कलस्‍सि 4:3 - याम्फु

³ के़ॽ सुसमाचार परचार ले़ःॽपॽआसे़ॽ का तिरिङ्‌गा खिमबेॽ से़क्‍सिघे़टिङे। हागो खिरिस्‍टमि टुम्‍बेॽए लेमा छॽइये खा याॽमिजि परचार ले़ःॽमामि निवाहाङ्‌डे़ॽ कानिङ राम हेम्‍बेॽलो लुनुङ कानिङ्‌मि लागि पारथना ले़टानुमे।

कलस्‍सि 4:3 Iomraidhean Croise

मत्‍ति 13:11

येसुडे़ॽ खोजि लुसुजि, “खाक्‍सानुमे, निवाहाङ्‌मि राज्‍यमि होङ्‌सिॽयुहा खा लेहेमे निवा हे़निङे़ॽ चुप्‍मिटानुमे। तर खोजि चाहिँ माहा खा लेहेमे निवा मे़म्‍पिडिॽ।

एप्‍पा चोङ्‌सा 14:27

एन्‍टिओखियाबेॽ टेनुङ ए़क्‍साङ पावलनुङ बारनाबासडे़ॽ मन्‍डलिबेॽहा चोप बिस्‍वासिजि के़डुजि। निवाहाङ्‌डे़ॽ खोजिबाङ इन्‍डोक्‍हा योम्‍बोक ले़टुएनुङ खोसे़ॽ अयहुदि जातिजिडे़ॽसो बिस्‍वास ले़ःॽहेमे राम्‍डेम हेम्‍बेॽटुजि लुमे खा खोजिडे़ॽ माहाजि खेम्‍मेॽटुजि।

रोमि 16:25

हागो कानिङ चोबे़ॽ निवाहाङ्‌मि आदरनुङ ओहाङ ले़ःॽमा। के़ॽ खिरिस्‍टमि टुम्‍बेॽ परचार ले़ःॽपॽआ खानुङ सुसमाचारबाङ खोसे़ॽ हे़निङ बिस्‍वासबेॽ बोलियो टोङ्‌हेये। इगो सुसमाचार निवाहाङ्‌डे़ॽ बेॽलो निङ याक्‍लोएबाङ चुम्‍नुङ युङ्‌बॽआ ले़टा।

१ कोरिन्‍थि 16:9

इन्‍ढोङ्‌होङ मोबेॽ बेॽलो टेडिघरिक याॽमिजि टुम्‍मे, तरसो, नुबानुङ बेॽएम्‍मा योम्‍बोक ले़ःॽमे मौका के़ॽ चुप्‍मिटुङे।

१ कोरिन्‍थि 4:1

मोबा हे़निङे़ॽ कानिङ खिरिस्‍टमि सेवाकनुङ निवाहाङ्‌मि लेमा छॽइये खा लुहेखुबा योम्‍बोकमि जिम्‍मा चुप्‍पॽआ याॽमि मिॽमा खे़ये।

२ कोरिन्‍थि 2:12

का खिरिस्‍टमि सुसमाचार परचार ले़ःॽसिॽ तोरोआस सहरबेॽ रुक्‍माबेॽ परभुडे़ॽनोॽ खोमि योम्‍बोक ले़ःॽमे नुबा मौका पिसा।

एफिसि 3:1

मोडोगे़ॽ का पावलडे़ॽ हे़निङ अयहुदिजिमि लागि खिरिस्‍ट येसुमि योम्‍बोक ले़ःॽमाबेॽ का तिरिङ्‌गा खिमबेॽ से़क्‍सिघे़टिङे।

एफिसि 3:3

लेमा छॽइये निवाहाङ्‌मि खा खोसे़ॽ का परकासबाङ खाङ्‌मुसा। इगोमि टुम्‍बेॽ के़ॽ याक्‍लोसो हे़निङ अदरे़ॽवागो साप्‍पेटुङे।

एफिसि 3:4

इन्‍डोक्‍पेॽ हे़निङे़ॽ के़ॽ साप्‍पॽआ खा नेॽएन्‍डानुमे मोबा लेमा छॽइये खिरिस्‍टमि होङ्‌सिॽयुए खामि टुम्‍बेॽ के़ॽ इन्‍डोक लेटुङेले़ लुनुङ हे़निङे़ॽसो लेहेन्‍डानुमे।

एफिसि 3:9

मोबा चोप खा टोङ्‌खुबा निवाहाङ पाबाडे़ॽ याक्‍लोबाङ्‌नोॽ चुम्‍नुङ युङ्‌बॽआ लेमा छॽइये योजना इमाङ्‌डे ले़ये, माहा खा चोप याॽमिजि छे़ङ्‌गै टोङ्‌मे योम्‍बोक का पिसा।

एफिसि 4:1

मोडोगे़ॽ परभुमि योम्‍बोकमि लागि तिरिङ्‌गा खिमबेॽ से़क्‍सिघे़ॽपॽआ का पावलडे़ॽ हे़निङ्‌नुङ बिन्‍ति ले़निम्‍ने़, निवाहाङ्‌डे़ॽ हे़निङ इमा योम्‍बोकमि लागि के़ए़टे़ मोमि लागिनोॽ हिक्‍सानिङे।

फिलिप्‍पि 1:19

इन्‍ढोङ्‌होङ के़ॽ लेनुङे़, हे़निङ्‌मि पारथनानुङ येसु खिरिस्‍टमि होङ्‌निवाडे़ॽ पिबॽआ सहायताडे़ॽ का इगोबाङ लेॽखे़ङे।

फिलिप्‍पि 1:7

हे़निङ चोपमि टुम्‍बेॽ मोडोॽ मिॽमा के़ॽ नुबा मिॽटुङ, इन्‍ढोङ्‌होङ हे़निङ काङ्‌मि निवाहोङ्‌सिॽयु युङ्‌इटुङे। आयु का तिरिङ्‌गा खिमबेॽ से़क्‍सिघे़ॽमाबेॽसो, याक्‍लो सुसमाचार पक्‍का ले़ःॽमाबेॽसो इगो निच्‍चि बेलानोॽ निवाहाङ्‌मि अनुग्‍रहाबेॽ हे़निङ कानुङ सोरि येःबानिङे।

कलस्‍सि 1:26

इगो सिक्‍छे याक्‍लो युग युगबाङ, पुस्‍ता पुस्‍ताबाङ असे़ॽसो मे़लेहेबॽआ चुम्‌युङ्‌बॽआ खा ले़टे़। हागो खोसे़ॽ खिरिस्‍टमि पबित्‍रा याॽमिजि इगोमि खा छे़ङ्‌गै टोङ्‌बेटे़।

कलस्‍सि 4:18

का पावलडे़ॽ, सेवायो लुनुङ काङ्‌मिनोॽ हुगे़ॽ हे़निङ्‌मि लागि साप्‍मिटुङे। का तिरिङ्‌गा खिमबेॽ से़क्‍सिघे़ॽपॽआ खा सानिङ हे़निङ्‌मि पारथनाबेॽ मिडानुमे। हे़निङ्‌नुङ सानिङ निवाहाङ्‌मि अनुग्‍रहा टुडुङ्‌घे़ॽरो।

१ थेस्‍लोनिकि 5:25

वावानिसानुङ नानुसाजि, कानिङ्‌मि लागिसो पारथना ले़ःॽपेॽमाजे।

२ तिमोथि 1:16

ओनेसिफरसमि खिमबेॽ परभुडे़ॽ नम्‍नावा ले़टुरो इन्‍ढोङ्‌होङ का तिरिङ्‌गा खिमबेॽ से़क्‍सिघे़ॽमाबेॽ का चुप्‍सिॽ लेम्‍मा खो मे़ङेसिडा, मोबा खोसे़ॽ का खेःबेॽ टुमाबेॽ बेॽलोखेॽ हौसला पिटे़।

२ तिमोथि 2:9

मो सुसमाचार खेम्‍मेॽपॽआसे़ॽ के़ॽ इगो खेः आङ्‌मे़ॽनिङ्‌सिनुङे। आक्‍टोक्‍रेॽ ने़ॽनि, अपराधिडोॽ चे़क्‍चिमि कोङ्‌डे़ॽ हिःक्‍नुङ से़क्‍सिघे़टिङे। तर निवाहाङ्‌मि सुसमाचार चाहिँ से़क्‍सिघे़ॽनिबा।

२ तिमोथि 4:2

बचन परचार ले़टे, मोमि लागि सानिङ्‌नोॽ टाङ्‌बा पोरोक्‌युक्‍से, अरति पिसाजे, वोबाजे, हौसला पिसाजे, हुङ्‌हेमे बोल पिमे खानुङ सिक्‍छे पिमे खा सानिङ्‌नोॽ नुरोॽ ले़टे।

फिलेमोन 1:22

इगो खानुङ्‌नोॽ हाइको खासो हे़न लुन्‍ने़, हे़निङ्‌मि पारथनाडे़ॽ कासो हे़न टुढाम ठाउँबेॽ लेङ्‌हेङा लुमे आसा युङ्‌इटुङे। मोबा काङ्‌मि लागिसो पेन्‍ढाम कोठा पोरोक्‍पेॽमायो।