसानिङे।

फिलिप्‍पि 2:13

इन्‍ढोङ्‌होङ निवाहाङ्‌डे़ॽ हे़निङ्‌बेॽ योम्‍बोक ले़ःॽमे़ॽनिङ्‌सिङ्‌डुए। खोसे़ॽनोॽ हे़निङ खोसे़ॽ मिॽपॽआडोॽ ले़ःॽमे निवानुङ बोल पिये।

फिलिप्‍पि 3:21

खोसे़ॽ खोमि बोलबाङ चोप थोक खोमि अधिनबेॽ युङ्‌हेन्‍डुए। खोमि मो बोलडे़ॽनोॽ कानिङ्‌मि इगो नासि लिये हिङा खोमिडोॽमानोॽ महिमानुङ्‌मा टोङ्‌इन्‍डुए।

कलस्‍सि 1:29

खिरिस्‍टडे़ॽ पिबॽआ काहोङ्‌बेॽ टुये बेॽए सक्‍तिडे़ॽनोॽ के़ॽ इगो योम्‍बोक चोप निवा टिनुङ ले़नुङे।

कलस्‍सि 2:12

इन्‍ढोङ्‌होङ बप्‍तिस्‍मा लामाबेॽ हे़निङ्‌सो खोनुङ हुप्‍सानिङे। मोबा सिबॽआबाङ खिरिस्‍ट हिङ्‌बोक्‍खुबा निवाहाङ्‌मि सक्‍तिबेॽ बिस्‍वास ले़ःॽपॽआसे़ॽ हे़निङ्‌सो खिरिस्‍टनुङ्‌नोॽ हिङ्‌बोॽइटानिङे।

१ थेस्‍लोनिकि 1:5

इन्‍ढोङ्‌होङ कानिङे़ॽ हे़निङ खेम्‍मेॽपॽआ सुसमाचार माङ्‌माङ्‌मा खा मे़ले़टा। तर सक्‍तिनुङ पबित्‍रा होङ्‌निवानुङ्‌मा चाइबमा खा ले़टे़। कानिङ हे़निङ्‌नुङ टुमाबेॽ कानिङ्‌मि हिङ्‌मवा इन्‍डोॽ ले़टे़ लुमे खा हे़निङे़ॽ नुरोॽ लेन्‍डानुमे।

२ थेस्‍लोनिकि 1:11

मोडोगे़ॽ निवाहाङ्‌डे़ॽ हाम्‍बे हिङ्‌मवामि लागि हे़निङ के़ॽपॽआ ले़ये, मो हिङ्‌मवाबेॽ योग्‍य टोङ्‌मामिनुङ खोमि सक्‍तिडे़ॽ नुबा योम्‍बोक ले़ःॽमे निवा, मोबा बिस्‍वासमि योम्‍बोक पुरा ले़ःॽमाराप्‍लो लुनुङ कानिङ हे़निङ्‌मि लागि सानिङ्‌नोॽ पारथना ले़न्‍डिङ्‌मा।

याकुब 1:18

खोसे़ॽ टाङ्‌बे़ॽ मिॽपॽआडोॽ चाइबमा बचनबाङ कानिङ सिरिस्‍टि ले़टा। कानिङ खोमि सिरिस्‍टिमि याक्‍लो किङ्‌बॽआ चाडोक्‍नोॽ लिहेसिरो।

१ पत्‍रुस 4:11

यामुमे बरदान चुप्‍खुबे़ॽ निवाहाङ्‌मि बचन यामुसुजिरो, सेवा ले़ःॽखुबे़ॽ निवाहाङ्‌मि सक्‍तिबाङ सेवा ले़टुरो। मोडोक्‍नोॽ येसु खिरिस्‍टबेॽ चोप खाबाङ निवाहाङ्‌मिन्‍नोॽ महिमा लिरो। सानिङ खोमिन्‍नोॽ चोप्‍पाङबेॽए आदरनुङ माहिमा लिरो। आमेन।