कलस्‍सि 1:9 - याम्फु

⁹ मोडोगे़ॽ कानिङे़ॽ मो खा खेम्‍बॽआ याकबाङ हे़निङ्‌मि लागि कानिङे़ॽ पारथना ले़ःॽमे़ॽनिङ्‌सिन्‍डुमे़। पबित्‍रा होङ्‌निवाडे़ॽ पिबॽआ निवानुङ निवाहाङ्‌डे़ॽ मिॽपॽआ नुबानुङ मङे़हा खा हे़निङे़ॽ चोप लेसानुमे लुनुङ कानिङ हे़निङ्‌मि लागि सानिङ पारथना ले़ःॽमे़ॽनिङ्‌सिन्‍डिङ्‌मे़।

कलस्‍सि 1:9 Iomraidhean Croise

युहन्‍ना 7:17

निवाहाङ्‌डे़ॽ नेन्‍जाबॽआ खा पालना ले़ःॽमा योक्‍खुबा याॽमि ले़म्‍मिहोङ, काङ्‌मि सिक्‍छे निवाहाङ्‌बाङ ले़येन्‍डे काबाङ ले़ये लुनुङ लेन्‍डुहा।

एप्‍पा चोङ्‌सा 12:5

पत्‍रुस तिरिङ्‌गा खिमबेॽ टुमाबेॽ मन्‍डलिबेॽहा याॽमिजिडे़ॽ खोमि लागि बेॽलो पारथना ले़ःॽमे़ॽनिङ्‌सिडुजे।

रोमि 12:2

हे़निङ मक्‍खाम्‍डेमबेॽहा याॽमिजि खाङ्‌नुङ खोजिडोॽ ए़लिसानिङे, तर टाङ्‌बामि निवा होङ्‌सिॽयुरा चोङ लिनुङ याक्‍लोहा आनिबानि लेडानुमे। मोडोॽ ले़टानुमहोङ निवाहाङ्‌डे़ॽ हे़निङ्‌बेॽ ले़ःॽमा नेन्‍जाबॽआनुङ पक्‍का योम्‍बोक इमाङ ले़ये लुनुङ लेहेन्‍डानुमे।

१ कोरिन्‍थि 1:5

इन्‍ढोङ्‌होङ हे़निङ निवाहाङ्‌डे़ॽ खिरिस्‍टबेॽ चोप खालहा आसिस पिटे़। मोडोगे़ॽ हे़निङ्‌बेॽ चोप खालहा यामुहेमे सक्‍तिनुङ लेहेमे निवा टुहा।

एफिसि 1:8

मो महान अनुग्‍रहा निवाहाङ्‌डे़ॽ कानिङ बेॽलो बेॽलो पिटे़।

एफिसि 5:10

मोबा परभुडे़ॽ इमा इमा खा नेन्‍जोन्‍डुए माहा खा लेमा योगानिङे।

एफिसि 5:17

मोडोगे़ॽ उम्‍बरिङ ए़ॽलिसानिङे, तर परभुडे़ॽ हे़निङे़ॽ इमा ले़ःॽपॽआ नेन्‍जोन्‍डुए मो खा नुरोॽ लेसानुमे।

एफिसि 6:6

हे़निङे़ॽ योम्‍बोक ले़ःॽमाबेॽ हे़निङ्‌मि मायोङ्‌बामि पोम्‍बेॽ खाङ्‌मुमामि लागिरेॽ योम्‍बोक ए़ले़टानुमे, तर खिरिस्‍टमि सेउतेडोॽ लिनुङ निवा होङ्‌सिॽयुबाङ निवाहाङ्‌डे़ॽ नेन्‍जबॽआ योम्‍बोक ले़टानुमे।

फिलिप्‍पि 1:4

के़ॽ पारथना ले़ःॽमाबेॽ सानिङ हे़निङ चोपमि लागि साप्‍थाङ्‌मानुङ पारथना ले़नुङे।

कलस्‍सि 1:6

इगो सुसमाचार हे़निङ्‌बेॽ लेङ्‌इटे़, मोबा चइबानोॽ इगो खा मक्‍खाम्‍डेमबेॽहा चोप याॽमिजिमि लागि बेॽलोनोॽ नुबा लिमे़ॽनिङ्‌सिये। मोडोक्‍नोॽ निवाहाङ्‌मि अनुग्‍रहामि टुम्‍बेॽ हे़निङे़ॽ चाइबमा खाबेॽ खेम्‍बॽआनुङ लेबॽआ याकबाङ सुसमाचारडे़ॽ हे़निङ्‌बेॽसो नुबा योम्‍बोक ले़ःॽमे़ॽनिङ्‌सिन्‍डुए।

कलस्‍सि 3:16

खिरिस्‍टमि बचन हे़निङ्‌मि निवा इॽठुप युक्‍सानुमे। टाङ्‌बामि चोप निवाडे़ॽ याॽमिजि इःडानुमेनुङ सल्‍लाह पिसानुमे। टाङ्‌बामि निवाबाङ सेमडे़ॽ ओहाङ पिसाङ खोमि महिमा ले़टानुमे।

कलस्‍सि 4:12

हे़निङ्‌मि इक्‍को लङ्‌गाम खिरिस्‍ट येसुमि सेउते इपाफरासडे़ॽसो हे़निङ सेवायो लुहाङ्‌इटे़। हे़निङ निवाहाङ्‌डे़ॽ मिॽपॽआडोक्‍नोॽ ले़ःॽखुबाजि, मोबा बिस्‍वासबेॽ पाको लिमिरो लुनुङ खोसे़ॽ सानिङ हे़निङ्‌मि लागि पारथना ले़न्‍डुए।

कलस्‍सि 4:5

येसुबेॽ बिस्‍वास मे़ले़ःॽपॽआजिनुङ बेबहार ले़ःॽमाबेॽ होसियारि लिनुङ बेबहार ले़टानुमे। हे़निङे़ॽ इन्‍डोक्‍पेॽ परचार ले़टोक्‍इन्‍डानुम मोडोक्‍पेॽ निवा टिनुङ परचार ले़टानुमे।

१ थेस्‍लोनिकि 1:3

हे़निङ्‌मि बिस्‍वासडे़ॽ ले़ःॽपॽआ योम्‍बोकनुङ नम्‍नमडे़ॽ ले़ःॽपॽआ मेहेनेत मोबा कानिङ्‌मि परभु येसु खिरिस्‍ट फेरि लेङ्‌इये खाबेॽ युङ्‌बॽआ आसाबेॽ हे़निङ हुङ्‌जाहेघुबा लिबॽआ कानिङे़ॽ निवाहाङ पाबामि पोम्‍बेॽ सानिङ मिॽइन्‍डुङ्‌मे़।

१ थेस्‍लोनिकि 5:17

सानिङ्‌नोॽ पारथना ले़टानिङे।

२ थेस्‍लोनिकि 1:11

मोडोगे़ॽ निवाहाङ्‌डे़ॽ हाम्‍बे हिङ्‌मवामि लागि हे़निङ के़ॽपॽआ ले़ये, मो हिङ्‌मवाबेॽ योग्‍य टोङ्‌मामिनुङ खोमि सक्‍तिडे़ॽ नुबा योम्‍बोक ले़ःॽमे निवा, मोबा बिस्‍वासमि योम्‍बोक पुरा ले़ःॽमाराप्‍लो लुनुङ कानिङ हे़निङ्‌मि लागि सानिङ्‌नोॽ पारथना ले़न्‍डिङ्‌मा।

फिलेमोन 1:4

निसा फिलेमोन, के़ॽ पारथना ले़ःॽमाबेॽ हे़न मिॽनुङ काङ्‌मि निवाहाङ सानिङ ओहाक पिनुङे़।

फिलेमोन 1:6

हे़ने़ए़ बिस्‍वासमि सङ्‌गतिडे़ॽ खिरिस्‍टबेॽ टुबॽआ कानिङ्‌हा चोप नुबा खा नुरोॽ लेहेमे निवा बेॽलो लिरो लुनुङ के़ॽ आम्‍मि लागि सानिङ पारथना ले़नुङे।

हिब्‍रु 10:36

निवाहाङ्‌डे़ॽ नेन्‍जाबॽआ योम्‍बोक ले़ःॽमानुङ खोसे़ॽ हेन्‍ज्‍रुङ हे़म्‍बॽआ खा चुप्‍मामि लागि हे़निङ पक्‍का लिसानिङे।

हिब्‍रु 13:21

हे़निङ चोप खालहा नुबा खाबेॽ पक्‍का लिमामि सहायात ले़ःॽरो, मोबा निवाहाङ्‌डे़ॽ नेन्‍जोन्‍डुए खा येसु खिरिस्‍टबाङ खोसे़ॽ हे़निङ्‌बेॽ पुरा लिरो। खोमि महिमा युग युगठोक लिरो। आमेन।

याकुब 1:5

हे़निङ असासो निवा पाप्‍मिहोङ निवाहाङ्‌नुङ ङागानुमे, मोबा खोसे़ॽ हे़निङ पिये, इन्‍ढोङ्‌होङ निवाहाङ चाहिँ मे़सुरके़ॽलेॽ पिघुबा ले़ये।

याकुब 3:17

तर थाङ्‌सिरिबाङ्‌ए निवागो चोखो ले़ये, सान्‍ति पिघुबा, सोझो, चोपनुङ टोङ्‌जाये। इडोक्‍मा निवा नम्‍नावानुङ्‌मा, मोबा नुबा योम्‍बोक ले़ःॽयाङ ले़ये। इडोक्‍मा निवा कप्‍टि ले़ःॽनिबानुङ पक्‍छेपात मे़ॽनिङ्‌मा ले़ये।

१ पत्‍रुस 2:15

इन्‍ढोङ्‌होङ हे़निङे़ॽ ले़ःॽपॽआ नुबा योम्‍बोकडे़ॽ उम्‍बरिङ याॽमिजिमि याबुक योङ उक्‍मेॽपॽआ निवाहाङ्‌डे़ॽ नेन्‍जोन्‍डुए।

१ पत्‍रुस 4:2

हागोएम्‍बाङ हे़निङ हिङ्‌रो याॽमिडे़ॽ मिॽटिडोॽ ने़ॽनि, तर निवाहाङ्‌डे़ॽ मिॽपॽआडोॽ हे़निङ्‌मि हिङ्‌मवाबेॽ ले़टानिङे।

१ युहन्‍ना 2:17

मक्‍खाम्‍डेमनुङ मोबेॽहा चोप थोकमि नोङ्‌सिमा नासि लिघे़हा, तर निवाहाङ्‌डे़ॽ मिॽपॽआ खा पुरा ले़ःॽखुबा चाहिँ सानिङ्‌मि लागि हिङ्‌इये।

१ युहन्‍ना 5:20

निवाहाङ्‌मि पसा लेस्‍सा, मोबा खोसे़ॽ कानिङ चाइबमा निवाहाङ लेमाराप्‍टा। इगो खा कानिङे़ॽ लेन्‍डुङ्‌मे़। हागो येसुडे़ॽ ले़ःॽमे़ॽ कानिङ ए़ॽसिमे हिङ्‌मवा पिघुबा चाइबमा निवाहाङ्‌मि याॽमिजि लिटिङ्‌मा।