कलस्‍सि 1:4 - याम्फु

⁴ इन्‍ढोङ्‌होङ खिरिस्‍ट येसुबेॽ हे़निङ्‌मि बिस्‍वासनुङ चोप पबित्‍रा याॽमिजिबेॽ हे़निङे़ॽ ले़ःॽपॽआ नम्‍नममि टुम्‍बेॽ कानिङे़ॽ खेम्‍इटुङ्‌मे।

कलस्‍सि 1:4 Iomraidhean Croise

२ कोरिन्‍थि 7:7

खो लेम्‍बॽआसे़ॽरेॽनोॽ ने़ॽनि तर खोसे़ॽ हे़निङ्‌बाङ चुप्‍पॽआ हौसलाबाङ कानिङे़ॽसो हौसला चुप्‍टुङ्‌मा। हे़निङ कानुङ बेॽलो चुप्‍मा मिङ्‌इटानिङ्‌रो लुनुङ खोसे़ॽ का लुबेॽटा। याक्‍लो हे़निङे़ॽ ले़ःॽपॽआ बिरोङ मिॽनुङ काङ्‌मि लागि दुःखि लिबॽआनुङ काङ्‌मि लागि हे़निङे़ॽ सुरता ले़ःॽपॽआ खासो का इःबेॽटिङा, इघा चोप खा खेम्‍नुङ का बेॽलो साप्‍थाक्‍सिङ।

गलाति 3:26

इन्‍ढोङ्‌होङ बिस्‍वास ले़ःॽपॽआसे़ॽनोॽ येसु खिरिस्‍टबेॽ हे़निङ चोप निवाहाङ्‌मि पसाजि लिटानिङे।

गलाति 3:28

मोडोगे़ॽ येसु खिरिस्‍टबेॽ बिस्‍वास ले़ःॽखुबाजिमि रुम्‍बेॽ यहुदिनुङ गिरिक, सेउतेनुङ फुक्‍का मोबा वडाङ्‌पसानुङ मेॽनामिॽ चोप खिरिस्‍टबेॽ इक्‍कोनोॽ ले़न्‍डिङ्‌मा।

गलाति 5:6

खिरिस्‍ट येसुमि पोम्‍बेॽ खतना ले़ःॽपॽआ याॽमिनुङ खतना मे़ले़ःॽपॽआ इक्‍कोनोॽ लिन्‍जे। तर पाप्‍मिये खा चाहिँ नम्‍नमनुङ योम्‍बोक ले़ःॽखुबा बिस्‍वास ले़ये।

एफिसि 1:15

मोडोगे़ॽनोॽ परभु येसुबेॽ हे़निङे़ॽ ले़ःॽपॽआ बिस्‍वासनुङ खिरिस्‍टमि पबित्‍रा चोप याॽमिजिमि लागि हे़निङे़ॽ ले़ःॽपॽआ नम्‍नम खेम्‍नुङ,

एफिसि 6:18

सानिङ पारथना ले़टानिङे, निवाहाङ्‌नुङ बोल ङागानुमे। सानिङ पबित्‍रा होङ्‌निवाबेॽ लिनुङ पारथना ले़टानुमे। इघा खा निवाबेॽ युङ्‌नुङ सानिङ होसियार लिमानुङ खिरिस्‍टमि पबित्‍रा याॽमिजिमि लागि पारथना ले़टानुमे।

कलस्‍सि 1:9

मोडोगे़ॽ कानिङे़ॽ मो खा खेम्‍बॽआ याकबाङ हे़निङ्‌मि लागि कानिङे़ॽ पारथना ले़ःॽमे़ॽनिङ्‌सिन्‍डुमे़। पबित्‍रा होङ्‌निवाडे़ॽ पिबॽआ निवानुङ निवाहाङ्‌डे़ॽ मिॽपॽआ नुबानुङ मङे़हा खा हे़निङे़ॽ चोप लेसानुमे लुनुङ कानिङ हे़निङ्‌मि लागि सानिङ पारथना ले़ःॽमे़ॽनिङ्‌सिन्‍डिङ्‌मे़।

१ थेस्‍लोनिकि 1:3

हे़निङ्‌मि बिस्‍वासडे़ॽ ले़ःॽपॽआ योम्‍बोकनुङ नम्‍नमडे़ॽ ले़ःॽपॽआ मेहेनेत मोबा कानिङ्‌मि परभु येसु खिरिस्‍ट फेरि लेङ्‌इये खाबेॽ युङ्‌बॽआ आसाबेॽ हे़निङ हुङ्‌जाहेघुबा लिबॽआ कानिङे़ॽ निवाहाङ पाबामि पोम्‍बेॽ सानिङ मिॽइन्‍डुङ्‌मे़।

१ थेस्‍लोनिकि 3:6

तर तिमोथि हे़निङ चुप्‍नुङ इगोबेॽ हागोनोॽ लेङ्‌इटे़। हे़निङ्‌बेॽ हागोसो बेॽलो नम्‍नमनुङ बिस्‍वास टुहा लुमे नुबा खा खेम्‍मेॽटा। मोबा हे़निङे़ॽ सानिङ्‌नोॽ कानिङ नम्‍नम ले़ःॽनुङ मिॽयुङ्‌इटानिङे ले़ए़ लुमे खासो खोसे़ॽ का खेम्‍मेॽटा।

२ थेस्‍लोनिकि 1:3

वावानिसाजि, हे़निङ बिस्‍वासबेॽ छना पक्‍का लिमे़ॽनिङ्‌सिन्‍डानिङे। नम्‍नम ले़ःॽखुसे़ॽचुमे खाबेॽसो हे़निङ नुबा ले़ःन्‍डानिङे। मोडोगे़ॽ हे़निङ्‌मि लागि सानिङ्‌नोॽ निवाहाङ ओहाक पिमानोॽ खे़ये।

फिलेमोन 1:5

इन्‍ढोङ्‌होङ परभु येसुबेॽ हे़ने़ए़ बिस्‍वासमि टुम्‍बेॽनुङ निवाहाङ्‌बेॽ बिस्‍वास ले़ःॽखु याॽमिजि हे़ने़ॽ नम्‍नम ले़ःॽपॽआ खा खेम्‍इटुङे।

हिब्‍रु 6:10

निवाहाङ्‌डे़ॽ अन्‍याय ले़टुनिबा, हे़निङ्‌मि योम्‍बोकनुङ निवाहाङ्‌मि याॽमिजि हे़निङे़ॽ ले़ःॽपॽआ नम्‍नम खोसे़ॽ मिन्‍डेडुनिबा। हे़निङ हागोसो मोडोक्‍नोॽ सेवा ले़ःॽमे़ॽसिन्‍डानिङे।

१ युहन्‍ना 3:14

कानिङे़ॽ लेमा खे़ये, कानिङ्‌गो सिघे़ये हिङाबाङ हिङ्‌रिक हिङ्‌मवाबेॽ सेम्‍बेटिङ्‌मा, इन्‍ढोङ्‌होङ कानिङे़ॽ बिस्‍वासि वावानिसानुङ नानुसाजि नम्‍नम ले़न्‍डुङ्‌मा। असे़ॽ बिस्‍वासि वावानिसानुङ नानुसाजि नम्‍नम ले़टुजिने माहाजि सिमवामि अधिनबेॽ सानिङ टुम्‍मे।

१ युहन्‍ना 3:23

निवाहाङ्‌मि आग्‍या चाहिँ इघानोॽ ले़हा- खोमि पसा येसु खिरिस्‍टबेॽ बिस्‍वास ले़ःॽमा खे़ये, मोबा खिरिस्‍टडे़ॽ लुडिडोॽ इक्‍कोसे़ॽ हाइको नम्‍नम ले़ःॽमा खे़ये।

१ युहन्‍ना 4:16

इडोॽ निवाहाङ्‌डे़ॽ नम्‍नम ले़ःॽपॽआ खा कानिङे़ॽ लेन्‍डुङ्‌मानुङ मोबाङ्‌नोॽ बिस्‍वास ले़न्‍डुङ्‌मा। निवाहाङ नम्‍नम ले़ये, मोडोगे़ॽ असाबेॽ नम्‍नम सानिङ टुये मो याॽमिबेॽ निवाहाङ टुये।