कलस्‍सि 3:4 - याम्फु

⁴ खिरिस्‍ट कानिङ्‌मि हिङ्‌मवा ले़ये। खो खाङ्‌मुमाबेॽ हे़निङ्‌सो खोनुङ्‌नोॽ सोरि महिमाबेॽ खाङ्‌मुन्‍डानिङे।

कलस्‍सि 3:4 Iomraidhean Croise

मत्‍ति 13:43

निवाहाङ्‌मि पोम्‍बेॽ धरमि ठहरबा लिबॽआजि चोप पाबामि राज्‍यबेॽ नमडोॽ उज्‍यालो पोॽइम्‍मे। ने़ए़क काप्‍खुबाजि चोबे़ॽ खेप्‍सुमिरो।

लुका 17:30

याॽमिमि पसा फेरि खाङ्‌मुमे याकपेॽसो मोडोक्‍नोॽ लिये।

युहन्‍ना 11:25

येसुडे़ॽ खो लुसु, “सिघे़ॽपॽआजि हिङ्‌बोक्‍खुबानुङ ए़ॽसिमे हिङ्‌मवा पिघुबा कानोॽ ले़ङे। काबेॽ बिस्‍वास ले़ःॽखुबा सिघे़ॽहोङ्‌सो मो हिङ्‌बोॽइये।

युहन्‍ना 14:3

का खे़ॽनुङ हे़निङ्‌मि लागि ठाउँ पोरोक्‍इनुङे, मोबा फेरि टेजानुङ हे़निङ्‌सो का पेन्‍ढामबेॽ चिक्‍खे़ॽनिम्‍ने़। मोडोक्‍नोॽ मोबेॽ हे़निङ कानुङ सोरि पेङ्‌इन्‍डानिङे।

युहन्‍ना 14:6

येसुडे़ॽ खो लुसु, “राम, चाइबमा मोबा हिङ्‌मवा कानोॽ ले़ङे। काबाङ हाइखा असाबाङ्‌सो निवाहाङ पाबामि खिमबेॽ रुक्‍हेमिने।

युहन्‍ना 17:24

“पाबा, के़ॽ मिॽइनुङे, हे़ने़ॽ का पिबॽआजि कानुङ्‌नोॽ सोरि टुमिरो, मोबा हे़ने़ॽ का पिबॽआ के़ए़ महिमा खोजिडे़ॽ खाङ्‌डोक्‍टुजिरो। मो महिमा चाहिँ मक्‍खाम्‍डेम सिरिस्‍टि लिमा याक्‍लोएबाङ्‌नोॽ हे़ने़ॽ का नम्‍नम ले़ःॽपॽआसे़ॽ पिबॽआ ले़टे़।

युहन्‍ना 20:31

तर निवाहाङ्‌मि पसा मुक्‍ति पिघुबा येसु खिरिस्‍टबेॽ हे़निङे़ॽ बिस्‍वास ले़टानुमे लुनुङ इगो नेॽचिरा साप्‍पॽआ ले़ये। मो बिस्‍वासबाङ खोमि निङ्‌बेॽ हे़निङे़ॽ ए़स्‍सिमे हिङ्‌मवा चुप्‍टानुमे।

एप्‍पा चोङ्‌सा 3:15

इडोॽ हे़निङे़ॽ हिङ्‌मवा पिघुबा सेॽनेसानुम, तर निवाहाङ्‌डे़ॽ खो सिघे़ॽपॽआबाङ हिङ्‌रिक टोक्‍सु मो खामि कानिङ साक्‍छि ले़न्‍डिङ्‌मा।

रोमि 8:18

इगो हिङ्‌मवाबेॽ आङ्‌बॽआ दुःख खेःबाङ ए़क्‍साङ कानिङे़ॽ चुप्‍मिये महिमा चाहिँ बेॽए ले़ये।

रोमि 8:19

सिरिस्‍टिडे़ॽ सारोनोॽ आसा ले़ःॽनुङ निवाहाङ पाबामि पसाजि खाङ्‌मुये याक हुङ्‌मे़ॽनिङ्‌सिन्‍डुए।

१ कोरिन्‍थि 1:7

मोडोगे़ॽ कानिङ्‌मि परभु येसु खिरिस्‍टमि राम खाङ्‌साङ हुङ्‌माबेॽ हे़निङ इमाङ बरदानमिसो खाँचो सिॽनिबा।

१ कोरिन्‍थि 15:43

कानिङ्‌मि हिङा येःॽमाबेॽ युङ्‌माबेॽ मङे़ॽमानुङ थोःप्‍थोःप्‍मा लिये, तर फेरि हिङ्‌बोक्‍माबेॽ नुबानुङ सक्‍तिनुङ्‌मा लिये।

२ कोरिन्‍थि 4:17

इन्‍ढोङ्‌होङ कानिङे़ॽ ए़क्‍साङ चुप्‍मिये इन्‍डोक्‍पेॽसो रुक्‍खे़निये महान महिमा पोरोक्‍मे़ॽनिङ्‌सिन्‍डुए। मो मिॽमाबेॽको आयु कानिङे़ॽ इॽछोॽ आङ्‌बॽआ खेःगो चइबानोॽ इमाङ्‌सो ने़ॽनिबा।

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

फिलिप्‍पि 3:21

खोसे़ॽ खोमि बोलबाङ चोप थोक खोमि अधिनबेॽ युङ्‌हेन्‍डुए। खोमि मो बोलडे़ॽनोॽ कानिङ्‌मि इगो नासि लिये हिङा खोमिडोॽमानोॽ महिमानुङ्‌मा टोङ्‌इन्‍डुए।

१ थेस्‍लोनिकि 4:17

मो याक लेङ्‌लो हिङ्‌घुबाजि कानिङ्‌सो खोजिनुङ्‌नोॽ परभु चुप्‍सिॽ मिन्‍डु खिम्‍मिॽवे़ॽटु ठेॽपोक्‍खे़न्‍डिङ्‌मा मोबा सानिङ्‌नोॽ परभुनुङ पेङ्‌इन्‍डिङ्‌मा।

१ तिमोथि 6:14

हे़न असे़ॽसो आप्‍टिक मे़न्‍टिहेसुजिरो लुनुङ इगो आग्‍या कानिङ्‌मि परभु येसु खिरिस्‍ट फेरि मे़लेङ्‌रो नुरोॽ पालना ले़टे।

२ तिमोथि 1:1

खिरिस्‍ट येसुबेॽ टुये हिङ्‌मवामि हेन्‍ज्‍रुङ्‌मि टुम्‍बेॽ खेम्‍मेॽमामि निवाहाङ्‌डे़ॽ मिॽपॽआडोॽ परभु येसु खिरिस्‍टमि एप्‍पा चोङ्‌सा लिमा से़न्‍बॽआ का पावलबाङ,

२ तिमोथि 4:8

हागोगो के़ॽ निवाहाङ्‌मि पोम्‍बेॽ ले़ःॽपॽआ नुबा योम्‍बोकमि धारमिक मुकुट चुप्‍मे बेला लेङ्‌इटे़। मो मुकुट न्‍याय ले़ःॽखुबा परभुडे़ॽ नुबा बेलाबेॽ का पिये, इगो मुकुट कारेॽनोॽ ने़ॽनि, खोमि रामबेॽ नुरोॽ राम्‍साङ खोमि राम खाङ्‌खुबा धरमि याॽमिजि चोपनोॽ खोसे़ॽ पिन्‍डुजे।

तितस 2:13

कानिङे़ॽ ले़ःॽपॽआ आसा पुरा लिमे याकमि राम हुङ्‌इन्‍डुङ्‌मे। मो याक कानिङ्‌मि महान निवाहाङ्‌नुङ कानिङ मुक्‍ति पिघुबा हाङ्‌बा खिरिस्‍टडे़ॽ बेॽए मान चुप्‍मिन्‍डुए।

हिब्‍रु 9:28

मोडोक्‍नोॽ बेॽलो याॽमिजिमि पाप नास ले़ःॽमामि खिरिस्‍टसो इक्‍खेॽ बलि लिसा। खो फेरि लेम्‍माबेॽ पापबाङ आम्‍लाङ पिमामि ने़ॽनि, तर खोमि राम खाङ्‌नुङ हुङ्‌घुबाजि मुक्‍ति पिसिॽ लेङ्‌इये।

१ पत्‍रुस 1:13

मोडोगे़ॽ योम्‍बोक ले़ःॽमामि हे़निङ्‌मि निवा पोरोगानुमे। होसियार ले़टानिङे मोबा परभु येसु लेम्‍माबेॽ चुप्‍मिये आसिसबेॽ पुरा भरोसा ले़टानुमे।

१ पत्‍रुस 5:4

मोबा इन्‍डोक्‍पेॽ मुल गोठ्‌ला लेङ्‌इये, मोडोक्‍पेॽ हे़निङे़ॽ जोतिनुङ्‌मा महिमामि मुकुट चुप्‍मिन्‍डानुमे।

१ युहन्‍ना 2:28

के़हा नानिजि, खोमि बिस्‍वासबेॽ सानिङ पेनानिङे, खो खाङ्‌मुमाबेॽ कानिङे़ॽ बोल चुप्‍मिन्‍डुङ्‌मे, मोबा खो लेम्‍मे याकपेॽ खोमि पोम्‍बेॽ कानिङ ङेसिमा पाप्‍निबा।

१ युहन्‍ना 3:2

लङ्‌गामजि, आइ कानिङ निवाहाङ्‌मि पसा ले़न्‍डिङ्‌मा, मोबा ए़क्‍साङ चाहिँ इमाङ लिन्‍डिङ्‌मा हागोरोसो कानिङे़ॽ लेसुङ्‌मानि। तर इडोॽ लेन्‍डुङ्‌मा खिरिस्‍ट लेम्‍माबेॽ कानिङ्‌सो खोडोक्‍नोॽ लिन्‍डिङ्‌मा। इन्‍ढोङ्‌होङ खो इन्‍डोक्‍मा ले़ये कानिङे़ॽ खो मोडोक्‍मानोॽ खाङ्‌डोक्‍इन्‍डुङ्‌मे़।

१ युहन्‍ना 5:12

असानुङ निवाहाङ्‌मि पसा टुये खोनुङ हिङ्‌मवा टुये, पसा माॽआघुबानुङ हिङ्‌मवा माॽआये।

यहुदा 1:24

हागो असे़ॽ हे़निङ पापबेॽ सिॽमाबाङ जोगाबा ले़ःॽहेये, मोबा असे़ॽ हे़निङ आप्‍टिक मे़ॽनिङ्‌हा चोखोनुङ हाङ्‌हाङ टोङनुङ खोमिनोॽ महिमामि पोम्‍बेॽ चिॽखे़हेये।

परकास 2:7

पबित्‍रा होङ्‌निवाडे़ॽ मन्‍डलि इडोॽ लुये, ने़ए़क काप्‍खुबाजि चोबे़ॽ खेप्‍सानुमे। असे़ॽ हेजोन्‍डुए, मोसे़ॽ निवाहाङ्‌मि बगैचाबेॽ टुये हिङ्‌मवामि डाङ्‌मि चा चोडोक्‍इन्‍डुए।”

परकास 22:1

मोबा मो थाङ्‌सिरिदुतडे़ॽ का स्‍फटिकडोॽमा चहकिलो हिङ्‌मवामि होङ्‌मा खाङ्‌मेॽटिङ, मो होङ्‌मा चाहिँ निवाहाङ्‌मिनुङ बलि लिघुबा थुमामि हाङ्‌पेन्‍ढामबाङ पे़आप्‍पॽआ ले़टा।

परकास 22:14

“हिङ्‌मवामि डाङ्‌मि अधिकार चुप्‍मामिनुङ सहरमि राम्‍डेमबाङ होङ्‌सिॽयु पे़खे़ॽटोक्‍मा लुनुङ टाङ्‌बामि पापि चेॽ वासोक्‍खुबाजिडे़ॽ आसिस चुप्‍मिन्‍डुजे।