कलस्‍सि 2:2 - याम्फु

² खोजिडे़ॽ साहस चुप्‍नुङ मोबा खोजिटाङ्‌बामि रुम्‍बेॽ नम्‍नम ले़चामिरो लुनुङ्‌नोॽ के़ॽ इडोॽ ले़ए़टुङे। मोडोगे़ॽ खोजि नुबानुङ मङे़ॽमा निवाबेॽ पक्‍का लिनुङ निवाहाङ्‌मि लेमा छॽइये खा लेमे निवा अथबा खिरिस्‍ट नुरोॽ लेहेखुबाजि लिहेम्‍मे।

कलस्‍सि 2:2 Iomraidhean Croise

मत्‍ति 11:25

मोडोक्‍पेॽ येसुडे़ॽ लुसु, “हे पाबा, थाङ्‌सिरिनुङ मक्‍खाम्‍डेमबेॽए परभु, के़ॽ हे़न ओहाक पिन्‍ने़, इन्‍ढोङ्‌होङ निवादाङ्‌बानुङ चेन्‍दुबाजिबाङ चुम्‍नुङ युङ्‌बॽआ खा पिच्‍छाजिडोॽहा याॽमिजिमि पोम्‍बेॽ खाङ्‌मुसु।

मत्‍ति 11:27

“के़ए़ पाबाडे़ॽ चोप थोक का जिम्‍मा पिटिङे। पाबाबाङ हाइखा असे़ॽसो पसा लेसुजिनिनुङ पसाबाङ हाइको असे़ॽसो पाबा लेसुजिने, मोबा पसे़ॽ लेमेॽपॽआजिडे़ॽ चाहिँ पाबा लेन्‍डुजे।

मत्‍ति 13:11

येसुडे़ॽ खोजि लुसुजि, “खाक्‍सानुमे, निवाहाङ्‌मि राज्‍यमि होङ्‌सिॽयुहा खा लेहेमे निवा हे़निङे़ॽ चुप्‍मिटानुमे। तर खोजि चाहिँ माहा खा लेहेमे निवा मे़म्‍पिडिॽ।

लुका 1:1

आदर ले़ःॽमारोमा थियोफिलस ज्‍यु, बेॽलो याॽमिजिडे़ॽ कानिङ्‌मि रुम्‍बेॽ येसुमि टुम्‍बेॽ लिबॽआ खा बेॽलो याक्‍लोएबाङ साप्‍खुबाजिडे़ॽ साप्‍मे योम्‍बोक खोजिडे़ॽ ले़ए़टुजे।

युहन्‍ना 10:30

पाबानुङ का इक्‍कोनोॽ ले़न्‍जिङे।”

युहन्‍ना 10:38

तर काबेॽ बिस्‍वास ले़टानुम्‍नेहोङ्‌सो के़ॽ ले़ःॽपॽआ योम्‍बोक खाङ्‌नुङ्‌गो बिस्‍वास ले़टानुमे। माहा योम्‍बोकबाङ्‌सो पाबा काबेॽ टुयेनुङ का पाबाबेॽ टुङे लुमे खा हे़निङे़ॽ लेहेन्‍डानुमे।”

युहन्‍ना 16:15

इमा इमा पाबानुङ टुहा, माहा काङ्‌मिन्‍नोॽ ले़हा। मोडोगे़ॽ के़ॽ लुनिम्‍ने़, इमाङ कानुङ टुहा माहा पबित्‍रा होङ्‌निवाडे़ॽ काबाङ लानुङ हे़निङ लुबेये।”

युहन्‍ना 17:3

ए़ॽसिमे हिङ्‌मवा लुबॽआ चाहिँ हे़न इक्‍कोरेॽ चाइबमा निवाहाङ लुनुङ लेमा, मोबा हे़ने़ॽ पाङ्‌बॽआ येसु खिरिस्‍ट लेमानोॽ ले़ये।

युहन्‍ना 5:17

मोबा येसुडे़ॽ माहाजि लुसुजि, “काङ्‌मि पाबाडे़ॽ चोप याक सानिङ्‌नोॽ योम्‍बोक ले़न्‍डुए मोडोगे़ॽ के़ॽसो सानिङ ले़नुङे।”

युहन्‍ना 5:23

याॽमिजिडे़ॽ निवाहाङ पाबा आदर ले़ःॽपॽआडोक्‍नोॽ पसासो चोबे़ॽ आदर ले़टुजिरो लुनुङ इडोॽ ले़ए़टुए। पसामि आदर मे़ले़ःॽखुबाजिडे़ॽ खो पाङ्‌घुबा पाबामिसो आदर ले़टुजिने।

युहन्‍ना 6:69

कानिङे़ॽ हे़न्‍नोॽ निवाहाङ्‌डे़ॽ पाङ्‌बॽआ पबित्‍रा याॽमि लुनुङ बिस्‍वास ले़ए़टुङ्‌मे़।”

एप्‍पा चोङ्‌सा 4:32

परभुबेॽ बिस्‍वास ले़ःॽखुबाजि इक्‍को निवा लिनुङ खोजिनुङ टुहा चोप थोक “असे़ॽसो इगो के़ए़” लुनुङ मे़लुसुजे, तर माहाजिमि चोप थोक साझा ले़टहा।

रोमि 15:13

आसा पिघुबा निवाहाङ्‌डे़ॽ हे़निङ्‌मि बिस्‍वासबाङ हाङ्‌हाङ्‌नुङ सान्‍ति बेॽलो येॽपेॽरो। मोडोक्‍नोॽ पबित्‍रा होङ्‌निवामि सक्‍तिडे़ॽ हे़निङ्‌मि आसा छना वाबोक्‍लो।

रोमि 16:25

हागो कानिङ चोबे़ॽ निवाहाङ्‌मि आदरनुङ ओहाङ ले़ःॽमा। के़ॽ खिरिस्‍टमि टुम्‍बेॽ परचार ले़ःॽपॽआ खानुङ सुसमाचारबाङ खोसे़ॽ हे़निङ बिस्‍वासबेॽ बोलियो टोङ्‌हेये। इगो सुसमाचार निवाहाङ्‌डे़ॽ बेॽलो निङ याक्‍लोएबाङ चुम्‍नुङ युङ्‌बॽआ ले़टा।

रोमि 2:4

अथबा निवाहाङ्‌मि किरपाडे़ॽ हे़निङ पाप योम्‍बोक लेॽनुङ निवाहाङ्‌बेॽ टेआप्‍मिये लुमे खा मे़लेरेॽ इमाङ हे़निङ खोमि नम्‍नावा, आङ्‌डुङ्‌घे़ॽखुबानुङ चान्‍डोनोॽ सुरके़ॽनिबा लुमे खा ए़डेम्‍मा मिॽइन्‍डानुमे ?

१ कोरिन्‍थि 14:31

हे़निङ चोबे़ॽ पालो पालो अगमबानि इःहेन्‍डानुमे, मोबा खेम्‍घुबाजिडे़ॽ चिङ्‌हेन्‍डुजेनुङ चोबे़ॽ हौसला चुप्‍मिन्‍डुजे।

१ कोरिन्‍थि 2:12

कानिङे़ॽ मक्‍खाम्‍डेमबेॽहा निवादाङ्‌बा खा ने़ॽनि, तर निवाहाङ्‌डे़ॽ पिमा मिॽनुङ पिबॽआ चोप खा लेमामि लागि खोमि पबित्‍रा होङ्‌निवा चुप्‍मिटुङ्‌मे।

गलाति 3:28

मोडोगे़ॽ येसु खिरिस्‍टबेॽ बिस्‍वास ले़ःॽखुबाजिमि रुम्‍बेॽ यहुदिनुङ गिरिक, सेउतेनुङ फुक्‍का मोबा वडाङ्‌पसानुङ मेॽनामिॽ चोप खिरिस्‍टबेॽ इक्‍कोनोॽ ले़न्‍डिङ्‌मा।

एफिसि 1:7

खिरिस्‍ट सिसा मोडोगे़ॽ खोमि हरिडे़ॽ कानिङे़ॽ पापबाङ आम्‍लाङ चुप्‍मिटुङ्‌मे़। खोसे़ॽ कानिङ्‌मि पापमि मोल फोङ्‌नुङ कानिङ छुट्‌कारा पिसा। चइबानोॽ निवाहाङ्‌मि अनुग्‍रहा महान ले़ये।

एफिसि 3:16

खोमि इन्‍डोक्‍पेॽसो रुक्‍खे़ॽनिये आसिसनुङ खोमिन्‍नोॽ होङ्‌निवाबाङ हे़निङे़ॽ सक्‍ति चुप्‍टानुमे, मोबा मो सक्‍तिडे़ॽ हे़निङ निवाहोङ्‌सिॽयुबाङ्‌नोॽ बोलियो लिसानिङे लुनुङ के़ॽ हे़निङ्‌मि लागि पारथना ले़नुङे।

एफिसि 3:3

लेमा छॽइये निवाहाङ्‌मि खा खोसे़ॽ का परकासबाङ खाङ्‌मुसा। इगोमि टुम्‍बेॽ के़ॽ याक्‍लोसो हे़निङ अदरे़ॽवागो साप्‍पेटुङे।

एफिसि 6:22

कानिङ इमाङ ले़ःॽमे़ॽसिनुङ्‌मे माहा चोप खा खेम्‍नुङ हे़निङे़ॽ बोल चुप्‍हेसानुमे लुनुङ के़ॽ खो पाङ्‌इटुङे।

फिलिप्‍पि 2:1

इमा खिरिस्‍टबेॽ टुये हे़निङ्‌मि हिङ्‌मवाडे़ॽ हौसला चुप्‍मिटानुमे ? खोमि नम्‍नमबाङ हे़निङे़ॽ सान्‍ति चुप्‍मिटानुमे ? हे़निङे़ॽ पबित्‍रा होङ्‌निवामि सेवा सङ्‌गति ले़ःॽमे़ॽनिङ्‌सिन्‍डानुमे ? इमा हे़निङ इक्‍कोसे़ॽ हाइको बेॽलो नम्‍नम ले़ःॽखुसे़ॽचुन्‍डानिङे ?

फिलिप्‍पि 3:8

चइबानोॽ लुमाबेॽ खिरिस्‍ट येसु काङ्‌मि परभु लेडोक्‍मा चोप्‍पाङ बेॽए खा ले़ये, इगो खामि पोम्‍बेॽ हाइखा चोप थोक के़ॽ योम्‍बोक मे़ॽनिङ्‌हा मिॽइनुङे। खिरिस्‍टमि लागिनोॽ के़ॽ चोप थोक लेॽपेटुङ्‌हा मोबा खो नुरोॽ लेहेमा लुनुङ्‌नोॽ हाइखा चोप थोक से़क्‍चिबाडोक्‍नोॽ मिॽइनुङ्‌हा।

कलस्‍सि 1:26

इगो सिक्‍छे याक्‍लो युग युगबाङ, पुस्‍ता पुस्‍ताबाङ असे़ॽसो मे़लेहेबॽआ चुम्‌युङ्‌बॽआ खा ले़टे़। हागो खोसे़ॽ खिरिस्‍टमि पबित्‍रा याॽमिजि इगोमि खा छे़ङ्‌गै टोङ्‌बेटे़।

कलस्‍सि 1:27

इगो लेमा छॽइये खा हाइखा जातिजिबेॽ बेॽलो महान ले़ये। मो खा टाङ्‌बामि याॽमिजि खाङ्‌मुमामि निवाहाङ्‌डे़ॽ से़ङ्‌इटे़। इगो लेमा छॽइये खा चाहिँ खिरिस्‍ट हे़निङ्‌बेॽ टुये लुमे खा ले़ये, खो महिमामि आसा ले़ये।

कलस्‍सि 1:9

मोडोगे़ॽ कानिङे़ॽ मो खा खेम्‍बॽआ याकबाङ हे़निङ्‌मि लागि कानिङे़ॽ पारथना ले़ःॽमे़ॽनिङ्‌सिन्‍डुमे़। पबित्‍रा होङ्‌निवाडे़ॽ पिबॽआ निवानुङ निवाहाङ्‌डे़ॽ मिॽपॽआ नुबानुङ मङे़हा खा हे़निङे़ॽ चोप लेसानुमे लुनुङ कानिङ हे़निङ्‌मि लागि सानिङ पारथना ले़ःॽमे़ॽनिङ्‌सिन्‍डिङ्‌मे़।

कलस्‍सि 2:19

इडोक्‍हा याॽमिजि खिरिस्‍टमि अधिनबेॽ पेम्‍मिने। इन्‍ढोङ्‌होङ निन्‍डवाँमि अधिनबेॽ पेन्‍नुङ्‌रेॽ हिङामि चोप अङ्‌ग बोलियो लिडिडोॽ खिरिस्‍ट निन्‍डवाँ ले़ये, खोमि अधिनबेॽ पेन्‍नुङ्‌रेॽ माहाजि निवाहाङ्‌डे़ॽ मिॽपॽआडोक्‍नोॽ खिरिस्‍टबेॽ बेॽलो बेॽलो लिम्‍मे।

कलस्‍सि 3:14

इघा चोप्‍पाङ बेॽलो हे़निङ्‌मि रुम्‍बेॽ नम्‍नम टुमा खे़ये, इन्‍ढोङ्‌होङ नम्‍नमडे़ॽ याॽमि इक्‍को टोङ्‌इये।

कलस्‍सि 4:3

के़ॽ सुसमाचार परचार ले़ःॽपॽआसे़ॽ का तिरिङ्‌गा खिमबेॽ से़क्‍सिघे़टिङे। हागो खिरिस्‍टमि टुम्‍बेॽए लेमा छॽइये खा याॽमिजि परचार ले़ःॽमामि निवाहाङ्‌डे़ॽ कानिङ राम हेम्‍बेॽलो लुनुङ कानिङ्‌मि लागि पारथना ले़टानुमे।

कलस्‍सि 4:8

खोसे़ॽ कानिङ्‌मि टुम्‍बेॽ इःबेॽपॽआ खाडे़ॽ हे़निङे़ॽ बोल चुप्‍टानुमे लुनुङ्‌नोॽ के़ॽ खो हे़निङ्‌बेॽ पाङ्‌मे़ॽनिङ्‌सिनुङे।

१ थेस्‍लोनिकि 1:5

इन्‍ढोङ्‌होङ कानिङे़ॽ हे़निङ खेम्‍मेॽपॽआ सुसमाचार माङ्‌माङ्‌मा खा मे़ले़टा। तर सक्‍तिनुङ पबित्‍रा होङ्‌निवानुङ्‌मा चाइबमा खा ले़टे़। कानिङ हे़निङ्‌नुङ टुमाबेॽ कानिङ्‌मि हिङ्‌मवा इन्‍डोॽ ले़टे़ लुमे खा हे़निङे़ॽ नुरोॽ लेन्‍डानुमे।

१ थेस्‍लोनिकि 3:2

कानिङ्‌मि निसा तिमोथि, खिरिस्‍टमि सुसमाचार खेम्‍मेॽखुबा निवाहाङ्‌मि सेउते ले़ये। खो हे़निङ साहस पिनुङ बिस्‍वासबेॽ बोलियो टोङ्‌मामि कानिङे़ॽ हे़निङ्‌बेॽ पाक्‍सुङ्‌मा।

१ थेस्‍लोनिकि 5:14

वावानिसानुङ नानुसाजि, हे़निङ लुनिम्‍ने़ पाङ्‌सुघुबाजि नुरोॽ योम्‍बोक ले़ःॽचामा लुनुङ चेतवानि पिसानुमे, निङ्‌सिघे़ॽखुबाजि हाङ्‌हाङ पिसानुमे, किस्‍सिखुबाजि सहायता ले़टानुमे, मोबा चोप खा आङ्‌हेघुबा लिसानिङे।

१ तिमोथि 3:16

निवाहाङ्‌डे़ॽ कानिङ खाङ्‌मुबॽआ चाइबमा खा चइबानोॽ महान ले़ये, मो खा लुबॽआ चाहिँ खिरिस्‍ट चाहिँ याॽमि लिनुङ मक्‍खाम्‍डेमबेॽ लेस्‍सा, पबित्‍रा होङ्‌निवाबाङ धरमि ठहरबा लिसा, खो थाङ्‌सिरिदुतबाङ खाङ्‌मुसा, जाति जातिजिमि रुम्‍बेॽ खोमि परचार लिसा, मक्‍खाम्‍डेमबेॽहा याॽमिजिडे़ॽ बिस्‍वास ले़टुजिनुङ निवाहाङ्‌डे़ॽ खो महिमानुङ थाङ्‌सिरिॽटु लाघे़ॽटु।

हिब्‍रु 10:22

कानिङ्‌मि निवाहोङ्‌सिॽयुहा मङे़हा खा चोखो लिटहा, मोबा खिरिस्‍टमि हरिडे़ॽ कानिङ्‌मि हिङा वासोक्‍इटुए, मोडोगे़ॽ चोखो निवा, चाइबमा बिस्‍वासडे़ॽ ढुक्‍का लिनुङ कानिङ निवाहाङ्‌मि पोम्‍बेॽ खे़ॽमा।

हिब्‍रु 6:11

हे़निङ चोपजिमि इगो बिस्‍वास ए़क्‍साङ्‌ठोक टुडुङ्‌घे़ॽरो, मोबा हे़निङ्‌मि आसा पुरा लिये लुनुङ मिॽइटुङ्‌मे़।

२ पत्‍रुस 1:10

मोडोगे़ॽ वावानिसानुङ नानुसाजि, निवाहाङ्‌डे़ॽ हे़निङ के़ःॽपॽआनुङ से़म्‍बॽआ खा पक्‍का टोङ्‌मामि बोल ले़टानुमे। हे़निङे़ॽ इडोॽ ले़टानुमहोङ हे़निङ्‌मि बिस्‍वास इन्‍डोक्‍पेॽसो काङ्‌घे़ॽनिबा।

२ पत्‍रुस 1:3

धरमि हिङ्‌मवा हिङ्‌मामि लागि पाप्‍मिहा चोप खा निवाहाङ्‌मि सक्‍तिबाङ्‌नोॽ चुप्‍मिटुङ्‌मे, इन्‍ढोङ्‌होङ टाङ्‌बामि महिमानुङ भलाइबाङ कानिङ के़ःक्‍खुबा निवाहाङ कानिङे़ॽ लेटुङ्‌मे।

२ पत्‍रुस 3:18

तर कानिङ्‌मि परभुनुङ मुक्‍तिदाङ्‌बा येसु खिरिस्‍टमि अनुग्‍रहानुङ निवाबेॽ छना बेॽलो लिघडानिङे। खोमि हागोनुङ सानिङ महिमा लिरो। आमेन।

१ युहन्‍ना 3:19

मोडोगे़ॽ कानिङ चाइबमा खा लेघुबा याॽमिजि ले़न्‍डिङ्‌मा लुमे खा लेन्‍डुङ्‌मा मोबा कानिङ निवाहाङ्‌मि पोम्‍बेॽ मे़ङ्‌किस्‍सिरेॽ खे़ॽहेन्‍डिङ्‌मा।

१ युहन्‍ना 5:7

सुम्‍जि साक्‍छि टुम्‍मे