एफिसि 1:13 - याम्फु

¹³ मोडोक्‍नोॽ हे़निङे़ॽसो मुक्‍ति पिघुबा चाइबमा सुसमाचार खेम्‍नुङ खिरिस्‍टबेॽ बिस्‍वास ले़टानुम। निवाहाङ्‌डे़ॽ हेन्‍ज्‍रुङ हे़म्‍बॽआ पबित्‍रा होङ्‌निवामि छाप टिनुङ निवाहाङ्‌डे़ॽ हे़निङ खोमि याॽमिजि टोङ्‌बॽआ परमान पिसा।

एफिसि 1:13 Iomraidhean Croise

लुका 11:13

हे़निङ पापि ले़न्‍डानिङ्‌होङ्‌सो टाङ्‌बामि पसाजि नुबा खा पिलेन्‍डानुमहोङ छना थाङ्‌सिरिॽटु पेङ्‌घुबा हे़निङ्‌मि निवाहाङ पाबे़ॽ खोनुङ ङाःक्‍खुबाजि इन्‍डोक बेॽलो पबित्‍रा होङ्‌निवा पिये।”

लुका 24:49

हागो खेप्‍सानुमे, के़ए़ पाबे़ॽ हे़न्‍ज्‍रुङ हुप्‍पॽआ खा के़ॽ हे़निङ्‌बेॽ पाङ्‌इनुङे, तर निवाहाङ्‌बाङ्‌ए सक्‍ति मे़न्‍चुप्‍रेॽलो हे़निङ इगो सहरबेॽनोॽ पेन्‍डिक्‍सानिङे।”

युहन्‍ना 1:17

इन्‍ढोङ्‌होङ कानिङे़ॽ मोसाबाङ यहुदि धारमिक नियम चुप्‍टुङ्‌मा मोबा अनुग्‍रहानुङ चाइबमा चाहिँ येसु खिरिस्‍टबाङ चुप्‍टुङ्‌मा।

युहन्‍ना 14:26

तर पाबाडे़ॽ काङ्‌मि निङ्‌बेॽ पबित्‍रा होङ्‌निवा हे़निङ्‌बेॽ पाङ्‌इन्‍डुए, खोसे़ॽनोॽ हे़निङ चोप खा इःबेये मोबा के़ॽ लुबॽआ चोप खा हे़निङ मिॽमा राप्‍मिये।

युहन्‍ना 15:26

“हागो के़ॽ निवाहाङ पाबाबाङ हे़निङ सहायता ले़ःॽखुबा पबित्‍रा होङ्‌निवा पाङ्‌बेनिम्‍ने़, मोबा खोसे़ॽ चाइबमा राम्‍बेॽ राम्‍मराप्‍मिये, खोसे़ॽनोॽ के़ए़ टुम्‍बेॽ साक्‍छि पिन्‍डुए।

युहन्‍ना 3:33

असे़ॽ खोमि साक्‍छि खेम्‍नुङ बिस्‍वास ले़न्‍डुए, मोसे़ॽ निवाहाङ चाइबमा ले़ये लुनुङ लेन्‍डुए।

युहन्‍ना 6:27

नासि लिघे़हा चामामि लागि ने़ॽनि, तर ए़ॽसिमे हिङ्‌मवाठोक रुक्‍मे चामामि लागि दुःख ले़टानिङे। मो चामा याॽमिमि पसाडे़ॽ हे़निङ पिये। इन्‍ढोङ्‌होङ निवाहाङ पाबाडे़ॽ खो मोमि लागिनोॽ पाङ्‌इटुए।”

एप्‍पा चोङ्‌सा 1:4

इक्‍याक येसु माहाजिनुङ चामा चामे़ॽनिङ्‌सिमाबेॽ खोसे़ॽ लुसुजि, “यरुसलेम याःॽयानुङ हे़निङ हाम्‍बेॽसो ए़खे़ॽमे़, तर थाङ्‌सिरिबेॽए के़ए़ पाबे़ॽ पबित्‍रा होङ्‌निवा पिन्‍ने़ लुनुङ हे़म्‍बॽआ हेन्‍ज्‍रुङ हे़निङे़ॽ हुङ्‌मे़। इगोगो याक्‍लोनोॽ के़ॽ हे़निङ लुबेनिम्‍ने़।

एप्‍पा चोङ्‌सा 13:26

“होउ, अब्‍राहाममि पसाजि, इस्‍राएलि वावानिसाजि, निवाहाङ्‌मि आदर ले़ःॽखुबाजि, निवाहाङ्‌डे़ॽ इगो सुसमाचार कानिङ चोपमि लागि पाङ्‌बॽआ ले़हा।

एप्‍पा चोङ्‌सा 2:33

निवाहाङ्‌डे़ॽ येसु बेॽएम्‍मा टोङ्‌नुङ खोमि चुप्‍थिङ्‌लाम युङ्‌इटुए। मोबा खोसे़ॽ हे़न्‍ज्‍रुङ हे़म्‍बॽआडोक्‍नोॽ पबित्‍रा होङ्‌निवा पिसु। मोबा माहा होङ्‌निवानोॽ परभु येसुडे़ॽ कानिङ हाङ्‌बिटे़नुङ ‘इडोॽ लिमे़ॽनिङ्‌सिहा’ माहा खानोॽ हे़निङे़ॽ खाङ्‌मे़ॽनिङ्‌सिन्‍डानुमे मोबा खेम्‍मे़ॽनिङ्‌सिन्‍डानुमे।

रोमि 1:16

याॽमिजि सुसमाचार खेम्‍मेॽमा का ङेसिङानि, इन्‍ढोङ्‌होङ बिस्‍वास ले़ःॽखुबा चोप याॽमिजिबेॽ याक्‍लो यहुदिजिमि लागि, मोबा अयहुदिजिमि लागिसो इगो सुसमाचार निवाहाङ्‌मि सक्‍ति ले़ये।

रोमि 4:11

मोडोगे़ॽ खतना चाहिँ खोमि बिस्‍वासडे़ॽ निवाहाङ्‌बाङ धरमि ठरबा लिबॽआ चिङ्‌गा ले़टा। इडोॽ अब्‍राहाममि खतना ले़ःॽमा याक्‍लोनोॽ निवाहाङ्‌बेॽ ले़ःॽपॽआ बिस्‍वासडे़ॽनोॽ धरमि लिनुङ अयहुदि जातिजिमिसो टुबा लाबा लिरो लुनुङ इडोॽ लिसा।

रोमि 6:17

याक्‍लो इक्‍खेॽ हे़निङ पापमि सेउते ले़टानिङे, तर हागोगो हे़निङे़ॽ निवाहाङ्‌मि खा खेम्‍बॽआसे़ॽ निवाबाङ्‌नोॽ पालना ले़टानुमे। इगो खामि लागि निवाहाङ ओहाक पिनुङे़।

२ कोरिन्‍थि 1:22

मोबा खोमिनोॽ ले़ये लुनुङ कानिङ्‌बेॽ पबित्‍रा होङ्‌निवामि छाप टिटे़। इडोॽ कानिङ्‌मि निवाबेॽ पबित्‍रा होङ्‌निवा बैनाडोॽ पिबेटे़।

२ कोरिन्‍थि 6:7

चाइबमा खा यामुनुङ निवाहाङ्‌मि सक्‍तिडे़ॽ योम्‍बोक ले़ःॽपॽआ लुनुङ खाङ्‌मुसुङ्‌मा। याॽमिजिनुङ काक्‍मा सिॽहोङ्‌सो कानिङ्‌नुङ हतियार टुये, मो हतियार लुबॽआ चाहिँ निवाहाङ्‌डे़ॽ नेन्‍जामारोमा हिङ्‌मवा हिङ्‌मानोॽ ले़ये।

गलाति 3:14

खिरिस्‍टडे़ॽ कानिङ्‌मि लागि मोल फोङ्‌नुङ कानिङ फक्‍पेसा। इन्‍ढोङ्‌होङ अब्‍राहाम पिबॽआ आसिस खिरिस्‍ट येसुबाङ अयहुदिजिडे़ॽसो चुप्‍टुजिरो लुनुङ मोबा निवाहाङ्‌डे़ॽ हेन्‍ज्‍रुङ हे़म्‍बॽआ पबित्‍रा होङ्‌निवा बिस्‍वासबाङ कानिङे़ॽ चुप्‍रो लुनुङ इडोॽ लिसा।

एफिसि 4:21

चइबानोॽ हे़निङे़ॽ खोमि सिक्‍छे खेम्‍नुङ खोमि चोङ्‌सा लिबॽआसे़ॽ येसुमि चाइबमा खा चिङ्‌इटानुमे मिॽइटुङे।

एफिसि 4:30

निवाहाङ्‌मि पबित्‍रा होङ्‌निवा दुःखि ए़टोक्‍सानुमे, इन्‍ढोङ्‌होङ पबित्‍रा होङ्‌निवानोॽ हे़निङ इक्‍याक निवाहाङ्‌डे़ॽ छुट्‌कारा ले़ये लुनुङ पिबॽआ चिङ्‌ग ले़ये।

१ थेस्‍लोनिकि 2:13

कानिङे़ॽ निवाहाङ्‌मि बचन इःॽमाबेॽ हे़निङे़ॽ मो खा याॽमिबाङ्‌ए ने़ॽनि निवाहाङ्‌मिनोॽ मिॽनुङ खेप्‍सानुम। चइबानोॽ इगो खा निवाहाङ्‌बाङ्‌एनोॽ ले़टे़। मो सिक्‍छेडे़ॽ आयुसो हे़निङ बिस्‍वासिजिमि हिङ्‌मवाबेॽ योम्‍बोक ले़ःॽमे़ॽनिङ्‌सिन्‍डुए। मो खामि लागि कानिङे़ॽ निवाहाङ सानिङ्‌नोॽ ओहाक पिन्‍डुङ्‌मे।

२ तिमोथि 2:15

हे़न ङेम्‍मा सिॽनिबा पाप्‍निबानुङ निवाहाङ्‌मि बचन नुरोॽ इःॽखुबा योम्‍बोकदाङ्‌बा लिसे, हेरो निवाहाङ्‌मि पोम्‍बेॽ नेन्‍जारोमा लिसे।

२ तिमोथि 2:19

तर निवाहाङ्‌मि सिक्‍छेमि चर हागोरोसो बोलियो ले़ःॽसिये। मोबेॽ इडोॽ साप्‍पॽआ ले़ये “परभुडे़ॽ खोमि याॽमिजि लेन्‍डुजे” मोबा “परभुबेॽ बिस्‍वास ले़ःॽखुबाजि चोप पापबाङ ओःनोॽ पेम्‍मा खे़ये।”

२ तिमोथि 3:15

हे़ने़ॽ पिच्‍छाबाङ्‌नोॽ धारमिक नेॽचिराबेॽहा खा नुरोॽ लेन्‍डुहा। माहा खाडे़ॽ हे़न येसु खिरिस्‍टबेॽ टुये बिस्‍वास ले़ःॽनुङ चुप्‍मिये मुक्‍तिमि टुम्‍बेॽ लेमे निवा पिये।

तितस 2:11

इन्‍ढोङ्‌होङ चोप याॽमिजिडे़ॽ मुक्‍ति चुप्‍टुजिरो लुनुङ्‌नोॽ निवाहाङ्‌मि अनुग्‍रहा खाङ्‌मुटे़।

हिब्‍रु 2:3

इडोक बेॽए छुट्‌कारामि खानोॽ ले़ख्‍खो मे़ले़ःॽटुङ्‌माहोङ्‌गो इन्‍डोक्‍टे न्‍यायबाङ ले़ःॽखे़ॽहेन्‍डिङ्‌मा ? इगो छुट्‌कारा याक्‍लो परभुडे़ॽनोॽ परचार ले़टु। खोमि परचार खेम्‍घुबाजिडे़ॽ इगो चाइबमा ले़ये लुनुङ कानिङ परमान पिसामि।

याकुब 1:18

खोसे़ॽ टाङ्‌बे़ॽ मिॽपॽआडोॽ चाइबमा बचनबाङ कानिङ सिरिस्‍टि ले़टा। कानिङ खोमि सिरिस्‍टिमि याक्‍लो किङ्‌बॽआ चाडोक्‍नोॽ लिहेसिरो।

याकुब 1:21

मोडोगे़ॽ इडोक्‍हा चोप मङे़हा खाबाङ्‌नुङ दुस्‍ट निवा हे़निङे़ॽ लेॽपेसानुमे। ए़डे़म्‍मा लिनुङ हे़निङ्‌मि निवाबेॽ युङ्‌बॽआ निवाहाङ्‌मि बचनडे़ॽ लुडिडोॽ ले़टानुमे मोसे़ॽनोॽ हे़निङ हिङ्‌मवा पिये।

१ पत्‍रुस 2:10

याक्‍लो इक्‍खेॽ हे़निङ निवाहाङ्‌मि जनता मे़ले़टानिङ, तर हागो निवाहाङ्‌मि जनता लिटानिङे। इक्‍खेॽ हे़निङे़ॽ निवाहाङ्‌मि किरपा मे़न्‍चुप्‍टानुम, तर हागो हे़निङे़ॽ खोमि किरपा चुप्‍मिटानुमे।

परकास 7:2

मोबा हिङ्‌रिक निवाहाङ्‌मि मोहोर याङ्‌मानुङ इक्‍को थाङ्‌सिरिदुत नम्‍गे़तलामबाङ के़ॽपॽआ के़ॽ खाङ्‌डोक्‍टुङ। मक्‍खाम्‍डेमनुङ माहोङ्‌मा नासि ले़ःॽहेमे अधिकार चुप्‍पॽआ रिउम थाङ्‌सिरिदुतजि खोसे़ॽ इडोॽ लुसुजि,