कलस्‍सि 3:3 - याम्फु

³ इन्‍ढोङ्‌होङ हे़निङ सिघे़टानिङे, हे़निङ्‌मि हिङ्‌मवा निवाहाङ्‌बेॽ खिरिस्‍टनुङ चुम्‌युङ्‌बॽआ ले़हा।

कलस्‍सि 3:3 Iomraidhean Croise

मत्‍ति 11:25

मोडोक्‍पेॽ येसुडे़ॽ लुसु, “हे पाबा, थाङ्‌सिरिनुङ मक्‍खाम्‍डेमबेॽए परभु, के़ॽ हे़न ओहाक पिन्‍ने़, इन्‍ढोङ्‌होङ निवादाङ्‌बानुङ चेन्‍दुबाजिबाङ चुम्‍नुङ युङ्‌बॽआ खा पिच्‍छाजिडोॽहा याॽमिजिमि पोम्‍बेॽ खाङ्‌मुसु।

युहन्‍ना 14:19

हागो इॽछोॽ ए़क्‍साङ मक्‍खाम्‍डेमबेॽहा याॽमिजिडे़ॽ का खाङ्‌डोक्‍हेमिने, तर हे़निङे़ॽ चाहिँ का खाङ्‌डोक्‍हेन्‍डानुमे। का हिङ्‌रिक ले़ःॽपॽआसे़ॽ हे़निङ्‌सो हिङ्‌रिक लिन्‍डानिङे।

युहन्‍ना 3:16

इन्‍ढोङ्‌होङ निवाहाङ्‌डे़ॽ मक्‍खाम्‍डेमबेॽहा याॽमिजि इडोॽ बेॽलो नम्‍नम ले़ःॽपॽआसे़ॽ खोमि इक्‍कोमा पसासो खोजिमि लागि पाक्‍सु। मोडोगे़ॽ खोमि पसाबेॽ बिस्‍वास ले़ःॽखुबाजि असासो नासि मे़ल्‍लिमिरो, तर खोजि चोबे़ॽ ए़स्‍सिमे हिङ्‌मवा चुप्‍टुजिरो।

युहन्‍ना 4:14

तर असे़ॽ के़ॽ पिबॽआ योङा उङ्‌इन्‍डुजे खो फेरि इन्‍डोक्‍पेॽसो वाइमे़ॽ सिसुनिबा। इन्‍ढोङ्‌होङ के़ॽ पिमे योङा चाहिँ मो याॽमि होङ्‌सिॽयु सानिङ्‌नोॽ पिॽइये, खो योङा पिॽठाम मुहान लिये, मोसे़ॽ खो ए़स्‍सिमे हिङ्‌मवा पिन्‍डुए!”

युहन्‍ना 5:21

इन्‍ढोङ्‌होङ निवाहाङ पाबाडे़ॽ सिगुयाकजि हिङ्‌बोक्‍नुङ खोजि हिङ्‌मवा पिन्‍डुजे, मोडोक्‍नोॽ पसाडे़ॽसो असा असा हिङ्‌मवा पिमा मिॽइन्‍डुजे माहाजि हिङ्‌मवा पिन्‍डुजे।

युहन्‍ना 5:24

“चाइबमा खा, के़ॽ हे़निङ लुनिम्‍ने़, असे़ॽ काङ्‌मि बचन खेम्‍इन्‍डुए, मोबा का पाङ्‌घुबा बिस्‍वास ले़न्‍डुए, मोसे़ॽ ए़ॽसिमे हिङ्‌मवा चुप्‍मिटुए। खो न्‍यायबेॽ सिॽनिबा, तर खो सिमाबाङ हिङ्‌मवाबेॽ पे़ए़म्‍बेटे़।

युहन्‍ना 5:40

तरसो हे़निङ ए़ॽसिमे हिङ्‌मवा चुप्‍सिॽ काबेॽ लेस्‍सानिङ्‌नि।

रोमि 5:10

इन्‍ढोङ्‌होङ कानिङ निवाहाङ्‌मि सतुर ले़ःॽमाबेॽनोॽ खोमि पसा खिरिस्‍टमि बलिबाङ निवाहाङ्‌नुङ कानिङ चुप्‍मिटिङ्‌मे़, चइबानोॽ हागोगो कानिङ खोमि याॽमि लिबॽआसे़ॽ खोसे़ॽ कानिङ रच्‍छे ले़ये।

रोमि 5:21

मोडोक्‍पेॽनोॽ पापडे़ॽ याॽमिजिबेॽ सिमवा लेस्‍सा, मोसे़ॽ याॽमिजिबेॽ अधिन ले़टिडोक्‍नोॽ आइ निवाहाङ्‌मि अनुग्‍रहाडे़ॽ अधिन ले़ःॽमे़ॽनिङ्‌सिन्‍डुए। मो अनुग्‍रहाडे़ॽ कानिङ निवाहाङ्‌मि पोम्‍बेॽ धरमि ठरबा ले़ःॽनुङ परभु येसु खिरिस्‍टबाङ सिघे़ॽनिये हिङ्‌मवा चुप्‍मिन्‍डुङ्‌मे।

रोमि 6:11

इडोक्‍नोॽ हे़निङ्‌सो टाङ्‌बामि पापमि लागि सिबॽआनुङ निवाहाङ्‌मि लागि खिरिस्‍टनुङ सोरि हिङ्‌बोक्‍पॽआ मिॽमा खे़ये।

रोमि 6:2

आक्‍टोॽ ने़ॽनि, कानिङ पापमि लागि सिघे़टिङ्‌मे, मोडोगे़ॽ हागोसो कानिङे़ॽ इन्‍ढोङ पाप ले़टुङ्‌घे़ॽमे़ ?

रोमि 8:2

धारमिक नियमडे़ॽ कानिङ्‌मि पाप खाङ्‌मुनुङ आप्‍टिकनुङ्‌मा टोक्‍सा। तर येसु खिरिस्‍टबेॽ टुबॽआ चोङ हिङ्‌मवा पिघुबा पबित्‍रा होङ्‌निवामि सक्‍तिडे़ॽ कानिङ पापनुङ सिमवामि नियममि सक्‍तिबाङ छुट्‌कारा पिटे़।

१ कोरिन्‍थि 15:45

मोडोगे़ॽ धारमिक नेॽचिराबेॽ इडोॽ साप्‍पॽआ ले़ये, “याक्‍लोमा याॽमि आदम हिङ्‌मवा चुप्‍खुबा याॽमि ले़टा।” तर ए़क्‍साङ्‌ए आदम अथबा खिरिस्‍ट चाहिँ हिङ्‌मवा पिघुबा होङ्‌निवा ले़ये।

१ कोरिन्‍थि 2:14

हाम्‍बे याॽमिबेॽ निवाहाङ्‌मि होङ्‌निवा माॽआये, मोसे़ॽ निवाहाङ्‌मि होङ्‌निवाबाङ्‌ए खाबेॽ बिस्‍वास ले़टुनि, इन्‍ढोङ्‌होङ खोमि लागि मो उम्‍बरिङ खा लिये। मोसे़ॽ माहा खा लेहेसुनिबा, मोडोक्‍हा खागो पबित्‍रा होङ्‌निवामि निवाबाङ्‌रेॽनोॽ लेहेहा।

२ कोरिन्‍थि 5:14

कानिङ्‌गो खिरिस्‍टमि नम्‍नममि अधिनबेॽ टुन्‍डिङ्‌मे, इन्‍ढोङ्‌होङ कानिङे़ॽ इगो खा लेन्‍डुङ्‌मे़, चोप याॽमिजिमि लागि इक्‍को सिघे़ॽपॽआसे़ॽ चोप सिसामि।

२ कोरिन्‍थि 5:7

मोडोगे़ॽ कानिङ खाङ्‌मुहा खाबेॽ ने़ॽनि, तर बिस्‍वासबाङ हिङ्‌इन्‍डिङ्‌मे।

गलाति 2:20

का खिरिस्‍टनुङ्‌नोॽ काप्‍सिङ्‌बेॽ सिटिङे, मोडोगे़ॽ हागोएम्‍बाङ ए़क्‍साङ हिङ्‌घुबा का ने़ॽनि, तर खिरिस्‍ट काबेॽ हिङ्‌इये। मो हिङ्‌मवा चाहिँ काङ्‌मि ने़ॽनि, निवाहाङ्‌मि पसाबेॽ बिस्‍वास ले़ःॽनुङ हागो हिङ्‌इङे। असे़ॽ का नम्‍नम ले़टिङ खोसे़ॽ काङ्‌मि लागि टाङ्‌बामि हिङ्‌मवानोॽ पिसा।

एफिसि 3:9

मोबा चोप खा टोङ्‌खुबा निवाहाङ पाबाडे़ॽ याक्‍लोबाङ्‌नोॽ चुम्‍नुङ युङ्‌बॽआ लेमा छॽइये योजना इमाङ्‌डे ले़ये, माहा खा चोप याॽमिजि छे़ङ्‌गै टोङ्‌मे योम्‍बोक का पिसा।

फिलिप्‍पि 4:7

मोबा कानिङ याॽमिजिमि निवाडे़ॽ लेहेनिबा निवाहाङ्‌मि सान्‍तिडे़ॽ हे़निङ्‌मि निवानुङ सोःक्‍मा खिरिस्‍ट येसुबेॽ रच्‍छे ले़न्‍डुए।

कलस्‍सि 1:5

इगो चाहिँ हे़निङ्‌मि लागि थाङ्‌सिरिबेॽ युङ्‌बॽआ आसाडे़ॽ ले़ःॽमे़ॽ इडोक्‍मा बिस्‍वासनुङ नम्‍नम ले़ए़टानुमे। इगो आसामि टुम्‍बेॽ याक्‍लोबाङ्‌नोॽ हे़निङे़ॽ चाइबानोक्‍मा बचन, अथबा सुसमाचारबेॽ खेम्‍इटानुमे।

कलस्‍सि 2:20

हे़निङे़ॽको खिरिस्‍टनुङ सोरि सिनुङ इगो मक्‍खाम्‍डेमबेॽहा पापि निवाबाङ फुक्‍का चुप्‍मिटानुमे, इन्‍ढोङ हे़निङ इगो मक्‍खाम्‍डेमबेॽहा याॽमिजिडोक्‍नोॽ हिङ्‌इन्‍डानिङे ? इन्‍ढोङ हे़निङे़ॽ “इगो के़क्‍मा फे़न्‍निबा, इगो सेप्‍मा फे़न्‍निबा, इगो राःप्‍मा फे़न्‍निबा” लुमे नियम पालना ले़न्‍डानुमे ? मोबा हे़निङ छुट्‌कारा चुप्‍नुङ्‌सो इन्‍ढोङ “सुःप्‍मा फे़न्‍नि, सेप्‍मा फे़न्‍नि, राःप्‍मा फे़न्‍नि लुमे नियम पालना ले़न्‍डानुमे ?”

कलस्‍सि 2:3

खिरिस्‍टबेॽनोॽ निवाहाङ्‌मि टुम्‍बेॽहा खा लेमे चोप निवा टुहा।

कलस्‍सि 3:4

खिरिस्‍ट कानिङ्‌मि हिङ्‌मवा ले़ये। खो खाङ्‌मुमाबेॽ हे़निङ्‌सो खोनुङ्‌नोॽ सोरि महिमाबेॽ खाङ्‌मुन्‍डानिङे।

हिब्‍रु 7:25

मोडोगे़ॽ येसुबेॽ बिस्‍वास ले़ःॽनुङ निवाहाङ्‌बेॽ आप्‍खुबाजि खोसे़ॽ सानिङ्‌मि लागि हिङ्‌मेॽहेन्‍डुजे, इन्‍ढोङ्‌होङ याॽमिजिमि लागि निवाहाङ्‌नुङ पारथना ले़ःॽपेॽमामि खो सानिङ टुडुङ्‌घे़ये।

१ पत्‍रुस 3:4

तर हे़निङ्‌मि निवाहोङ्‌सिॽयु चाहिँ नुबा नुबा खाडे़ॽ चागानुमे। हे़निङ्‌मि निवा सानिङ टुडुङ्‌घे़ये भलोनुङ सान्‍तिडे़ॽ चागानुमे, इगो चाहिँ निवाहाङ्‌मि लागि बेॽलो मोलनुङ्‌मा ले़ये।

१ पत्‍रुस 4:2

हागोएम्‍बाङ हे़निङ हिङ्‌रो याॽमिडे़ॽ मिॽटिडोॽ ने़ॽनि, तर निवाहाङ्‌डे़ॽ मिॽपॽआडोॽ हे़निङ्‌मि हिङ्‌मवाबेॽ ले़टानिङे।

१ युहन्‍ना 3:2

लङ्‌गामजि, आइ कानिङ निवाहाङ्‌मि पसा ले़न्‍डिङ्‌मा, मोबा ए़क्‍साङ चाहिँ इमाङ लिन्‍डिङ्‌मा हागोरोसो कानिङे़ॽ लेसुङ्‌मानि। तर इडोॽ लेन्‍डुङ्‌मा खिरिस्‍ट लेम्‍माबेॽ कानिङ्‌सो खोडोक्‍नोॽ लिन्‍डिङ्‌मा। इन्‍ढोङ्‌होङ खो इन्‍डोक्‍मा ले़ये कानिङे़ॽ खो मोडोक्‍मानोॽ खाङ्‌डोक्‍इन्‍डुङ्‌मे़।

परकास 2:17

पबित्‍रा होङ्‌निवाडे़ॽ मन्‍डलिबेॽहा बिस्‍वासिजि इमाङ लुन्‍डुजे, ने़ए़क काप्‍खुबा चोबे़ॽ खेप्‍सानुमे। असे़ॽ हेजोन्‍डुए, खो के़ॽ चुम्‌युङ्‌बॽआ मन्‍नाबाङ्‌ ए़डे़ॽवा पिनुङे़, मोबा खो चोङ निङ साप्‍पॽआ इक्‍को उथ्‍रिॽमा रुङ्‌गोॽवामि पाटिसो पिनुङे़। मो निङ चाहिँ उथ्‍रिॽमा रुङ्‌गोॽवामि पाटि चुप्‍खुबे़ॽरेॽ लेन्‍डुए।”